AMS Economyអាជីវកម្មកំប៉ុសគោកផ្តល់ផលចំណេញដល់ទាំងបរិស្ថាន ដំណាំ និងលើកស្ទួយជីវភាពប្រជាជនក្នុងសហគមន៍
ជំនួញ ៖ ជីកំប៉ុស ត្រូវបានគេស្គាល់ថាជាជីដែលបានមកពីវត្ថុធាតុដើមធម្មជាតិ ក៏ដូចជាសំណល់ច្រើនមុខលាយបញ្ចូលគ្នាផ្អាប់ទុក ដែលអាចធ្វើជាជីបំប៉នដំណាំឱ្យលូតលាស់បានយ៉ាងល្អ ទើបធ្វើឱ្យសហគមន៍មួយបានប្រមូលផ្ដុំគ្នាផលិតជីកំប៉ុសលក់ ក្នុងគោលបំណងកាត់បន្ថយកាកសំណល់ ច្នៃធ្វើជាជី និងអាចរកចំណូលបន្ថែមសម្រាប់សេដ្ឋកិច្ចគ្រួសារ។
សហគមន៍កសិកម្មសុវត្ថិភាពធម្មជាតិ ជាសហគមន៍មួយដែលមានសមាជិកចំនួន ៧គ្រួសារ ស្ថិតនៅ ភូមិជ្រៃខាងជើង ឃុំកៀនសង្កែ ស្រុកសូទ្រនិគម ខេត្តសៀមរាប កំពុងផលិតជីកំប៉ុសដោយសំណាក់ក្រុមផលិតស្តង់ដារ ដើម្បីលក់ទៅឱ្យសហគមន៍ និងចែកចាយដល់ដៃគូសហការ ក៏ដូចជាកសិដ្ឋាននានាទូទាំងប្រទេស។
អ្នកស្រី ថៃ សូដា ជាអនុប្រធានសហគមន៍កសិកម្មសុវត្ថិភាពធម្មជាតិបានមានប្រសាសន៍អំពីគោលបំណងនៃការផលិតជីកំប៉ុសដូច្នេះថា ៖
“គោលបំណងរបស់យើង គឺទីមួយធ្វើឱ្យបរិស្ថានស្អាត ទីពីរគឺដើម្បីដាំបន្លែដោយគ្មានជាតិគីមី ថែមទាំងមិនខូចដី អាចកាត់បន្ថយចំណាយទៅលើជីគីមី ក្រៅពីនេះ វាក៏ជារបរមួយជួយឱ្យបងប្អូនយើងរកចំណូលបាន ដោយមិនចាំបាច់ធ្វើការចំណាកស្រុកផងដែរ”
អ្នកស្រីបន្តថា សម្រាប់បរិមាណផលិត ក្នុងមួយឆ្នាំ យើងអាចផលិតបានជីកំប៉ុសប្រមាណ ២០តោន ដែលសហគមន៍លក់រាយបានក្នុងតម្លៃ ១០០០រៀល ក្នុង ១គីឡូក្រាម និងបោះដុះក្នុងតម្លៃ ៨០០រៀល ក្នុង ១គីឡូក្រាម។ ចំពោះប្រើប្រាស់វិញ សម្រាប់បន្លែស្លឹកលើថ្នាល គេអាចប្រើ ១គីឡូក្រាម បាន២-៣ ម៉ែត ហើយចំណែកដំណាំហូបផ្លែដូចជាដូង អាចប្រើបានក្នុងមួយគុម្ព ១-២.៥គីឡូក្រាម។
ចំណែកអត្ថប្រយោជន៍វិញ ជីកំប៉ុសគឺអាចកែប្រែដីដែលខូច ដោយសារប្រើជីគីមី បំប៉នដំណាំបានផលល្អ និងមិនប៉ះពាល់ដល់សុខភាពអ្នកទទួលទាន ពិសេសគឺលើកកម្ពស់ជីវភាពកសិករដោយមិនបាច់ធ្វើការចំណាកស្រុក ដែលគាត់អាចទទួលផលពីការដាំដំណាំ ហើយអាចយកកម្ទេច ឬក៏សំណល់បន្លែផ្សេងៗមកច្នៃធ្វើជាកំប៉ុសបានថែមទៀត។ នេះជាអ្វីដែលអ្នកស្រីបានលើកឡើង។
ទាក់ទងនឹងការផលិត អនុប្រធានសហគមន៍រូបនេះប្រាប់ទៀតថា យើងត្រូវការវត្ថុធាតុដើម ដូចជា វត្ថុធាតុដើមស្រស់ និងស្ងួត ដូចជាស្មៅ ចំបើង ស្លឹកឈើជាដើម ដែលត្រូវគិតជាភាគរយ ដូចជារបស់សើមស្រស់ ៤៥ភាគរយ លាមកគោ ៤០ភាគរយ ធ្យូងអង្កាម ៥ភាគរយ លាយជាមួយដីមមោក ឬដីដំបូក ១០ភាគរយផងដែរ។
ពាក់ព័ន្ធនឹងរបៀបផលិត អ្នកស្រីរៀបរាប់បន្តថា យើងត្រូវតម្រៀបចំបើង ក៏ដូចជាវត្ថុធាតុដើមផ្សេងទៀតជាស្រទាប់ៗគរលើគ្នាកម្ពស់ប្រមាណ ១.២ម៉ែត ដោយលាយជាមួយទឹកសើមៗ រួចបិទដោយដីចុងក្រោយបង្អស់។ បន្ទាប់មក យើងគ្របវាទុករយៈពេល ៤៥ថ្ងៃ តែរយៈពេលត្រឹម ១ ទៅ ២សប្ដាហ៍ យើងត្រូវឧស្សាហ៍បើកមើលថាតើកំប៉ុសរបស់យើងមានឡើងកម្ដៅដែរ ឬអត់ ហើយបើវាឡើងកម្ដៅចន្លោះពី ៤០-៧៥°C មានន័យថា កំប៉ុសយើងកាច់បានល្អ និងត្រូវស្តង់ដារហើយ។
បន្ទាប់ពី ៤៥ថ្ងៃហើយ យើងត្រូវដាក់វានៅគំនរផ្សេងមួយទៀត ដោយធ្វើការជ្រោយ និងចាក់ទឹករៀងរាល់ ២សប្ដាហ៍ម្ដង រហូតដល់រយៈពេល ៩០ថ្ងៃ ទើបកំប៉ុសយើងកាច់បានល្អ រួចយើងរែងសម្អាតវត្ថុធាតុដើមរឹងៗចេញ ទើបអាចច្រកទុកសម្រាប់គណកម្មការចុះទៅត្រួតពិនិត្យ និងអាចថ្លឹងលក់ឱ្យសហគមន៍បាន ទើបសហគមន៍ចែកចាយបន្ត។
យ៉ាងណាក៏ដោយ ការផលិតជីកំប៉ុសក៏ជួបនូវផលលំបាកខ្លះដែរ ដូចជាបញ្ហាទឹកនៅរដូងប្រាំង ដោយសារយើងត្រូវការប្រើទឹកច្រើន ចំណែកនៅរដូវវស្សា យើងពិបាករកវត្ថុធាតុដើមមួយចំនួន តែយើងក៏អាចរកវត្ថុធាតុដើមតាមរដូវផងដែរ ដូចជារដូវរំហើយយើងអាចប្រើជាចំបើងដែលយើងទើបតែប្រមូលផលស្រូវហើយក៏បាន។
ចុងក្រោយ អ្នកស្រី ថៃ សូដា សូមសំណូមពរឱ្យបងប្អូនយើងជួយលើកស្ទួយកំប៉ុសខ្មែរដែលអាចជួយដល់ជីវភាពកសិករ កាត់បន្ថយផលប៉ះពាល់ដល់បរិស្ថាន និងអាចជួយបង្កើនទិន្នផលដំណាំ ចៀសវាងការប្រើប្រាស់ជីគីមីដែលប៉ះពាល់ដល់សុខភាព និងធ្វើឱ្យខូចគុណភាពដីផងដែរ៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អុីស្រាអែល ទិញរោងចក្រផលិតរថយន្តដ៏ល្បីរបស់អាល្លឺម៉ង់ ប្ដូរទៅផលិតជាអាវុធទំនើបវិញ
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។ យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael
ផ្លូវសមុទ្រខាងជើង NSR ក្លាយជាសមរភូមិសាស្ត្រនយោបាយថ្មីរបស់មហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្រជែងអំណាចរវាងមហាអំណាចក្នុងសតវត្សរ៍ទី២១
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ចិនប្រកាសចាត់វិធានការប្រឆាំងការលក់បង្ខូចតម្លៃលើការនាំចូលសារធាតុគីមីមួយប្រភេទពីប្រទេសជប៉ុន ដែលប្រើប្រាស់ក្នុងការផលិតបន្ទះឈីប
ភ្នំពេញ ៖ គិតចាប់ពីខែមករា ដល់ដំណាច់ខែកក្កដា ឆ្នាំ២០២៦កន្លងទៅនេះ យ៉ាងហោចណាស់មានគម្រោងវិនិយោគបង្កើតតំបន់សេដ្ឋកិច្ចពិសេសចំនួន៧ ត្រូវបានក្រុមប...
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិ...
ក្រសួងពាណិជ្ជកម្ម បានបន្តរៀបចំ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣ (3rd Digital trade Forum - 3d DTF) ក្រោមមូលបទ «ជំរុញពាណិជ្ជកម្...
ខេត្តក្រចេះបានដាក់ឱ្យអនុវត្តផែនការអភិវឌ្ឍន៍ទេសចរណ៍ឆ្នាំ ២០២៦-២០៣០ ដោយកំណត់ទិសដៅអភិវឌ្ឍវិស័យទេសចរណ៍ឱ្យកាន់តែមានគុណភាព ទាក់ទា...
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្...
តម្លៃប្រេងឆៅបានហក់ឡើងដល់កម្រិតខ្ពស់បំផុតក្នុងរយៈពេល ៦ សប្តាហ៍ ដោយតម្លៃប្រេង Brent ខិតជិត ១០០ ដុល្លារក្នុងមួយបារ៉ែល បន្ទាប់...
សមាគមមីក្រូហិរញ្ញវត្ថុកម្ពុជា ក្រោមការគាំទ្រផ្នែកហិរញ្ញវត្ថុពីស្ថានទូតអៀរឡង់នៅប្រទេសវៀតណាម តាមរយៈអង្គការ Oxfam នៅកម្ពុជា និងការគាំទ្រផ្នែកបច្ចេកទេស...
កម្មវិធីពិសេសរបស់ AMS ECONOMY
