AMS Economyបច្ចេកវិទ្យាថ្មី ! ច្នៃម៉ាសដែលប្រើប្រាស់រួចរាប់ពាន់លានរៀងរាល់ឆ្នាំជាថ្មអគ្គិសនីតម្លៃធូរថ្លៃ
២០២២ គឺជាឆ្នាំទី៣ហើយដែលពិភពលោកបានប្រឈមមុខទៅនឹងវត្តមានរបស់វិរុសរាតត្បាតកូវីដ ខណៈដែលបញ្ហាកាកសំណល់ជីវសាស្ត្ររាប់ចាប់តាំងពីសំបកដបវ៉ាក់សាំងរហូតទៅដល់ម៉ាសពាក់សម្រាប់បង្ការការឆ្លងជំងឺផ្លូវដង្ហើមដ៏កាចសាហាវមួយនេះ ដែលពលរដ្ឋនៅទូទាំងពិភពលោករាប់ពាន់លាននាក់បានប្រើប្រាស់ជារៀងរាល់ថ្ងៃ។
ជាងរៀងរាល់ឆ្នាំ ម៉ាសប្រមាណជាង ៥០ពាន់លាន ត្រូវបានគេបោះបង់ចោល ខណៈដែលជិត២ពាន់លានម៉ាសត្រូវបានចាក់ចូលទៅក្នុងសមុទ្រដែលវាបានបង្កជាហានិភ័យខ្លាំងបំផុតសម្រាប់ជីវិតសត្វ និងមនុស្ស។
ក្រោយពីមើលឃើញនូវបញ្ហាទាំងនេះក្រុមអ្នកវិទ្យាសាស្ត្រមួយក្រុមបានខិតខំធ្វើការងារស្រាវជ្រាវ និងច្នៃប្រឌិតជាមួយនឹងបច្ចេកទេសដ៏ថ្មីស្រឡាងមួយដែលអាចច្នៃយកម៉ាសជាកាកសំណល់ទាំងនោះទៅជាវត្ថុធាតុដើមដ៏ចាំបាច់ក្នុងការផលិតបានទៅជាបន្ទះថ្មអគ្គិសនីដ៏តូច និងមានតម្លៃធូរថ្លៃបំផុត។
នៅក្នុងរបាយការណ៍ដែលត្រូវបានបង្ហាញនៅលើកាសែត The Journal of Energy Storage បានសរសេរថា ក្រុមអ្នកវិទ្យាសាស្ត្រដែលមានប្រភពមកពីសកលវិទ្យាល័យជាតិវិទ្យាសាស្ត្រ និងបច្ចេកវិទ្យារបស់រុស្សី NUST MISiS ក្រោមការចូលរួមពីសំណាក់ក្រុមអ្នកវិទ្យាសាស្ត្រជនជាតិអាមេរិក និងមិចស៊ិកផងដែរនោះ បានទាញយកកាកសំណល់ទាំងនោះមកបង្កើតបានទៅជាឧបករណ៍ផ្ទុកថាមពលអគ្គិសនី ឬពាក្យបច្ចេកទេស Supercapacitor (SCs)។
ក្រុមអ្នកវិទ្យាសាស្ត្រទាំងនេះបានបញ្ជាក់ថា ការកែច្នៃម៉ាសមានភាពងាយស្រួល និងចំណាយតិចជាងកាកសំណល់ផ្សេងៗ ហើយលើសពីនេះវាអាចទទួលបានប្រសិទ្ធភាពខ្ពស់ទៀតផងចំពោះការផ្ទុកអគ្គិសនី ប៉ុន្តែវាទាមទារដំណើរការធ្វើប្រតិកម្មជាមួយនឹងសីតុណ្ហភាពដ៏ខ្ពស់បំផុត។
លោកសាស្ត្រាចារ្យ Anvar Zakhidov ប្រធានក្រុមអ្នកវិទ្យាសាស្ត្រនៃគម្រោងដ៏អស្ចារ្យនេះបានបញ្ជាក់ថា នៅក្នុងដំណាក់កាលដំបូង ម៉ាសមុខទាំងនោះត្រូវបានយកទៅលាងសំអាតជាមួយនឹងបច្ចេកវិទ្យា Ultrasound បន្ទាប់មកយកទៅជ្រលក់ជាមួយនឹងទឹកថ្នាំពិសេស Graphene ដែលវានឹងធ្វើឲ្យម៉ាសនេះមានកំហាប់ខ្ពស់។ បន្ទាប់មកវាត្រូវបានយកទៅឆ្លងកាត់ដំណាក់កាលបង្ហាប់បញ្ចូលគ្នាជាមួយនឹងកំដៅរហូតទៅដល់១៤០អង្សារ ដើម្បីក្លាយទៅជាវត្ថុធាតុដើមដ៏សំខាន់ក្នុងការផលិតបន្ទះថ្មអគ្គិសនីដែលជាផលិតផលមានដង់ស៊ីតេខ្ពស់ហើយអាចផ្ទុកថាមពលអគ្គិសនីរហូតទៅដល់៩៨វ៉ាត់ម៉ោងក្នុងមួយគីឡូក្រាម។
ក្នុងដំណាក់កាលដំបូងនេះ បន្ទះថ្មតូចៗដែលផលិតបានទាំងនេះមានសមត្ថភាពត្រឹមតែអាចដាក់ឲ្យដំណើរការជាមួយនឹងនាឡិកា ឬអំពូលបញ្ឈរលើតុនៅឡើយ ប៉ុន្តែនាពេលខាងមុខក្រុមការងារបានដាក់ផែនការក្នុងការធ្វើឲ្យកាន់តែមានប្រសិទ្ធភាពបន្ថែមទៀតដោយអភិវឌ្ឍឲ្យបាននូវថ្មកាន់តែធំ មានថាមពលកាន់តែច្រើនអាចប្រើប្រាស់ទាំងនៅក្នុងរថយន្តអគ្គិសនី និងឧបករណ៍អគ្គសនីធំៗផ្សេងទៀតផងដែរ៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
កម្មវិធីពិសេសរបស់ AMS ECONOMY
