AMS Economyថ្មីទៀតហើយ ! នំប៉័ងត្នោត រសជាតិឆ្ងាញ់ប្លែក កំពុងទទួលប្រជាប្រិយភាពខ្លាំង
ភ្នំពេញ ៖ ត្នោត ជារុក្ខជាតិមួយប្រភេទ ផ្តល់ប្រយោជន៍យ៉ាងច្រើន រាប់តាំងពីស្លឹកត្នោត ដើមត្នោត ធាងត្នោត គ្រាប់ត្នោត ទឹកត្នោត ពិសេស គឺផ្លែត្នោតទុំ ដែលគេអាចយកមកធ្វើជានំត្នោត អន្សមត្នោត និងអាកោត្នោត។ ដោយឡែកថ្មីៗនេះ ផ្លែត្នោតទុំត្រូវបានគេយកទៅកែច្នៃទៅជានំប៉័ងមួយប្រភេទ ដែលមានរសជាតិឈ្ងុយឆ្ងាញ់ ថ្មីប្លែក និងទទួលបានការគាំទ្រជាងខ្លាំងនៅលើទីផ្សារ។
CHRIZT BEN ជាយីហោហាងផលិត និងនំប៉័ងកែច្នៃរសជាតិផ្លែត្នោតទុំ សាច់នំទន់ល្មើយ រសជាតិឆ្ងាញ់ ក្លិនឈ្ងុយប្លែក និងមានអ្នកនិយមទទួលទាននំប៉័ងគាំទ្រគួរឲ្យកត់សម្គាល់។
លោក ប៊ុន វុធឌីកា ស្ថាបនិកហាងនំប៉័ង CHRIZT BEN បានប្រាប់ AMS យ៉ាងដូច្នេះថា ៖
“ដំណើរដើមទងនៃការបង្កើតជានំប៉័ងរសជាតិត្នោតទុំនេះ គឺក្រោយពេលខ្ញុំមកពីបរទេស ហើយខ្ញុំទៅលេងម្ដាយខ្ញុំនៅខេត្តកំពង់ស្ពឺ ខ្ញុំនឹកឃើញដល់នំអាកោត្នោត តែអត់មានលក់ដោយសារអត់មានតម្រូវការ តែដើមត្នោតនៅខេត្តកំពង់ស្ពឺគឺមានច្រើនជាងគេបំផុត ហើយផ្លែត្នោតនេះទៀតសោតទុំជ្រុះចោល ខ្ញុំក៏គិតថាប្រសិនបើខ្ញុំមានហាងនំប៉័ង ខ្ញុំត្រូវតែបង្កើតនូវនំប៉័ងត្នោតនេះឡើង ដើម្បីបានរសជាតិដែលខ្ញុំចូលចិត្ត”
លោកបន្តឲ្យដឹងថា បច្ចុប្បន្ន នំប៉័ងត្នោតនៅក្នុងហាងរបស់លោកមានប្រភេទផ្សេងៗគ្នា រួមមាន នំប៉័ងត្នោតដើម ក្ដឹបនំប៉័ងត្នោត នំប៉័ងត្នោតលាយសាច់ផាត់ និងនំប៉័ងត្នោតលាយហត់ដក ដែលមានរសជាតិឆ្ងាញ់បានពីការលាយសាច់ត្នោតស្រស់ៗជាមូយគ្រឿងផ្សំនំប៉័ងតាមបែបអឺរ៉ុប ដែលអាចឱ្យអ្នកបរិភោគទទួលបាននូវឱជារសថ្មីប្លែកពីក្លិនផ្លែត្នោតទុំផងដែរ។
ម្ចាស់ហាងខាងលើបានរៀបរាប់ពីការផលិតផងដែរថា ៖
“ដើម្បីក្លាយជានំប៉័ងត្នោតមួយបានយើងត្រូវការផ្លែត្នោតទុំណាដែលថ្មីៗ រួចយកមកដំឱ្យទន់ បកសំបកចេញ និងដាក់ត្រាំទឹក។ បន្ទាប់ពីត្រាំទឹកហើយ យើងយកវាទៅឈូសដើម្បីបានជាសាច់ត្នោតទុកសម្រាប់លាយជាមួយម្សៅតាមរូបមន្ត វាយចូលគ្នាដោយម៉ាស៊ីន រួចយកវាទៅអង្កន់តាមទំហំនំប៉័ង។ បន្ទាប់ពីនេះ គេទុកបំណែកម្សៅដែលបានកាត់ហើយនោះរយៈពេល ១ម៉ោងកន្លះទៅ ២ម៉ោងឱ្យឡើង ទើបយកទៅដុតរយៈពេល ២០-២៥ នាទីជាការស្រច”
ដោយឡែក ទាក់ទងទៅនឹងយុទ្ធសាស្ត្រទីផ្សារ លោក វុធដីកា បង្ហើបដែរថា ៖
“យើងត្រូវប្រើយុទ្ធសាស្រ្តដែលអាចបត់បែនបានតាមរដូវកាលក៏ដូចជាចំណង់ចំណូលចិត្តរបស់អតថិជន…យើងមាន promotion នៅរដូវបុណ្យទាន ឬឱកាសពិសេសផ្សេងៗ ដើម្បីឱ្យអតិថិជនបានដឹង បានស្គាល់ពីរសជាតិនំប៉័ងរបស់យើង …ក្រោយគេបានដឹង និងស្គាល់រសជាតិនំប៉័ងរបស់យើងហើយ យើងនឹងមិនពិបាកលក់នោះទេ”
ជាមួយគ្នានេះ លោកក៏បានផ្ដល់ជាមតិផងដែរថា ក្នុងនាមជាម្ចាស់អាជីវកម្មមួយ គេត្រូវមានចំណេះដឹងគ្រប់ផ្នែក ក៏ដូចជាមានភាពបត់បែននៅគ្រប់កាលៈទេសៈផងដែរ។ ចំណេះដឹងដែលម្ចាស់ហាងមួយរូបត្រូវចេះរួមមានដូចជា ផ្នែកទីផ្សារ គណនេយ្យ គ្រប់គ្រងបុគ្គលិក និងរដ្ឋបាល និងចេះមើលរបាយការណ៍ហិរញ្ញវត្ថុជាដើម ដែលអាចដឹងពីទិដ្ឋភាពទាំងមូលនៅក្នុងហាង មិនថាការលក់កើនឡើង ឬធ្លាក់ចុះបែបណា គួរទិញវត្ថុធាតុដើមណាទុកបានយូរ ឬទុកបានរយៈពេលខ្លី ហើយរបាយការណ៍ហិរញ្ញវត្ថុមានការប្រែប្រួលរបៀបណាក្នុងស្ថានភាពបែបណា។ ដូច្នេះម្ចាស់ហាងត្រូវតែមានភាពបត់បែនក្នុងការរកស៊ី។
ចំពោះបញ្ហាប្រឈម លោកបានបញ្ជាក់ដែរថា ភាគច្រើនកើនឡើងនៅពេលមានការបញ្ជាទិញច្រើនពីសំណាក់អតិថិជនរហូតពុំអាចធ្វើទាន់ពេល ការផ្គត់ផ្គង់មានភាពយឺតយ៉ាវដែលប៉ះពាល់អារម្មណ៍ភ្ញៀវ។ ប៉ុន្តែទោះជាយ៉ាងណាក៏ដោយ ដើម្បីអាចរក្សាបាននូវកិច្ចដំណើរការលក់ប្រកបដោយភាពជោគជ័យខ្ពស់ ត្រូវតែបង្កើនការយកចិត្តទុកដាក់ចំពោះការធ្វើបដិសណ្ឋារកិច្ចគ្រប់អតិថិជនប្រកបដោយយកចិត្តទុកដាក់ បុគ្គលិកត្រូវចេះរួសរាយរាក់ទាក់ ចេះប្រើពាក្យសម្ដីពីរោះ និងពន្យល់ភ្ញៀវឱ្យយល់ពីដំណើរការផលិត និងភាពយឺតយ៉ាវ។
ជាមតិចូលរួមសម្រាប់អ្នកចង់ចាប់ផ្ដើមអាជីវកម្ម ស្ថាបនិកហាងនំប៉័ង CHRIZT BEN បានបញ្ជាក់ថា ដើម្បីបង្កើតជាអាជីវកម្ម និងធ្វើឱ្យអាជីវកម្មមានភាពរលូន គប្បីត្រូវរកអ្វីដែលថ្មី កុំធ្វើតាមគេ មួយវិញទៀតមុនពេលចាប់ផ្តើមបង្កើតអាជីវកម្មអ្វីក៏ដោយ ត្រូវចេះមូលដ្ឋានគ្រឹះរបស់អាជីវកម្មនោះ មិនថាទោះជាហាងនំប៉័ង ឬភោជនីយដ្ឋាននោះទេ ចុងក្រោយគឺម្ចាស់អាជីវម្មត្រូវតែពូកែលក់ មានន័យថាការលក់ចេញពីចិត្ត និងភាពស្មោះត្រង់ដល់អតិថិជន ស្វែងយល់ទឹកចិត្តអតិថិជនចង់បានអ្វី ចង់បានរសជាតិយ៉ាងណា មានការកែលម្អក៏ដូចជាប្រែប្រួលអ្វីខ្លះ តែក៏ត្រូវប្រាកដប្រជាចំពោះរសជាតិដើមរបស់ខ្លួនដែលធានាថាប្លែកពីគេផងដែរ។ សម្រាប់អនាគត លោក ប៊ន វុធឌីកា ពង្រីកបើកហាងនំប៉័ងយីហោ CHRIZT BEN នេះឱ្យមានសាខានៅទូទាំងរាជធានីភ្នំពេញ ហើយបើអាចបន្តទៅដល់បណ្តាខេត្តមួយចំនួនទៀត ដើម្បីអាចឲ្យមនុស្សជាច្រើនបានស្គាល់ និងភ្លកសរសជាតិនំប៉័ងត្នោតឲ្យកាន់តែទូលាយ៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អុីស្រាអែល ទិញរោងចក្រផលិតរថយន្តដ៏ល្បីរបស់អាល្លឺម៉ង់ ប្ដូរទៅផលិតជាអាវុធទំនើបវិញ
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។ យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael
ផ្លូវសមុទ្រខាងជើង NSR ក្លាយជាសមរភូមិសាស្ត្រនយោបាយថ្មីរបស់មហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្រជែងអំណាចរវាងមហាអំណាចក្នុងសតវត្សរ៍ទី២១
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ចិនប្រកាសចាត់វិធានការប្រឆាំងការលក់បង្ខូចតម្លៃលើការនាំចូលសារធាតុគីមីមួយប្រភេទពីប្រទេសជប៉ុន ដែលប្រើប្រាស់ក្នុងការផលិតបន្ទះឈីប
ភ្នំពេញ ៖ គិតចាប់ពីខែមករា ដល់ដំណាច់ខែកក្កដា ឆ្នាំ២០២៦កន្លងទៅនេះ យ៉ាងហោចណាស់មានគម្រោងវិនិយោគបង្កើតតំបន់សេដ្ឋកិច្ចពិសេសចំនួន៧ ត្រូវបានក្រុមប...
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិ...
ក្រសួងពាណិជ្ជកម្ម បានបន្តរៀបចំ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣ (3rd Digital trade Forum - 3d DTF) ក្រោមមូលបទ «ជំរុញពាណិជ្ជកម្...
ខេត្តក្រចេះបានដាក់ឱ្យអនុវត្តផែនការអភិវឌ្ឍន៍ទេសចរណ៍ឆ្នាំ ២០២៦-២០៣០ ដោយកំណត់ទិសដៅអភិវឌ្ឍវិស័យទេសចរណ៍ឱ្យកាន់តែមានគុណភាព ទាក់ទា...
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្...
តម្លៃប្រេងឆៅបានហក់ឡើងដល់កម្រិតខ្ពស់បំផុតក្នុងរយៈពេល ៦ សប្តាហ៍ ដោយតម្លៃប្រេង Brent ខិតជិត ១០០ ដុល្លារក្នុងមួយបារ៉ែល បន្ទាប់...
សមាគមមីក្រូហិរញ្ញវត្ថុកម្ពុជា ក្រោមការគាំទ្រផ្នែកហិរញ្ញវត្ថុពីស្ថានទូតអៀរឡង់នៅប្រទេសវៀតណាម តាមរយៈអង្គការ Oxfam នៅកម្ពុជា និងការគាំទ្រផ្នែកបច្ចេកទេស...
កម្មវិធីពិសេសរបស់ AMS ECONOMY
