AMS Economyអ្នកជំនាញបង្ហាញពីការប្រើប្រាស់ធនធានដែលមានស្រាប់ បង្កើតជាផលិតផលថ្មីផ្ដល់ប្រយោជន៍ដល់កសិកម្ម
កណ្តាល ៖ Takhmao Farm ជាកសិដ្ឋានកែច្នៃស្រកីដូងស្ងួតៗឱ្យទៅជាស្រកីដូងម៉ដ្ឋ និងសរសៃដែលមានប្រយោជន៍ដល់វិស័យកសិកម្ម និងបានផលិតសម្រាប់ដាក់លក់នូវផលិតផលថ្មីរបស់ខ្លួនចំនួន ៤មុខបន្ថែមទៀត។
ដោយមានគំនិតកែច្នៃស្រកីដូងឱ្យបានប្រយោជន៍ច្រើនមុខ និងឱ្យអស់ពីលទ្ធភាព សម្រាប់ជាជំនួយដ៏សំខាន់ក្នុងការដាំដុះដំណាំ លោក ជា ឡង់ឌី ជាម្ចាស់កសិដ្ឋានខាងលើបានលើកឡើងថា ខាងកសិដ្ឋានរបស់លោកបានដាក់លក់នូវផលិតផលថ្មីចំនួន៤មុខបន្ថែមទៀតរួមមាន ជន្លង់ស្រកីដូង ជីកំប៉ុសសុទ្ធ ធ្យូងអង្កាម និងអាចម៍គោកិន ដោយផលិតផលទាំងអស់នេះសុទ្ធតែមានប្រយោជន៍សម្រាប់វិស័យកសិកម្ម។
លោកបញ្ជាក់ថា ៖
“យើងមិនចំណាយដើមទុនលើម៉ាស៊ីនផលិតថ្មីទេ គ្រាន់តែចំណាយពេល និងដើមទុនលើវត្ថុដែលត្រូវយកមកផ្សំ ដូចជា ស្វែងរកទិញអាចម៍គោ អាចម៍មាន់ អង្កាម ពីតាមបណ្តាលខេត្ត និងចាយលើបច្ចេកទេសផ្ទាល់ខ្លួនក្នុងការផលិត ព្រោះជាប្រភេទកែច្នៃ“
លោកបានរៀបរាប់ផងដែរថា ក្រៅពីចង់កែច្នៃឱ្យបានច្រើនមុខ លោកក៏បានសម្រេចចិត្តផលិតនូវផលិតផលខាងលើនេះ ដោយសារលោកចង់បង្កភាពងាយស្រួលដល់អ្នកដាំដំណាំ ហើយម្យ៉ាងទៀត មានអតិថិជនខ្លះបានសួររកផលិតផលទាំងអស់ខាងលើ ហើយមានអ្នកខ្លះចង់ដឹងពីការដាំដុះដំណាំដែលអាចទទួលបានផលល្អក៏ដូចជាផ្ញើរូបផលិតផលមកសួរ ទើបលោកសម្រេចសាកកែច្នៃ និងផលិតរហូតទទួលបានជោគជ័យ។
លោកបញ្ជាក់ថា ៖
“ចំពោះជន្លង់ស្រកីដូងសម្រាប់ប្រភេទរុក្ខជាតិវល្លិ៍ ដោយសារយើងចង់ច្នៃស្រកីដូងកិនប្រភេទសសៃឲ្យអស់លទ្ធភាពក្នុងការផលិតវាជាធាតុផ្សំសម្រាប់ការដាំដុះ។ ភាគច្រើនផលិតផលនេះគេនាំចូលពីក្រៅប្រទេស និងមានតម្លៃថ្លៃ ដូច្នេះខាងខ្ញុំក៏សម្រេចចិត្តកែច្នៃរបស់មានស្រាប់ទៅជាផលិតផលជន្លង់ស្រកីដូង”
លោកបន្តទៀតថា ៖
“ចំណែកការផលិត ជីកំប៉ុស ធ្យូងអង្កាម និងអាចម៍គោកិន ដោយសារការដាំដុំតាមផ្ទះ ជាពិសេសអ្នករស់នៅទីក្រុង គាត់ពិបាកក្នុងការរកទិញដីលាយជីដែលមានសារធាតុចិញ្ចឹមគ្រប់គ្រាន់ ហើយគាត់មិនចេះរបៀបលាយដីសម្រាប់ដាំ ទើបខាងខ្ញុំផលិតដីលាយជីស្រេច សម្រាប់លក់ ដើម្បីបង្កភាពងាយស្រួលដល់អតិថិជនក្នុងការដាំដោយគ្រាន់តែចាក់ដីចូលផើងគឺអាចដាំបាន”
ម្ចាស់កសិដ្ឋានខាងលើនេះបន្ថែមថា សម្រាប់អ្នកមានដីស្រាប់គឺអាចទិញជាប្រភេទជីកំប៉ុស ធ្យូងអង្កាម និងអាចម៍គោកិន ទៅលាយដីខ្លួនឯងដោយប្រើតាមរូបមន្តដែលផ្តល់ដោយកសិដ្ឋានបានយ៉ាងងាយស្រួល។ ជាលទ្ធផល មួយរយៈចុងក្រោយនេះការលក់ចេញមានការកើនឡើង ជាពិសេសប្រភេទ ជន្លង់ស្រកីដូង និងដីលាយជី ដែលមានការគាំទ្រច្រើន និងលក់ដាច់ខ្លាំងជាងគេ។
ពាក់ព័ន្ធនឹងតម្លៃវិញ ជន្លង់ស្រកីដូងកម្ពស់១ម៉ែត្រមានតម្លៃ ៤០០ ០០០រៀលក្នុងមួយដើម ជីកំប៉ុសមានតម្លៃ ៣០ ០០០រៀល ក្នុង១បាវ ធ្យូងអង្កាមតម្លៃ ១០ ០០០ ក្នុង១បាវ និងអាចម៍គោស្ងួតមានតម្លៃ ១៥ ០០០ រៀលក្នុង ១បាវ ។ ក្រៅពីនេះ លោកក៏មានផលិតផលផ្សេងទៀតដូចជា ស្រកីដូងម៉ដ្ឋ ស្រកីដូងកាត់ដុំៗ ដីលាយជី ជីទឹក និងជីអាចម៍ជន្លេនជាដើម ដែលសុទ្ធសឹងជាផលិតផលដែលលោកផលិតផ្ទាល់ និងមានប្រយោជន៍ចំពោះកសិករ។
ជាមួយគ្នានេះ លោក ឡង់ឌី ក៏បានបង្ហាញពីក្ដីរំពឹងទុកផងដែរថា នៅថ្ងៃខាងមុខនេះ អតិថិជនក៏ដូចជាកសិករនឹងជួយគាំទ្រ ក៏ដូចជាប្រើប្រាស់ផលិតផលកែច្នៃក្នុងស្រុកដែលមានតម្លៃសមរម្យ ដើម្បីទទួលបានលទ្ធផលល្អលើការដាំដុះ រួមនឹងការតាំងចិត្តព្យាយាមផលិតរបស់ដែលអាចកែច្នៃពីស្រកីដូងកិន ឱ្យបានច្រើនមុខ ដើម្បីឱ្យអតិថិជនអាចដាំបន្លែហូបនៅតាមផ្ទះជាមួយនឹងការប្រើប្រាស់ជីធម្មជាតិ និងមានសុវត្ថិភាព៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋាភិបាលខាតបង់ប្រាក់ចំណូលជាង ៣០០លានដុល្លារហើយ ដើម្បីទប់ស្កាត់ការឡើងថ្លៃប្រេង និងឧស្ម័នឥន្ធនៈ
Top News, ព្រឹត្តិការណ៍, សេដ្ឋកិច្ច
• 07/09/2026
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
មេដឹកនាំប៊ុលហ្គារី ៖ អឺរ៉ុបអាចរស់បានដោយគ្មានរុស្ស៊ី គ្រាន់តែលំបាកខ្លាំងបើធ្វើសត្រូវជាមួយរុស្ស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 07/09/2026
បើទោះបីជាគ្មានរុស្ស៊ី ក៏អឺរ៉ុបអាចរស់នៅបានដែរ គ្រាន់តែមិនអាចឈរជើងបានយូរអង្វែងប៉ុណ្ណោះប្រសិនបើជ្រើសរើសធ្វើជាសត្រូវជាមួយរុស្ស៊ី
អាល្លឺម៉ង់ ផ្តើមផលិតដ្រូន AI ជាង ៥ ពាន់គ្រឿងឱ្យអ៊ុយក្រែន អាចហោះបាន ១ ៥០០ គីឡូម៉ែត្រ
ព្រឹត្តិការណ៍, អាជីវកម្មថ្មី និងនវានុវត្ត
• 04/09/2026
ការផលិតយន្តហោះដ្រូនបំពាក់ AI ចម្ងាយមធ្យម និងចម្ងាយឆ្ងាយជាង ៥ ពាន់ គ្រឿង ដើម្បីផ្គត់ផ្គង់ទៅដល់ប្រទេសអ៊ុយក្រែនបានចាប់ផ្ដើមជាផ្លូវការហើយ
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សហភាពអឺរ៉ុបគ្រោងបង្កើនទុនវិនិយោគនៅកោះហ្រ្គីនឡែន និង ពង្រឹងទំនាក់ទំនងនយោបាយឱ្យកាន់តែជិតស្និទ្ធ ខណៈដែលលោក ដូណាល់ ត្រាំ ទាមទារចង់បានកោះនេះបញ្ចូលជាដែនដ...
ក្រសួងកសិកម្ម និងដៃគូពាក់ព័ន្ធ ពិនិត្យលទ្ធផលបេសកកម្ម ASPIRE-AT ផ្ដោតលើភាពធន់នៃសហគមន៍ជនបទ ក្នុងគ្រាវិបត្តិនយោបាយ និងសេដ្ឋកិច្ច
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
បើទោះបីជាគ្មានរុស្ស៊ី ក៏អឺរ៉ុបអាចរស់នៅបានដែរ គ្រាន់តែមិនអាចឈរជើងបានយូរអង្វែងប៉ុណ្ណោះប្រសិនបើជ្រើសរើសធ្វើជាសត្រូវជាមួយរុស្ស៊ី
ចិនគ្រោងនឹងបញ្ចេញថវិកាប្រមាណ ៣៦០ ពាន់លានយន់ ឬស្មើប្រមាណ ៥៤ ពាន់លានដុល្លារ ដើម្បីចាក់បញ្ចូលទៅក្នុងវិស័យហិរញ្ញវត្ថុរបស់ខ្លួន...
ការសិក្សាស្រាវជ្រាវលើកដំបូងនៅកម្ពុជា ស្តីពី «សហគមន៍កសិកម្មទំនើប» បានបង្ហាញថា កសិករដែលចូលរួមក្នុងសហគមន៍ប្រភេទនេះទទួលបានល...
ចាប់ផ្តើមពីអាជីវកម្មគ្រួសារកាលពីឆ្នាំ២០១៦ សិប្បកម្មកែច្នៃសាច់ស្រស់ក្នុងស្រុក «ជីលីណា» (Chilyna) បានវិវត្តខ្លួនក្លាយជាសិប្...
ការផលិតយន្តហោះដ្រូនបំពាក់ AI ចម្ងាយមធ្យម និងចម្ងាយឆ្ងាយជាង ៥ ពាន់ គ្រឿង ដើម្បីផ្គត់ផ្គង់ទៅដល់ប្រទេសអ៊ុយក្រែនបានចាប់ផ្ដើមជាផ្លូវការហើយ
កម្មវិធីពិសេសរបស់ AMS ECONOMY
