AMS Economyអាជីវកម្មផលិតអាហារជ្រក់បែបខ្មែរកាត់កូរ៉េ កំពុងមានប្រជាប្រិយភាព
ភ្នំពេញ ៖ សុវត្ថិភាពចំណីអាហារ ជាចំណុចមួយដ៏សំខាន់ដែលត្រូវបានប្រជាជនយើងងាកមកយកចិត្តទុកដាក់ច្រើននាពេលបច្ចុប្បន្ន ដែលពួកគាត់មិនត្រឹមតែគិតគូរពីរសជាតិប៉ុណ្ណោះទេ ថែមទាំងគិតដល់សុវត្ថិភាព និងគុណភាពរបស់វត្ថុធាតុដើមផងដែរ។ ក្នុងនោះ មានអាជីវករពីរូបបានចាប់ផ្ដើមផលិតអាហារជ្រក់សុវត្ថិភាពដែលផលិតពីវត្ថុធាតុដើមធម្មជាតិ និងគិតគូរពីសុខភាពជាចម្បង។
ស្ម៊ីតា ជាឈ្មោះផេកអាជីវកម្មមួយដែលមានលក់អាហារជ្រក់ច្រើនមុខ ដែលគិតចម្បងទៅលើបញ្ហាសុខភាពអតិថិជន ផ្តោតលើផលិតផលផ្នែកចំណីអាហារសុវត្ថិភាពបែបខ្មែរកាត់កូរ៉េ ហើយប្រើទឹកអំពៅធម្មជាតិជំនួសស្ករ និងមិនប្រើប៊ីចេងផងដែរ។
លោក ទី រស្មី និងអ្នកស្រី ហយ នីតា ជាសហស្ថាបនិក ស្ម៊ីតា (SMITA) មានទីតាំងនៅភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ បានមានប្រសាសន៍ឱ្យដឹងថា ៖
“អាជីវកម្មរបស់របស់យើងមានផលិតនូវគីមឈីសុខភាព ក៏ដូចជាជ្រក់បន្លែសុខភាពជារសជាតិបែបខ្មែរ មានដូចជា ជ្រក់ត្រសក់ ជ្រក់កូនឆៃថាវ និងគ្រោងធ្វើជ្រក់ផ្សេងទៀតជាបន្តបន្ទាប់ ព្រមទាំងក្តិបស្វាយត្រាំទឹកអំពៅផងដែរ ដែលអាចផ្តល់អត្ថប្រយោជន៍ចំពោះសុខភាព”
លោកបន្ថែមថា ៖
“លក្ខណៈពិសេសរបស់យើង គឺផ្តោតលើវត្ថុធាតុដើមសុវត្ថិភាព ទាំងបន្លែ និងគ្រឿងផ្សំ ដែលបន្លែត្រូវតែជាបន្លែសុវត្ថិភាពហើយប្រើទឹកអំពៅជំនួសស្ករកែច្នៃ(ស្ករស) ដើម្បីបង្កើនរសជាតិឆ្ងាញ់ប្លែក និងបន្ថែមវីតាមីនមួយចំនួនក្នុងទឹកអំពៅដែលមានអត្ថប្រយោជន៍ចំពោះសុខភាពនៅក្នុងអាហារផងដែរ”
ពាក់ព័ន្ធនឹងតម្លៃវិញ បើប្រៀបធៀបនៅលើទីផ្សារ ផលិតផលរបស់ស្ម៊ីតា គឺមានតម្លៃប្រហាក់ប្រហែល ឬខ្ពស់ជាងបន្តិច អាស្រ័យទៅតាមប្រភេទជ្រក់ និងតម្លៃវត្ថុធាតុដើមដែលយកមកផលិត ដូចជាគីមឈី មានពីរប្រភេទទៅតាមតម្រូវការអតិថិជន ដែលទី១ ជាគីមឈីដែលប្រើបន្លែសុវត្ថិភាពក្នុងស្រុក និងទឹកអំពៅធម្មជាតិ មានតម្លៃ ៣២ ០០០រៀលក្នុងមួយគីឡូ។
លោកបានបន្តថា ៖
“អតិថិជនភាគច្រើនគឺជាអ្នកឃើញតាមរយៈបណ្តាញសង្គម និងអ្នកស្គាល់ ហើយណែនាំបន្តទៅឱ្យអតិថិជនផ្សេងៗទៀតផងដែរ ដែលពួកគាត់ជាអ្នកដែលគិតគូរពីសុខភាព និងគាំទ្រផលិតផលក្នុងស្រុក។ ដោយផ្អែកលើចក្ខុវិស័យរបស់យើង បច្ចុប្បន្នវត្ថុធាតុដើមជាបន្លែក្នុងស្រុកផ្ទាល់តែម្ដងមានដូចជា ស្ពៃបូកគោ ការ៉ុត ឆៃថាវ ត្រសក់ ខ្ទឹមបារាំង ខ្ទឹមស ស្លឹកខ្ទឹម អំពៅ ជាដើមដែលជាផ្នែកមួយជួយលើកកម្ពស់សេដ្ឋកិច្ចកសិករយើង។ នេះជាអ្វីដែលស្ថាបនិកខាងលើបានលើកឡើង។ ចំណែកការផលិត យើងត្រូវចំណាយពេល ១-២ថ្ងៃទៅតាមផលិតផលនីមួយៗ ដូចជាគីមឈី ត្រូវចំនាយពេលមួយថ្ងៃពេញ គឺពីព្រឹកដល់យប់។ បើនិយាយពីជ្រក់កូនឆៃថាវវិញចំណាយពេលពីរថ្ងៃទើបអាចផលិតហើយ គឺចំណាយពេលយូរដោយសារវាពិបាកក្នុងការសម្អាត”
ស្ថាបនិកអាជីវកម្មអាហារជ្រក់រូបនេះបានបន្តថា ៖
“សម្រាប់ដំណាក់កាលក្នុងការធ្វើជ្រក់ជារួមមក យើងត្រូវលាងសម្អាតសម្ភារៈប្រើប្រាស់ជាមុនសិនដើម្បីធានាអនាម័យមុនពេលផលិត បន្ទាប់មកយើងកាត់ និងលាងសម្អាតបន្លែរួចដាក់អំបិលផ្អាប់ទុករយៈពេល ៦-៨ម៉ោង។ បន្ទាប់មក យើងលាងអំបិលចេញ ដើម្បីឱ្យអស់ជាតិប្រៃ រួចទុកឱ្យស្រស់ទឹក ទើបយើងហាន់បន្លែ និងគ្រឿងបន្ទាប់បន្សំ ក៏ដូចជាទិញទឹកអំពៅដើម្បីលាយគ្រឿងផ្សំធ្វើទឹកជ្រក់។ ចុងក្រោយ យើងទុកបន្លែដែលលាយគ្រឿងហើយមួយយប់នៅក្រៅទូរទឹកកក ដើម្បីទទួលបានអតិសុខុមប្រាណល្អ ឬប្រូបាយអូទិក ទើបរៀបចំដាក់ចូលក្នុងទូរក្លាសេ ដើម្បីរក្សាគុណភាព ហើយយើងអាចវេចខ្ចប់លក់ជូនអតិថិជនបាន”
គួរបញ្ជាក់ដែរថា លោក ទី រស្មី និងភរិយាបានចាប់ផ្ដើមអាជីវកម្មនៅខែតុលា ឆ្នាំ២០១៩ ដែលមានឈ្មោះថា SMITA កើតពីការបញ្ចូលគ្នារវាងឈ្មោះលោក និងភរិយា បូករួមនឹងជំនាញអាយធីដែលមិត្តភក្តិតែងហៅថា ជាចុងភៅអាយធី។ ដំបូងឡើយគឺភរិយារបស់លោកចង់ហូបគីមឈី ក្នុងកំឡុងពេលពរពោះកូនទី១ ហើយភរិយាគាត់ក៏បានបង្ហោះលេងក្នុងបណ្តាញសង្គមហ្វេសប៊ុក ក៏មានការចាប់អារម្មណ៍ និងកុម្ម៉ង់ទិញជាហូរហែរចាប់តាំងពីពេលនោះមក។
សម្រាប់ការចាប់ផ្តើមដំបូង លោកបានចំណាយដើមទុនប្រមាណជាង ១០ម៉ឺនរៀលទៅលើការធ្វើគីមឈី ១០គីឡូក្រាម ដែលចំណាយទៅលើវត្ថុធាតុដើម និងការវេចខ្ចប់។ មួយឆ្នាំក្រោយ ទើបលោកទិញទូរទឹកកកថ្មី និងប្រដាប់ប្រដាបន្ថែមដែលអាចធ្វើបានម្តង ៦០គីឡូក្រាម និងប្តូរការវេចខ្ចប់ទៅជាកំប៉ុងដែលអាចប្រើប្រាស់ឡើងវិញបានជាផ្នែកមួយជួយដល់បរិស្ថានផងដែរ។
បើនិយាយពីជំនាញវិញ តាមពិតទៅ ម្ចាស់អាជីវកម្មខាងលើបានរៀនចប់អនុបណ្ឌិតអាយធីពីកូរ៉េ ប៉ុន្តែដោយសារតែបទពិសោធន៍តាំងពីកុមារភាពដែលចូលចិត្តជួយម្តាយធ្វើម្ហូបអាហារលក់នៅក្នុងភូមិ លោកក៏យករូបមន្តគោលដែលចេះពីម្តាយ និងបទពិសោធនៅប្រទេសកូរ៉េ បូករួមនឹងការចូលចិត្តញុំារបស់ថ្មីៗប្លែកៗ និងការច្នៃប្រឌិតបន្ថែមទើបបង្កើតជាផលិតផលទាំងនេះចេញមក។
យ៉ាងណាមិញ ការស្វែងរកវត្ថុធាតុដើមដែលជាកសិផលធម្មជាតិ គឺនៅតែជាបញ្ហាចម្បង ដោយសារតែបន្លែសម្រាប់ផលិតនៅមានកម្រិត និងមានតម្លៃខ្ពស់បើធៀបនឹងបន្លែនាំចូល។ ក្រៅពីនេះក៏មានបញ្ហាតម្លៃលក់ និងការវេចខ្ចប់ ដែលត្រូវចំណាយថ្លៃដើមច្រើន។ សម្រាប់ថ្ងៃអនាគត លោក ទី រស្មី មានគម្រោងចង់ពង្រីកទៅជាសិប្បកម្មដែលអាចផលិតបានកាន់តែច្រើន មានផលិតផលច្រើនប្រភេទ ទាំងអាហារជ្រក់ អាហារក្រៀម និងភេសជ្ជៈផងដែរ។ លោកសង្ឃឹមដែរថា ប្រទេសកម្ពុជានឹងមានផលិតផលសុវត្ថិភាពក្នុងស្រុកកាន់តែច្រើន ដែលអាចផ្គត់ផ្គង់គ្រប់គ្រាន់នៅលើទីផ្សារ និងអាចប្រកួតប្រជែងតម្លៃជាមួយផលិតផលនាំចូលបាន៕
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ស្វែងយល់ពីអាថ៌កំបាំងនៅពីក្រោយភាពក្លាហានរបស់ប៉ូឡូញ ដែលហ៊ានប្រឈមមុខផ្នែកយោធាជាមួយរុស្ស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 05/11/2026
បរទេស ៖ ទំនាក់ទំនងរវាងប៉ូឡូញ និងរុស្ស៊ី បានឈានដល់ភាពតានតឹងសាជាថ្មីក្រោយពេលដែលនាយករដ្ឋមន្ត្រីប៉ូឡូញ លោក Donald Tusk ប្រកាសជាសាធារណៈអំពីការពង្រាយកងកម្លាំងបន្ថែមនៅតាមព្រំដែនភាគខាងជើង ជាប់ Kaliningrad ដែនដីរបស់រុស្ស៊ី បន្ទាប់ពីមានសកម្មភាពគួរឲ្យសង្ស័យចេញពីទីនោះ។ លោក Donald Tusk បានបញ្ជាក់ថា អាជ្ញាធរប្រទះឃើញមានមនុស្សបំភ្លឺពិលនាពេលអធ្រាត្រនៅព្រំដែនជាប់ Kaliningrad ដែនដីរបស់រុស្ស៊ី
ប៊ុលហ្គារីចាប់ផ្តើមដាក់ពង្រាយរថពាសដែក Stryker ក្នុងគម្រោងទំនើបកម្មយោធាដ៏ធំ
ព្រឹត្តិការណ៍, អាជីវកម្មថ្មី និងនវានុវត្ត
• 05/11/2026
ងកម្លាំងជើងគោកប៊ុលហ្គារីបានទទួលរថពាសដែកទំនើបប្រភេទ Stryker ផលិតនៅសហរដ្ឋអាម៉េរិកចំនួន ៥គ្រឿងដំបូង ដែលជាផ្នែកមួយនៃគម្រោងទំនើបកម្មវិស័យការពារជាតិទ្រង់ទ្រាយធំ ដោយមានការបញ្ជាទិញយានយន្តប្រយុទ្ធ និងយានយន្តគាំទ្រផ្នែកភស្តុភារសរុបចំនួន ១៩៨គ្រឿង
ឈ្នះទាំងទូរសព្ទ iPhone 17 Pro និងសម្រេចទាំងគោលដៅសន្សំ !
ព្រឹត្តិការណ៍, អត្ថបទពាណិជ្ជកម្ម
• 05/11/2026
ភ្នំពេញ ៖ ក្នុងគោលបំណងលើកទឹកចិត្តអតិថិជនឱ្យបង្កើតទម្លាប់សន្សំប្រាក់ និងរៀបចំផែនការហិរញ្ញវត្ថុសម្រាប់អនាគតប្រកបដោយទំនុកចិត្តខ្ពស់ អិលអូអិលស៊ី សូមណែនាំ គណនីសន្សំតាមផែនការ (Plan Account) ដែលជាជម្រើសដ៏ល្អក្នុងការសម្រេចក្តីស្រមៃ និងគោលដៅហិរញ្ញវត្ថុរបស់លោកអ្នក។ ដើម្បីផ្តល់ជូននូវអត្ថប្រយោជន៍បន្ថែម និងរំភើបដល់អតិថិជន អិលអូអិលស៊ី បានរៀបចំកម្មវិធីប្រូម៉ូសិនពិសេស ដោយផ្តល់ឱកាសឈ្នះរង្វាន់ធំ iPhone 17 Pro (512GB)
រដ្ឋមន្ត្រីក្រសួងរៀបចំដែនដី ជំរុញឲ្យអ្នកពាក់ព័ន្ធរួមគ្នារៀបចំប្លង់គោលប្រើប្រាស់ដីឲ្យបានត្រឹមត្រូវ ដើម្បីបង្កើនសក្ដានុពល និងអភិវឌ្ឍន៍សេដ្ឋកិច្ចតំបន់ឆ្នេរ ខេត្តកំពត
Top News, ព្រឹត្តិការណ៍, អចលនទ្រព្យ
• 05/11/2026
ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានមានប្រសាសន៍ថា យើងរួមគ្នារៀបចំជីវិត រៀបចំផ្ទះសំបែងយើង តាមរយៈការរៀបចំកសាងប្លង់គោលប្រើប្រាស់ដី និងផែនការប្រើប្រាស់ដី ដោយផ្តើមពីការស្គាល់ពីខ្លួនឯង ស្គាល់ពីសមត្ថភាពសេដ្ឋកិច្ច និងសក្តានុពលក្នុងតំបន់យើង ធ្វើឱ្យត្រូវ ដោយមានផែនការច្បាស់លាស់។ យ៉ាងណាក៏ដោយ ការរៀបចំប្លង់គោលប្រើប្រាស់ដី និងផែនការប្រើប្រាស់ដីសម្រាប់ខេត្តកំពត
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
កំពង់ផែទឹកជ្រៅក្រុងព្រះសីហនុដំណាក់កាលទី១ ដែលមានតម្លៃ២៤៣លានដុល្លារគ្រោងនឹងបញ្ចប់ការសាងសង់នៅឆ្នាំ ២០២៧ខាងមុខជាមួយនឹងក្តីរំពឹងថាកាត់បន្ថយថ្លៃដ...
ឡាវ និងចិនបានព្រមព្រៀងពង្រឹងការតភ្ជាប់បណ្តាញផ្លូវដែក ការអភិវឌ្ឍច្រករបៀងសេដ្ឋកិច្ច និងពង្រីកកិច្ចសហប្រតិបត្តិការលើវិស័យបញ្ញា...
រាជរដ្ឋាភិបាលកម្ពុជាបានបញ្ចេញថវិកាចំនួន ១.២ ពាន់លានដុល្លារអាម៉េរិក ដើម្បីអនុវត្តគោលនយោបាយអន្តរាគមន៍សេដ្ឋកិច្ចសំខាន់ៗចំនួន៣ ...
បរទេស ៖ ទំនាក់ទំនងរវាងប៉ូឡូញ និងរុស្ស៊ី បានឈានដល់ភាពតានតឹងសាជាថ្មីក្រោយពេលដែលនាយករដ្ឋមន្ត្រីប៉ូឡូញ លោក Donald Tusk ប្រកាសជាសាធារណៈអំពីការពង្រាយកងកម...
ងកម្លាំងជើងគោកប៊ុលហ្គារីបានទទួលរថពាសដែកទំនើបប្រភេទ Stryker ផលិតនៅសហរដ្ឋអាម៉េរិកចំនួន ៥គ្រឿងដំបូង ដែលជាផ្នែកមួយនៃគម្រោងទំន...
ភ្នំពេញ ៖ ក្នុងគោលបំណងលើកទឹកចិត្តអតិថិជនឱ្យបង្កើតទម្លាប់សន្សំប្រាក់ និងរៀបចំផែនការហិរញ្ញវត្ថុសម្រាប់អនាគតប្រកបដោយទំនុកចិត្តខ្ពស់ អិលអូអិលស៊ី សូមណែន...
ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានមានប្រសាសន៍ថា យើងរួមគ្នារៀបចំជីវិត រៀបចំផ្ទះសំបែងយើង តាមរ...
រាជរដ្ឋាភិបាលកម្ពុជា នឹងចាប់ផ្តើមអនុវត្តគម្រោងអភិវឌ្ឍន៍ហេដ្ឋារចនាសម្ព័ន្ធជនបទ ដែលមានទឹកប្រាក់ជាង ២០០ លានដុល្លារអាម៉េរិក នៅដ...
កម្មវិធីពិសេសរបស់ AMS ECONOMY
