AMS Economyក្រុមហ៊ុនធានារ៉ាប់រងអាយុជីវិត FWD Cambodia បានរៀបចំកម្មវិធី សាទរជីវិតជាមួយ FWD Time to Play ដើម្បីគាំទ្រឱ្យអតិថិជន និងក្រុមគ្រួសារកម្ពុជាកាន់តែច្រើនរស់នៅដោយភាពរីករាយ
ក្រុមហ៊ុនធានារ៉ាប់រងអាយុជីវិត FWD Cambodia បានរៀបចំកម្មវិធី «សាទរជីវិតជាមួយ FWD Time to Play» នៅសណ្ឋាគារ Sun and Moon Riverside ដែលកម្មវិធីនេះទទួលបានការអញ្ជើញចូលរួមពីអតិថិជន គណៈគ្រប់គ្រង និងក្រុមការងាររបស់ក្រុមហ៊ុន។
កម្មវិធីនេះប្រារព្ធឡើងដើម្បីបង្ហាញជូននូវយុទ្ធនាការទីផ្សារថ្មីមួយមានឈ្មោះថា FWD Time to Play ដែលកំពុងទទួលបានប្រជាប្រិយភាពខ្លាំងនៅបណ្ដាទីផ្សារនានារបស់ក្រុមហ៊ុន FWD នៅក្នុងតំបន់អាស៊ី។ បន្ថែមពីការនាំយកយុទ្ធនាការនេះមកកម្ពុជា កម្មវិធីនេះក៏ជាវេទិកាសំខាន់មួយក្នុងការផ្សារភ្ជាប់ទំនាក់ទំនងជាមួយអតិថិជន និងស្វែងយល់បន្ថែមអំពីតម្រូវការនៃការការពារហិរញ្ញវត្ថុដែលក្រុមគ្រួសារកម្ពុជាត្រូវការផងដែរ។
ថ្លែងក្នុងសុន្ទរកថាស្វាគមន៍បើកកម្មវិធី លោក ជីម គង់ហ៊ុយ អគ្គនាយកនៃក្រុមហ៊ុនធានារ៉ាប់រងអាយុជីវិត FWD Cambodia បានមានប្រសាសន៍ថា៖ «ខ្ញុំសូមថ្លែងអំណរគុណជូនចំពោះឯកឧត្តម លោកជំទាវ លោក លោកស្រី អ្នកនាង កញ្ញា ភ្ញៀវកិត្តិយសទាំងអស់ ដែលបានផ្ដល់ទំនុកចិត្តដល់ក្រុមហ៊ុន FWD Cambodia ហើយខ្ញុំសូមជម្រាបជូនថានេះទើបតែជាការចាប់ផ្ដើមរបស់យើងទេ ហើយយើងខ្ញុំមានចក្ខុវិស័យវែងឆ្ងាយក្នុងការផ្ដល់ជូនការការពារដ៏ល្អបំផុតជូនដល់លោក លោកស្រី ក្រុមគ្រួសារ ព្រមទាំងកូនចៅជំនាន់ក្រោយរបស់លោក លោកស្រីផងដែរ ដូចដែលយើងបានធ្វើចំពោះអតិថិជនច្រើនជាង ១៣ លាននាក់ក្នុងតំបន់អាស៊ីទាំងមូល។» លោក គង់ហ៊ុយ បានថ្លែងប្រាប់ផងដែរអំពីផែនការរបស់ក្រុមហ៊ុនក្នុងការផ្ដល់ជូននូវកម្មវិធីកាន់តែច្រើនបន្ថែមទៀតដើម្បីផ្សារភ្ជាប់ទំនាក់ទំនងជាមួយអតិថិជនរបស់ខ្លួនក្នុងឆ្នាំ ២០២៤ នេះដែលរួមមានដូចជា៖
- ការបង្កើតនូវផលិតផលដែលផ្ដល់ការការពារកាន់តែខ្ពស់ និងគុណប្រយោជន៍កាន់តែសម្បូរបែបស្របតាមតម្រូវការរបស់អតិថិជន
- ការបង្កើតកម្មវិធីរត់កម្សាន្តដើម្បីសុខភាពដែលនឹងបើកឱ្យអតិថិជនចូលរួមដោយរីករាយ
- ការប្រគុំតន្ត្រីដើម្បីអបអរខួប ៣ ឆ្នាំ ជាមួយនឹងឱកាសសម្រាប់អតិថិជនចូលរួម ផ្លាស់ប្ដូរបទពិសោធន៍ និងធ្វើការបង្ហាញពីអាជីវកម្ម ឬផលិតផលដែលអតិថិជនមានទៅកាន់អតិថិជនផ្សេងទៀត
នៅក្នុងកម្មវិធីនេះដែរ កញ្ញា ទិន កញ្ញា នាយិកាគ្រប់គ្រងនាយកដ្ឋានទីផ្សារនៃក្រុមហ៊ុន FWD Cambodia បានចែករំលែកអំពីគោលបំណងនៃយុទ្ធនាការ FWD Time to Play ថា៖ «យុទ្ធនាការ FWD Time to Play មានគោលដៅជំរុញឱ្យយើងមានភាពក្លាហានក្នុងការសម្រេចក្ដីស្រមៃដែលយើងមានដោយមិនរង់ចាំពេលណាឡើយ ពោលគឺនៅក្នុងថ្ងៃនេះតែម្ដង។ យើងចង់លើកទឹកចិត្តឱ្យបុគ្គលគ្រប់រូបមានភាពក្លាហានចាប់យកក្ដីស្រមៃរបស់ខ្លួនដោយផ្តោតលើពេលវេលាសំខាន់ៗពីរគឺពេលថ្ងៃរះ និងពេលថ្ងៃលិច ដើម្បីឱ្យបុគ្គលម្នាក់ៗអាចសម្រេចបាននូវក្ដីប្រាថ្នា និងរស់នៅប្រកបដោយភាពរីករាយជារៀងរាល់ថ្ងៃ។»
ក្រុមហ៊ុន FWD Cambodia គឺជាក្រុមហ៊ុនធានារ៉ាប់រងអាយុជីវិតបែបឌីជីថលដែលមានទស្សនវិស័យក្នុងការផ្ដល់ជូននូវបទពិសោធន៍ថ្មីលើសេវាធានារ៉ាប់រងជូនដល់អតិថិជន និងក្រុមគ្រួសារកម្ពុជា។ ក្រុមហ៊ុនតែងរៀបចំកម្មវិធីដើម្បីផ្សារភ្ជាប់ទំនាក់ទំនងជាមួយអតិថិជន អមដោយបច្ចេកវិទ្យាឌីជីថលដែលសម្រួលដល់ការផ្ដល់សេវាកម្មអតិថិជន និងគាំទ្រឲ្យអតិថិជនរស់នៅដោយភាពរីករាយ។
ក្រុមហ៊ុន FWD ជាក្រុមហ៊ុនធានារ៉ាប់រងអាយុជីវិតឈានមុខគេមួយក្នុងតំបន់អាស៊ីដែលមានអតិថិជនច្រើនជាង 13 លាននាក់ក្នុងទីផ្សារចំនួន 10 ដោយក្នុងនោះរួមមានទីផ្សារដែលរីកចម្រើនរហ័សបំផុតក្នុងពិភពលោកលើវិស័យធានារ៉ាប់រងផងដែរ។ ឆ្នាំ ២០២៣ ជាខួបគម្រប់ ១០ ឆ្នាំរបស់ក្រុមហ៊ុន FWD ក្នុងតំបន់អាស៊ី។
នៅប្រទេសកម្ពុជា ក្រុមហ៊ុន FWD Cambodia ចាប់ផ្ដើមប្រតិបត្តិការជាផ្លូវការនៅខែ កញ្ញា ឆ្នាំ 2021 ហើយទទួលបានពានរង្វាន់ជាក្រុមហ៊ុនធានារ៉ាប់រងបែបឌីជីថលថ្មីដែលមានភាពច្នៃប្រឌិតជាងគេបំផុត ដែលទទួលស្គាល់ដោយស្ថាប័ន Global Business Outlook នៅឆ្នាំ 2021 ព្រមទាំងពានរង្វាន់ជា «ក្រុមហ៊ុនធានារ៉ាប់រងអាយុជីវិតថ្មីដែលរីកចម្រើនរហ័សជាងគេបំផុតក្នុងប្រទេសកម្ពុជា» ក្នុងឆ្នាំ 2023 ពី International Finance នៅចក្រភពអង់គ្លេស ។ សម្រាប់ព័ត៌មានបន្ថែមសូមចូលទៅកាន់ www.fwd.com.kh៕
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ...
ធនាគារជាតិនៃកម្ពុជា (NBC) បានអំពាវនាវឱ្យសាធារណជនមានការប្រុងប្រយ័ត្នខ្ពស់ មុននឹងតភ្ជាប់ ឬចូលប្រើប្រាស់សេវាទូទាត់សងប្រាក់ណា...
ប្រធានាធិបតីចិន លោក Xi Jinping នឹងអញ្ជើញចូលរួមកិច្ចប្រជុំកំពូល BRICS នៅប្រទេសឥណ្ឌា ដែលដំណើរទស្សនកិច្ចលើកដំបូងក្នុងរយៈពេល ៧ ឆ្នាំ ខណៈដែលបញ្ហាជម្លោះព...
ភ្នំពេញ ៖ នាព្រឹកថ្ងៃព្រហស្បតិ៍ ១៣រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែកញ្ញា ឆ្នាំ២០២៦ ផ្សារមូលបត្រកម្ពុជា បានប្រារព្ធ “ ពិធី...
ផ្សារមូលបត្រកម្ពុជា (CSX) បានកត់សម្គាល់ថា សកម្មភាពជួញដូរភាគហ៊ុនកើនឡើងខ្លាំង ខណៈក្រុមហ៊ុនចុះបញ្ជីសរុបចំនួន ២៨ បានកៀរគរទុ...
កម្មវិធីពិសេសរបស់ AMS ECONOMY
