AMS Economyកម្មវិធីទេសចរណ៍បរិស្ថាន ជួយឱ្យសហគមន៍ទទួលបានចំណូលដោយផ្ទាល់ពីទេសចរ និងការសម្អាតបរិស្ថាន
សៀមរាប ៖ ការរស់នៅស្អាត គ្មានសំរាមប្លាស្ទិក និងទទួលបានប្រាក់ចំណូលតាមរយៈសកម្មភាពអុំទូកកម្សាន្ត និងការប្រមូលសំណល់ប្លាស្ទិកបឹងទន្លេសាប គឺជាផលិតផលទេសចរណ៍ថ្មីមួយដែលបានទាញផលប្រយោជន៍ជាច្រើនដល់ប្រជាសហគមន៍ ដែលបានបង្កើតឡើង និងថែមទាំងបានសម្អាតសំរាមប្លាស្ទិកពីក្នុងបឹងទន្លេសាបផង។
លោក ស៊ា សុផល ប្រធានអង្គការមូលនិធិទំពាំងស្នងឫស្សី បានមានប្រសាសន៍ថា កម្មវិធីទេសចរណ៍បរិស្ថាន ត្រូវបានបង្កើតឡើង ដែលកម្មវិធីនេះ នឹងលើកកម្ពស់ជីវភាពសហគមន៍ តាមរយៈការបង្កើតចំណូលដោយផ្ទាល់ពីភ្ញៀវទេសចរ។
លោកបានលើកឡើងថា ស្របពេលដែលប្រជាសហគមន៍អាចប្រមូលប្លាស្ទិកច្រកដប ប្តូរយកអង្ករពីគម្រោង និងក៏ជាការទាក់ទាញភ្ញៀវទេសចរជាតិ និងអន្តរជាតិឱ្យទៅកម្សាន្ត តាមរយៈកម្មវិធីអុំទូក គយគន់សម្រស់ធម្មជាតិ។
លោក ស៊ា សុផល បានមានប្រសាសន៍ថា ៖
“សហគមន៍បានបង្កើតឡើង សម្រាប់អ្នកទេសចរ ដែលត្រូវការប្រើប្រាស់សេវាកម្មអុំទូក របស់សហគមន៍ដោយផ្ទាល់ ពេលនោះប្រាក់ចំណូលដែលបងប្អូនទទួលបាន នឹងជួយលើកកម្ពស់ជីវភាពប្រជាសហគមន៍ឱ្យល្អប្រសើរ”
លោកបានបញ្ជាក់ថា ៖
“ស្របពេលដែលបងប្អូនប្រមូលប្លាស្ទិក ទុកដាក់សម្អាតបរិស្ថាន ហើយទុកដូរយកអង្ករផង ហើយក៏ក្លាយជាសកម្មភាពថ្មី អាចទាក់ទាញទេសចរបាន ដោយមិនបាច់រង់ចាំ ៣ខែម្តងសប្បុរសជនយកអំណោយមកចែក ពេលហ្នឹងបងប្អូនបានចំណូលដោយផ្ទាល់ពីទេសចរ ហើយអុំទូកលេងកន្លែងណា ឃើញសំរាមទាក់ យើងសម្អាតរាល់ថ្ងៃ វាទៅជាសកម្មភាពប្រចាំថ្ងៃ។ ដូច្នេះសង្ឈឹមថាចាប់ពីថ្ងៃនេះទៅ ជាថ្ងៃប្រវត្តិសាស្រ្តមួយសម្រាប់សហគមន៍”
លោកជំទាវ ឆាយ ស៊ីវលីន ប្រធានសមាគមទេសចរណ៍កម្ពុជា (CATA) បានលើកឡើងថា កម្មវិធីទេសចរណ៍បរិស្ថាននេះ បានផ្តល់អត្ថប្រយោជន៍ជាច្រើន សម្រាប់បងប្អូនរស់នៅក្នុងភូមិពាមតាអួរ នៃសហគមន៍មេជ្រៃ ព្រោះថាពួកគាត់អាចទទួលបានការរស់នៅស្អាត គ្មានសំរាមប្លាស្ទិក និងទទួលបានប្រាក់ចំណូលដោយផ្ទាល់ពីវិស័យទេសចរណ៍ ដោយគ្រាន់តែពួកគាត់ត្រូវថែរក្សាអ្វីដែលមានស្រាប់ ទាំងកត្តាអំណោយផលពីធម្មជាតិ និងការសម្អាតបរិស្ថានជាដើម។
លោកជំទាវ ឆាយ ស៊ីវលីន បានមានប្រសាសន៍ថា ៖
“កន្លែងទាក់ទាញទេសចរ ជាកន្លែងដែលស្អាត ហើយយើងមានអ្វីឱ្យគេមើល យើងមានទឹក មានភូមិស្ថានមានសកម្មភាពមុខរបរប្រចាំថ្ងៃរបស់ប្រជាជនយើង យើងមានព្រៃ មានសត្វ មានត្រី ទាំងអស់ហ្នឹងគឺជាចំណុចទាក់ទាញទេសចរ ទាំងក្នុង និងក្រៅស្រុក អ៊ីចឹងបើយើងមិនបានថែរក្សារបស់ទាំងអស់ហ្នឹងទេ យើងអត់មានអ្វីត្រូវទទួលភ្ញៀវទេ”
លោកជំទាវបានបញ្ជាក់ថា ៖
“យើងយកឱកាសក្នុងពេលនេះ ជាពេលដែលយើងអបអរ នូវទេសចរណ៍បរិស្ថាន ដែលបានចូលរួមកន្លងមក ហើយក៏យកឱកាសនេះក្នុងការផ្សព្វផ្សាយ បញ្ជ្រាបការយល់ដឹងជាពិសេសទៅលើបងប្អូនរស់នៅក្នុងឃុំកែវពណ៌ ឱ្យបានយល់ដឹងពីការ សម្អាតអនាម័យ ការទទួលភ្ញៀវទេសចរ ការផ្តល់នូវសេវាកម្ម”
សូមបញ្ជាក់ថា កម្មវិធីទេសចរណ៍បរិស្ថាន ធ្វើឡើងស្របពេលដែលរាជរដ្ឋាភិបាលកម្ពុជា បានប្រកាសពីការបើកវិស័យទេសចរណ៍ និងទទួលទេសចរអន្ដរជាតិឡើងវិញ នៅខេត្តសៀមរាប នាខែមករា ឆ្នាំ២០២២នេះ។ ការគាំទ្រសហគមន៍ទាក់ទងនឹងការងារបរិស្ថាន គឺមានសារសំខាន់ណាស់ ដើម្បីឱ្យសហគមន៍មានការរៀបចំ សម្អាតអនាម័យ បរិស្ថាន ត្រៀមទទួលទេសចរឡើងវិញ ដែលជាផ្នែកមួយលើកកម្ពស់សេដ្ឋកិច្ចសហគមន៍តាមរយៈវិស័យទេសចរណ៍៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី ទទួលបានការចុះបញ្ជីលក់សញ្ញាបណ្ណចីរភាពនៅផ្សារមូលបត្រកម្ពុជាជាផ្លូវការ
ព្រឹត្តិការណ៍, អត្ថបទពាណិជ្ជកម្ម
• 11/09/2026
ភ្នំពេញ ៖ នាព្រឹកថ្ងៃព្រហស្បតិ៍ ១៣រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែកញ្ញា ឆ្នាំ២០២៦ ផ្សារមូលបត្រកម្ពុជា បានប្រារព្ធ “ពិធីចុះបញ្ជីលក់សញ្ញាបណ្ណចីរភាពជាផ្លូវការរបស់គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី”ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណិ្ឌតសភាចារ្យ ហ៊ាន សាហ៊ីបរដ្ឋលេខាធិការនៃក្រសួងសេដ្ឋកិច្ច
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ...
ធនាគារជាតិនៃកម្ពុជា (NBC) បានអំពាវនាវឱ្យសាធារណជនមានការប្រុងប្រយ័ត្នខ្ពស់ មុននឹងតភ្ជាប់ ឬចូលប្រើប្រាស់សេវាទូទាត់សងប្រាក់ណា...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
