AMS Economyស្វែងយល់ពីវិធីសាស្ត្រដាំអំពៅឱ្យមានរសជាតិផ្អែម និងដើមថ្លោសល្អដោយការប្រើជីធម្មជាតិ
ភ្នំពេញ ៖ អំពៅ ជាដំណាំមួយប្រភេទដែលមានប្រយោជន៍ច្រើនមុខ និងមានរសជាតិផ្អែមឆ្ងាញ់ ហើយក៏អាចយកច្នៃទៅរម្ងាស់ធ្វើជាស្ករអំពៅផងដែរ។ ម៉្យាងទៀត បើគេងាកទៅមើលពីតម្រូវការទីផ្សារវិញ ក៏មានភាពទូលាយផងដែរ អាស្រ័យហេតុនេះប្រជាកសិករគួរគប្បីមានវិធីសាស្ត្រល្អក្នុងការដាំដុះ ថែទាំ ដើម្បីអាចទទួលបានទិន្នផលខ្ពស់។
ពាក់ព័ន្ធទៅនឹងវិធីសាស្ត្រនៃការដាំដុះ រហូតបង្កើនផលឱ្យបានខ្ពស់ ត្រូវបានអ្នកជំនាញកសិកម្មបញ្ជាក់ថា ដើម្បីដាំអំពៅឱ្យមានរសជាតិផ្អែមល្អគឺគេមិនអាចខ្វះបានទេនូវការប្រើប្រាស់ជីធម្មជាតិ។ ជី គឺជារឿងសំខាន់បំផុត ហើយប្រភេទជីធម្មជាតិដែលជួយឱ្យអំពៅផ្អែមនោះ រួមមាន ផេះ ដីដំបូក និងលាមកសត្វស្ងួតក្រៀមច្រើនឆ្នាំ ហើយជៀសវាងការប្រើកម្ទេចធ្យូងដែលអាចធ្វើឱ្យអំពៅប្រៃបាន។ ម្យ៉ាងវិញទៀត ការប្រើប្រាស់ទឹកក៏ជាកត្តាសំខាន់មួយផងដែរ ដោយសារអំពៅត្រូវការទឹកស្រោចនៅពេលដីខ្សោះ ប៉ុន្តែបើស្រោចទឹកច្រើនពេក វានឹងធ្វើឱ្យទឹកអំពៅសាបទៅវិញ។ នៅពេលដាំអំពៅ គេត្រូផ្សាំទុកឱ្យវាដុះបានកម្ពស់ ០.៥០ម៉ែត្រពីដី ហើយត្រូវដកស្លឹកដុះនៅបណ្ដូលដើមអំពៅចោល ដើម្បីឱ្យអំពៅឆាប់បែកកូនបានច្រើន លូតកម្ពស់ស្មើៗគ្នា និងដុះដើមបានប៉ុនៗគ្នាល្អ។
បន្ថែមពីលើនេះ បើចង់បានដើមអំពៅធំថ្លោសល្អ ត្រូវកាប់ដើមចោលខ្លះ ដោយទុកតែ ៨ដើមក្នុងមួយគុម្ព រាប់ទាំងដើមដែលដកបណ្ដូលចេញ។ បើទុកដើមអំពៅនោះទាំងអស់ វានឹងដណ្ដើមគ្នាបឺតជីជាតិពីដី ធ្វើឱ្យដើមអំពៅតូចហើយក្រិន។ ប៉ុន្តែក្នុងករណីដាំលើដីល្បប់បាតបឹង ឬដីលិចទឹក គឺអាចទុកដើមអំពៅទាំងអស់បាន តែត្រូវបន្ថែមជីនៅក្នុងដីគន្លង។
វិធីសាស្ត្រនៃការដាំដុះ និងថែទាំ ៖
របៀបដាំអំពៅមាន ២បែប គឺដាំដោយបណ្ដុះ និងដាំដោយកំណាត់ដើម។ ការបណ្តុះកូនអំពៅ ជាដំបូងត្រូវកាត់ដើមអំពៅជាកំណាត់ខ្លីៗ យកមួយថ្នាំងៗ រួចហើយរៀបថ្នាំងនោះតម្រៀបគ្នាក្នុងថ្នាលមួយក្បែរប្រភពទឹក ដើម្បីងាយស្រួលក្នុងការស្រោចស្រព។ កំណាត់ដើមមអំពៅនោះ មិនត្រូវលុបដីឱ្យជិតទេ ត្រូវយកភ្នែកថ្នាំងអំពៅបញ្ឈរឡើងលើ ដើម្បីឱ្យពន្លកឆាប់ដុះពីថ្នាំង បន្ទាប់មកត្រូវគ្របចំបើងពីលើថ្នាំងអំពៅ។ ស្រោចទឹកមួយថ្ងៃម្ដង ដើម្បីឱ្យកូនអំពៅឆាប់ដុះល្អ។ លុះពេលដែលកូនអំពៅដុះបានទំហំប៉ុនម្រាមដៃ គឺក្រោយបណ្ដុះប្រហែល ១ខែទើបគេយកទៅដាំនៅក្នុងដីចំការ។
ចំណែកការដាំកំណាត់ដើមអំពៅវិញ ភាគច្រើនវិធីនេះគេអនុវត្តចំពោះដីចំការធំៗ ដែលកាប់រណ្ដៅ ហើយលើកជារង។ ការដាំដុះតាមវិធីនេះ គេអាចអនុវត្តបានចំពេលដែលដីចំការនៅសើម ដែលម្ចាស់ចំការអាចចំណាយទុនតិច និងឆាប់រហ័សទួលផលទៀតផង។ ប៉ុន្តែវាមានគុណវិបត្តិម្យ៉ាង គឺដើមដុះមិនបានល្អនៅពេលពុំមានភ្លៀងធ្លាក់គ្រប់គ្រាន់។
ដោយឡែកមុនដាំ យើងត្រូវភ្ជួរដីចំការឱ្យបាន ៣សា ធ្វើយ៉ាងណាឱ្យបានជម្រៅជ្រៅ រាស់ដីឱ្យម៉ត់ និងឆូតជាគន្លង ដើម្បីឱ្យមានចង្អូរ តែមិនមែនលើកជារងនោះទេ។ កាយគន្លងនោះឱ្យមាត់រណ្ដៅមានទំហំ ៨តឹក រួចយកកូនអំពៅ ១ដើម មានដុះដើមប៉ុនមេដៃ កម្ពស់ ២តឹកទៅកប់ក្នុងរណ្ដៅ ដែលមានល្បាយផេះ ដីដំបូក លាមកសត្វងាប់ នៅបាតរណ្ដៅនោះ រួមកប់វាបន្ថើរៗល្មម ជាការស្រេច។
ចុងក្រោយគឺការប្រមូលផល ដែលយើងអាចប្រមូលទិន្នផលអំពៅបានក្នុងរយៈពេល ៤ខែ ហើយការប្រមូលផលនេះទៀតសោត យើងមិនត្រូវកាប់ដល់គល់ទេ គឺត្រូវទុកគល់អំពៅឱ្យនៅសល់ប្រមាណ ១តឹកពីដី ដើម្បីឱ្យវាបែកគុម្ពនៅលើកក្រោយទៀត។ ប្រមូលស្លឹកឈើ និងចុងអំពៅទៅគ្របពីលើគល់ហើយដុតវា។ លុះពេលមានភ្លៀងធ្លាក់ វានឹងចាប់ផ្តើមដុះជាថ្មី ដោយពន្លកក្រោយនេះ នឹងមានទំហំធំជាងមុន ហើយយើងអាចទទួលផលពី១ឆ្នាំ ទៅ ៣ឆ្នាំផងដែរ៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អុីស្រាអែល ទិញរោងចក្រផលិតរថយន្តដ៏ល្បីរបស់អាល្លឺម៉ង់ ប្ដូរទៅផលិតជាអាវុធទំនើបវិញ
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។ យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael
ផ្លូវសមុទ្រខាងជើង NSR ក្លាយជាសមរភូមិសាស្ត្រនយោបាយថ្មីរបស់មហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្រជែងអំណាចរវាងមហាអំណាចក្នុងសតវត្សរ៍ទី២១
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ចិនប្រកាសចាត់វិធានការប្រឆាំងការលក់បង្ខូចតម្លៃលើការនាំចូលសារធាតុគីមីមួយប្រភេទពីប្រទេសជប៉ុន ដែលប្រើប្រាស់ក្នុងការផលិតបន្ទះឈីប
ភ្នំពេញ ៖ គិតចាប់ពីខែមករា ដល់ដំណាច់ខែកក្កដា ឆ្នាំ២០២៦កន្លងទៅនេះ យ៉ាងហោចណាស់មានគម្រោងវិនិយោគបង្កើតតំបន់សេដ្ឋកិច្ចពិសេសចំនួន៧ ត្រូវបានក្រុមប...
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិ...
ក្រសួងពាណិជ្ជកម្ម បានបន្តរៀបចំ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣ (3rd Digital trade Forum - 3d DTF) ក្រោមមូលបទ «ជំរុញពាណិជ្ជកម្...
ខេត្តក្រចេះបានដាក់ឱ្យអនុវត្តផែនការអភិវឌ្ឍន៍ទេសចរណ៍ឆ្នាំ ២០២៦-២០៣០ ដោយកំណត់ទិសដៅអភិវឌ្ឍវិស័យទេសចរណ៍ឱ្យកាន់តែមានគុណភាព ទាក់ទា...
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្...
តម្លៃប្រេងឆៅបានហក់ឡើងដល់កម្រិតខ្ពស់បំផុតក្នុងរយៈពេល ៦ សប្តាហ៍ ដោយតម្លៃប្រេង Brent ខិតជិត ១០០ ដុល្លារក្នុងមួយបារ៉ែល បន្ទាប់...
សមាគមមីក្រូហិរញ្ញវត្ថុកម្ពុជា ក្រោមការគាំទ្រផ្នែកហិរញ្ញវត្ថុពីស្ថានទូតអៀរឡង់នៅប្រទេសវៀតណាម តាមរយៈអង្គការ Oxfam នៅកម្ពុជា និងការគាំទ្រផ្នែកបច្ចេកទេស...
កម្មវិធីពិសេសរបស់ AMS ECONOMY
