AMS Economyទម្រាំក្លាយជាមហាសេដ្ឋី លោក Warren Buffet មានទម្លាប់សន្សំសំចៃ ៨របៀប
ជាធម្មតា ទម្លាប់ចាយវាយប្រាក់កាសរបស់មនុស្សម្នាក់ៗគឺនឹងក្លាយទៅជាកញ្ចក់ឆ្លុះបញ្ចាំងឲ្យឃើញមកវិញតាមរយៈជីវភាពរស់នៅប្រចាំថ្ងៃ ព្រមទាំងសមត្ថភាពនៃការដោះបំណុលរៀងៗខ្លួន។
ជាទូទៅ ទម្លាប់នៃការប្រើប្រាស់លុយរបស់អ្នកមាន និងអ្នកក្រប្រាកដជាមានភាពខុសគ្នាខ្លាំង ប៉ុន្តែបើអ្នកមិនអាចមើលឃើញពីទម្លាប់របស់អ្នកមាននៅជុំវិញខ្លួនរបស់អ្នកនោះទេ អ្នកអាចសិក្សាពីទម្លាប់សន្សំប្រាក់ងាយៗរបស់កំពូលមហាសេដ្ឋីដែលមានទ្រព្យសម្បត្តិច្រើនជាងគេបំផុតលេខរៀងទី៦របស់ពិភពលោកគឺលោកWarren Buffe tដែលបច្ចុប្បន្នមានទ្រព្យសរុបប្រមាណជា ១០៤,១ពាន់លានដុល្លារ ដែលត្រូវបានកត់ជាតួលេខចេញដោយស្ថាប័នកំពូល Forbes ។
ទម្លាប់ដែលកំពូលមហាសេដ្ឋី លោក Warren Buffet តែងអនុវត្តរួមមានដូចខាងក្រោម ៖
១- រស់នៅក្នុងផ្ទះតែមួយគត់តាំងតែពីឆ្នាំ១៩៥៨ ៖ លោក Warrent Buffet តាំងតែពីមុនក្លាយជាកំពូលអ្នកមាន និងក្រោយក្លាយទៅជាអ្នកមានក្តី លោកមិនបានចាយលុយទិញវិឡា ឬវិមានស្កឹមស្កៃក្រៅពីផ្ទះដែលស្ថិតនៅ
ក្នុងតំបន់ Omaha នោះទេ។ លោកបានចាយលុយប្រមាណជា ៣១ ៥០០ ដុល្លារទិញកាលពីឆ្នាំ១៩៥៨ ហើយគិតត្រឹមឆ្នាំ២០២០ ផ្ទះនេះអាចមានតម្លៃប្រមាណជា ២៨៥ ០០០ដុល្លារ ប៉ុណ្ណោះ។
២- អាហារពេលព្រឹកដែលមានតម្លៃធូរថ្លៃ ៖ ជាធម្មតាលោកធ្វើដំណើរតាមរថយន្ត៥នាទីទៅដល់កន្លែងធ្វើការ ប៉ុន្តែអាហារពេលព្រឹកគឺជាហាង McDonald ដែលស្ថិតនៅតាមផ្លូវទៅកន្លែងធ្វើការប៉ុណ្ណោះ ខុសពីអ្វីដែលគ្រប់គ្នាគិតថាគាត់នឹងចំណាយពេល និងលុយកាក់ជាច្រើនជាមួយនឹងទីកន្លែងដ៏ប្រណិត និងមានតម្លៃថ្លៃ។ គេជឿជាក់ថាលោកអាចចំណាយលុយសម្រាប់អាហារពេលព្រឹកចន្លោះពី ២ទៅ៣ដុល្លារប៉ុណ្ណោះ។
៣- ប្រើប្រាស់តែរថយន្តដែលមានការបញ្ចុះតម្លៃ ៖ កូនស្រីរបស់លោក Buffet នៅគ្រាមួយបានថ្លែងប្រាប់ក្រុម BBC ថា ឪពុករបស់ខ្លួនបានទិញតែរថយន្តណាដែលធ្លាប់មានការប៉ះទង្គិចប៉ុណ្ណោះ ពីព្រោះថាវានឹងមានតម្លៃធូរថ្លៃជាងគេ។
៤.ទម្លាប់លេងហ្គេមសាមញ្ញៗ ៖ គ្រាមួយដែលលោកបានថ្លែងប្រាប់ទៅកាន់ក្រុមកាសែត CBS ទាំងកំប្លែងថា នៅពេលណាដែលលោកលេងហ្គេមហើយ បើទោះបីជាមានស្រីស្អាតដើរអាក្រាតកាយនៅចំពីមុខក៏លោកមិនបានចាប់អារម្មណ៍មើលឃើញនោះដែរ។
៥- ប្រើទូរស័ព្ទដៃម៉ាក Nokia រហូតដល់ពេលស្មាតហ្វូនមានវត្តមាន ៖ ចាប់តាំងតែពីពេលចេះប្រើទូរស័ព្ទ លោក Buffet បានមិនមានអ្វីក្រៅពី Nokia នោះទេ ទោះបីជាសម័យក្រោយមកមានស្មាតហ្វូន និង iPhone ក្តី ឬសូម្បីតែមានអំណោយជាច្រើនពីមិត្តភ័ក្ត ឬទាំងប្រធានប្រតិបត្តិ Apple លោក Tim Cook ក្តី ប៉ុន្តែទោះបីជាយ៉ាងណា រហូតដល់ពេលចុងក្រោយនេះទើបលោកបានសម្រេចចិត្តប្រើ iPhone11 ។
៦- មិនចំណាយលើសម្លៀកបំពាក់ ៖ លោក Buffet គ្មានប្រវត្តិប្រើប្រាស់សម្លៀកបំពាក់ផ្ទាល់ខ្លួន ឬសូម្បីតែឈុតអាវធំក្តីក្នុងតម្លៃថ្លៃនោះទេ ពោលគឺលោកតែងតែប្រើប្រាស់យីហោ Madam Li ដែលលោកធ្លាប់បានជួប និងប្រើវារហូតមកតាំងតែពីឆ្នាំ២០០៧មកម្ល៉េះ។
៧- ប្រើឲ្យអស់លទ្ធភាព ៖ បើទោះជាមានឈ្មោះជាកំពូលមហាសេដ្ឋីក្តី ប៉ុន្តែលោក Buffet មិនទុកឲ្យរបស់ដែលអាចប្រើប្រាស់បាន និងសន្សំសំចៃរបូតឡើយ ជាក់ស្តែងកាលពីឆ្នាំ២០១៧ បុរសរូបនេះបានប្រើប្រាស់បណ្ណបញ្ចុះតម្លៃលើអាហារ ដើម្បីចេញលុយឲ្យមិត្តភ័ក្តជិតស្និទ្ធគឺលោក Bill Gate ទិញអាហារពេលថ្ងៃមួយពេលជុំគ្នាទៀតផង។
៨- ប្រើប្រាស់អគារការិយាល័យផ្ទាល់ជាង៥០ឆ្នាំមកហើយ ៖ គួរឲ្យដឹងដែរថា បើទោះបីជាលោកមានអគារធ្វើការទំនើបៗជាច្រើនកន្លែងក្តី ប៉ុន្តែលោក Buffet បានសម្រេចចិត្តបន្តធ្វើការនៅនឹងអគារស្នាក់ការកណ្តាលចាស់របស់ខ្លួនដែលបានកសាងតាំងតែពីឆ្នាំ១៩៦០នៅឡើយ៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អុីស្រាអែល ទិញរោងចក្រផលិតរថយន្តដ៏ល្បីរបស់អាល្លឺម៉ង់ ប្ដូរទៅផលិតជាអាវុធទំនើបវិញ
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។ យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael
ផ្លូវសមុទ្រខាងជើង NSR ក្លាយជាសមរភូមិសាស្ត្រនយោបាយថ្មីរបស់មហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្រជែងអំណាចរវាងមហាអំណាចក្នុងសតវត្សរ៍ទី២១
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ប្លុក BRICS កំពុងបន្តស្វែងរកការអភិវឌ្ឍបណ្ដាញហិរញ្ញវត្ថុទាំងសាច់ប្រាក់ និងឌីជីថលដែលអាចតភ្ជាប់គ្នា ដើម្បីសម្រួលពាណិជ្ជកម្ម ន...
កម្ពុជាបាននាំចេញអង្ករចំនួន ១៧៧,៧០០ តោនទៅកាន់ប្រទេសចិន ក្នុងរយៈពេល ៨ ខែដំបូងនៃឆ្នាំ២០២៦ កើនឡើង ៥២.៧ ភាគរយ បើធៀបនឹងរយៈពេល...
ចិនប្រកាសចាត់វិធានការប្រឆាំងការលក់បង្ខូចតម្លៃលើការនាំចូលសារធាតុគីមីមួយប្រភេទពីប្រទេសជប៉ុន ដែលប្រើប្រាស់ក្នុងការផលិតបន្ទះឈីប
ភ្នំពេញ ៖ គិតចាប់ពីខែមករា ដល់ដំណាច់ខែកក្កដា ឆ្នាំ២០២៦កន្លងទៅនេះ យ៉ាងហោចណាស់មានគម្រោងវិនិយោគបង្កើតតំបន់សេដ្ឋកិច្ចពិសេសចំនួន៧ ត្រូវបានក្រុមប...
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិ...
ក្រសួងពាណិជ្ជកម្ម បានបន្តរៀបចំ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣ (3rd Digital trade Forum - 3d DTF) ក្រោមមូលបទ «ជំរុញពាណិជ្ជកម្...
ខេត្តក្រចេះបានដាក់ឱ្យអនុវត្តផែនការអភិវឌ្ឍន៍ទេសចរណ៍ឆ្នាំ ២០២៦-២០៣០ ដោយកំណត់ទិសដៅអភិវឌ្ឍវិស័យទេសចរណ៍ឱ្យកាន់តែមានគុណភាព ទាក់ទា...
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្...
កម្មវិធីពិសេសរបស់ AMS ECONOMY
