AMS Economyប្រេងឆៅចាប់ផ្តើមធ្លាក់ថ្លៃ ខណៈតម្លៃសាំងនៅអង់គ្លេសបន្តកើនឡើង
ក្រុមអ្នកឃ្លាំមើលជាច្រើនបានកត់សំគាល់ឃើញថា តម្លៃប្រេងឆៅសកលក្នុងរយៈពេល២ថ្ងៃចុងក្រោយនេះបានបន្តធ្លាក់ចុះថ្លៃមកនៅក្រោម១០០ដុល្លារក្នុងមួយបារ៉ែលជាលើកដំបូងចាប់តាំងតែពីដើមខែមីនាមក។
តម្លៃប្រេងឆៅរបស់ក្រុមហ៊ុនអាមេរិក Brent crude ដែលជាស្លាកសញ្ញាយីហោរបស់ទីផ្សារប្រេងឆៅរបស់ពិភពលោកបានធ្លាក់ចុះត្រឹមតែ៩៨ដុល្លារក្នុងមួយបារ៉ែលគិតត្រឹមថ្ងៃអង្គារម្សិលមិញ ប៉ុន្តែទោះបីជាយ៉ាងណាក្តីតម្លៃប្រេងសាំងឯណោះវិញនៅតែបន្តកើនឡើងក្នុងអត្រាបំបែកកំណត់ត្រានៅឡើយគិតត្រឹមថ្ងៃចន្ទដើមសប្តាហ៍កន្លងទៅនេះ។
បណ្តុំក្រុមហ៊ុនលក់រថយន្តរបស់អង់គ្លេស RAC (The Royal Automobile Club) ដែលមានសមាជិកប្រើប្រាស់សេវាកម្មរបស់ខ្លួនដល់ទៅ១២លាននាក់មកពីជុំវិញពិភពលោកនោះបានលើកឡើងថា ទោះបីជាមិនទាន់អាចចុះតម្លៃមកវិញភ្លាមៗ ប៉ុន្តែក្រុមអ្នកលក់សាំងរាយកំពុងចាប់ផ្តើមលក់សាំងដែលមានតម្លៃធ្លាក់ចុះទាំងនោះជាបណ្តើរមកវិញហើយក្រោយទទួលបានស្តុកថ្មីពីសំណាក់ក្រុមអ្នកលក់ដុំ។
តម្លៃជាមធ្យមនៃប្រេងសាំងគិតត្រឹមថ្ងៃចន្ទគឺមានប្រមាណជា ១៦៣,៧១ ផេន (pence) ក្នុងមួយលីត្រ ហើយប្រេងម៉ាស៊ូតមានតម្លៃកើនឡើងខ្លាំងដល់កំណត់ត្រារហូតទៅដល់ ១៧៨,៦៨ផេន (pence) ក្នុងមួយលីត្រ ដោយ ១០០ផេន(pence) ស្មើនឹង១ផោនលុយអង់គ្លេសឬ ១,៣១ដុល្លារលុយអាមេរិក។
គួររំលឹកឡើងវិញដែរថា គិតចាប់តាំងតែពីថ្ងៃទី២៤ ខែកុម្ភៈ ឆ្នាំ២០២២ ដែលប្រទេសរុស្ស៊ីបានបើកយុទ្ធនាការយោធាក្នុងការលុកលុយចូលទៅកាន់ប្រទេសអ៊ុយក្រែនមក តម្លៃប្រេងឆៅបានចាប់ផ្តើមស្ទុះកើនឡើងជាបន្តបន្ទាប់រហូតដល់កំណត់ត្រាមួយមិនធ្លាប់មានរយៈពេល១៤ឆ្នាំចុងក្រោយ។
អ្នកនាំពាក្យរបស់ RAC លោក Simon Williams បានលើកឡើងថា ទោះបីជាតម្លៃប្រេងសាំងនៅតែស្ថិតនៅក្នុងអត្រាខ្ពស់នៅឡើយក្តី ប៉ុន្តែសម្រាប់អ្នកប្រើប្រាស់ និងអ្នកបើកបរយានយន្តទាំងឡាយគួរតែរីករាយចំពោះដំណឹងនៃប្រេងឆៅដែលកំពុងធ្លាក់ចុះមកវិញលើកនេះ។
រយៈពេលប៉ុន្មានថ្ងៃចុងក្រោយនេះតម្លៃប្រេងឆៅបានធ្លាក់ចុះក៏ដោយសារតែក្តីសង្ឃឹមថានឹងមានបទឈប់បាញ់គ្នាមួយរវាងអ៊ុយក្រែននិងរុស្ស៊ីក្រោយកិច្ចប្រជុំជាបន្តបន្ទាប់និងជាពិសេសគេបានរំពឹងទុកថាតម្រូវការពីទីផ្សារនៃប្រទេសចិននឹងត្រឡប់មកវិញក្នុងពេលដែលករណីរីករាលដាលនៃវិរុសកូវីដកំពុងតែមានភាពធូរស្រាល៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
កម្មវិធីពិសេសរបស់ AMS ECONOMY
