AMS Economyយល់ដឹងពីសារៈសំខាន់នៃផលិតផលគ្រាប់ធញ្ញជាតិអ៊ុយក្រែនចំពោះពិភពលោក
កិច្ចព្រមព្រៀងថ្មីលើការបើកផ្លូវឲ្យផលិតផលគ្រាប់ធញ្ញជាតិអ៊ុយក្រែនអាចធ្វើការនាំចេញវិញជាធម្មតាតាមច្រកសមុទ្រខ្មៅបានក្លាយទៅជាដំណឹងដ៏ល្អបំផុតមួយរបស់ពិភពលោកនៅក្នុងវិវត្តចុងក្រោយនៃជម្លោះរវាងអ៊ុយក្រេន និងរុស្ស៊ី។
គ្រាប់ធញ្ញជាតិប្រមាណជា២០លានតោនដែលកំពុងកកស្ទះនៅក្នុងប្រទេសអ៊ុយក្រែនចាប់តាំងតែពីពេលមានជម្លោះដោយយោធា ហើយក្រោយរដូវច្រូតកាត់រួចរាល់គ្រាប់ធញ្ញជាតិនឹងអាចកើនឡើងដល់ទៅ៧៥លានតោនគិតត្រឹមចុងឆ្នាំ២០២២។ នេះបើយោងតាមការបញ្ជាក់ដោយប្រធានាធិបតីអ៊ុយក្រែន លោក Volodymry Zelensky ។
តើហេតុអ្វីបានជាប្រទេសជាច្រើននៅលើសកលលោកទន្ទឹងរង់ចាំកិច្ចព្រមព្រៀងនេះ ហើយថាតើគ្រាប់ធញ្ញជាតិរបស់អ៊ុយក្រែនមានសារៈសំខាន់យ៉ាងណចំពោះសកលលោក?
ដំបូងយើងសង្កេតមើលឃើញទាំងអស់គ្នាហើយថា ចាប់តាំងតែពីពេលដែលរុស្ស៊ីបានសម្រេចចិត្តរាំងខ្ទប់ផ្លូវនាំចេញគ្រាប់ធញ្ញជាតិរបស់អ៊ុយក្រែនមកតម្លៃអាហារនៅលើពិភពលោកគឺមានការកើនឡើងឥតឈប់ឈរខណៈដែលចំណីអាហារនៅតាមបណ្តាប្រទេសក្រីក្រមួយភាគធំកំពុងមានការខ្វះខាតក្នុងកម្រិតធ្ងន់ធ្ងរ។ ចុងក្រោយនេះពិភពលោកក៏បានទទួលរងនូវការព្រមានពីអ្នកជំនាញល្បីៗថានឹងប្រឈមមុខទៅនឹងបទពិសោធថ្មីនៃវិបត្តិស្បៀងអាហារផងដែរបន្ថែមពីលើវិបត្តិជាច្រើនទៀត។
គិតត្រឹមផលិតផលជាស្រូវសាឡីរបស់អ៊ុយក្រែនប៉ុណ្ណោះ កាលពីរបាយការណ៍ឆ្នាំ២០២១ រដ្ឋាភិបាលទីក្រុងគៀវបាននាំចេញទៅកាន់បណ្តាប្រទេសស្ទើរគ្រប់តំបន់នៃពិភពលោកចាប់រាប់តាំងពីប្រទេសអេត្យូពី លីប៊ី ទុយនេស៊ី ម៉ារ៉ុក ហ្វីលីពីន យេមែន តួគី បង់ក្លាដេស ឥណ្ឌូនេស៊ី និងអេហ្ស៊ីប ក្នុងបរិមាណរាប់សិបលានតោន។
ក្នុងនាមជាប្រទេសនាំចេញគ្រាប់ធញ្ញជាតិធំបំផុតទី៤របស់ពិភពលោក អ៊ុយក្រែន ក៏ជាអ្នកផលិត និងផ្គត់ផ្គង់ប្រេងឆាដល់ទៅ៤២ភាគរយនៃការប្រើប្រាស់របស់ទីផ្សារសកល ការនាំចេញពោត១៦ភាគរយនៃទីផ្សារពិភពលោក និងស្រូវសាឡីប្រមាណជា៩ភាគរយនៃទីផ្សារសកលលោកផងដែរ។
ចាប់តាំងពីពេលមានវិបត្តិមក អ៊ុយក្រែនមិនអាចនាំគ្រាប់ធញ្ញជាតិចេញបានពីប្រទេសឡើយដែលវាបានធ្វើឲ្យទីផ្សារក្នុងតំបន់អាហ្វ្រិកទាំងមូលបានទទួលរងនូវភាពខ្វះខាតផ្នែកស្រូវសាឡីដល់ទៅ៤០ភាគរយ ខណៈដែលចំណីអាហារនៅទូទាំងតំបន់កំពុងខ្វះខាតដល់ទៅ៣០លានតោន និងបានរុញឲ្យតម្លៃអាហារនៅក្នុងតំបន់កើនឡើងដល់ទៅ៤០ភាគរយ។
ក្រៅពីនោះប្រទេសដែលកំពុងរងផលប៉ះពាល់ធ្ងន់ធ្ងរពីការកកស្ទះនៃគ្រាប់ធញ្ញជាតិរបស់អ៊ុយក្រែននោះមានដូចជា នីហ្សេរីយ៉ា តម្លៃអាហារជាពិសេសនំប័ង និងប៉ាស្តា កើនឡើងដល់ទៅ៥០ភាគរយ ខណៈដែលនៅប្រទេសយេមែន តម្លៃអាហារកើនឡើងពី២៥ភាគរយទៅដល់៤២ភាគរយតាមប្រភេទ ហើយតម្លៃនំប័ងនៅក្នុងប្រទេសហ្សីរីបានកើនឡើងទ្វេដង។ ទោះបីជាយ៉ាងណាក្តី មកដល់ពេលនេះកិច្ចព្រមព្រៀងរវាងអ៊ុយក្រែន និងរុស្ស៊ី ត្រូវបានធ្វើឡើងជាស្ថាពរដោយមានការចូលរួមសាក្សី និងហត្ថលេខាផងដែរពីសំណាក់ប្រទេសតួគី និងអង្គការសហប្រជាជាតិ ដើម្បីធ្វើយ៉ាងណាឲ្យដំណើរការចែកចាយផលិតផលគ្រាប់ធញ្ញជាតិរបស់អ៊ុយក្រែនអាចប្រព្រឹត្តទៅយ៉ាងរលូនដោយគ្មានការជួញដូរខុសច្បាប់ គ្មានការរារាំងសាជាថ្មី និងសង្ឃឹមថាអាចធ្វើឲ្យវិបត្តិនៃការកើនឡើងតម្លៃអាហាររបស់ពិភពលោកនឹងអាចវិលត្រឡប់ល្អប្រសើរវិញនាពេលខាងមុខនេះ៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
កម្មវិធីពិសេសរបស់ AMS ECONOMY
