AMS Economyទីផ្សារប្រេងឆៅអាចធូរស្រាលឡើងវិញ ខណៈថៅកែក្រុមហ៊ុនធំៗប្រកាសបង្កើនផលិតកម្ម
ទីបំផុតក្រុមប្រធានប្រតិបត្តិក្រុមហ៊ុនផលិតប្រេងធំៗរបស់ពិភពលោកដែលមានរួមទាំង ExxonMobil, Chevron និងក្រុមហ៊ុនធំៗផ្សេងទៀតបានធ្វើការប្តេជ្ញាចិត្តរួមគ្នាមួយនៅក្នុងក្រុងវ៉ាស៊ីនតោនក្នុងសប្តាហ៍នេះថា នឹងចាប់ផ្តើមបង្កើនផលិតកម្មផលិតប្រេងរបស់ខ្លួនបន្ថែមទៀតឲ្យបានច្រើននៅក្នុងឆ្នាំនេះ។
ការសម្រេចចិត្តរួមគ្នានេះធ្វើឡើងក្នុងគោលបំណងដើម្បីបញ្ជាក់ប្រាប់ទៅកានមហាជន និងពិភពលោកថា ពួកគេមិនមែនជាអ្នកដែលកំពុងកើប និងកេងប្រាក់ចំណេញនោះទេក្នុងអំឡុងពេលនៃវិបត្តិសង្គ្រាមនៅអ៊ុយក្រែន ហើយបញ្ជាក់ថាពួកគេមានអំណាច និងឥទ្ធិពលតិចតួចបំផុតសម្រាប់ការកើនឡើងនៃតម្លៃប្រេងឆៅចាប់តាំងតែពីពេលដែលរុស្ស៊ីចាប់ផ្តើមលុកលុយអ៊ុយក្រែន។
គួរឲ្យដឹងដែរថា មកដល់ពេលនេះតម្លៃប្រេងឆៅនៅតែមានតម្លៃខ្ពស់ ហើយវាកំពុងធ្វើឲ្យប៉ះពាល់ និងជះឥទ្ធិពលទៅដល់ស្ទើរគ្រប់ប្រទេសទាំងអស់លើសកលលោក។ ក្រៅពីបញ្ហាវិបត្តិនៅអ៊ុយក្រែនហើយនោះ ក្រុមមហាសេដ្ឋីប្រេងកាតក៏បានលើកឡើងដែរថាការបោះឆ្នោតពាក់កណ្តាលអាណត្តិនៅអាមេរិកដែលប្រព្រឹត្តិទៅនាខែវិច្ឆិកានោះក៏នឹងក្លាយទៅជាបញ្ហាចោទផ្នែកនយោបាយដ៏ធំមួយទៀតផងដែរសម្រាប់ទីផ្សារប្រេងឆៅ។
ទោះបីជាយ៉ាងណាក្តី កន្លងមកទាំងអាមេរិក និងទីភ្នាក់ងារគ្រប់គ្រងថាមពលអន្តរជាតិ IEA ក៏បានព្យាយាមបញ្ចេញប្រេងស្តុកជាច្រើនមកហើយដែរដើម្បីជួយកាត់បន្ថយសំពាធដែលមាននៅក្នុងវិបត្តិតម្លៃប្រេងឆៅលើកនេះ។ សប្តាហ៍កន្លងទៅនេះ អាមេរិកបានបញ្ចេញប្រេងពីក្នុងស្តុកដល់ទៅ១៨០លានបារ៉ែលសម្រាប់រយៈពេល៦ខែខាងមុខ ខណៈដែល IEA កាលពីថ្ងៃពុធបានប្រកាសថាសមាជិករបស់ខ្លួននឹងបញ្ចេញប្រេងក្នុងស្តុកបន្ថែម៦០លានបារ៉ែលទៀតផងដែរ។ ប៉ុន្តែទោះបីជាយ៉ាងណា ក្រុមប្រធានប្រតិបត្តិនៃក្រុមហ៊ុនថាមពលធំៗរបស់ពិភពលោកបានព្រមានថាដំណោះស្រាយទាំងនេះនឹងមិនអាចជួយជួសជុលបញ្ហានេះបានភ្លាមៗឡើយ ហើយនឹងត្រូវចំណាយពេលបន្ថែមទៀតនាពេលខាងមុខ៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
កម្មវិធីពិសេសរបស់ AMS ECONOMY
