AMS Economyប្រាក់អឺរ៉ូធ្លាក់ខ្លាំងធៀបប្រាក់ដុល្លារ ខណៈប្រទេសអឺរ៉ុបមួយចំនួនបង្ខំចិត្តទូទាត់ជាលុយរូបលដើម្បីទិញហ្គាសរុស្ស៊ី
គិតត្រឹមថ្ងៃពុធសប្ដាហ៍នេះ លុយអឺរ៉ូ EURO ដែលជារូបិយវត្ថុអឺរ៉ុបនោះបានធ្លាក់ចុះដល់កម្រិតមួយទាបបំផុតមិនធ្លាប់មានឡើយក្នុងរយៈពេល៥ឆ្នាំចុងក្រោយធៀបទៅនឹងលុយដុល្លារអាមេរិកដោយសារបញ្ហាវិបត្តិថាមពល ក៏ដូចជា ភាពយឺតយ៉ាវនៃកំណើនសេដ្ឋកិច្ចនៅក្នុងប្លុកទាំងមូលផង។
អត្រាប្តូរប្រាក់នៅវេលាម៉ោងប្រមាណជា១១ព្រឹកម៉ោងសកល ប្រាក់១អឺរ៉ូ មានតម្លៃស្មើនឹងលុយដុល្លារ ១,០៦១ ពោលគឺធ្លាក់ចុះពីតម្លៃ លើកមុនប្រមាណជា ១,០៦៣៦ដុល្លារអាមេរិក។ ព្រឹកថ្ងៃដដែលនេះលុយអឺរ៉ូគឺបានធ្លាក់ចុះទៅដល់ ១,០៥៨ដុល្លារអាមេរិកគឺជាការធ្លាក់ចុះក្រោមតម្លៃ ១,០៦ដុល្លារអាមេរិកជាលើកដំបូងគិតចាប់តាំងតែពីខែមេសា ឆ្នាំ២០១៧។
អ្នកជំនាញជាច្រើន និងត្រូវបានចេញផ្សាយដោយ rt.com បានអះអាងថា ការធ្លាក់ចុះនៃប្រាក់អឺរ៉ូលើកនេះគឺកើតឡើងដោយសារតែក្រុមហ៊ុនថាមពលធំបំផុតរបស់រុស្ស៊ី Gazprom បានប្រកាសផ្តាច់ការផ្គត់ផ្គង់ភ្លាមទៅលើប្រទេសក្នុងប្លុកអឺរ៉ុបចំនួន២ដូចជា ប៊ុលហ្ការី និងប្រទេសប៉ូឡញ ដោយសារតែពួកគេបានបដិសេធមិនព្រមធ្វើការទូទាត់ជារូបិយវត្ថុរុស្ស៊ី (ruble) តាមការចង់បានដោយរដ្ឋាភិបាលទីក្រុងមូស្គូ។
នៅថ្ងៃពុធម្សិលមិញនេះដែរ The Bloomberg បានចេញផ្សាយថាប្រទេសក្នុងប្លុកអឺរ៉ុបចំនួន៤បានបង្ខំចិត្តក្នុងការទូទាត់លុយរូបល (ruble) ជាមួយនឹងប្រទេសរុស្ស៊ី ហើយក្រៅពីនោះប្រទេសយ៉ាងហោចណាស់១០ទៀតកំពុងរៀបចំគណនីលុយរូបលជាមួយនឹងធនាគាររុស្ស៊ីដើម្បីអាចបន្តការទិញធនធានហ្គាសជាធម្មតាពី Gazprom ។
រំលឹកដែរថា ប្រទេសរុស្ស៊ីបានប្រកាសណែនាំនូវប្រព័ន្ធទូទាត់លុយរូបល(ruble)ជាមួយនឹងផលិតផលហ្គាសរបស់ខ្លួនតាំងតែពីខែមុនមកម្ល៉េះបន្ទាប់ពីអឺរ៉ុប និងបណ្តាប្រទេសលោកខាងលិចជាច្រើនទៀតបានប្រកាសដាក់ទណ្ឌកម្មសេដ្ឋកិច្ចប្រឆាំងនឹងរុស្ស៊ី ជាពិសេសគឺការដករុស្ស៊ីចេញពីបញ្ជីទូទាត់លុយអន្តរជាតិ SWIFT ។
គួរឲ្យដឹងដែរថា មកទល់ថ្ងៃនេះប្រទេសរុស្ស៊ីនៅតែបន្តធ្វើការគំរាមកំហែងក្នុងការផ្តាច់ការផ្គតផ្គង់ហ្គាសទៅឲ្យប្រទេសអឺរ៉ុបជាច្រើនបន្ថែមទៀតប្រសិនបើពួកគេមិនព្រមទទួលយកការទូទាត់ជាលុយរូបលទេនោះ៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
កម្មវិធីពិសេសរបស់ AMS ECONOMY
