AMS Economyពីពលករនៅប្រទេសថៃ ក្លាយជាម្ចាស់សិប្បកម្មផលិតកាបូបស្បែកអាចរកចំណូលបានច្រើន និងផ្ដល់ការងារដល់អ្នកភូមិ
ព្រៃវែង៖ ផលិតផលធ្វើពីស្បែកដូចជាកាបូប ស្ពែកជើង ខ្សែក្រាវាត់ជាដើម ភាគច្រើនគឺជាផលិតផលនាំចូលពីក្រៅប្រទេស ប៉ុន្តែនៅឯខេត្តព្រៃវែងឯណោះ មានអតីតពលករធ្លាប់បម្រើការងារនៅប្រទេសថៃម្នាក់បានជំនាញជំនាញដែលខ្លួនទទួលបាននៅពេលធ្វើការ មកបង្កើតសិប្បកម្មផលិតកាបូប ស្បែកជើង និងខ្សែក្រវាត់ស្បែកក្នុងស្រុក ដែលក្រៅពីអាចទទួលបានចំណូលយ៉ាងល្អប្រសើរ ថែមទាំងអាចផ្ដល់ឱកាសការងារដល់អ្នកភូមិទៀតផង។
Fang Tong ជាយីហោផលិតកាបូបស្បែកស្នាដៃកូនខ្មែរ ស្ថិតនៅភូមិអូរកណ្ដាលត្បូង ឃុំដំរីពួន ស្រុកស្វាយអន្ទរ ខេត្តព្រៃវែង ដែលកំពុងមានភាពមមាញឹកក្នុងការផលិត និងដាក់លក់នូវផលិតផលពីស្បែកច្រើនប្រភេទយ៉ាងស្រស់ស្អាត មានគុណភាពល្អ ដែលកើតចេញពីស្នាដៃកូនខ្មែរ និងកំពុងមានប្រជាប្រិយភាពខ្លាំង។
លោក ហង់ សុឃឿន ហៅ Fang Tong ជាម្ចាស់សិប្បកម្មខាងលើបានប្រាប់ពីមូលហេតុនៃការបើកអាជីវកម្មនេះថា ដោយសារតែលោកមានជំនាញខ្លះៗពីការងារដែលធ្លាប់ធ្វើជាកម្មករនៅប្រទេសថៃ ហើយមើលឃើញពីទំហំទីផ្សារនៅមានភាពធំទូលាយ ជាពិសេសក្រៅពីអាចរកបានចំណូល ថែមទាំងអាចផ្ដល់ការងារ និងប្រាក់ចំណូលបន្ថែមដល់អ្នកដែលរស់នៅក្នុងតំបន់ទៀតផង។
លោកបញ្ជាក់ថា៖
“មូលហេតុដែលយើងបង្កើតសិប្បកម្មនេះឡើងគឺយើងមើលឃើញឱកាសច្រើនសម្រាប់ទីផ្សារនៅកម្ពុជា ហើយអាចបង្កើតរបស់របរក្នុងស្រុក និងជួយផ្ដល់ការងារដល់អ្នកភូមិក្បែរខាង ម៉្យាងទៀតគឺខ្ញុំមានជំនាញនៅពេលធ្វើពលករមកប្រើប្រាស់ និងច្នៃតែម្ដង”
លោកបន្តថា ៖
“ដំបូងខ្ញុំជាពលករចំណាកស្រុកធ្វើការខាងដេរកាបូប វាលីធំៗ ខ្ញុំក៏មានគំនិតថា ប្រទេសខ្មែរយើងបើមានអ្នកផលិតផលកាបូបចឹងៗមិនដឹងល្អប៉ុណ្ណាទេ ហើយខ្ញុំគិតដែរថា គេធ្វើកាបូបធំៗបាន គ្រាន់តែកាបូបតូចៗរឿងអីដែលយើងធ្វើមិនបាន ទើបខ្ញុំបានដាក់ចិត្តដាក់កាយរៀនធ្វើ និងសាកល្បងផលិត ហើយតាំងពីពេលនោះរហូតមកគឺអាចលក់បានដូចសព្វថ្ងៃ”
នៅពេលបច្ចុប្បន្ននេះ នៅក្នុងសិប្បកម្ម Fang Tong មានផលិតផលជាច្រើន ដូចជា កាបូប និងខ្សែក្រវាត់ ធ្វើពីស្បែកមានតម្លៃ ១៣-២៥ ដុល្លារ និងអាចលក់បានចន្លោះ ១០-៣០កាបូបក្នុងមួយថ្ងៃផងដែរ។ ឯអតិថិជនវិញ គឺមានទាំងចាស់ទាំងក្មេង ពោលគឺចាប់ពីអាយុ ១៨ឆ្នាំឡើងទៅដែលធ្វើការកម្ម៉ង់តាមបណ្ដាញសង្គមតែម្ដង។
ម្ចាស់សិប្បកម្មរូបនេះបន្ថែមទៀតថា ៖
“ត្បិតយើងទើបតែចាប់ផ្ដើម តែយើងអាចផ្ដល់ការងារជូនអ្នកភូមិចំនួន ៧នាក់ ដែលគាត់ជាអ្នកផលិតផលកាបូប និងខ្សែក្រវាត់ឱ្យសិប្បកម្មផ្ទាល់ ហើយយើងនឹងពង្រីកក៏ដូចជារើសបងប្អូនចូលធ្វើបន្ថែមទៀតនាពេលខាងមុខ”
គួរបញ្ជាក់ដែរថា សិប្បកម្ម Fang Tong ផលិតកាបូបស្បែកស្នាដៃកូនខ្មែរ បានចាប់ផ្ដើមនៅខែមីនា ដើមឆ្នាំ២០២២ ដោយចំណាយទុន ប្រមាណ ១ម៉ឺនដុល្លារ ទៅលើការទិញសម្ភារ និងឧបករណ៍សម្រាប់ផលិត ក៏ដូចជាវត្ថុធាតុដើមផងដែរ។ ដោយឡែក វត្ដុធាតុដើមក្នុងការផលិតមានដូចជា ស្បែក កាវ គឺនាំចូលពីប្រទេសជិតខាងខ្លះ និងទិញក្នុងស្រុកខ្លះ ឯសម្ភារផលិតផ្សេងទៀតដូជាម៉ាស៊ីនដេរជាដើមក៏ត្រូវការនាំចូលផងដែរ។
លោកបានបញ្ជាក់ថា ៖
“ដោយសារតែសិប្បម្មយើងទើបនឹងបើកថ្មី បានជួបនូវផលលំបាកផងដែរ ដូចជា យីហោយើងថ្មីមិនទាន់មានគេស្គាល់ច្រើន ឧបករណ៍ផលិតក៏មិនទាន់ទំនើប ឯការរចនាគឺយើងច្នៃខ្លួនឯង រៀនធ្វើ និងសាកល្បងខ្លួនឯងត្រូវជួបនូវឧបសគ្គច្រើន។ ចំណែកឯទីផ្សារក៏មិនទាន់បានវាយឡុកចូលនៅឡើយ ដោយសារយើងលក់នៅតាមបណ្ដាញសង្គម ដូច្នេះនៅមិនទាន់មានអ្នកទិញបោះដុំយកទៅលក់បន្តនោះទេ”
យ៉ាងណាក៏ដោយ បើទោះជាមានឧបសគ្គដូចបានលើកឡើងខាងលើនេះក្ដី លោក និងក្រុមការងារ នៅតែបន្តការផលិតន្ថែមទៀត ហើយនៅពេលអនាគត លោកចង់បង្កើតកន្លែងផលិតមួយដ៏ធំ ដែលអាចផលិតសម្ភារធ្វើពីស្បែកប្រកបដោយស្តង់ដារ មានយីហោល្បីដូចប្រទេសដទៃ៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អុីស្រាអែល ទិញរោងចក្រផលិតរថយន្តដ៏ល្បីរបស់អាល្លឺម៉ង់ ប្ដូរទៅផលិតជាអាវុធទំនើបវិញ
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។ យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael
ផ្លូវសមុទ្រខាងជើង NSR ក្លាយជាសមរភូមិសាស្ត្រនយោបាយថ្មីរបស់មហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្រជែងអំណាចរវាងមហាអំណាចក្នុងសតវត្សរ៍ទី២១
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ចិនប្រកាសចាត់វិធានការប្រឆាំងការលក់បង្ខូចតម្លៃលើការនាំចូលសារធាតុគីមីមួយប្រភេទពីប្រទេសជប៉ុន ដែលប្រើប្រាស់ក្នុងការផលិតបន្ទះឈីប
ភ្នំពេញ ៖ គិតចាប់ពីខែមករា ដល់ដំណាច់ខែកក្កដា ឆ្នាំ២០២៦កន្លងទៅនេះ យ៉ាងហោចណាស់មានគម្រោងវិនិយោគបង្កើតតំបន់សេដ្ឋកិច្ចពិសេសចំនួន៧ ត្រូវបានក្រុមប...
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិ...
ក្រសួងពាណិជ្ជកម្ម បានបន្តរៀបចំ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣ (3rd Digital trade Forum - 3d DTF) ក្រោមមូលបទ «ជំរុញពាណិជ្ជកម្...
ខេត្តក្រចេះបានដាក់ឱ្យអនុវត្តផែនការអភិវឌ្ឍន៍ទេសចរណ៍ឆ្នាំ ២០២៦-២០៣០ ដោយកំណត់ទិសដៅអភិវឌ្ឍវិស័យទេសចរណ៍ឱ្យកាន់តែមានគុណភាព ទាក់ទា...
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្...
តម្លៃប្រេងឆៅបានហក់ឡើងដល់កម្រិតខ្ពស់បំផុតក្នុងរយៈពេល ៦ សប្តាហ៍ ដោយតម្លៃប្រេង Brent ខិតជិត ១០០ ដុល្លារក្នុងមួយបារ៉ែល បន្ទាប់...
សមាគមមីក្រូហិរញ្ញវត្ថុកម្ពុជា ក្រោមការគាំទ្រផ្នែកហិរញ្ញវត្ថុពីស្ថានទូតអៀរឡង់នៅប្រទេសវៀតណាម តាមរយៈអង្គការ Oxfam នៅកម្ពុជា និងការគាំទ្រផ្នែកបច្ចេកទេស...
កម្មវិធីពិសេសរបស់ AMS ECONOMY
