AMS Economyការសិក្សា ៖ រថយន្តអគ្គិសនីអាចដោះស្រាយបញ្ហាបំពុលអាកាសរបស់ផែនដី ប៉ុន្តែក៏អាចបង្កជាវិបត្តិទៅថ្ងៃខាងមុខ
រថយន្តធ្វើដំណើរប្រចាំថ្ងៃរបស់មនុស្សទូទៅដែលដើរដោយថាមពលចំហេះប្រេងឥន្ធនៈបញ្ចេញសារធាតុកាបូនគឺជាបញ្ហាដ៏ស្មុគ្រស្មាញ និងជាបញ្ហាស្នូលនៃការបំពុលអាកាស ជាពិសេសជាកត្តាសំខាន់ដែលធ្វើឲ្យមានបម្រែបម្រួលអាកាសធាតុយ៉ាងធ្ងន់ធ្ងរ។
ឧស្ម័នកាបូនិករាប់លានតោនត្រូវបានបញ្ចេញចូលទៅក្នុងបរិយាកាសជារៀងរាល់ឆ្នាំ ដែលបានបំផ្លិចបំផ្លាញស្រទាប់អូហ្សូនដែលមាននាទីជាអ្នកការពារភពផែនដីពីការកើនឡើងនៃកំដៅយ៉ាងខ្លាំងក្លាពីពន្លឺព្រះអាទិត្យ ម្ល៉ោះហើយបានជាបច្ចុប្បន្នគេសង្កេតឃើញថារថយន្តអគ្គិសនីបានក្លាយទៅជាដំណោះស្រាយសម្រាប់ពិភពលោកក្នុងការគេចចេញពីវិបត្តិមួយនេះ។
ជាទូទៅរថយន្តអគ្គិសនីមានអាយុកាល១០ឆ្នាំគឺនឹងទាមទារឲ្យមានការផ្លាស់ប្តូរថ្មសាកអគ្គិសនីរថយន្តចេញ ប៉ុន្តែអ្នកជំនាញជឿជាក់ថាបច្ចុប្បន្នការកែច្នៃសារធាតុគិមីដែលមាននៅក្នុងថ្មសាកថាមពលអគ្គិសនីទាំងនោះមកជាសម្ភារ និងឧបករណ៍ប្រើប្រាស់ឡើងវិញហាក់មិនទាន់ឈានដល់ចំនួនពាក់កណ្តាលនៃថ្នសាកដែលត្រូវបោះបង់ចោលនោះឡើយ។
ដូចនេះ មានការចោទជាសំណួរថា តើកាកសំណល់ថ្មសាកថាមពលអគ្គិសនីរថយន្តទាំងនោះនឹងអាចក្លាយទៅជាបញ្ហាធ្ងន់ធ្ងរសម្រាប់ភពផែនដីដែរឬទេនៅក្នុងរយៈពេលខាងមុខនេះ?
យ៉ាងណាក៏ដោយ ទោះបីជាមិនអាចធ្វើការព្យាករណ៍ទុកបាន១០០ភាគរយ ប៉ុន្តែអ្នកជំនាញជាច្រើនបាននាំគ្នាធ្វើការពន្យល់ស្រដៀងគ្នាទៅលើការវិវត្តនៃបច្ចេកវិទ្យាកែច្នៃថ្មរថយន្តអគ្គិសនីនាពេលអនាគតថានឹងមានភាពខ្វះខាតនៅឡើយធៀបទៅនឹងចំនួននៃការកើនឡើងនៃកាកសំណល់គិមីទាំងនេះ។
ថ្មរថយន្តអគ្គិសនីពិតជាលំបាកខ្លាំងណាស់ក្នុងការយកវាមកកែច្នៃឡើងវិញ ហើយកាន់តែអាក្រក់នោះគឺសារជាតុដែលមាននៅពីខាងក្នុងគឺជាសារជាតិដែលមានជាតិពុលបំផុតផងដែរ។ ថ្មអគ្គិសនីពីមុនគឺជាថ្មដែលសំបូរទៅដោយជាតិអាស៊ីតខុសពីថ្មរថយន្តបច្ចុប្បន្ន ដែលសំបូរទៅដោយអ៊ីយ៉ុងលីចូម។ ទោះបីជាអ៊ីយ៉ុងលីចូមមិនសូវពុលខ្លាំងដូចជាអាស៊ីតក្តី ប៉ុន្តែនៅពេលដែលវាត្រូវបានគេបោះចោលក៏មានសារធាតុបំពុលដូចគ្នា ខណៈដែលថ្មរថយន្តអគ្គិសនីបច្ចុប្បន្នគឺមានទំហំធំជាង ហើយនាពេលអនាគតទំហំនៃការប្រើប្រាស់នឹងមានការកើនឡើងទ្វេដង ឬរាប់សិបដងជាមិនខាន ដែលប្រការនេះនឹងអាចបង្កឲ្យកើតទៅជាក្តីបារម្ភបំផុតសម្រាប់ពិភពលោកដោះស្រាយសាជាថ្មី។
អ្នកជំនាញរបស់អាមេរិកលោក Ajay Kochhar សហស្ថាបនិកនៃក្រុមហ៊ុន LI-CYCLE បានពន្យល់ថា ក្រុមហ៊ុនភាគច្រើនព្យាយាមគេចវេសចេញពីការងារដែលពាក់ព័ន្ធទៅនឹងការទទួលខុសត្រូវចំពោះវត្ថុធាតុដើមនៃការផលិតថ្មរថយន្ត ពីព្រោះតែកត្តាសំខាន់គឺការប្រឈមមុខទៅនឹងបញ្ហាសុវត្ថិភាពជូនអ្នកប្រើប្រាស់ និងចំពោះបរិស្ថាន។ លោកបន្តទៀតថា នៅក្នុងសង្វាក់ផលិតកម្ម និងការផ្គត់ផ្គង់រថយន្តអគ្គិសនីនាពេលបច្ចុប្បន្ន និងបន្តទៅពេលអនាគត កិច្ចការងារកែច្នៃថ្មរថយន្តឡើងវិញគឺជាចន្លោះប្រហោងដ៏ធំមួយដែលមិនទាន់ត្រូវបានស្វែងរកដំណោះស្រាយបានល្អប្រសើរនៅឡើយ ខណៈដែលទីផ្សាររថយន្តអគ្គិសនីទើបតែមានប្រមាណជា៥ភាគរយប៉ុណ្ណោះនៃរថយន្តដែលត្រូវបានលក់ចេញកាលពីឆ្នាំ២០២០ ហើយជឿជាក់ថា ក្នុងរយៈពេល១០ឆ្នាំខាងមុខនេះ កាកសំណល់ថ្មរថយន្តអគ្គិសនី នឹងអាចមានទំហំធំ និងខ្ពស់ជាងប៉ម Eiffel Towers ប្រទេសបារាំងទៅទៀត៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
កម្មវិធីពិសេសរបស់ AMS ECONOMY
