AMS Economyកម្ពុជាដាក់គម្រោងអភិវឌ្ឍន៍ហេដ្ឋារចនាសម្ព័ន្ធខេត្តមណ្ឌលគិរី ខណៈខេត្តនេះកំពុងវិវត្តជាប៉ូលសេដ្ឋកិច្ចទី៤
មណ្ឌលគីរី ៖ បន្ទាប់ពីមានខេត្តចំនួន៣ជាខេត្តប៉ូលសេដ្ឋកិច្ចខ្លាំងៗរបស់កម្ពុជារួចហើយ រដ្ឋាភិបាលកម្ពុជាពេលនេះមានគម្រោងដាក់ឱ្យខេត្តមណ្ឌលគិរីក្លាយជាខេត្តប៉ូលសេដ្ឋកិច្ចទី៤ ហើយដើម្បីឱ្យខេត្តនៅប៉ែកឦសានមួយមានលទ្ធភាពគ្រប់គ្រាន់ក្នុងការប្រែខ្លួនជាប៉ូលសេដ្ឋកិច្ចពិសេស រាជរដ្ឋាភិបាលបានដាក់គោលដៅ និងផែនការមេសម្រាប់អភិវឌ្ឍន៍រួចរាល់។
នៅក្នុងផែនការមេនៃការអភិវឌ្ឍខេត្តមណ្ឌលគីរី ការកសាង និងស្តារហេដ្ឋារចនាសម្ព័ន្ធឱ្យល្អប្រសើរ និងការតភ្ជាប់បណ្ដាញផ្លូវសំខាន់ៗ បានក្លាយជាគម្រោងអាទិភាព១ ក្នុងចំណោមគម្រោងទាំង៦ ដែលបានសម្រេចដាក់ចេញដោយរាជរដ្ឋាភិបាលកម្ពុជា។ ក្រៅពីនេះ រាជរដ្ឋាភិបាលតាមរយៈស្ថាប័នពាក់ព័ន្ធជាសេនាធិការ រួមជាមួយនឹងអាជ្ញាធរខេត្តបានយកចិត្តទុកដាក់ទៅលើចំណុចសំខាន់ៗមួយចំនួនទៀតរួមមាន ៖
• ការគ្រប់គ្រងសំណល់រឹង-រាវ និងការគ្រប់គ្រងធនធានធម្មជាតិ ដោយជំរុញការអភិវឌ្ឍសេដ្ឋកិច្ចវិលជុំ សិក្សារៀបចំផែនការគ្រប់គ្រងសំរាមឱ្យបានច្បាស់លាស់ សិក្សារៀបចំឱ្យមានអាងស្តុកប្រព្រឹត្តិកម្មសំណល់រាវ ជំរុញភាគីពាក់ព័ន្ធទាំងអស់ផ្តោតការយកចិត្តទុកដាក់លើវិធានការស្តារ និងបង្កើតចលនាដាំដើមឈើឡើងវិញ។
• ការផ្គត់ផ្តង់ និងប្រើប្រាស់ទឹកស្អាត ដោយធ្វើយ៉ាងណាត្រឹមឆ្នាំ២០៣០ ប្រជាជនរស់នៅតំបន់ទីប្រជុំជន និងជនបទទទួលបានទឹកស្អាតប្រើប្រាស់ រក្សាការពារប្រភពទឹកដែលមានស្រាប់ និងស្វែងរកប្រភពទឹកថ្មី ព្រមទាំងសិក្សាបន្ថែមឱ្យមានអាងសម្រាប់ស្តុក និងចម្រោះទឹកស្អាតមួយនៅក្នុងក្រុងសែនមនោរម្យ។
• ការផ្គត់ផ្តង់ និងប្រើប្រាស់អគ្គិសនី តាមរយៈការទាញអ្នកវិនិយោគក្នុង និងក្រៅស្រុក មកអភិវឌ្ឍ និងសាងសង់ហេដ្ឋារចនាសម្ព័ន្ធអគ្គិសនី និងសម្របសម្រួល ក៏ដូចជាគាំទ្រដល់ការសិក្សា រុករក និងការអភិវឌ្ឍប្រភពថាមពលអគ្គិសនីស្អាត ឬបៃតង។
• ការអភិរក្សវប្បធម៌ជនជាតិដើមភាគតិច ដោយមានសិក្សារៀបចំសារៈមន្ទីរជនជាតិដើមភាគតិចឱ្យបានយ៉ាងតិចមួយនៅក្រុងសែនមនោរម្យ រៀបចំឱ្យមានភូមិវប្បធម៌សហគមន៍ជនជាតិដើមភាគតិច និងសិក្សាលទ្ធភាពក្នុងការបង្កើតសាលាវប្បធម៌ និងវិចិត្រសិល្បៈសម្រាប់ជនជាតិដើមភាគតិច។
• ការផ្សារភ្ជាប់វិស័យរ៉ែ និងទេសចរណ៍ ដោយមានកំណត់តំបន់អាទិភាព (Zoning) ក្នុងការទាញយករ៉ែ ពិនិត្យលទ្ធភាពក្នុងការបង្កើតសារមន្ទីររ៉ែ ដើម្បីគាំទ្រដល់វិស័យទេសចរណ៍ និងពិនិត្យលទ្ធភាពក្នុងការប្រែក្លាយតំបន់ភ្នំណាមលៀរដែលជាប្រភេទភ្នំថ្មក្រានីតទៅជាសួនភូគព្ភសាស្រ្ត (Geo Park) និងជាគោលដៅទេសចរណ៍។
• ការផ្សារភ្ជាប់វិស័យកសិកម្ម និងទេសចរណ៍ ដោយការលើកទឹកចិត្ត និងទាក់់ទាញការវិនិយោគជាកសិដ្ឋានសមាហរណ។ បង្កើតស្លាកសញ្ញាសម្គាល់ផលិតផលប្រចាំតំបន់ និងប្រចាំខេត្ត ជំរុញការអភិវឌ្ឍខ្សែក្រវាត់បៃតង ជំរុញការប្រើប្រាស់ និងចែករំលែកចំណេះដឹង និងបចេ្ចកវិទ្យាទំនើប។
• វិស័យសហគ្រាសធុនតូច មធ្យម និងសិប្បកម្ម តាមរយៈការសិក្សាបង្កើតសាលាបណ្តុះបណ្តាល ឬវិទ្យាស្ថានបណ្តុះបណ្តាលបច្ចេកទេសខេត្តមណ្ឌលគិរី ព្រមទាំងមានការរៀបចំស្លាកសញ្ញា ឆ្លើយតបតាមស្តង់ដាគុណភាព និងសមាមាត្រតម្លៃ។
• ការគាំពារសេវាវេជ្ជសាស្ត្រ និងសុខាភិបាលៈ ពង្រឹងហេដ្ឋារចនាសម្ព័ន្ធ និងការធ្វើទំនើបកម្មវិស័យវេជ្ជសាស្ត្រ និងសុខាភិបាលក្នុងខេត្តមណ្ឌលគិរីស្របតាមស្តង់ដាជាតិ-អន្តរជាតិ ព្រមទាំងផ្តល់អាទិភាពការវិនិយោគ និងអភិវឌ្ឍវិស័យសុខាភិបាល តាមរយៈការបង្កើតមន្ទីរពេទ្យស្តង់ដាអន្តរជាតិក្នុងខេត្តមណ្ឌលគិរី។
• ការជំរុញការអភិវឌ្ឍបច្ចេកវិទ្យា នវានុវត្តន៍ និងភាពច្នៃប្រឌិត។ យ៉ាងណាមិញ សម្រាប់ការតភ្ជាប់ការសម្រួលការធ្វើដំណើរឯណោះវិញ មានគម្រោងដូចជា៖
• ការតភ្ជាប់តាមផ្លូវអាកាសដែលគ្រោងនឹងលេចរូបរាងឡើងឆាប់ៗនៅខេត្តមណ្ឌលគិរី ទៅកាន់ប្រទេសជិតខាងផ្សេងទៀត។
• ការតភ្ជាប់តាមផ្លូវទឹកតាមរយៈទន្លេស្រែពកដែលតភ្ជាប់ជាមួយទន្លេមេគង្គ។
• ការតភ្ជាប់តាមផ្លូវគោក ដោយមានការជំរុញឱ្យមានការសិក្សាអភិវឌ្ឍនូវផ្លូវល្បឿនលឿននៅ ក្នុងខេត្តមួយនេះផងដែរ៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋាភិបាលខាតបង់ប្រាក់ចំណូលជាង ៣០០លានដុល្លារហើយ ដើម្បីទប់ស្កាត់ការឡើងថ្លៃប្រេង និងឧស្ម័នឥន្ធនៈ
Top News, ព្រឹត្តិការណ៍, សេដ្ឋកិច្ច
• 07/09/2026
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ចិនប្រកាសចាត់វិធានការប្រឆាំងការលក់បង្ខូចតម្លៃលើការនាំចូលសារធាតុគីមីមួយប្រភេទពីប្រទេសជប៉ុន ដែលប្រើប្រាស់ក្នុងការផលិតបន្ទះឈីប
ភ្នំពេញ ៖ គិតចាប់ពីខែមករា ដល់ដំណាច់ខែកក្កដា ឆ្នាំ២០២៦កន្លងទៅនេះ យ៉ាងហោចណាស់មានគម្រោងវិនិយោគបង្កើតតំបន់សេដ្ឋកិច្ចពិសេសចំនួន៧ ត្រូវបានក្រុមប...
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិ...
ក្រសួងពាណិជ្ជកម្ម បានបន្តរៀបចំ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣ (3rd Digital trade Forum - 3d DTF) ក្រោមមូលបទ «ជំរុញពាណិជ្ជកម្...
ខេត្តក្រចេះបានដាក់ឱ្យអនុវត្តផែនការអភិវឌ្ឍន៍ទេសចរណ៍ឆ្នាំ ២០២៦-២០៣០ ដោយកំណត់ទិសដៅអភិវឌ្ឍវិស័យទេសចរណ៍ឱ្យកាន់តែមានគុណភាព ទាក់ទា...
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្...
តម្លៃប្រេងឆៅបានហក់ឡើងដល់កម្រិតខ្ពស់បំផុតក្នុងរយៈពេល ៦ សប្តាហ៍ ដោយតម្លៃប្រេង Brent ខិតជិត ១០០ ដុល្លារក្នុងមួយបារ៉ែល បន្ទាប់...
សមាគមមីក្រូហិរញ្ញវត្ថុកម្ពុជា ក្រោមការគាំទ្រផ្នែកហិរញ្ញវត្ថុពីស្ថានទូតអៀរឡង់នៅប្រទេសវៀតណាម តាមរយៈអង្គការ Oxfam នៅកម្ពុជា និងការគាំទ្រផ្នែកបច្ចេកទេស...
កម្មវិធីពិសេសរបស់ AMS ECONOMY
