AMS Economyបណ្ដាប្រទេសនៅប៉ែកអឺរ៉ុបនាំគ្នាបង្កើនការសាងសង់កសិដ្ឋានសូឡា ធ្វើជាប្រភពថាមពលថ្មីឲ្យបានកាន់តែច្រើន
ថាមពលព្រះអាទិត្យ ឬថាមពលសូឡានៅពេលបច្ចុប្បន្ននេះកំពុងបានក្លាយទៅជាប្រធានបទថ្មីរបស់ពិភពលោកដើម្បីគេចចេញពីបញ្ហាវិបត្តិបម្រែបម្រួលអាកាសធាតុផង និងដើម្បីអាចទាញយកថាមពលប្រើប្រាស់ដ៏ច្រើនឥតមានដែនកំណត់ផង សម្រាប់បំពេញតម្រូវការប្រចាំថ្ងៃ ជាពិសេសអំឡុងពេលវិបត្តិថាមពលដែលកំពុងកើតមានដោយសារវិបត្តិនៅអ៊ុយក្រែន និងរុស្ស៊ី។
គិតមកត្រឹមពេលនេះ បណ្តាប្រទេសសេដ្ឋកិច្ចធំៗនៅលើលោកជាង ៣០មកហើយ ជាពិសេសប្រទេសនៅអឺរ៉ុបកំពុងសម្រុកនាំគ្នាធ្វើការអភិវឌ្ឍហេដ្ឋារចនាសម្ព័ន្ធសម្រាប់កសិដ្ឋានផលិតថាមពលព្រះអាទិត្យ ឬ Solar Farm ដោយសង្ឃឹមថានឹងអាចជួយបំពេញតម្រូវការដែលកំពុងខ្វះខាតយ៉ាងខ្លាំង ហើយក៏កំពុងពិចារណាលើការសម្រេចចិត្តថានឹងត្រូវកាត់ផ្តាច់ទាំងស្រុងពីការនាំចូលប្រេង និងហ្គាសពីរុស្ស៊ីនោះ។
ជាក់ស្តែងនៅអាល្លឺម៉ង កសិដ្ឋានថាមពលសូឡាបណ្តែតទឹកដ៏ធំបំផុតប្រចាំប្រទេសត្រូវបានសាងសង់រួចរាល់ហើយ និងកំពុងចាប់ផ្តើមទាញយកថាមពលអគ្គិសនីមកប្រើប្រាស់បានតាមផែនការ។ វាត្រូវបានគេសាងសង់ឡើងនៅលើផ្ទៃទន្លេដែលមិនសូវមានការប្រើប្រាស់មួយកន្លែង។ ទីតាំងនេះអាចផ្គត់ផ្គង់ដល់លំនៅដ្ឋានពលរដ្ឋប្រមាណជា៦០០គ្រួសារ ហើយមានសមត្ថភាពកាត់បន្ថយការបញ្ចេញកាបូនឌីអុកស៊ីតដល់ទៅ ១ ១០០តោនជារៀងរាល់ឆ្នាំផងដែរ។
ក្រុមហ៊ុនអ្នកអភិវឌ្ឍន៍ដែលមានឈ្មោះថា BayWa.r.e បានបញ្ជាក់ថា Solar Farm នឹងដើរតួយ៉ាងសំខាន់សម្រាប់រុញច្រានអាល្លឺម៉ង់ឲ្យចាកចេញពីការប្រើប្រាស់ថាមពលដែលនាំចូលពីប្រទេសរុស្ស៊ី។ ការរៀបចំតម្លើងមានភាពងាយស្រួល និងលឿនរហ័សបំផុតដែលមានន័យថា ប្រសិនបើអាល្លឺម៉ង់អាចរៀបចំកសិដ្ឋានបែបនេះនៅគ្រប់ទីតាំងនៃទន្លេដែលបានបោះបង់ចោលទាំងអស់នោះវានឹងអាចផ្គត់ផ្គង់ថាមពលអគ្គិសនីសរុបដល់ទៅ ២០ជីហ្គាវ៉ាត់ ឬគ្រប់គ្រាន់សម្រាប់ការបំភ្លឺ និងប្រើប្រាស់ម៉ាស៊ីនកំដៅជូនពលរដ្ឋដល់ទៅ១៤លាននាក់។
ដោយឡែកនៅប្រទេសស្វីសឯណោះវិញក៏ទើបបានសាងសង់កសិដ្ឋាន Solar Farm បណ្តែតទឹកស្ថិតនៅរយៈកំពស់ខ្ពស់ជាងគេបំផុតលើពិភពលោក។ វាស្ថិតនៅលើកំពូលភ្នំមួយកន្លែងដែលមានរយៈកំពស់ដល់ទៅជាង ១ ៨០០ម៉ែត្រពីនីវូសមុទ្រ ហើយវាមានលក្ខណៈពិសេសអាចទាញយកថាមពលបានច្រើនជាងកសិដ្ឋាននៅកំពស់នីវូទាបដល់ទៅ៥០ភាគរយ ពីព្រោះថាវាស្ថិតនៅជិតពន្លឺព្រះអាទិត្យផង និងដោយសារតែចំណាំងផ្លាតពីព្រិលដែលនៅព័ទ្ធជុំវិញកសិដ្ឋាននេះផង។
គួរឲ្យដឹងដែរថា កន្លងមកពិភពលោកបានដាក់ការប្តេជ្ញាចិត្តរួមគ្នាដើម្បីសម្រេចឲ្យបានការការពារបញ្ហាបម្រែបម្រួលអាកាសធាតុតាមរយៈការទាញយកថាមពលព្រះអាទិត្យ និងថាមពលពីកម្លាំងខ្យល់មកប្រើប្រាស់ឲ្យអស់ពីលទ្ធភាព ឬប្រហែលជា៧០ភាគរយនៃថាមពលដែលចាំបាច់ប្រើប្រាស់សរុបឲ្យបាននៅត្រឹមដំណាច់ឆ្នាំ២០៥០ខាងមុខនេះ៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
កម្មវិធីពិសេសរបស់ AMS ECONOMY
