AMS Economyអាស៊ីទិញប្រេងបញ្ចុះតម្លៃពីរុស្ស៊ី បន្ទាប់ពីអឺរ៉ុបដែលបានដកខ្លួនចេញ
អន្តរជាតិ ៖ កំណើននៃតម្រូវការប្រេងបញ្ចុះតម្លៃរបស់រុស្ស៊ីនៅលើទីផ្សារអាស៊ី កំពុងជំនួសឱ្យទីផ្សារអឺរ៉ុបដែលដកខ្លួនចេញ និងធ្វើឱ្យជះឥទ្ធិពលដល់កិច្ចខិតខំប្រឹងប្រែងរបស់បស្ចិមលោកក្នុងការទណ្ឌកម្មក្រុងម៉ូស្គូចំពោះការឈ្លានពានអ៊ុយក្រែន ពេលដែលវិមានក្រឹមឡាំងនៅតែបន្តរកចំណូលបាន។
ប្រទេសធំៗនៅអាស៊ីចំនួន២ រួមមានចិន និងឥណ្ឌា បានបង្កើនការទិញប្រេងរុស្ស៊ីរបស់ខ្លួន ហើយការនាំចូលរបស់ចិនកើនឡើងដល់កម្រិតខ្ពស់បំផុតក្នុងអត្រា ២៨ ភាគរយនៅខែឧសភា ធៀបនឹងខែមេសា ធ្វើឱ្យរុស្ស៊ី វ៉ាដាច់អារ៉ាប៊ីសាអូឌីត ក្នុងនាមជាអ្នកផ្គត់ផ្គង់ធំបំផុតរបស់ចិន។ ចំណែកឯទិន្នន័យដឹកជញ្ជូនពីក្រុមហ៊ុនស្រាវជ្រាវទីផ្សារ Kpler បង្ហាញថា ការនាំចូលប្រេងរុស្ស៊ីរបស់ឥណ្ឌាឡើងដល់ ៧៦០ ០០០ បារ៉ែល/ថ្ងៃ ពីចំណុចសូន្យនៅដើមឆ្នាំ។
យ៉ាងណាក៏ដោយ ទោះបីជាកូរ៉េខាងត្បូង និងជប៉ុនកាត់បន្ថយប្រេងពីរុស្ស៊ីក្ដី ប៉ុន្តែបរិមាណទាំងនោះត្រូវបានជំនួសដោយចិន និងឥណ្ឌាវិញ។ សម្រាប់ឥណ្ឌា កំណើននៃការនាំចូលបានជំនួសឱ្យប្រេងពីអឺរ៉ាក់ និងអារ៉ាប៊ីសាអូឌីត ដែលភាគច្រើនត្រូវបញ្ជូនទៅកាន់រោងចក្រចម្រាញ់ប្រេងនៅ Sika និង Jamnagar នៅឆ្នេរសមុទ្រភាគខាងលិចនៃប្រទេសឥណ្ឌា។
ប្រធានាធិបតីរុស្ស៊ី លោក វ៉្លាឌីមៀ ពូទីន និយាយនៅក្នុងសុន្ទរកថាវីដេអូមួយទៅកាន់កិច្ចប្រជុំកំពូលពាណិជ្ជកម្មនៃបណ្ដាប្រទេស BRICS កាលពីថ្ងៃពុធថា៖
”ការផ្គត់ផ្គង់ប្រេងរបស់រុស្ស៊ីទៅកាន់ប្រទេសចិន និងឥណ្ឌា កំពុងកើនឡើងគួរឱ្យកត់សម្គាល់”
លោក Viktor Katona អ្នកវិភាគប្រចាំក្រុមហ៊ុន Kpler និយាយថា៖
“អាស៊ីសន្សំសំចៃផលិតកម្មប្រេងឆៅរបស់រុស្ស៊ី។ ជំនួសឱ្យការធ្លាក់ចុះបន្ថែមទៀត ការនាំចេញប្រេងរបស់រុស្ស៊ីឡើងទៅស្ទើរតែជិតដល់កម្រិតមុនជំងឺរាតត្បាតផ្ទុះឡើង”
ដោយសារតែទណ្ឌកម្មពីលោកខាងលិច រុស្ស៊ីកំពុងលក់ប្រេងរបស់ខ្លួនដោយបញ្ចុះតម្លៃ។ ទោះយ៉ាងណា ការកើនឡើងនៃតម្លៃថាមពល ក៏ធ្វើឱ្យចំណូលរបស់ប្រទេសនេះពីវិស័យថាមពលកើនឡើង។ យោងតាមទីភ្នាក់ងារថាមពលអន្តរជាតិ រុស្ស៊ីរកចំណូលបានពីប្រេងចំនួន ២០ ប៊ីលានដុល្លារក្នុងខែឧសភា ច្រើនជាងខែមេសាចំនួន ១,៧ ប៊ីលានដុល្លារ។
ការទិញរបស់បណ្ដាប្រទេសនៅអាស៊ី អនុញ្ញាតឱ្យក្រុងម៉ូស្គូរក្សាកម្រិតផលិតកម្មរបស់ខ្លួន និងផ្ទុយពីការរំពឹងទុករបស់អ្នកវិភាគថាទិន្នផលប្រេងរបស់ប្រទេសនេះនឹងធ្លាក់ចុះ។ ការបង្កើនទិញប្រេងរបស់រុស្ស៊ី សម្រាប់ឥណ្ឌា និងចិន ហាក់ដូចជាបង្ហាញការគាំទ្រទៅលើសង្រ្គាមនៅអ៊ុយក្រែនដោយប្រយោល ខណៈប្រទេសទាំង២បរាជ័យក្នុងការថ្កោលទោសរុស្ស៊ីជុំវិញសកម្មភាពរបស់ខ្លួន ស្របពេលសហភាពអឺរ៉ុប ដែលនាំចូលប្រេងរុស្ស៊ីជាង ២ លានបារ៉ែល/ថ្ងៃមុនសង្រ្គាមផ្ទុះឡើង ចាប់ផ្ដើមដកខ្លួនដើម្បីថ្កោលទោសក្រុងម៉ូស្គូ។
កន្លងមក ខណៈដែលចិនបង្ហាញពីកិច្ចសហការផ្សេងៗជាមួយរុស្ស៊ី ឥណ្ឌាធ្លាប់និយាយថា ខ្លួនមានសិទ្ធិក្នុងការទិញប្រេងពីរុស្ស៊ី ដោយមិនត្រូវការបស្ចិមលោកយកវាមកធ្វើនយោបាយនោះទេ។ ជាមួយគ្នានោះ ស្របពេលដែលតម្លៃប្រេងពិភពលោកហក់ឡើងខ្ពស់ ក្រសួងប្រេង និងឧស្ម័នធម្មជាតិឥណ្ឌានិយាយថា ការដកខ្លួនចេញពីការនាំចូលប្រេងពីរុស្ស៊ីរបស់ឥណ្ឌា និងធ្វើឱ្យបញ្ហាកាន់តែយ៉ាប់យឺន។
ក្រោមការអំពាវនាវដាក់សម្ពាធរុស្ស៊ី កាលពីចុងខែឧសភា រដ្ឋមន្ត្រីការបរទេសអ៊ុយក្រែន ឌ្មីដ្រូ គូបេឡា (Dmytro Kuleba) និយាយថា៖
“ការដាក់ទណ្ឌកម្មប្រេង នឹងបង្កើនល្បឿននៃការរាប់ថយក្រោយឆ្ពោះទៅកាន់ការដួលរលំនៃសេដ្ឋកិច្ចរុស្ស៊ី និងម៉ាស៊ីនសង្រ្គាម»”
ប៉ុន្តែខណៈការលក់ប្រេងឆៅរបស់រុស្ស៊ី ធ្លាក់ចុះចំនួន ៥៥៤ ០០០ បារ៉ែល/ថ្ងៃទៅកាន់អឺរ៉ុបពីខែមីនា-ឧសភា ក្រុមហ៊ុនចម្រាញ់ប្រេងនៅអាស៊ី បង្កើនការទទួលយករបស់ខ្លួនចំនួន ៥០៣ ០០០ បារ៉ែល/ថ្ងៃ ដែលស្ទើរតែអាចជំនួសបានទាំងស្រុងពីទីផ្សាអឺរ៉ុប។ ក្នុងចំណោមនោះ ១៦៥ ០០០ បារ៉ែលត្រូវបានបញ្ជូនទៅចិន ជំនួសឱ្យការដឹកទៅកំពង់ផែបាល់ទិកនៅអឺរ៉ុប និងសមុទ្រខ្មៅតាមទម្លាប់។ ការលក់របស់រុស្ស៊ីទៅឱ្យឥណ្ឌា កើនឡើងដល់ ៨៤១ ០០០ បារ៉ែល/ថ្ងៃក្នុងខែឧសភា ពោលគឺ ៨ ដងនៃចំនួនជាមធ្យមប្រចាំឆ្នាំធៀបនឹងឆ្នាំមុន។
អ្នកជំនាញផ្នែកទំនិញនៅធនាគារ J.P. Morgan ប៉ាន់ប្រមាណថា ចិនអាចទិញប្រេងឆៅរុស្ស៊ីបន្ថែមរាប់លានបារ៉ែលក្នុងមួយថ្ងៃ ពេលចិនធូរស្បើយពីកូវីដ ហើយព្យាយាមទិញប្រេងឆៅបំពេញស្តុកក្នុងតម្លៃថោក។ កាលពីដើមខែ តម្លៃជួញដូរលើទីផ្សារប្រេងអន្តរជាតិដូចជាម៉ាក Brent ឡើងដល់លើស ១២០ ដុល្លារ/បារ៉ែល ប៉ុន្តែប្រេងឆៅរុស្ស៊ី Urals លក់ត្រឹម ៩០ ដុល្លារ/បារ៉ែលប៉ុណ្ណោះ នាពេលនោះ។
យោងតាមអ្នកវិភាគ ការរួមបញ្ចូលគ្នានៃតម្លៃប្រេងថោករបស់រុស្ស៊ី និងតម្លៃប្រេងខ្ពស់នៅកន្លែងចាក់សាំង ធ្វើឱ្យក្រុមហ៊ុនប្រេងឥណ្ឌាទទួលបានផលចំណេញទ្វេដង។ ខណៈការផ្តល់ហិរញ្ញប្បទានដល់នាវាដឹកជញ្ជូនបានបង្កើនថ្លៃដើម ការបញ្ចុះតម្លៃប្រេងរបស់រុស្ស៊ីនៅតែទាក់ទាញអ្នកទិញនៅអាស៊ី។ ធានាគារ JP Morgan ប៉ាន់ប្រមាណថា រុស្ស៊ីអាចដឹកជញ្ជូនប្រេងប្រហែល៣លានបារ៉ែល/ថ្ងៃទៅកាន់ទ្វីបអាស៊ី ហើយឥណ្ឌា និងចិនជាអ្នកធានារ៉ាប់រង។
មជ្ឈមណ្ឌលស្រាវជ្រាវថាមពល និងខ្យល់ស្អាតដែលមានមូលដ្ឋាននៅហ្វាំងឡង់និយាយថា ប្រេងដែលចម្រាញ់រួច អាចដឹកបន្ដទៅសហរដ្ឋអាមេរិក អង់គ្លេស បារាំង និងអ៊ីតាលី។ នៅពេលប្រេងឆៅចម្រាញ់ទៅជាប្រេងម៉ាស៊ូត គ្មាននរណាម្នាក់អាចបែងចែកថាតើផលិតផលដែលត្រូវបានបញ្ជូនទៅអឺរ៉ុប និងកន្លែងផ្សេងទៀតមានប្រភពពីរុស្ស៊ីនោះទេ៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋមន្ត្រីពាណិជ្ជកម្ម ៖ កិច្ចព្រមព្រៀង DEFA រំពឹងជួយជំរុញទំហំសេដ្ឋកិច្ចឌីជីថលអាស៊ានកើនឡើង ២ទ្រីលានដុល្លារអាម៉េរិក ក្នុងឆ្នាំ២០៣០
ជំនួញ, ព្រឹត្តិការណ៍, សេដ្ឋកិច្ច
• 14/09/2026
ភ្នំពេញ ៖ កិច្ចព្រមព្រៀង DEFA ( Digital Economy Framework Agreement ) ជាកិច្ចព្រមព្រៀងកម្រិតតំបន់អាស៊ានដំបូងគេបង្អស់លើពិភពលោក ដែលផ្ដោតជាពិសេសទៅលើការជួយសម្រួល និងពង្រឹងពាណិជ្ជកម្មតាមប្រព័ន្ធឌីជីថល និងសេដ្ឋកិច្ចឌីជីថលរវាងប្រទេសសមាជិកអាស៊ានទាំង១០ ។ កិច្ចព្រមព្រៀងនេះ គ្រោងនឹងចុះហត្ថលេខានៅអំឡុងខែវិច្ឆិកាខាងមុខនេះក្នុងកិច្ចប្រជុំកំពូលអាស៊ាននៅប្រទេសហ្វីលីពីន ដោយរំពឹងថា វានឹងជំរុញការធ្វើសេដ្ឋកិច្ចអនឡាញកើនឡើងទ្វេដង។ លោកជំទាវ
ចិន បង្ហាញគោលបំណងពង្រឹងតួនាទីមាស និងប្រាក់យ័នរបស់ខ្លួន នៅក្នុងកិច្ចប្រជុំកំពូលនៃបណ្តាប្រទេសជាសមាជិក BRICS
ព្រឹត្តិការណ៍, អាជីវកម្មថ្មី និងនវានុវត្ត
• 14/09/2026
បរទេស ៖ នៅក្នុងកិច្ចប្រជុំកំពូលនៃបណ្តាប្រទេសជាសមាជិក BRICS ដែលប្រព្រឹត្តទៅនៅក្នុងប្រទេសឥណ្ឌាកាលពីថ្ងៃចុងសប្តាហ៍កន្លងទៅនេះ រដ្ឋាភិបាលក្រុងប៉េកាំង បានបង្ហាញពីគោលបំណងពង្រឹងនូវតួនាទីរបស់មាសនៅក្នុងពិភពលោក ខណៈដែលខ្លួនកំពុងបង្កើនស្តុកទុកមាសដ៏សន្ធឹកសន្ធាប់ និងចង់ជំរុញការប្រើប្រាស់រូបិយប័ណ្ណជាតិ(លុយយ័ន)ឱ្យកាន់តែច្រើនឡើង ព្រមទាំងទទួលយកប្រព័ន្ធទូទាត់ប្រាក់ជម្រើសថ្មីៗផងដែរសម្រាប់សមាជិក និងដៃគូពាណិជ្ជកម្មដែលបានចូលរួម។ អត្ថបទមួយដែលបានចេញផ្សាយដោយកាសែតប៊ុលហ្គារី Novinata បានសរសេរថា ប្រទេសចិន នៅតែបន្តបង្កើនការស្តុកទុកមាសរបស់ខ្លួន ព្រមទាំងខិតខំពង្រីកឥទ្ធិពលទីផ្សារនៃការប្រើប្រាស់ប្រាក់យ័ននៅលើឆាកអន្តរជាតិឱ្យកាន់តែទូលាយ ដើម្បីអាចកាត់បន្ថយការពឹងផ្អែកលើប្រាក់ដុល្លារអាមេរិក ដែលកំពុងក្ក្លាយជាប្រធានបទដ៏សំខាន់មួយសម្រាប់បណ្តាប្រទេសកំពុងអភិវឌ្ឍន៍ ជាពិសេសគឺ
ក្រសួងរៀបចំដែនដីបង្ហាញទិសដៅថ្មីក្នុងការគ្រប់គ្រងតំបន់អង្គរ ដើម្បីពលរដ្ឋងាយស្រួលរស់នៅ និងប្រកបរបរចិញ្ចឹមជីវិត
Top News, ព្រឹត្តិការណ៍, សេដ្ឋកិច្ច
• 14/09/2026
សៀមរាប ៖ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបង្ហាញទិសដៅថ្មីក្នុងការគ្រប់គ្រង និងអភិវឌ្ឍតំបន់អង្គរ ដើម្បីធានាកិច្ចការពារប្រាសាទ និងផ្តល់ភាពកក់ក្តៅដល់ពលរដ្ឋក្នុងការរស់នៅ និងប្រកបមុខរបរចិញ្ចឹមជីវិតឱ្យប្រសើរ។ ក្រសួងរៀបចំដែនដី នគរូបនីយកម្ម និងសំណង់ បានដាក់ចេញនូវទស្សនទាន និងយុទ្ធសាស្ត្រគន្លឹះថ្មីក្នុងការគ្រប់គ្រង និងអភិវឌ្ឍតំបន់អង្គរ តាមរយៈការថ្លឹងថ្លែងឱ្យមានតុល្យភាពរវាង «ការអភិរក្សមរតកដូនតា» និង «សុខុមាលភាព
ឥណ្ឌា ពីប្រទេសនាំចូល ក្លាយជាអ្នកនាំចេញផ្នែកសព្វាវុធដ៏សំខាន់មួយក្នុងទីផ្សារពិភពលោក
ព្រឹត្តិការណ៍, អាជីវកម្មថ្មី និងនវានុវត្ត
• 14/09/2026
បរទេស ៖ ជាប្រវត្តិសាស្ត្រ ឥណ្ឌា ត្រូវបានគេស្គាល់ថា ជាប្រទេសនាំចូលសម្ភារៈយុទ្ធភណ្ឌយោធាដ៏ធំបំផុតមួយក្នុងពិភពលោក ប៉ុន្តែបច្ចុប្បន្ន ទីក្រុងញូវដេលី បាន និងកំពុងកែប្រែប្រវត្តិសាស្ត្រក្នុងវិស័យការពារជាតិរបស់ខ្លួនយ៉ាងឆាប់រហ័ស ដោយក្លាយខ្លួនទៅជាប្រទេសនាំចេញសព្វាវុធដ៏សំខាន់នៅលើឆាកអន្តរជាតិទៅវិញ។ ទិដ្ឋភាពនៃការផលិតក្នុងវិស័យការពារជាតិរបស់ប្រទេសឥណ្ឌា កំពុងមានការផ្លាស់ប្តូរទម្រង់យ៉ាងជ្រាលជ្រៅ គិតតាំងពីការផ្លាស់ប្តូរគោលនយោបាយយុទ្ធសាស្ត្រ ការជំរុញផលិតកម្មក្នុងស្រុកយ៉ាងសកម្ម កំណើនវិនិយោគពីវិស័យឯកជន ជាពិសេស ឧស្សាហកម្មនៃការផលិតក្នុងវិស័យការពារជាតិសរុបរបស់ឥណ្ឌាបានកើនឡើងដល់ជិត ១៨,៦ ពាន់លានដុល្លារនៅក្នុងផែនការថវិកាឆ្នាំជាតិ
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ភ្នំពេញ ៖ កិច្ចព្រមព្រៀង DEFA ( Digital Economy Framework Agreement ) ជាកិច្ចព្រមព្រៀងកម្រិតតំបន់អាស៊ានដំបូងគេបង្អស់លើពិភពលោក ដែលផ្ដោតជាពិសេសទ...
ក្រសួងទេសចរណ៍កំពុងជំរុញឱ្យអាជីវកម្មទេសចរណ៍នៅខេត្តសៀមរាបចូលរួមកាន់តែច្រើនក្នុងយុទ្ធនាការបញ្ចុះតម្លៃសេវាកម្មទេសចរណ៍ ដើម្បីពង្រ...
បរទេស ៖ នៅក្នុងកិច្ចប្រជុំកំពូលនៃបណ្តាប្រទេសជាសមាជិក BRICS ដែលប្រព្រឹត្តទៅនៅក្នុងប្រទេសឥណ្ឌាកាលពីថ្ងៃចុងសប្តាហ៍កន្លងទៅនេះ រដ្ឋាភិបាលក្រុងប៉េកាំង បា...
សៀមរាប ៖ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបង្ហាញទិសដៅថ្មីក្នុងការគ្រប់គ្រង និងអភិវឌ្ឍតំបន់អង្គរ ដើម្បីធានាកិច្ចការពារប្រាសាទ និ...
បរទេស ៖ ជាប្រវត្តិសាស្ត្រ ឥណ្ឌា ត្រូវបានគេស្គាល់ថា ជាប្រទេសនាំចូលសម្ភារៈយុទ្ធភណ្ឌយោធាដ៏ធំបំផុតមួយក្នុងពិភពលោក ប៉ុន្តែបច្ចុប្បន្ន ទីក្រុងញូវដេលី បាន...
កម្ពុជា និងម៉ាឡេស៊ីកំពុងជំរុញការពង្រឹងកិច្ចសហប្រតិបត្តិការធុរកិច្ច ពាណិជ្ជកម្ម និងការវិនិយោគ ខណៈទំហំពាណិជ្ជកម្មទ្វេភាគីបានកើ...
ភ្នំពេញ ៖ ក្រសួងពាណិជ្ជកម្ម បានរៀបចំកម្មវិធីជជែកដេញដោលមួយ ដើម្បីជំរុញយុវជនជំនាន់ក្រោយឱ្យមានកិច្ចសន្ទនា ផ្លាស់ប្តូរគំនិត និងពង្រីកការយល់ដឹងស៊ីជម្រៅ ...
ម្លៃប្រេងឆៅបានកើនឡើងជាង ២ ភាគរយនៅថ្ងៃចន្ទនេះ ដោយតម្លៃប្រេង Brent ឡើងដល់ជាង ១០៧ ដុល្លារក្នុងមួយបារ៉ែល ក្រោយភាពតានតឹងនៅម...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
