AMS Economyការផ្គត់ផ្គង់បន្លែក្នុងរាជធានីភ្នំពេញចាប់ផ្តើមមានកំណើនឡើងវិញ
មិនថាចំពោះការបោះដុំបន្លែ ឬការលក់រាយនៅតាមភូមិសាស្ត្ររាជធានីភ្នំពេញនោះទេ (លើកលែងតំបន់ក្រហម) ចាប់ផ្តើមមានភាពធូស្រាលជាងមុនបន្តិច ខណៈដែលរាជរដ្ឋាភិបាលសម្រេចអនុញ្ញាតឱ្យមានចរាចរណ៍ទូលាយទាំងនៅក្នុងរាជធានីភ្នំពេញ និងតាមបណ្តាខេត្តដែលអាចជួយទប់លំនឹងសេដ្ឋកិច្ចរបស់ប្រជាពលរដ្ឋប្រកបអាជីវកម្មពាក់ព័ន្ធនៅក្នុងស្ថានការណ៍ដែលកំពុងប្រឈមនាពេលបច្ចុប្បន្ននេះ។
បើទោះជាបណ្តាផ្សាររដ្ឋ និងមិនមានរៀបរយនានានៅក្នុងរាជធានីភ្នំពេញ និងនៅតាមបណ្តាខេត្តក្រុងមួយចំនួនដែលបានផ្អាកបណ្តោះអាសន្ននៅមិនទាន់អនុញ្ញាតឱ្យបើកដំណើរការឡើងវិញក៏ដោយ បន្តែសម្រាប់មុខរបរ និងការផ្គត់ផ្គង់បន្លែគ្រប់មុខបានចាប់ផ្តើមរើបឡើងវិញបន្តិចក្រោយការបិទខ្ទប់ក្នុងភូមិសាស្ត្ររាជធានីភ្នំពេញ និងក្រុងតាខ្មៅខេត្តកណ្តាលត្រូវបានបញ្ចប់ ហើយការឆ្លងរាលដាលកូវីដ-19 ក៏ត្រូវបានគ្រប់គ្រងសភាពការណ៍បានល្អជាងមុន។
លោកស្រី រិទ្ធ ចន្ថា ប្រធានបណ្តុំកសិករផលិតបន្លែស្ថិតនៅក្នុងភូមិត្រពាំងក្រពើ ឃុំទឹកហូត ស្រុករលាប្អៀ ខេត្តកំពង់ឆ្នាំង បានប្រាប់ AMS ឱ្យដឹងថានៅក្នុងអំឡុងខែមេសាកន្លងទៅ ការនាំចេញបន្លែទៅកាន់ទីផ្សារគឺមានការធ្លាក់ចុះយ៉ាងគំហុកខណៈដែលទីផ្សារសំខាន់ធំៗនៅក្នុងរាជធានីភ្នំពេញសុទ្ធតែត្រូវបានផ្អាក ហើយទីផ្សារតាមបណ្តាខេត្តមួយចំនួនទៀតក៏ត្រូវរឹតបណ្តឹងក្នុងការដឹកជញ្ជូនចេញ-ចូល ដែលធ្វើឱ្យប្រជាកសិករទទួលរងនូវការខាតបង់យ៉ាងធ្ងន់ធ្ងរដោយសារគ្មានទីផ្សារ ខណៈដែលការបង្កើនផលនៅតែរក្សាបរិមាណដដែល។
លោកស្រី រិទ្ធ ចន្ថា បានមានប្រសាសន៍ថា ៖
“ពេលនោះបន្លែរបស់សមាគមត្រូវបានផ្ទេរទៅលក់នៅទីផ្សារក្នុងខេត្តរបស់ខ្លួនស្ទើរទាំងស្រុង ខណៈដែលតម្លៃធ្លាក់ចុះ។ ប៉ុន្តែ ក្រោយពីរាជរដ្ឋាភិបាលបានបញ្ចប់ការបិទខ្ទប់ បន្លែរបស់សមាគម និងការដឹកជញ្ជូនទៅកាន់ភ្នំពេញមានភាពល្អប្រសើរឡើងវិញ ទោះជានៅផ្សារធំៗនៅមិនទាន់បើកដំណើរការ ប៉ុន្តែការជំរុញបន្លែទៅលើទៅផ្សារគឺបានធូរស្រាលមួយកម្រិតធំ ដោយប្រែពីការទម្លាក់នៅផ្សារ មកទម្លាក់នៅតាមបណ្តាហាងអាហារដ្ឋានដែលជាម៉ូយធ្លាប់ទិញនោះវិញ”
លោក ទួត សេងហ័ង អ្នកតំណាងទីផ្សារនៃសមាគមត្រសក់ផ្អែមសៀមរាបមានជ័យ បានមានប្រសាសន៍ដែរថា ទាក់ទងនឹងការបញ្ជាទិញក្នុងស្ថានភាពបិទខ្ទប់ កាលពីពេលកន្លងទៅនេះគឺមានការធ្លាក់ចុះ ប៉ុន្តែមិនដល់ចំណុចសូន្យនោះទេ ព្រោះភាគច្រើនបន្លែ ផ្លែឈើរបស់សមាគមគឺជាការបញ្ជាទិញតាមរយៈផ្សារទំនើប។
លោកបន្តថា ៖
“ការដឹកមកកាន់ទីក្រុងភ្នំពេញ មានផ្សារឡាក់គី ផ្សារម៉ាក្រូ ផ្សារអ៊ីអន និងផ្សារជីបម៉ុងជាដើម។ សម្រាប់តម្រូវការទីផ្សារទិន្នផលកសិផលរបស់សមាគមរហូតមកដល់ពេលនេះនៅតែបន្តធ្លាក់ចុះដដែល បើទោះជាស្ថានភាពនៃការបិទខ្ទប់ត្រូវបានបញ្ចប់ក៏ដោយ។ ទោះជាយ៉ាងនេះ ខ្ញុំសង្ឃឹមថា តម្រូវការពីបណ្តាទីផ្សារទាំងនេះនឹងមានកំណើនឡើងវិញក្នុងពេលឆាប់ៗខាងមុខនេះ ខណៈដែលអាជីវកម្មមួយចំនួនចាប់ផ្ដើមអនុញ្ញាតឱ្យមានដំណើរការឡើងវិញ”
ដោយឡែក ប្រធានសហគមន៍សំបូរមានជ័យ លោក អេង ថុង ដែលជាផ្គត់ផ្គង់បន្លែ ផ្លែឈើមួយចំនួនដល់ផ្សារម៉ាក្រូ និងកន្លែងសួនចិញ្ចឹមសត្វសាហ្វារីវើល ក៏បានប្រាប់ឱ្យដឹងដែរថា បច្ចុប្បន្នលោកអាចដឹកបន្លែបង្ការបានវិញហើយ ដោយក្នុងមួយសប្ដាហ៍ចំនួន3ដង ទៅតាមអ្វី ដែលខាងភ្នំពេញបានបញ្ជាទិញ ហើយតម្លៃគឺនៅរក្សាគ្រាមុនស្ថានភាពកូវីដ។
លោក អេង ថុង បានមានប្រសាសន៍ថា ៖
“សម្រាប់ម៉ាក្រូគឺយើងដឹកយកមកតាមការបញ្ជាទិញ មានចេកណាំវ៉ា ពងមាន់ ស្វាយ ដោយយោងតាមតារាងតម្លៃ នៃកិច្ចព្រមព្រៀងតាំងពីមុនមក។ ចំណែកឯសួនសត្វយើងដឹកចេកណាំវ៉ា នឹងដើមចេកប្រមាណ 7តោន ហើយដើមអំពៅមួយខែ 400បាច់ ដោយក្នុងមួយ1បាច់ មានទម្ងន់15គីឡូក្រាម”
[ads-global layout_id=6 position_id=1 ads_size=2]
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អុីស្រាអែល ទិញរោងចក្រផលិតរថយន្តដ៏ល្បីរបស់អាល្លឺម៉ង់ ប្ដូរទៅផលិតជាអាវុធទំនើបវិញ
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។ យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael
ផ្លូវសមុទ្រខាងជើង NSR ក្លាយជាសមរភូមិសាស្ត្រនយោបាយថ្មីរបស់មហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្រជែងអំណាចរវាងមហាអំណាចក្នុងសតវត្សរ៍ទី២១
[ads-global layout_id=6 position_id=2 ads_size=2]
កម្មវិធីពិសេសរបស់ AMS ECONOMY
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ចិនប្រកាសចាត់វិធានការប្រឆាំងការលក់បង្ខូចតម្លៃលើការនាំចូលសារធាតុគីមីមួយប្រភេទពីប្រទេសជប៉ុន ដែលប្រើប្រាស់ក្នុងការផលិតបន្ទះឈីប
ភ្នំពេញ ៖ គិតចាប់ពីខែមករា ដល់ដំណាច់ខែកក្កដា ឆ្នាំ២០២៦កន្លងទៅនេះ យ៉ាងហោចណាស់មានគម្រោងវិនិយោគបង្កើតតំបន់សេដ្ឋកិច្ចពិសេសចំនួន៧ ត្រូវបានក្រុមប...
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិ...
ក្រសួងពាណិជ្ជកម្ម បានបន្តរៀបចំ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣ (3rd Digital trade Forum - 3d DTF) ក្រោមមូលបទ «ជំរុញពាណិជ្ជកម្...
ខេត្តក្រចេះបានដាក់ឱ្យអនុវត្តផែនការអភិវឌ្ឍន៍ទេសចរណ៍ឆ្នាំ ២០២៦-២០៣០ ដោយកំណត់ទិសដៅអភិវឌ្ឍវិស័យទេសចរណ៍ឱ្យកាន់តែមានគុណភាព ទាក់ទា...
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្...
តម្លៃប្រេងឆៅបានហក់ឡើងដល់កម្រិតខ្ពស់បំផុតក្នុងរយៈពេល ៦ សប្តាហ៍ ដោយតម្លៃប្រេង Brent ខិតជិត ១០០ ដុល្លារក្នុងមួយបារ៉ែល បន្ទាប់...
សមាគមមីក្រូហិរញ្ញវត្ថុកម្ពុជា ក្រោមការគាំទ្រផ្នែកហិរញ្ញវត្ថុពីស្ថានទូតអៀរឡង់នៅប្រទេសវៀតណាម តាមរយៈអង្គការ Oxfam នៅកម្ពុជា និងការគាំទ្រផ្នែកបច្ចេកទេស...
កម្មវិធីពិសេសរបស់ AMS ECONOMY
