AMS Economyម្ចាស់អាជីវកម្មបែប SMEs អាចស្វែងរកកម្ចីបាន២របៀប ជាមួយអត្រាការប្រាក់ទាប
ភ្នំពេញ ៖ ជាមួយនឹងភាពប្រឈម និងដំណោះស្រាយបញ្ហានៃវិស័យ SME តាមរយៈការផ្ដល់ជំនួយជាបន្តបន្ទាប់របស់រដ្ឋាភិបាល ក៏ដូចជាក្រសួងសេដ្ឋកិច្ច និងហិរញ្ញវត្ថុ សហការជាមួយវិស័យឯកជន វិស័យមួយនេះបានរំដោះខ្លួនល្អប្រសើរជាងមុនទៅលើបញ្ហាដើមទុន និងមានភាពងាយស្រួលក្នុងការស្វែងរកកម្ចីដែលមានអត្រាការប្រាក់ទាប។
ទាក់ទិននឹងកម្ចីឥណទាននេះ លោកជំទាវ ឌិត នីតា អគ្គនាយិកានៃគ្រឹះស្ថានហិរញ្ញវត្ថុ ខេមា បានមានប្រសាសន៍ថា ម្ចាស់អាជីវកម្មខ្នាតតូច និងមធ្យមអាចរកបាននូវកម្ចីពីរប្រភេទ គឺកម្ចីពីធនាគារ SME និងកម្ចីពីសារជីវកម្មធានាឥណទានកម្ពុជា ជាមួយនឹងការប្រាក់ពី ៦% ទៅ ៧.៥% ទៅតាមវិស័យអាទិភាព និងមិនអទិភាព។
លោកជំទាវបានគូសបញ្ជាក់ដែរថា ៖
«ធនាគារ SME គឺជាជំនួយពីសំណាក់រាជរដ្ឋាភិបាលជាមួយទំហំទឹកប្រាក់រហូតទៅដល់ ១០០ លានដុល្លារអាមេរិក ដែលជាចំនួនច្រើនគ្រប់គ្រាន់សម្រាប់ផ្ដល់ជូនម្ចាស់អាជីវកម្ម។ ចំណែកឯមូលនិធិសារជីវកម្មវិញគឺកាន់តែមានភាពងាយស្រួលដល់ប្រជាពលរដ្ឋដែលនៅតាមបណ្ដាខេត្ត ដោយហេតុមូលនិធិនេះមានការចូលរួមសហការពីសំណាក់ធនាគារ និងគ្រិះស្ថានមីក្រូហិរញ្ញវត្ថុឯកជនជាច្រើនទៀត»
យ៉ាងណាមិញ សម្រាប់ម្ចាស់អាជីវកម្មដែលមានការខ្វះខាតនូវទ្រព្យបញ្ចាំ ម្ចាស់អាជីវកម្មអាចស្នើសុំកម្ចីទី២ គឺកម្ចីជាលក្ខណៈសារជីវកម្មធានារ៉ាប់រងឥណទាន ដែលអនុញ្ញាតធានាដល់ការកម្ចីឥណទានពី ៧0% រហូតទៅដល់ ៨០%។
ចំណែកឯលោកបណ្ឌិត អ៊ិន ចាន់នី ប្រធានសមាគមធនាគារនៅកម្ពុជា និងជាប្រធាននាយកប្រតិបត្តិរបស់ធនាគារអេស៊ីលីដា ភីអិលស៊ី ក៏បានមានប្រសាសន៍ដែរថា ចំពោះ SME បើចង់បានឥណទានដែលមានការប្រាក់ទាបពីធនាគារ អាចដាក់ពាក្យទៅមូនិធិសារជីវកម្ម ព្រមទាំង SME Bank ព្រោះមានមូនិធិគ្រប់គ្រាប់សម្រាប់ជួយជាពិសេសដល់ SMEs។
លោកបណ្ឌិតបានបន្តថា ៖
«តាមរយៈធនាគាអេស៊ីលីដា បានផ្ដល់ឥណទានដោយមានការបត់បែនមែនទែនទៅដល់អតិថិជន ជាក់ស្ដែងតម្លៃនៃការផ្ដល់ឥណទានក្នុងឆ្នាំ២០២០ និង២០២១ គឺទាបជាងឆ្នាំ២០១៩ រហូតទៅដល់ ២%ឯណោះ»
គួរបញ្ជាក់ថា ថ្វីបើរដ្ឋាភិបាលបានគិតគូរដល់ការបញ្ចេញទុនជូនធនាគារសម្រាប់ទុកផ្ដល់កម្ចីក្នុងទំហំធំក្ដី ក៏កម្រិតនៃការខ្ចីមិនបានហក់ឡើងខ្ពស់ដែរ។ មិនបានហក់ឡើងខ្ពស់មិនមែនមកពីធនាគារ ឬគ្រឹះស្ថានមីក្រូមិនបញ្ចេញឥណទាននោះទេ ប៉ុន្តែម្ចាស់អាជីវកម្មខ្លួនឯងមិនហ៊ានទទួលកម្ចីក្រោមហេតុផលនៃភាពមិនច្បាស់លាស់លើអាជីវកម្មរបស់ខ្លួន៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋាភិបាលខាតបង់ប្រាក់ចំណូលជាង ៣០០លានដុល្លារហើយ ដើម្បីទប់ស្កាត់ការឡើងថ្លៃប្រេង និងឧស្ម័នឥន្ធនៈ
Top News, ព្រឹត្តិការណ៍, សេដ្ឋកិច្ច
• 07/09/2026
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
មេដឹកនាំប៊ុលហ្គារី ៖ អឺរ៉ុបអាចរស់បានដោយគ្មានរុស្ស៊ី គ្រាន់តែលំបាកខ្លាំងបើធ្វើសត្រូវជាមួយរុស្ស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 07/09/2026
បើទោះបីជាគ្មានរុស្ស៊ី ក៏អឺរ៉ុបអាចរស់នៅបានដែរ គ្រាន់តែមិនអាចឈរជើងបានយូរអង្វែងប៉ុណ្ណោះប្រសិនបើជ្រើសរើសធ្វើជាសត្រូវជាមួយរុស្ស៊ី
អាល្លឺម៉ង់ ផ្តើមផលិតដ្រូន AI ជាង ៥ ពាន់គ្រឿងឱ្យអ៊ុយក្រែន អាចហោះបាន ១ ៥០០ គីឡូម៉ែត្រ
ព្រឹត្តិការណ៍, អាជីវកម្មថ្មី និងនវានុវត្ត
• 04/09/2026
ការផលិតយន្តហោះដ្រូនបំពាក់ AI ចម្ងាយមធ្យម និងចម្ងាយឆ្ងាយជាង ៥ ពាន់ គ្រឿង ដើម្បីផ្គត់ផ្គង់ទៅដល់ប្រទេសអ៊ុយក្រែនបានចាប់ផ្ដើមជាផ្លូវការហើយ
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សហភាពអឺរ៉ុបគ្រោងបង្កើនទុនវិនិយោគនៅកោះហ្រ្គីនឡែន និង ពង្រឹងទំនាក់ទំនងនយោបាយឱ្យកាន់តែជិតស្និទ្ធ ខណៈដែលលោក ដូណាល់ ត្រាំ ទាមទារចង់បានកោះនេះបញ្ចូលជាដែនដ...
ក្រសួងកសិកម្ម និងដៃគូពាក់ព័ន្ធ ពិនិត្យលទ្ធផលបេសកកម្ម ASPIRE-AT ផ្ដោតលើភាពធន់នៃសហគមន៍ជនបទ ក្នុងគ្រាវិបត្តិនយោបាយ និងសេដ្ឋកិច្ច
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
បើទោះបីជាគ្មានរុស្ស៊ី ក៏អឺរ៉ុបអាចរស់នៅបានដែរ គ្រាន់តែមិនអាចឈរជើងបានយូរអង្វែងប៉ុណ្ណោះប្រសិនបើជ្រើសរើសធ្វើជាសត្រូវជាមួយរុស្ស៊ី
ចិនគ្រោងនឹងបញ្ចេញថវិកាប្រមាណ ៣៦០ ពាន់លានយន់ ឬស្មើប្រមាណ ៥៤ ពាន់លានដុល្លារ ដើម្បីចាក់បញ្ចូលទៅក្នុងវិស័យហិរញ្ញវត្ថុរបស់ខ្លួន...
ការសិក្សាស្រាវជ្រាវលើកដំបូងនៅកម្ពុជា ស្តីពី «សហគមន៍កសិកម្មទំនើប» បានបង្ហាញថា កសិករដែលចូលរួមក្នុងសហគមន៍ប្រភេទនេះទទួលបានល...
ចាប់ផ្តើមពីអាជីវកម្មគ្រួសារកាលពីឆ្នាំ២០១៦ សិប្បកម្មកែច្នៃសាច់ស្រស់ក្នុងស្រុក «ជីលីណា» (Chilyna) បានវិវត្តខ្លួនក្លាយជាសិប្...
ការផលិតយន្តហោះដ្រូនបំពាក់ AI ចម្ងាយមធ្យម និងចម្ងាយឆ្ងាយជាង ៥ ពាន់ គ្រឿង ដើម្បីផ្គត់ផ្គង់ទៅដល់ប្រទេសអ៊ុយក្រែនបានចាប់ផ្ដើមជាផ្លូវការហើយ
កម្មវិធីពិសេសរបស់ AMS ECONOMY
