AMS Economyបុរសជនជាតិអេក្វាឌ័រម្នាក់ លះបង់ការងារ និងពេលវេលាជាង៤០ឆ្នាំបង្កើតកូនព្រៃអាម៉ាហ្សូនតូចមួយ
អស់រយៈពេលជាង៤០ឆ្នាំមកហើយដែលបុរសជនជាតិអេក្វាឌ័រម្នាក់មានឈ្មោះថា Omar Tello ត្រូវបានអ្នកស្រុកភូមិរបស់ខ្លួននាំគ្នាហៅគាត់ថា ជាមនុស្សឡប់សតិដែលសុខចិត្តបោះបង់ការងាររបស់ខ្លួនជាគណនេយ្យករព្រមទាំងចំណាយលុយមួយចំនួនទៅធ្វើរឿងដែលគ្មានអ្នកណាម្នាក់ចង់ធ្វើនោះឡើយ ពោលគឺបុរសរូបនេះបានចំណាយពេល និងថវិកាផ្ទាល់ខ្លួនទិញដីបង្កើតព្រៃអាម៉ាហ្សូនដ៏តូចមួយនៅក្នុងតំបន់។
លោក Omar ធ្លាប់បាននិយាយជារឿយៗថា លោកមានអារម្មណ៍មិនសប្បាយចិត្តឡើយនៅពេលដែលបានឃើញព្រៃអាម៉ាហ្សូនត្រូវទទួលរងនូវការកាប់បំផ្លិចបំផ្លាញ។
លោក Omar បានបន្តបែបនេះថា ៖
“មនុស្សជាច្រើនគិតថា ខ្ញុំជាមនុស្សឆ្កួត ប៉ុន្តែខ្ញុំពិបាកទ្រាំណាស់ក្នុងការមើលឃើញឋានសួគ៌លើដីក្រោមមេឃមួយនេះត្រូវបានបាត់បង់បន្តិចម្តងៗទាំងជីវិតសត្វព្រៃ និងប្រភេទដើមឈើដ៏កម្រជាច្រើនប្រភេទទៀត។ ដូច្នេះខ្ញុំបាននិយាយប្រាប់ខ្លួនឯងថា ខ្ញុំត្រូវតែធ្វើអ្វីម្យ៉ាងដើម្បីសង្គ្រោះជីវិតទាំងនោះឲ្យបាន”
ក្រោមការតាំងចិត្តដ៏ខ្ពស់ លោក Omar បានសម្រេចចិត្តយកលុយដែលនៅសេសសល់ក្នុងការទិញដីដ៏តូចមួយកន្លែង និងខិតខំព្យាយាមតែម្នាក់ឯងដើម្បីកែប្រែដែនដីនោះទៅជាព្រៃត្រូពិចមួយបើទោះបីដឹងថាវានឹងមិនអាចផ្តល់ជាប្រាក់ចំណូលណាមួយមកគាត់វិញក៏ដោយ។ គាត់បានធ្វើដំណើរទៅដល់ព្រៃអាម៉ាហ្សូនក្នុងការនាំយកពូជដើមឈើកម្រៗមកធ្វើការដាំដុះនៅទីតាំងដីរបស់គាត់អស់រយៈពេលជាង៤០ឆ្នាំមកហើយ។
អស់រយៈពេលជាច្រើនឆ្នាំមកនេះ ដំណាំ និងពូជឈើទាំងនោះបានចាប់ផ្តើមរីកលូតលាស់ និងបានទាក់ទាញជីវិតសត្វព្រៃជាច្រើនប្រភេទឲ្យនាំគ្នាមករស់នៅទីនេះ បូករួមទាំងពីសត្វពស់ព្រៃ ព្រមទាំងប្រភេទសត្វឃ្មុំព្រៃពណ៌ចម្រុះដ៏កម្រផងដែរ។ ទោះបីជាយ៉ាងណាក៏ដោយ ព្រៃអាម៉ាហ្សូនដ៏តូចមួយនេះមានផ្ទៃក្រឡាត្រឹមតែប៉ុន្មានរយម៉ែត្រការ៉េប៉ុណ្ណោះ ដោយមានការហ៊ុមព័ទ្ធទៅដោយដីអភិវឌ្ឍរបស់រដ្ឋ និងឯកជនដែលធ្វើឲ្យមានការលំបាកក្នុងការពង្រីកខ្លួនបន្ថែមទៀតនាពេលអនាគត។
ថ្វីត្បិតតែទទួលបានជោគជ័យក្នុងការបង្កើតបានកូនព្រៃអាម៉ាហ្សូនដ៏គួរឲ្យទាក់ទាញមួយក៏ពិតមែន ប៉ុន្តែលោកមិនមានឱកាសក្នុងការពង្រីកទំហំរបស់វាឡើយ។ ដូច្នេះ លោក Omar បានសម្រេចចិត្តក្នុងការជ្រើសរើសវិធីសាស្ត្រថ្មីដើម្បីអាចបន្តក្តីសុបិនរបស់គាត់ក្នុងការថែរក្សាជីវិតសត្វ និងដើមឈើព្រៃនោះ ដោយលោកតែងតែបានចូលរួម និងបើកការបណ្តុះបណ្តាលទៅដល់ក្រុមអ្នកភូមិដែលស្ថិតនៅក្បែរទៅលើបច្ចេកទេសនៃការដាំដុះដំណាំ និងដើមឈើព្រៃប្រភេទសំខាន់ៗ។ គំនិតរបស់លោក Omar ត្រូវបានទទួលការគាំទ្រយ៉ាងខ្លាំងពីសំណាក់ក្រុមការងារនៃអង្គការដែលផ្តល់ហិរញ្ញវត្ថុ និងអង្គការពាក់ព័ន្ធទៅនឹងបញ្ហាបម្រែបម្រួលអាកាសធាតុមួយចំនួនទៀត ហើយជាលទ្ធផលអត្ថប្រយោជន៍ពីគម្រោងជាច្រើនត្រូវបានផ្តល់ទៅឲ្យលោក Omar ព្រមទាំងក្រុមកសិករដែលយល់ព្រមក្នុងការប្រើប្រាស់ដីធ្លីរបស់ពួកគេក្នុងការចូលរួមចំណែកសកម្មភាពដូចទៅនឹងអ្វីដែលលោក Omar ធ្លាប់បានធ្វើកន្លងមកនេះ៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
កម្មវិធីពិសេសរបស់ AMS ECONOMY
