AMS Economyចំណេះដឹងសំខាន់ៗពីក្រុមដំណាំដែលយើងអាចដាំជុំវិញផ្ទះបាន
ភ្នំពេញ ៖ ការដាំដំណាំ មិនថាប្រភេទណាក៏ដោយ ក៏ត្រូវការការមើលថែទាំ ដកស្មៅ ដាក់ជី ជាពិសេសចំណុចដែលខ្វះពុំបាននោះគឺការស្រោចទឹក ទើបដំណាំទទួលបានផលល្អ។ ក្នុងនោះសម្រាប់ដំណាំតូចៗដែលដាំជុំវិញផ្ទះ ក៏ត្រូវការស្រោចទឹកទៅតាមបច្ចេកទេស និងតាមប្រភេទក្រុមដំណាំផងដែរ ទើបដំណាំទទួលបានទិន្នផលល្អ។
សម្រាប់ក្រុមដំណាំ ជាធម្មតាគេចែកជា ៥ក្រុម ឬ៥គ្រួសារ រួមមាន គ្រួសារ Solamaceae គ្រួសារ Cucurbitaceae គ្រួសារ Crucifer គ្រួសារ Fabaceae និងគ្រួសារ Liliaceae ដែលត្រូវការបរិមាណទឹកសម្រាប់ស្រោចផ្សេងៗគ្នាទៅតាមប្រភេទនៃគ្រួសារ។
តួយ៉ាង គ្រួសារ Solamaceae រួមមាន ប៉េងប៉ោះ ម្ទេស ត្រប់ ជាដំណាំដែលត្រូវការទឹកតិច តែត្រូវការជាប្រចាំដែលតម្រូវឱ្យមានសំណើមដីត្រឹម ៦០-៧៥ភាគរយ ក៏វាអាចដុះលូតលាស់បានល្អ ប៉ុន្តែបើស្រោចទឹកលើសពីនេះវាអាចបង្ករឱ្យកើតជំងឺផ្សេងៗដូចជា រលួយឫស ហើមដើម តែបើស្រោចទឹកមិនគ្រប់គ្រាន់ក៏អាចធ្វើឱ្យកូនដំលូតលាស់យឺត ក្រិន និងងាប់ផងដែរ។
ចំពោះទឹកសម្រាប់ស្រោចវិញ គួរប្រើទឹកស្អាតប្រមាណ ៥លីត្រលើថ្នាលដំណាំទំហំ ១ម៉ែត្រការ៉េដោយស្រោច ៣ដងក្នុងមួយថ្ងៃ ហើយការស្រោចនេះផងដែរ គេត្រូវស្រោចនៅពេលមានពន្លឺថ្ងៃ ចៀសវាងស្រោចពេលយប់ដែលអាចធ្វើឱ្យកូនដំណាំឆ្លងជំងឺផ្សិត។
គ្រួសារ Cucurbitaceae ដែលមានល្ពៅ ត្រឡាច ត្រសក់ ននោង ឪឡឹក ឈ្លោកជាដើម ជាប្រភេទដំណាំដែលត្រូវការទឹកពី ៦៥-៨០ភាគរយ គឺប្រហាក់ប្រហែលនិងក្រុមខាងលើដែរ តែវាទាមទារឱ្យស្លឹករុក្ខជាតិសើមជានិច្ចទើបកូនដំណាំលូតលាស់បានល្អ ដែលភាគច្រើនគេប្រើចំហាយទឹកស្រោចឱ្យសើមស្លឹក។
គ្រួសារ Crucifer ជាពពួកស្ពៃដូចជាស្ពៃក្ដោប ខាត់ណា ស្ពៃចង្កឹះ ស្ពៃជើងទា ជាដើម ត្រូវការទឹកច្រើនរហូតដល់ ៨០-៩០ភាគរយនៃសំណើមដី ទើបអាចដុះលូតលាស់បានល្អ កូនដំណាំស្រស់បំព្រង។ តែបើស្រោចទឹកតិចធ្វើឱ្យកូនដំណាំក្រិន ងាប់ ពោលគឺមិនសូវទទួលបានផលឡើយ។
ស្រដៀងគ្នានេះដែរ សម្រាប់គ្រួសារ Fabaceae ជាពពួកសណ្ដែកដូចជាសណ្ដែកសៀង សណ្ដែកកួរ ជាប្រភេទដំណាំត្រូវការសំណើមដីត្រឹម ៨០ភាគរយដែរទើបដំណាំអាចលូតលាស់បានល្អ ប៉ុន្តែចំណុចដែលត្រូវប្រុងប្រយ័ត្នគឺ ពេលស្រោចទឹកពុំត្រូវឱ្យសើមស្លឹកកូនដំណាំប្រភេទនេះនោះទេ។
ចុងក្រោយគឺគ្រួសារ Liliaceae រួមាន ពពួកខ្ទឹមស ខ្ទឹមក្រហម ខ្ទឹមបារាំង ខិនឆាយជាដើម ជាប្រភេទដំណាំដែលត្រូវការសំណើមដីត្រឹម ៨០ភាគរយដូចគ្នា ពិសេសផ្នែកឫសដែលយើងត្រូវយកចិត្តទុកដាក់យ៉ាងណាឱ្យឫសទទួលបានទឹកគ្រប់គ្រាប់ទើបដំណាំប្រភេទនេះអាចលូតលាស់បានល្អ៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អុីស្រាអែល ទិញរោងចក្រផលិតរថយន្តដ៏ល្បីរបស់អាល្លឺម៉ង់ ប្ដូរទៅផលិតជាអាវុធទំនើបវិញ
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។ យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael
ផ្លូវសមុទ្រខាងជើង NSR ក្លាយជាសមរភូមិសាស្ត្រនយោបាយថ្មីរបស់មហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្រជែងអំណាចរវាងមហាអំណាចក្នុងសតវត្សរ៍ទី២១
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ប្លុក BRICS កំពុងបន្តស្វែងរកការអភិវឌ្ឍបណ្ដាញហិរញ្ញវត្ថុទាំងសាច់ប្រាក់ និងឌីជីថលដែលអាចតភ្ជាប់គ្នា ដើម្បីសម្រួលពាណិជ្ជកម្ម ន...
កម្ពុជាបាននាំចេញអង្ករចំនួន ១៧៧,៧០០ តោនទៅកាន់ប្រទេសចិន ក្នុងរយៈពេល ៨ ខែដំបូងនៃឆ្នាំ២០២៦ កើនឡើង ៥២.៧ ភាគរយ បើធៀបនឹងរយៈពេល...
ចិនប្រកាសចាត់វិធានការប្រឆាំងការលក់បង្ខូចតម្លៃលើការនាំចូលសារធាតុគីមីមួយប្រភេទពីប្រទេសជប៉ុន ដែលប្រើប្រាស់ក្នុងការផលិតបន្ទះឈីប
ភ្នំពេញ ៖ គិតចាប់ពីខែមករា ដល់ដំណាច់ខែកក្កដា ឆ្នាំ២០២៦កន្លងទៅនេះ យ៉ាងហោចណាស់មានគម្រោងវិនិយោគបង្កើតតំបន់សេដ្ឋកិច្ចពិសេសចំនួន៧ ត្រូវបានក្រុមប...
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិ...
ក្រសួងពាណិជ្ជកម្ម បានបន្តរៀបចំ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣ (3rd Digital trade Forum - 3d DTF) ក្រោមមូលបទ «ជំរុញពាណិជ្ជកម្...
ខេត្តក្រចេះបានដាក់ឱ្យអនុវត្តផែនការអភិវឌ្ឍន៍ទេសចរណ៍ឆ្នាំ ២០២៦-២០៣០ ដោយកំណត់ទិសដៅអភិវឌ្ឍវិស័យទេសចរណ៍ឱ្យកាន់តែមានគុណភាព ទាក់ទា...
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្...
កម្មវិធីពិសេសរបស់ AMS ECONOMY
