AMS Economyកម្ពុជាកំពុងអនុវត្តគម្រោង រេដបូក ដើម្បីទប់ស្កាត់ការប្រែប្រួលអាកាសធាតុសកល
ភ្នំពេញ ៖ បច្ចុប្បន្ននេះ ប្រទេសកម្ពុជាបាននឹងកំពុងអនុវត្តគម្រោង រេដបូកយ៉ាងសកម្ម ដើម្បីចូលរួមទប់ស្កាត់ការប្រែប្រួលអាកាសធាតុនៅលើពិភពលោក ការពារព្រៃឈើឱ្យបានគង់វង្សសម្រាប់ជាផលប្រយោជន៍មនុស្សជាតិ និងចូលរួមកាត់បន្ថយការប្រែប្រួលអាកាសធាតុសកលក្នុងអនុសញ្ញាក្របខ័ណ្ឌសហប្រជាតិស្តីពីការប្រែប្រួលអាកាសធាតុ។
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថានបានឱ្យដឹងថា គម្រោង រេដបូក គឺជាការព្រមព្រាងគ្នារបស់ពិភពលោក ជាពិសេសបណ្តាប្រទេសដែលបានចូលរួមយ៉ាងសកម្មក្នុងការទប់ស្កាត់ការប្រែប្រួលអាកាសធាតុ។
ឯកឧត្តមបានពន្យល់យ៉ាងដូច្នេះថា ៖
«គម្រោងនេះ យើងនិយាយឱ្យស្រួលស្តាប់ គឺការចង់រក្សានូវគម្របព្រៃទូទាំងពិភពលោក ដើម្បីជាយន្តការមួយក្នុងការធ្វើឱ្យយឺតការវិវត្តន៍នៃការប្រែប្រួលអាកាសធាតុ ព្រោះការប្រែប្រួលអាកាសធាតុជាកត្តាមួយ គឺការបាត់បង់ព្រៃ តែកត្តាធំមួយទៀត គឺការប្រើប្រាស់ប្រេង ដូចជា ប្រេងសាំងនិង ធ្យូងថ្ម»
ឯកឧត្តមបានបន្តថា ៖
«នេះគឺកត្តាធំមួយដែលនាំឱ្យកំដៅស៊ីតណ្ហភាពនៅលើពិភពលោកនេះកើនឡើង។ កាលណា ស៊ីតណ្ហភាពកើនឡើង មិនចាំបាច់ច្រើនទេ តែកន្លះដឺក្រេ គឺធ្វើឱ្យមានការប្រែប្រួលអាគាសធាតុនៅលើពិភពលោកដែរ។ យន្តការមួយហ្នឹងគឺយើងធ្វើយ៉ាងម៉េចរក្សាគម្របព្រៃឱ្យបាន ដោយប្រទេសខ្លះបង្វែរនូវការរកលុយសម្រាប់ប្រទេសរបស់គាត់ ទៅពឹងផ្អែកទៅលើអ្វីផ្សេងក្រៅពីការកាប់ឈើ។ សម្រាប់កម្ពុជា យើងចូលរួមអនុវត្តកម្មវិធីរេដបូកនេះ ដោយសារយើងមានកត្តា២-៣ ដែលបង្កលក្ខណៈដ៏ប្រសើរសម្រាប់កម្ពុជាចូលរួម»
ឯកឧត្តម សាយ សំអាល់ ក៏បានឱ្យដឹងដែរថា ទី១ គឺកត្តាសុខសន្តិភាពដែលមានរយៈពេលជាង ២០ ឆ្នាំចុងក្រោយនេះ គឺបង្កឱ្យមានការវិវត្តន៍ក្នុងកំណើនសេដ្ឋកិច្ចកម្ពុជា ដែលធ្លាប់មានកាលពីមុនមក ហើយបើប្រៀបធៀបទៅលើពិភពលោកគឺមានការខុសប្លែក ដែលមិនមានប្រទេសច្រើននោះទេ ដែលអាចរក្សាសុខសន្តិភាពទទួលបានកំណើនសេដ្ឋកិច្ចក្នុងរយៈពេល ២ទសវត្សន៍កន្លងមកនេះ។
ឯកឧត្តមរដ្ឋមន្ត្រី បានបញ្ជាក់យ៉ាងដូច្នេះថា ៖
«អ៊ីចឹងទេ…កត្តាសុខសន្តិភាពនេះបង្កលក្ខណៈឱ្យសេដ្ឋកិច្ចកម្ពុជារីកចម្រើន ហើយការរីកច្រើនសេដ្ឋកិច្ចនេះបានធ្វើឱ្យជីវភាពរបស់ប្រជាជនកម្ពុជាបានរីកចម្រើនជាងមុន និងប្រសើរជាងមុន។ ជាមួយគ្នានេះដែរ ក៏ជាជម្រើសនៃការប្រកបរបររបស់ប្រជាជនកម្ពុជាមានច្រើនជាងមុន ដោយមិនបាច់ពឹងផ្អែកទៅលើការកាប់ឈើដើម្បីរកចំណូលនោះទេ ហើយមូលដ្ឋានគ្រឹះរបស់សេដ្ឋកិច្ចកម្ពុជាក៏មានការរីកចម្រើនច្រើន ហើយផ្តល់ឱកាសដល់ប្រជាជនកម្ពុជាច្រើនផងដែរ ជាមួយនឹងចំណូលក៏បានខ្ពស់ជាងមុនដែរ។ នេះគឺកត្តាមួយសំខាន់»។
ឯកឧត្តមបានថ្លែងបន្តថា កត្តាសំខាន់មួយទៀត គឺប្រជាជនកម្ពុជាខ្លួនឯងមិនចង់ឃើញការកាប់បំផ្លាញព្រៃឈើទៀតទេ។ នេះគឺការវិវត្តនៃសង្គម និងសេដ្ឋកិច្ច និងវប្បធម៌របស់ប្រជាជនកម្ពុជាទាំងស្រុងតែម្តង។
ឯកឧត្តមបញ្ជាក់ថា ៖
«ខ្ញុំផ្សារភ្ជាប់ការវិវត្តនេះទៅកត្តាសុខសន្តិភាពនៅកម្ពុជា។ តែជាមួយគ្នានេះដែរ យើងអនុវត្តគម្រោងនេះ ដោយសារតែយើងអាចរកចំណូលបានពីការរក្សាព្រៃ។ ជម្រើសដែលយើងមានល្អបំផុតកាលពីមុនគឺយើងត្រូវកាប់ព្រៃដើម្បីរកចំណូល ប៉ុន្តែជម្រើសថ្មីតាមយៈគម្រោង រេដបូក នេះ គឺអាចរក្សាព្រៃឈើយើងបាន ហើយយើងរកចំណូលតាមហ្នឹងដែរ។ នេះគឺជាការប្រែក្លាយ និងរក្សាព្រៃឈើ ដើម្បីរកចំណូល ជាក់ស្តែងតាមរយៈដៃគូរបស់ក្រសួងបរិស្ថាន ប៉ុន្តែក៏យើងបានចែករំលែកផលប្រយោជន៍ទៅដល់រដ្ឋបាលថ្នាក់ក្រោមជាតិ ប្រជាសហគមន៍ ដើម្បីឱ្យគាត់ដឹងថា គាត់ទទួលបានផលប្រយោជន៍ជាក់ស្តែងពីការរក្សាព្រៃ»
ឯកឧត្តមរដ្ឋមន្ត្រីបានថ្លែងបន្តថា ៖
«ខ្ញុំលើកឧទាហរណ៍តូចមួយ ប្រជាជនរបស់យើងមិនដែលមានទឹកស្អាតទេសម្រាប់ប្រើប្រាស់ក្នុងភូមិ ប៉ុន្តែបន្ទាប់ពីការអនុវត្តគម្រោងនេះ គឺយើងបានចូលរួមជាមួយចលនាក្នុងការរៀបចំឱ្យមានទឹកស្អាតប្រើប្រាស់តាមភូមិដាច់ស្រយាល ហើយតាមភូមិខ្លះ យើងបានយកថវិកានេះ ដើម្បីរៀបចំឱ្យសាលារៀនឱ្យក្មេងៗនៅក្នុងសហគមន៍។ យើងក៏បានប្រើប្រាស់ថវិកាលើកស្ទួយជីវភាពសហគមន៍ដែរ ដូច្នេះប្រជាជនដែលរស់នៅក្នុងសហគមន៍ ហើយរក្សាព្រៃគឺបានប្រយោជន៍ពីការលក់កាបូននេះតែម្តង និងការអនុវត្តគម្រោងរេដបូក»
បើតាមប្រសាសន៍របស់ឯកឧត្តមរដ្ឋមន្ត្រីបរិស្ថានបានឲ្យថា គម្រោង រេដបូក នេះគឺមានអត្ថប្រយោជន៍ច្រើនសម្រាប់ប្រជាជនកម្ពុជា ពោលគឺគម្រោងនេះត្រូវបានរៀបចំដោយពិភពលោក ហើយប្រទេសជាច្រើនបានចូលរួមក្នុងគម្រោងនេះតាមរយៈយន្តរបស់អង្គការសហប្រជាជាតិ ហើយគម្រោងនេះទៀតសោត ក៏ត្រូវចំពេលវេលារបស់កម្ពុជាផងដែរ ដែលបានធ្វើដំណើរមកចំពេលតែមួយ ដែលថាខ្លួនក៏មានជម្រើសច្រើន ហើយក៏អាចទទួលបានផលប្រយោជន៍ពីរក្សាព្រៃឈើ ។
សូមបញ្ជាក់ថា រេដបូក (REDD+: Reducing Emission from Deforestation and Forest Degradation) គឺក៏ជាកម្មវិធីជាតិកាត់បន្ថយការបំភាយឧស័្មនផ្ទះកញ្ចក់ពីការបាត់បង់ និងរេចរឹលព្រៃឈើ។ រេដបូក មានគោលបំណង (១)ការពារព្រៃឈើឱ្យបានគង់វង្សសម្រាប់ជាផលប្រយោជន៍ជាតិ និង(២)ចូលរួមកាត់បន្ថយការប្រែប្រួលអាកាសធាតុសកល ក្នុងអនុសញ្ញាក្របខ័ណ្ឌសហប្រជាតិស្តីពីការប្រែប្រួលអាកាសធាតុ។
ក្រៅពីផលប្រយោជន៍ជាឈើប្រើប្រាស់ និងជាមុខងារក្នុងប្រព័ន្ធអេកូឡូស៊ី ព្រៃឈើនៅមានមុខងារដ៏សំខាន់មួយទៀត គឺការស្រូបយកឧស័្មនកាបូនិច (ឧស័្មនផ្ទះកញ្ចក់) ពីបរិយាកាសដែលមុខងារនេះដើរតួនាទីសំខាន់ក្នុងការកាត់បន្ថយឧស័្មនផ្ទះកញ្ចក់សកល។ អនុសញ្ញាក្របខ័ណ្ឌសហប្រជាតិស្តីពីការប្រែប្រួលអាកាសធាតុបានលើកទឹកចិត្តដល់ប្រទេសសម្បូរណ៍ព្រៃឈើ ខិតខំការពារព្រៃឈើឱ្យបានល្អប្រសើរដើម្បីទទួលបានថវិកាក្នុងទម្រង់ជាទីផ្សារកាបូនស្ម័គ្រចិត្ត (Voluntary Carbon Market) និងការទូទាត់ផ្អែកតាមលទ្ធផល Result-Based Payment)។
ចំពោះទីផ្សារកាបូនស្ម័គ្រចិត្ត ចាប់តាំងពីឆ្នាំ២០១៦ មកដល់ខែមីនា ឆ្នាំ២០២១ កម្ពុជាបានទទួលថវិកាចំនួន ១១,៦ លានដុល្លារពីការលក់ឥណទានកាបូនក្នុងគម្រោងចំនួនពីរ (ដែនជម្រកសត្វព្រៃកែវសីមា និងឧទ្យានជាតិជួរភ្នំក្រវាញខាងត្បូង) ឱ្យទៅក្រុមហ៊ុនអន្តរជាតិធំៗមានដូចជា Disney និង Shallជាដើម។
មុននឹងទិញឥណទានកាបូននេះ មានការវាយតម្លៃច្បាស់លាស់ពីអ្នកជំនាញលើសមត្ថភាពនៃការផលិតកាបូន និងយន្តការផ្សេង ៗដែលរាជរដ្ឋាភិបាលកម្ពុជាអនុវត្តដើម្បីធានាការពារនិងគ្រប់គ្រងប្រកបដោយប្រសិទ្ធភាពលើតំបន់ការពារធម្មជាតិដែលសម្បូណ៌ដោយព្រៃឈើ សត្វព្រៃ និងជីវៈចម្រុះផ្សេងទៀត។ ការសម្រេចទិញឥណទានកាបូនពីកម្ពុជារបស់ក្រុមហ៊ុននានាគឺបានបង្ហាញថាកម្ពុជាមានសមត្ថភាពគ្រប់គ្រាន់ក្នុងការការពារបាននូវធន ធានធម្មជាតិនៅក្នុងតំបន់នោះ ហើយធនធានធម្មជាតិត្រូវបានអភិរក្សប្រកបដោយប្រសិទ្ធភាព។
អាស្រ័យដោយសារកិច្ចខិតខំប្រឹងប្រែងក្នុងការគ្រប់គ្រង និងអភិរក្សតំបន់ការពារធម្មជាតិបានល្អប្រសើរ កម្ពុជាមានសុទិដ្ឋិនិយមថាកម្ពុជានឹងអាចលក់ឥណទានកាបូនបានបន្ថែមទៀតក្នុងឆ្នាំបន្តបន្ទាប់។
រាជរដ្ឋាភិបាលកម្ពុជាតាមរយៈក្រសួងបរិស្ថានបានយកចិត្តទុកដាក់ខ្ពស់លើការការពារនិងអភិរក្សធនធានធម្មជាតិដោយថែរក្សាឈើឈរដើម្បីលក់តួនាទីព្រៃឈើដែលដើរតួនាទីសំខាន់ក្នុងការការពារប្រព័ន្ធអេកូឡូស៊ីនៃភពផែនដី តាមរយៈការលក់ ឥណទានកាបូន ក្នុងទីផ្សារកាបូនស្ម័គ្រចិត្ត។ ថវិកាទាំងអស់នេះ បានយកទៅប្រើប្រាស់សម្រាប់ការពារព្រៃឈើ និងអភិវឌ្ឍជីវភាពសហគមន៍ក្នុងតំបន់ការពារទាំងពីរ ដើម្បីធ្វើជាគំរូសម្រាប់ឈានទៅទទួលបានថវិកា «ការទូទាត់ផ្អែកតាមលទ្ធផល» ពីមូលនិធិអាកាសធាតុបៃតងនៃអនុសញ្ញាក្របខ័ណ្ឌសហប្រជាតិស្តីពីការប្រែប្រួលអាកាសធាតុដែលគ្រោងនឹងអនុវត្តចាប់ពីឆ្នាំ២០២០ ហើយរហូតមកដល់ពេលនេះ មានតែប្រទេសកម្ពុជា និងប្រទេសឥណ្ឌូនេស៊ីប៉ុណ្ណោះក្នុងប្រទេសអាស៊ាន ដែលបានលក់ឥណទានកាបូនក្នុងទីផ្សារកាបូនស្ម័គ្រចិត្ត ខណៈដែលកម្ពុជាអាចផលិតឥណទានកាបូនបានប្រមាណ ១០លានតោន/ឆ្នាំ សម្រាប់ទទួលបានថវិកាក្នុងក្របខ័ណ្ឌការទូទាត់ផ្អែកតាមលទ្ធផលពីមូលនិធិអាកាសធាតុបៃតង៕
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ស្វែងយល់ពីអាថ៌កំបាំងនៅពីក្រោយភាពក្លាហានរបស់ប៉ូឡូញ ដែលហ៊ានប្រឈមមុខផ្នែកយោធាជាមួយរុស្ស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 05/11/2026
បរទេស ៖ ទំនាក់ទំនងរវាងប៉ូឡូញ និងរុស្ស៊ី បានឈានដល់ភាពតានតឹងសាជាថ្មីក្រោយពេលដែលនាយករដ្ឋមន្ត្រីប៉ូឡូញ លោក Donald Tusk ប្រកាសជាសាធារណៈអំពីការពង្រាយកងកម្លាំងបន្ថែមនៅតាមព្រំដែនភាគខាងជើង ជាប់ Kaliningrad ដែនដីរបស់រុស្ស៊ី បន្ទាប់ពីមានសកម្មភាពគួរឲ្យសង្ស័យចេញពីទីនោះ។ លោក Donald Tusk បានបញ្ជាក់ថា អាជ្ញាធរប្រទះឃើញមានមនុស្សបំភ្លឺពិលនាពេលអធ្រាត្រនៅព្រំដែនជាប់ Kaliningrad ដែនដីរបស់រុស្ស៊ី
ប៊ុលហ្គារីចាប់ផ្តើមដាក់ពង្រាយរថពាសដែក Stryker ក្នុងគម្រោងទំនើបកម្មយោធាដ៏ធំ
ព្រឹត្តិការណ៍, អាជីវកម្មថ្មី និងនវានុវត្ត
• 05/11/2026
ងកម្លាំងជើងគោកប៊ុលហ្គារីបានទទួលរថពាសដែកទំនើបប្រភេទ Stryker ផលិតនៅសហរដ្ឋអាម៉េរិកចំនួន ៥គ្រឿងដំបូង ដែលជាផ្នែកមួយនៃគម្រោងទំនើបកម្មវិស័យការពារជាតិទ្រង់ទ្រាយធំ ដោយមានការបញ្ជាទិញយានយន្តប្រយុទ្ធ និងយានយន្តគាំទ្រផ្នែកភស្តុភារសរុបចំនួន ១៩៨គ្រឿង
ឈ្នះទាំងទូរសព្ទ iPhone 17 Pro និងសម្រេចទាំងគោលដៅសន្សំ !
ព្រឹត្តិការណ៍, អត្ថបទពាណិជ្ជកម្ម
• 05/11/2026
ភ្នំពេញ ៖ ក្នុងគោលបំណងលើកទឹកចិត្តអតិថិជនឱ្យបង្កើតទម្លាប់សន្សំប្រាក់ និងរៀបចំផែនការហិរញ្ញវត្ថុសម្រាប់អនាគតប្រកបដោយទំនុកចិត្តខ្ពស់ អិលអូអិលស៊ី សូមណែនាំ គណនីសន្សំតាមផែនការ (Plan Account) ដែលជាជម្រើសដ៏ល្អក្នុងការសម្រេចក្តីស្រមៃ និងគោលដៅហិរញ្ញវត្ថុរបស់លោកអ្នក។ ដើម្បីផ្តល់ជូននូវអត្ថប្រយោជន៍បន្ថែម និងរំភើបដល់អតិថិជន អិលអូអិលស៊ី បានរៀបចំកម្មវិធីប្រូម៉ូសិនពិសេស ដោយផ្តល់ឱកាសឈ្នះរង្វាន់ធំ iPhone 17 Pro (512GB)
រដ្ឋមន្ត្រីក្រសួងរៀបចំដែនដី ជំរុញឲ្យអ្នកពាក់ព័ន្ធរួមគ្នារៀបចំប្លង់គោលប្រើប្រាស់ដីឲ្យបានត្រឹមត្រូវ ដើម្បីបង្កើនសក្ដានុពល និងអភិវឌ្ឍន៍សេដ្ឋកិច្ចតំបន់ឆ្នេរ ខេត្តកំពត
Top News, ព្រឹត្តិការណ៍, អចលនទ្រព្យ
• 05/11/2026
ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានមានប្រសាសន៍ថា យើងរួមគ្នារៀបចំជីវិត រៀបចំផ្ទះសំបែងយើង តាមរយៈការរៀបចំកសាងប្លង់គោលប្រើប្រាស់ដី និងផែនការប្រើប្រាស់ដី ដោយផ្តើមពីការស្គាល់ពីខ្លួនឯង ស្គាល់ពីសមត្ថភាពសេដ្ឋកិច្ច និងសក្តានុពលក្នុងតំបន់យើង ធ្វើឱ្យត្រូវ ដោយមានផែនការច្បាស់លាស់។ យ៉ាងណាក៏ដោយ ការរៀបចំប្លង់គោលប្រើប្រាស់ដី និងផែនការប្រើប្រាស់ដីសម្រាប់ខេត្តកំពត
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
កំពង់ផែទឹកជ្រៅក្រុងព្រះសីហនុដំណាក់កាលទី១ ដែលមានតម្លៃ២៤៣លានដុល្លារគ្រោងនឹងបញ្ចប់ការសាងសង់នៅឆ្នាំ ២០២៧ខាងមុខជាមួយនឹងក្តីរំពឹងថាកាត់បន្ថយថ្លៃដ...
ឡាវ និងចិនបានព្រមព្រៀងពង្រឹងការតភ្ជាប់បណ្តាញផ្លូវដែក ការអភិវឌ្ឍច្រករបៀងសេដ្ឋកិច្ច និងពង្រីកកិច្ចសហប្រតិបត្តិការលើវិស័យបញ្ញា...
រាជរដ្ឋាភិបាលកម្ពុជាបានបញ្ចេញថវិកាចំនួន ១.២ ពាន់លានដុល្លារអាម៉េរិក ដើម្បីអនុវត្តគោលនយោបាយអន្តរាគមន៍សេដ្ឋកិច្ចសំខាន់ៗចំនួន៣ ...
បរទេស ៖ ទំនាក់ទំនងរវាងប៉ូឡូញ និងរុស្ស៊ី បានឈានដល់ភាពតានតឹងសាជាថ្មីក្រោយពេលដែលនាយករដ្ឋមន្ត្រីប៉ូឡូញ លោក Donald Tusk ប្រកាសជាសាធារណៈអំពីការពង្រាយកងកម...
ងកម្លាំងជើងគោកប៊ុលហ្គារីបានទទួលរថពាសដែកទំនើបប្រភេទ Stryker ផលិតនៅសហរដ្ឋអាម៉េរិកចំនួន ៥គ្រឿងដំបូង ដែលជាផ្នែកមួយនៃគម្រោងទំន...
ភ្នំពេញ ៖ ក្នុងគោលបំណងលើកទឹកចិត្តអតិថិជនឱ្យបង្កើតទម្លាប់សន្សំប្រាក់ និងរៀបចំផែនការហិរញ្ញវត្ថុសម្រាប់អនាគតប្រកបដោយទំនុកចិត្តខ្ពស់ អិលអូអិលស៊ី សូមណែន...
ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានមានប្រសាសន៍ថា យើងរួមគ្នារៀបចំជីវិត រៀបចំផ្ទះសំបែងយើង តាមរ...
រាជរដ្ឋាភិបាលកម្ពុជា នឹងចាប់ផ្តើមអនុវត្តគម្រោងអភិវឌ្ឍន៍ហេដ្ឋារចនាសម្ព័ន្ធជនបទ ដែលមានទឹកប្រាក់ជាង ២០០ លានដុល្លារអាម៉េរិក នៅដ...
កម្មវិធីពិសេសរបស់ AMS ECONOMY
