AMS Economyអ្នកជំនាញទេសចរណ៍ ៖ ភ្ញៀវជាង ៤លាននាក់ដែលដើរកម្សាន្ដពេលចូលឆ្នាំ ជាក្ដីសង្ឃឹមថ្មីមួយសម្រាប់វិស័យនេះ
ភ្នំពេញ ៖ ពិធីបុណ្យចូលឆ្នាំថ្មីប្រពៃណីជាតិខ្មែរដែលធ្វើឡើងយ៉ាងអ៊ូអរនាឆ្នាំនេះ បានទាក់ទាញមនុស្សជាង៤លាននាក់ ឱ្យធ្វើដំណើរកម្សាន្ដពាសពេញផ្ទៃប្រទេស ដែលចំនួននេះគឺបានកើនឡើងលើសលប់បើធៀបទៅនឹងឆ្នាំ២០១៩មុនពេលមានវិបត្តិកូវីដ-១៩។
សម្រាប់អ្នកជំនាញទេសចរណ៍បានបញ្ជាក់ថា ចំនួននេះពិតជាបានបង្ហាញពីភាពជឿជាក់ក្នុងការដើរហើររបស់ប្រជាជនឡើងវិញ បន្ទាប់ពីមានការរិតត្បិតការធ្វើដំណើរអស់២ឆ្នាំមក។ លើសពីនេះ វាក៏ជាសញ្ញាល្អមួយសម្រាប់វិស័យទេសចរណ៍ទាំងមូលក្នុងការងើបឈរឡើងវិញផងដែរ។
លោកជំទាវ ឆាយ ស៊ីវលីន ដែលជាប្រធានសមាគមទីភ្នាក់ងារទេសចរណ៍កម្ពុជា បានមានប្រសាសន៍ថា៖
“ការដើរហើរក្នុងចំនួនដ៏ច្រើន របស់ប្រជាជនកម្ពុជាបែបនេះ គឺជាសញ្ញាល្អមួយក្នុងការទាក់ទាញភ្ញៀវទេសចរក្រៅស្រុកមកបន្ថែមទៀត ព្រមទាំងបានជួយឱ្យមានរំហូរនៃការចាយវាយទៅដល់បងប្អូនដែលជាអ្នកបម្រើសេវាកម្មទេសចរណ៍ផងដែរ”
លោកជំទាវបន្តថា ថ្វីត្បិតតែវិស័យទេសចរណ៍របស់កម្ពុជាត្រូវការពេលបន្តិចក្នុងការងើបឡើងវិញ ប៉ុន្តែស្ថានភាពបច្ចុប្បន្នដែលភ្ញៀវចាប់ផ្ដើមផ្លាស់ទីទៅកាន់គោលដៅផ្សេងៗ ជាការល្អប្រសើរមួយហើយ។
យ៉ាងណាមិញ ក្នុងចំណោមភ្ញៀវទាំងជាង៤លាននាក់នោះ យើងសម្គាល់ឃើញថាភាគច្រើនគឺជាភ្ញៀវក្នុងស្រុក ចំណែកឯភ្ញៀវពីក្រៅចូលមកគឺមានចំនួនបន្តិចបន្តួច។ ប៉ុន្តែបើទោះជាយ៉ាងនេះក្ដី លោកជំទាវបានលើកឡើងថា បែបនេះក៏ដោយសារតែភ្ញៀវអន្តរជាតិចូលចិត្តមកកម្សាន្ដនាថ្ងៃធម្មតា ដែលមិនមែនជាថ្ងៃបុណ្យទាន ពោលគឺពួកគេចូលចិត្តការដើរកម្សាន្ដបែបស្ងប់ស្ងាត់។
ចំណែកឯលោកបណ្ឌិត ធួន ស៊ីណាន ប្រធានសមាគមទេសចរណ៍អាស៊ីប៉ាស៊ីហ្វិក បានមានប្រសាសន៍ថា ៖
“សម្រាប់ភ្ញៀវនៅក្រៅស្រុក យើងឃើញថាពីមួយថ្ងៃទៅមួយថ្ងៃយើងមានលេខបូករហូត រាប់ចាប់តាំងពីរដ្ឋាភិបាលបើកតាំងពីខែ១១ នាឆ្នាំមុន បើទោះបីជាមិនទាន់មានចំនួនធំដុំដូចកាលមិនទាន់មានកូវីដក៏ដោយ”
លោកបណ្ឌិតបន្តទៀតថា ភ្ញៀវអន្តរជាតិដែលមកកម្ពុជានាពេលបច្ចុប្បន្ន ក្រៅពីអ្នកវិនិយោគ និងអ្នកជាពាណិជ្ជករដែលចេញចូលជាប្រចាំ លោកឃើញមានជាភ្ញៀវរាយ ដែលចូលមកជាប្រភេទ Backpacker នៅឡើយទេ ហើយពួកគេភាគច្រើនមកគឺចេញពីប្រទេសក្នុងតំបន់អាស៊ាន។ ដូច្នេះ សរុបជារួមនៅក្នុងវិស័យទេសចរណ៍របស់កម្ពុជាគឺនៅត្រូវការពេលបន្តទៀត ម្យ៉ាងស្ថានការណ៍ពិភពលោកក៏នៅមិនទាន់មានស្ថិរភាពនៅឡើយ។ គួរបញ្ជាក់ថា កម្ពុជាជាប់ជាប្រទេសចំណាត់ថ្នាក់លេខមួយផ្នែកសុវត្ថិភាពទេសចរណ៍ និងការងើបចេញពីវិបត្តិកូវីដឆាប់រហ័សជាងគេក្នុងតំបន់អាស៊ី ព្រមទាំងស្ថិតនៅចំណាត់ថ្នាក់លេខ២ ជាប្រទេសដែលបានចាក់វ៉ាក់សាំងជូនប្រជាជនបានច្រើន ក្នុងក្របខ័ណ្ឌប្រទេសនៅអាស៊ីផងដែរ៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អុីស្រាអែល ទិញរោងចក្រផលិតរថយន្តដ៏ល្បីរបស់អាល្លឺម៉ង់ ប្ដូរទៅផលិតជាអាវុធទំនើបវិញ
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។ យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael
ផ្លូវសមុទ្រខាងជើង NSR ក្លាយជាសមរភូមិសាស្ត្រនយោបាយថ្មីរបស់មហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្រជែងអំណាចរវាងមហាអំណាចក្នុងសតវត្សរ៍ទី២១
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ចិនប្រកាសចាត់វិធានការប្រឆាំងការលក់បង្ខូចតម្លៃលើការនាំចូលសារធាតុគីមីមួយប្រភេទពីប្រទេសជប៉ុន ដែលប្រើប្រាស់ក្នុងការផលិតបន្ទះឈីប
ភ្នំពេញ ៖ គិតចាប់ពីខែមករា ដល់ដំណាច់ខែកក្កដា ឆ្នាំ២០២៦កន្លងទៅនេះ យ៉ាងហោចណាស់មានគម្រោងវិនិយោគបង្កើតតំបន់សេដ្ឋកិច្ចពិសេសចំនួន៧ ត្រូវបានក្រុមប...
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិ...
ក្រសួងពាណិជ្ជកម្ម បានបន្តរៀបចំ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣ (3rd Digital trade Forum - 3d DTF) ក្រោមមូលបទ «ជំរុញពាណិជ្ជកម្...
ខេត្តក្រចេះបានដាក់ឱ្យអនុវត្តផែនការអភិវឌ្ឍន៍ទេសចរណ៍ឆ្នាំ ២០២៦-២០៣០ ដោយកំណត់ទិសដៅអភិវឌ្ឍវិស័យទេសចរណ៍ឱ្យកាន់តែមានគុណភាព ទាក់ទា...
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្...
តម្លៃប្រេងឆៅបានហក់ឡើងដល់កម្រិតខ្ពស់បំផុតក្នុងរយៈពេល ៦ សប្តាហ៍ ដោយតម្លៃប្រេង Brent ខិតជិត ១០០ ដុល្លារក្នុងមួយបារ៉ែល បន្ទាប់...
សមាគមមីក្រូហិរញ្ញវត្ថុកម្ពុជា ក្រោមការគាំទ្រផ្នែកហិរញ្ញវត្ថុពីស្ថានទូតអៀរឡង់នៅប្រទេសវៀតណាម តាមរយៈអង្គការ Oxfam នៅកម្ពុជា និងការគាំទ្រផ្នែកបច្ចេកទេស...
កម្មវិធីពិសេសរបស់ AMS ECONOMY
