AMS Economyវិស័យទេសចរណ៍កម្ពុជា ផ្តើមបញ្ចេញពន្លឺឡើងវិញ តាមរយៈឱកាសជាម្ចាស់ផ្ទះរៀបចំព្រឹត្តិការណ៍អាស៊ានឆ្នាំ២០២២
ភ្នំពេញ ៖ ឆ្នាំ២០២២ និង ឆ្នាំ២០២៣ ត្រូវបានចាត់ទុកថាជាឆ្នាំមាសរបស់កម្ពុជា តាមរយៈការក្ដោបបានតួនាទីជាម្ចាស់ផ្ទះរៀបចំព្រឹត្តិការណ៍ធំៗប្រចាំតំបន់អាស៊ានដែលរួមមាននាមជាម្ចាស់ផ្ទះរៀបចំកិច្ចប្រជុំអាស៊ាននៅឆ្នាំ២០២២ ជាពិសេសក្នុងនាមជាម្ចាស់ផ្ទះរៀបចំកីឡាស៊ីហ្គេមនៅឆ្នាំ២០២៣។
រាល់ការរៀបចំកម្មវិធី ក៏ដូចជាព្រឹត្តិការណ៍ធំៗទាំងនេះត្រូវអ្នកជំនាញទាញចេញជាសេចក្ដីសន្និដ្ឋានរួមមួយថា វិស័យទេសចរណ៍កម្ពុជាដែលធ្លាប់ទទួលរងនូវផលប៉ះពាល់យ៉ាងធ្ងន់ធ្ងរដោយសារវិបត្តិជំងឺកូវីដ-១៩នោះនឹងងើបឡើងវិញជាក់ជាមិនខាន។
ប្រធានសមាគមទីភ្នាក់ងារទេសចរណ៍កម្ពុជា លោកជំទាវ ឆាយ ស៊ីវលីន បានយល់ឃើញថា ព្រឹត្តិការណ៍ធំៗទាំងនេះគឺជាឱកាសសម្រាប់កម្ពុជាក្នុងការបញ្ចេញកូនក្រមុំដែលសម្ងំតែងខ្លួនមួយរយៈធំកន្លងមកឲ្យទៅទទួលស្វាគមន៍ភ្ញៀវទេសចរចំរុះជាតិសាសន៍ក្នុងតំបន់ និងមកពីបណ្តាប្រទេសផ្សេងទៀត។ កូនក្រមុំនៅទីនេះគឺសំដៅទៅលើខេត្តសក្តានុពលមួយចំនួនរបស់កម្ពុជាដែលត្រូវបានរដ្ឋាភិបាលខ្នះខ្នែងបង្កើនការកសាង និងរៀបចំហេដ្ឋារចនាសម្ព័ន្ធឡើងវិញឆ្លៀតក្នុងពេលដែលវិស័យនេះត្រូវបានជាប់គាំង។
លោកជំទាវបានមានប្រសាសន៍យ៉ាងដូច្នេះថា៖ «តាមរយៈព្រឹត្តិការណ៍នេះ យើងអាចនឹងជ្រាបចូលនៅក្នុងការផ្សព្វផ្សាយរបស់វប្បធម៌ជាតិដូចជាគោលដៅទេសចរណ៍នៃប្រទេសកម្ពុជាទាំងមូលទៅឲ្យភ្ញៀវដែលបានចូលរួមដែលសុទ្ធតែជាប្រតិភូសំខាន់ៗមកពីជុំវិញពិភពលោក»។ លើសពីនេះ កម្ពុជាយើងអាចបើកបង្ហាញនូវអ្វីដែលជាសក្កានុពលរបស់យើង តាមរយៈការបង្ហាញនូវគោលដៅទេសចរណ៍ ក៏ដូចជាប្រពៃណី វប្បធម៌ និងសិល្បៈ ដែលជារូបភាពនៃការផ្សព្វផ្សាយមួយបែបតាមរយៈអ្នកចូលរួម»។
លោកជំទាវសង្កត់ធ្ងន់ថា ៖
“នៅក្នុងន័យទេសចរណ៍ នេះជាអ្វីដែលយើងចង់បាន ពោលគឺចង់ឲ្យគេមកមើលឃើញពីផលិតផលរបស់យើង ដើម្បីអាចទាក់ទាញគេបាន”
ចំណែកឯលោកបណ្ឌិត ធួន ស៊ីណាន ប្រធានសមាគមទីភ្នាក់ងារទេសចរណ៍អាស៊ី-ប៉ាស៊ីហ្វិក កម្ពុជាវិញ បានយល់ឃើញយ៉ាងដូច្នេះថា៖ «ព្រឹត្តិការណ៍ទាំងនេះជាឱកាសដែលយើងអាចបង្ហាញមុខថា កម្ពុជាយើងជានរណា? ហើយថាតើយើងមានអីខ្លះដែលពិសេសសម្រាប់ភ្ញៀវទេសចរអន្តរជាតិ?»។ យ៉ាងណាមិញ លោកបណ្ឌិតបានអះអាងថា ស្ថានភាពទេសចរណ៍កម្ពុជាយើង នៅមិនទាន់អាចមានលទ្ធភាពគ្រប់គ្រាន់ស្ថិតក្នុងកម្រិតមួយដែលអាចប្រកួតប្រជែងជាមួយប្រទេសក្នុងតំបន់នៅឡើយ ជាក់ស្ដែងកម្ពុជាបច្ចុប្បន្នមិនមែនជា Business Hub Country ដូចប្រទេសក្នុងតំបន់មួយចំនួននោះឡើយ។ យ៉ាងណាក៏ដោយ លោកថាជាការល្អដែលរដ្ឋាភិបាលបានសម្រួលក្នុងការបើកជើងហោះហើរ ស្របពេលដែលប្រទេសដទៃញញើតនឹងការបើកប្រទេសឡើងវិញ៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អុីស្រាអែល ទិញរោងចក្រផលិតរថយន្តដ៏ល្បីរបស់អាល្លឺម៉ង់ ប្ដូរទៅផលិតជាអាវុធទំនើបវិញ
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។ យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael
ផ្លូវសមុទ្រខាងជើង NSR ក្លាយជាសមរភូមិសាស្ត្រនយោបាយថ្មីរបស់មហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្រជែងអំណាចរវាងមហាអំណាចក្នុងសតវត្សរ៍ទី២១
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ចិនប្រកាសចាត់វិធានការប្រឆាំងការលក់បង្ខូចតម្លៃលើការនាំចូលសារធាតុគីមីមួយប្រភេទពីប្រទេសជប៉ុន ដែលប្រើប្រាស់ក្នុងការផលិតបន្ទះឈីប
ភ្នំពេញ ៖ គិតចាប់ពីខែមករា ដល់ដំណាច់ខែកក្កដា ឆ្នាំ២០២៦កន្លងទៅនេះ យ៉ាងហោចណាស់មានគម្រោងវិនិយោគបង្កើតតំបន់សេដ្ឋកិច្ចពិសេសចំនួន៧ ត្រូវបានក្រុមប...
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិ...
ក្រសួងពាណិជ្ជកម្ម បានបន្តរៀបចំ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣ (3rd Digital trade Forum - 3d DTF) ក្រោមមូលបទ «ជំរុញពាណិជ្ជកម្...
ខេត្តក្រចេះបានដាក់ឱ្យអនុវត្តផែនការអភិវឌ្ឍន៍ទេសចរណ៍ឆ្នាំ ២០២៦-២០៣០ ដោយកំណត់ទិសដៅអភិវឌ្ឍវិស័យទេសចរណ៍ឱ្យកាន់តែមានគុណភាព ទាក់ទា...
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្...
តម្លៃប្រេងឆៅបានហក់ឡើងដល់កម្រិតខ្ពស់បំផុតក្នុងរយៈពេល ៦ សប្តាហ៍ ដោយតម្លៃប្រេង Brent ខិតជិត ១០០ ដុល្លារក្នុងមួយបារ៉ែល បន្ទាប់...
សមាគមមីក្រូហិរញ្ញវត្ថុកម្ពុជា ក្រោមការគាំទ្រផ្នែកហិរញ្ញវត្ថុពីស្ថានទូតអៀរឡង់នៅប្រទេសវៀតណាម តាមរយៈអង្គការ Oxfam នៅកម្ពុជា និងការគាំទ្រផ្នែកបច្ចេកទេស...
កម្មវិធីពិសេសរបស់ AMS ECONOMY
