AMS Economyពីសំរាមប្លាស្ទិក កែច្នៃក្លាយទៅជាសិល្បៈគំនូរ និងរូបចម្លាក់ដ៏គួរឱ្យកោតសរសើរ
ប្លាស្ទិក បន្ទាប់ពីប្រើប្រាស់រួចហើយនឹងក្លាយទៅជាសំណល់មួយប្រភេទដែលប៉ះពាល់យ៉ាងខ្លាំងដល់បរិស្ថាន ព្រោះវាជាសំណល់មិនងាយរលាយ កប់ក្នុងដីក៏ពិបាក បោះក្នុងទឹកក៏មិនកើត ហើយបើដុតចោលក៏បង្កជាផ្សែងពុលប៉ះពាល់ដល់បរិយាកាស និងស្រទាប់អូហ្សូនថែមទៀតផង។ អាស្រ័យដោយមើលឃើញពីផលប៉ះពាល់បែបនេះ យុវជនកូនខ្មែរមួយរូបបានកែច្នៃកាកសំណល់ប្លាស្ទិកទៅជាស្នាដៃសិល្បៈថ្មី មានច្រើនទម្រង់ ច្រើនរូបភាព ទាំងប្រភេទគំនូរផុស ទាំងរូបចម្លាក់ផ្សេងៗ ដែលកំពុងទទួលបានការស្ញប់ស្ញែងពីមជ្ឈដ្ឋានជុំវិញខ្លួនគួរឱ្យកោតសរសើរ។
លោក រៀម មុនីស៊ីឡុង ជាសិល្បករមួយរូបរស់នៅភូមិតាអួរស ឃុំកំពង់ឃ្លាំង ស្រុកសូទ្រនិគម ខេត្តសៀមរាប ដែលត្រូវបានគេស្គាល់ជាទូទៅថា ជាអ្នកកែច្នៃសំរាមទៅជាស្នាដៃសិល្បៈច្រើនទម្រង់ ច្រើនរូបរាង ហើយទទួលបានការគាំទ្រពីសំណាក់ប្រជាជន ស្ថាប័ន និងអង្គការក្រៅរដ្ឋាភិបាលនានាយ៉ាងច្រើនរហូតទទួលបានពានរង្វាន់ក្នុងការដាក់ប្រកួតប្រជែងស្នាដៃផ្សេងៗផងដែរ។
ជាសិប្បករផ្នែកកែច្នៃសំរាមឱ្យក្លាយជាផលិតផលថ្មីមានសិល្បៈច្រើនទម្រង់ លោក រៀម មុនីស៊ីឡុង បានមានប្រសាសន៍ទាក់ទងនឹងមូលហេតុនៃការចាប់ផ្ដើមអាជីពនេះថា ៖
“ខ្ញុំចង់បង្ហាញស្នាដៃឱ្យក្មេងជំនាន់ក្រោយបានឃើញថា កាកសំណល់ក៏អាចកែច្នៃបាន ជាពិសេសគឺអាចជួយដល់បរិស្ថាន កាត់បន្ថយសំណល់ប្លាស្ទិក និងការកើនកម្ដៅផែនដីមួយកម្រិតផងដែរ”
លោកបន្តថា ៖
“ចំពោះវត្ថុធាតុដើមក្នុងការផលិតគឺយើងប្រើកាកសំណល់ទាំងសំណល់សរីរាង្គ សំណល់ផ្ទះបាយ និងប្លាស្ទិក ហើយពេលខ្លះយើងក៏អាស្រ័យទៅតាមតំបន់ ក៏ដូចជាគម្រោងដែលគេដាក់ឱ្យធ្វើ ពោលគឺយើងទទួលធ្វើតែរបស់ណាដែលអាចកែច្នៃវិញបាន ដូចជា ដបទឹក សំបកខ្យង និងសំរាមស្ងួតផ្សេងៗមួយចំនួនទៀត”
លោកបន្តថា ៖
“សម្រាប់ស្នាដៃដែលខ្ញុំបានកែច្នៃធ្វើជារូបភាពគឺទាក់ទងនឹងប្រពៃណី វប្បធម៌ និងជីវភាពរស់នៅរបស់ប្រជាជនយើងជាដើម ដែលមានការចាប់អារម្មណ៍ពីអ្នកសារព័ត៌មាន ក៏ដូចជាទទួលបានការគាំទ្រជាបន្តបន្ទាប់ពីសំណាក់ក្រសួងបវប្បធម៌ អង្គការ និងកន្លែងកម្សាន្តផ្សេងៗ ហើយអតិថិជនភាគច្រើនយើងទទួលបានគម្រោងពីអង្គការនានា ដែលគាត់ចង់បានរូបសិល្បៈក៏ដូចជាស្នាដៃច្នៃពីសំរាមដើម្បីដាក់តាំងបង្ហាញផ្សេងៗ ហើយកម្រៃដែលយើងទទួលបានគឺអាស្រ័យលើការទទួលគម្រោង តែបើធ្វើលក់គឺមិនសូវមាននោះទេ”
ពាក់ព័ន្ធទៅនឹងការចំណាយពេលក្នុងការផលិតគឺអាស្រ័យលើទំហំរូប បើរូបតូចអាចប្រើរយៈពេលត្រឹម ១-២សប្ដាហ៍ ហើយបើរូបធំៗអាចចំណាយពេលចន្លោះពី ១-២ខែ ដែលស្នាដៃតូចៗលោកអាចធ្វើតែម្នាក់ឯងបាន តែបើស្នាដៃធំត្រូវការកម្លាំងបន្ថែមពីក្រុមការងារ ដោយមុនពេលវិបត្តិកូវីដ លោកមានសមាជិកក្រុមប្រមាណ១០នាក់។
គួរបញ្ជាក់ដែរថា លោក រៀម មុនីស៊ីឡុង បានចាប់ផ្ដើមអាជីពជាអ្នកច្នៃសំរាមឱ្យក្លាយទៅជាស្នាដៃសិល្បៈថ្មី ប្លែក តាំងពីឆ្នាំ២០០៩ ដោយពីមុន លោកជាជាងគំនូរតាមវត្តអារាម ប៉ុន្តែក្រោយមកដោយសារមានគ្រោះថ្នាក់ខូចម្រាមដៃ ក៏ចូលជាជនស្ម័គ្រចិត្តនៅអង្គការមួយ និងបានរៀនកែច្នៃក្រដាសចាស់ៗឱ្យទៅជាគ្រឿងតាំងលម្អផ្សេងៗ។
លោកបានរំលឹកទៀតថា នៅថ្ងៃមួយ ដោយសារតែលោកទទួលរងនូវការបំពុលដោយសារការដុតសំរាម លោកក៏នឹងឃើញកែច្នៃស្លឹកឈើ ក៏ដូចជាសំរាមសរីរាង្គមកធ្វើជាក្រដាស បន្ទាប់មកក៏ច្នៃបន្ថែមនូវសំណល់ផ្ទះបាយមកច្នៃបិតធ្វើជាគំនូរ និងលក់ឱ្យអតិថិជនតែម្ដង។ ក្រោយមកទើបលោកបានកែច្នៃបញ្ចូលគ្នានូវកាកសំណល់ សំរាមសរីរាង្គ សំណល់ផ្ទះបាយ និងប្លាស្ទិកបញ្ចូលគ្នា ។
យ៉ាងណាមិញផលលំបាកនៃការងារនេះ លោកបានរៀបរាប់ដែរថា របស់ខ្លះមានក្លិនមិនល្អដែលត្រូវយកទៅសម្អាត ស្នាដៃខ្លះទៀតពិបាកលក់ទាល់តែគេកម្ម៉ង់ទើបធ្វើ មួយវិញទៀតគឺមធ្យោបាយដឹកជញ្ជូន ដែលមានផលពិបាកត្រូវជួលគេ និងចំណាយអស់ច្រើនផងដែរ។ ដោយឡែក ចំពោះថ្ងៃអនាគត លោក រៀម មុនីស៊ីឡុង មានគម្រោងចង់បង្កើតក្រុមដ៏រឹងមាំមួយ ដើម្បីផលិត និងបើកជាសាលកៃច្នៃមួយកន្លែង ព្រោះលោកចង់រក្សាស្នាដៃ និងដាក់តាំងស្នាដៃកែច្នៃកន្លងមកឱ្យភ្ញៀវជាតិ និងអន្តរជាតិចូលទស្សនាបង្ហាញពីការយកចិត្តទុកដាក់ក្នុងការកែច្នៃសំរាម និងសំណល់ប្លាស្ទិក ដើម្បីចូលរួមសម្អាត ថែរក្សាបរិស្ថានឱ្យបានល្អ៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អុីស្រាអែល ទិញរោងចក្រផលិតរថយន្តដ៏ល្បីរបស់អាល្លឺម៉ង់ ប្ដូរទៅផលិតជាអាវុធទំនើបវិញ
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។ យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael
ផ្លូវសមុទ្រខាងជើង NSR ក្លាយជាសមរភូមិសាស្ត្រនយោបាយថ្មីរបស់មហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្រជែងអំណាចរវាងមហាអំណាចក្នុងសតវត្សរ៍ទី២១
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
កម្ពុជាបាននាំចេញអង្ករចំនួន ១៧៧,៧០០ តោនទៅកាន់ប្រទេសចិន ក្នុងរយៈពេល ៨ ខែដំបូងនៃឆ្នាំ២០២៦ កើនឡើង ៥២.៧ ភាគរយ បើធៀបនឹងរយៈពេល...
ចិនប្រកាសចាត់វិធានការប្រឆាំងការលក់បង្ខូចតម្លៃលើការនាំចូលសារធាតុគីមីមួយប្រភេទពីប្រទេសជប៉ុន ដែលប្រើប្រាស់ក្នុងការផលិតបន្ទះឈីប
ភ្នំពេញ ៖ គិតចាប់ពីខែមករា ដល់ដំណាច់ខែកក្កដា ឆ្នាំ២០២៦កន្លងទៅនេះ យ៉ាងហោចណាស់មានគម្រោងវិនិយោគបង្កើតតំបន់សេដ្ឋកិច្ចពិសេសចំនួន៧ ត្រូវបានក្រុមប...
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិ...
ក្រសួងពាណិជ្ជកម្ម បានបន្តរៀបចំ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣ (3rd Digital trade Forum - 3d DTF) ក្រោមមូលបទ «ជំរុញពាណិជ្ជកម្...
ខេត្តក្រចេះបានដាក់ឱ្យអនុវត្តផែនការអភិវឌ្ឍន៍ទេសចរណ៍ឆ្នាំ ២០២៦-២០៣០ ដោយកំណត់ទិសដៅអភិវឌ្ឍវិស័យទេសចរណ៍ឱ្យកាន់តែមានគុណភាព ទាក់ទា...
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្...
តម្លៃប្រេងឆៅបានហក់ឡើងដល់កម្រិតខ្ពស់បំផុតក្នុងរយៈពេល ៦ សប្តាហ៍ ដោយតម្លៃប្រេង Brent ខិតជិត ១០០ ដុល្លារក្នុងមួយបារ៉ែល បន្ទាប់...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
