AMS Economyមុខរបរចិញ្ចឹមត្រីអណ្ដែងតាមបច្ចេកទេស ឆាប់បានធំលឿន និងបានទិន្នផលខ្ពស់
តាកែវ ៖ ការចិញ្ចឹមត្រីអណ្តែង ជារបរមួយដែលបងប្អូនវារីវប្បករនិយមចិញ្ចឹមចិញ្ចឹមក្នុងទ្រង់ទ្រាយធំ និងមធ្យម រួមទាំងលក្ខណៈគ្រួសារផងដែរ ដើម្បីផ្គត់ផ្គង់ទីផ្សារ ដោយសារតែត្រីប្រភេទនេះងាយស្រួលចិញ្ចឹម ងាយថែទាំ ឆាប់ទទួលបានទិន្នផល និងមានតម្រូវការខ្ពស់។
លោក ណុប សាវិន ជាម្ចាស់កសិដ្ឋានចិញ្ចឹមត្រីអណ្ដែងជាលក្ខណៈគ្រួសារមួយកន្លែងស្ថិតនៅភូមិព្រៃដក់ពរ ឃុំត្រពាំងធំខាងជើង ស្រុកត្រាំកក់ ខេត្តតាកែវ បានប្រាប់ AMS ឱ្យដឹងថា លោកបានចាប់ផ្ដើមចិញ្ចឹមត្រីអណ្ដែងនៅក្នុងស្រះក្បែរផ្ទះបន្ទាប់ពីជីកយកអាចម៍ដីចាក់ទប់ជើងរបង ដែលជាលទ្ធផលក៏ទទួលបានទិន្នផលសម្រាប់ទទួលទានជាលក្ខណៈគ្រួសារ ហើយថែមទាំងបានលក់ឱ្យអ្នកភូមិខ្លះៗផងដែរ។
លោកបញ្ជាក់ថា ៖
“ហេតុផលដែលខ្ញុំចាប់ផ្ដើមចិញ្ចឹមត្រីអណ្ដែងនេះ ដោយសារវាងាយស្រួលក្នុងការចិញ្ចឹម ដែលខ្ញុំអាចឆ្លៀតពេលទំនេរពីការងារមកមើលថែបាន ចិញ្ចឹមឆាប់បានផល ហើយចំណីត្រីក៏ងាយរកផងដែរ”
លោកបន្តថា ៖
“បច្ចុប្បន្នត្រីអណ្ដែងរបស់យើងមានប្រមាណ ៥០០០ក្បាល ចិញ្ចឹមក្នុងស្រះដែលមានទំហំ ៤×៦០ម៉ែត្រ មានជម្រៅ ១.២០ម៉ែត្រក្បែរផ្ទះ ហើយចំណីក៏កាន់តែងាយស្រួលរកដែលយើងអាចរកបាន ដូចជា ចកអាសូឡា កន្ទក់ ត្រកួន និងលាយជាមួយចំណីសម្រេចខ្លះៗដែលមានលក់នៅលើទីផ្សារ”
លោកបន្តថា ៖
“សម្រាប់ការចំណាយពេលចិញ្ចឹមគឺមានរយៈពេលខ្លី ពោលគឺយើងចិញ្ចឹម និងឱ្យចំណីប្រមាណ ៣-៤ខែ យើងអាចចាប់លក់ទៅឱ្យអតិថិជនបាន ដោយក្នុងនោះត្រីសាច់ ១គីឡូលក់រាយបាន ៧០០០រៀល ហើយក្រៅពីនេះយើងច្នៃជាត្រីងៀតអណ្ដែងលក់បានតម្លៃ ២៥ ០០០ – ៣០ ០០០រៀលក្នុងមួយគីឡូក្រាម”
គួរបញ្ជាក់ដែរថា លោក ណុប សាវិន បានចាប់ផ្ដើមចិញ្ចឹមត្រីកាលពីខែកក្កដា ឆ្នាំ២០២១ ដោយចំណាយដើមទុនដំបូងប្រមាណ ៥៥០ដុល្លារទៅលើការជីកស្រះ និងទិញពូជត្រីអណ្ដែងចំនួន ៦ ៥០០ក្បាលផងដែរ។ ចំណែកឯបច្ចេកទេសក្នុងការចិញ្ចឹម លោកបានមើលពីក្នុងបណ្ដាញសង្គមក៏ដូចជាយូធូប ទាក់ទងនឹងការបញ្ចូលទឹក វាស់ទឹក ការផ្តល់ចំណី ក៏ដូចជាការបង្កើតចំណីធម្មជាតិ (ប្លុង់តុង)។
ជាមួយនឹងដំណើរការនៃការចិញ្ចឹមត្រីខាងលើនេះ លោក ណុប សាវិន ក៏បានជួបប្រទះនូវកត្តាប្រឈមមួយចំនួនផងដែរ ដូចជា ការលក់ចេញជាត្រីសាច់ និងផលលំបាកក្នុងការគ្រប់គ្រងទឹកក្នុងស្រះ។ យ៉ាងណាក៏ដោយ លោក និងក្រុមគ្រួសារកំពុងតែបន្តការចិញ្ចឹម និងស្វែងយល់ពីបញ្ហាទីផ្សារ រួមទាំងការមើលថែ ខណៈដែលលោកក៏មានគម្រោងបង្កើនការចិញ្ចឹម ដោយការជីកស្រះចំនួន២បន្ថែមទៀតផងដែរ៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អុីស្រាអែល ទិញរោងចក្រផលិតរថយន្តដ៏ល្បីរបស់អាល្លឺម៉ង់ ប្ដូរទៅផលិតជាអាវុធទំនើបវិញ
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។ យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael
ផ្លូវសមុទ្រខាងជើង NSR ក្លាយជាសមរភូមិសាស្ត្រនយោបាយថ្មីរបស់មហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្រជែងអំណាចរវាងមហាអំណាចក្នុងសតវត្សរ៍ទី២១
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ចិនប្រកាសចាត់វិធានការប្រឆាំងការលក់បង្ខូចតម្លៃលើការនាំចូលសារធាតុគីមីមួយប្រភេទពីប្រទេសជប៉ុន ដែលប្រើប្រាស់ក្នុងការផលិតបន្ទះឈីប
ភ្នំពេញ ៖ គិតចាប់ពីខែមករា ដល់ដំណាច់ខែកក្កដា ឆ្នាំ២០២៦កន្លងទៅនេះ យ៉ាងហោចណាស់មានគម្រោងវិនិយោគបង្កើតតំបន់សេដ្ឋកិច្ចពិសេសចំនួន៧ ត្រូវបានក្រុមប...
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិ...
ក្រសួងពាណិជ្ជកម្ម បានបន្តរៀបចំ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣ (3rd Digital trade Forum - 3d DTF) ក្រោមមូលបទ «ជំរុញពាណិជ្ជកម្...
ខេត្តក្រចេះបានដាក់ឱ្យអនុវត្តផែនការអភិវឌ្ឍន៍ទេសចរណ៍ឆ្នាំ ២០២៦-២០៣០ ដោយកំណត់ទិសដៅអភិវឌ្ឍវិស័យទេសចរណ៍ឱ្យកាន់តែមានគុណភាព ទាក់ទា...
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្...
តម្លៃប្រេងឆៅបានហក់ឡើងដល់កម្រិតខ្ពស់បំផុតក្នុងរយៈពេល ៦ សប្តាហ៍ ដោយតម្លៃប្រេង Brent ខិតជិត ១០០ ដុល្លារក្នុងមួយបារ៉ែល បន្ទាប់...
សមាគមមីក្រូហិរញ្ញវត្ថុកម្ពុជា ក្រោមការគាំទ្រផ្នែកហិរញ្ញវត្ថុពីស្ថានទូតអៀរឡង់នៅប្រទេសវៀតណាម តាមរយៈអង្គការ Oxfam នៅកម្ពុជា និងការគាំទ្រផ្នែកបច្ចេកទេស...
កម្មវិធីពិសេសរបស់ AMS ECONOMY
