AMS Economyផលិតផលទឹកឃ្មុំចិញ្ចឹមកំពុងពង្រីកការផលិត ខណៈតម្រូវការទីផ្សារកើនឡើង ហើយមានតម្លៃថ្លៃ
ភ្នំពេញ ៖ ទឹកឃ្មុំជាសារធាតុរាវម្យ៉ាងមានរសជាតិផ្អែមឈ្ងុយដែលប្រជាជនខ្មែរនិយមទទួលទានជាមួយទឹកក្ដៅ ឬក្រូចឆ្មារដែលអាចផ្ដល់នូវគុណប្រយោជន៍ដ៏លើសលប់ចំពោះការបំប៉នសុខភាព រក្សាសម្រស់យ៉ាងមានប្រសិទ្ធភាព និកំពុងជំរុញឲ្យមានកំណើនតម្រូវការលើទីផ្សារគួរឲ្យកត់សម្គាល់។ ជាមួយគ្នានេះ អាស្រ័យដោយតម្រូវការទីផ្សារមានការកើនឡើងច្រើនបែបនេះ បានធ្វើឲ្យទឹកធម្មជាតិ ឬទឹកឃ្មុំព្រៃមិនអាចបំពេញតាមតម្រូវការបាន ទើបគេមានជាការចិញ្ចឹមឃ្មុំនៅក្នុងកសិដ្ឋានដើម្បីបំពេញបន្ថែម។
ទឹកឃ្មុំធម្មជាតិ ជាប្រភេទទឹកឃ្មុំដែលរកបានពីក្នុងព្រៃមានរសជាតិផ្អែមដិតដែលបានមកពីការក្រេបយកលំអងផ្កាចំរុះគ្រប់ប្រភេទបន្តិចម្ដងៗរបស់ហ្វូងសត្វឃ្មុំរាប់ពាន់រាប់ម៉ឺនក្បាលដោយប្រើរយៈពេលយូរ ដែលខុសស្រឡះពីការចិញ្ចឹមឃ្មុំនៅក្នុងកសិដ្ឋាន និងប្រើរយៈពេលតិចក្នុងការទទួលបានទឹកឃ្មុំសម្រាប់ប្រើប្រាស់ និងចែកចាយនៅលើទីផ្សារ។
លោក ឃុន ឃឿន ជាម្ចាស់កសិដ្ឋានចិញ្ចឹមឃ្មុំខ្មែរអង្គរ ស្ថិតនៅស្រុកព្រៃកប្បាស ខេត្តតាកែវ បានមាប្រសាសន៍ប្រាប់ AMS ឲ្យដឹងថា គុណភាព និងគុណសម្បត្តិរវាងទឹកឃ្មុំធម្មជាតិ និងទឹកឃ្មុំចិញ្ចឹម គឺវាមិនខុសគ្នាប៉ុន្មានទេ ដោយសារការចិញ្ចឹមឃ្មុំត្រូវបានធ្វើឡើងប្រកបដោយអនាម័យត្រឹមត្រូវ អនុវត្តស្របតាមបច្ចេកទេស ហើយក៏ជាប្រភេទទឹកឃ្មុំដែលចាស់ល្អគ្រប់អាយុទើបអាចយកទៅចែកចាយនៅលើទីផ្សារបាន ផ្ទុយពីការយកឃ្មុំក្នុងព្រៃឲ្យតែមាន ឬឃើញ គឺយកទាំងអស់ មិនថាប្រភេទទឹកឃ្មុំខ្ចី ឬទឹកឃ្មុំចាស់នោះទេ។
បច្ចុប្បន្ន កសិដ្ឋានចិញ្ចឹមឃ្មុំខ្មែរអង្គរបានពង្រីកទំហំនៃការចិញ្ចឹម ៥០ ធុងកាលពីឆ្នាំមុន ដល់៨០ធុង ដែលអាចផ្ដល់ផលជាទឹកឃ្មុំបានជាង ១ ០០០ លីត្រ ក្នុងមួយរដូវ ហើយទឹកឃ្មុំរបស់កសិដ្ឋានមួយនេះអាចលក់បានក្នុងតម្លៃ ៧-៨ ម៉ឺនរឿលក្នុងមួយលីត្រ។ ដោយឡែក ចំពោះបរិមាណនៃការលក់វិញ អាចស្ថិតនៅក្នុងចន្លោះ ៣០-៤០លីត្រ ក្នុងមួយខែ។
លោកបានបញ្ជាក់ថា ៖
“អតិថិជនដែលតែងនិយមគាំទ្រទឹកឃ្មុំរបស់កសិដ្ឋានខ្ញុំភាគច្រើនជាអ្នករស់នៅក្នុងតំបន់ ដែលពួកគាត់មកទិញដល់ផ្ទះតែម្ដង ហើយភ្ញៀវមួយចំនួនផ្សេងទៀតជាអ្នកភ្នំពេញ និងអ្នកតាមបណ្ដាខេត្តផ្សេងៗផងដែរ”
ពាក់ព័ន្ធទៅនឹងវិធីសាស្ត្រនៃការចិញ្ចឹមឃ្មុំ និងប្រមូលផលវិញ ត្រូវបានលោក ឃុន ឃឿន រៀបរាប់ប្រាប់ថា ៖«គេអាចប្រមូលផលទឹកឃ្មុំបានខុសៗពីគ្នាអាស្រ័យទៅតាមតំបន់ ហើយចំពោះតំបន់ខ្ញុំ គឺអាចប្រមូលផលបានចន្លោះពីខែធ្នូ ដល់ខែមិថុនា។ សត្វឃ្មុំត្រូវការក្រេបលំអងផ្កា តែបើយើងចិញ្ចឹមច្រើនរាប់សិបធុងបែបនេះគឺត្រូវការផ្កាច្រើនមែនទែនទើបគ្រាប់គ្រាន់។ ហេតុនេះ ត្រូវផ្លាស់ប្ដូរទីតាំង ពីកន្លែងមួយទៅកន្លែងមួយទៀត និងស្វែងរកតំបន់ណាដែលអាចមានផ្កាគ្រប់គ្រាន់សម្រាប់ឃ្មុំ តួយ៉ាងរដូវប្រមូលផល គឺត្រូវជួលដីចំការគ ចំការកៅស៊ូ នៅខេត្តកំពង់ចាម ឬក៏នៅខេត្តត្បូងឃ្មុំ ដើម្បីយកឃ្មុំទៅដាក់ឱ្យក្រេបផ្កានៅចំការនោះ។ លុះដល់ ពីរខែក្រោយអស់ផ្កាសម្រាប់ឃ្មុំហើយ ទើបផ្លាស់ប្ដូរទៅតំបន់ផ្សេងទៀត»។
ជាទូទៅ នៅក្នុងរដូវភ្លៀងធ្លាក់ដែលមិនអាចនាំយកធុងឃ្មុំចេញក្រៅបាន គេត្រូវការផ្ដល់ចំណីបន្ថែមឱ្យសត្វឃ្មុំ ហើយចំពោះប្រភេទចំណីគឺគេយកស្ករសលាយជាមួយទឹកដាក់ឱ្យឃ្មុំបឺត។ គេធ្វើបែបនេះដើម្បីចិញ្ចឹមយកពូជឱ្យបានច្រើនដើម្បីត្រៀមចាំរដូវមានផ្ការីកចូលមកដល់ ហើយសម្រាប់ការចំណាយក៏មានកម្រិតខ្ពស់ ដោយក្នុងមួយរដូវភ្លៀងអាចចំណាយស្ករប្រមាណជាង១តោនដើម្បីធ្វើជាចំណីឃ្មុំ តែបើចង់ថែឱ្យដិតដល់គេត្រូវប្រើស្ករដល់ទៅ៣តោនក៏មានដែរ។
លោកបញ្ជាក់ថា ៖
“ជាបទពិសោធន៍ ខ្ញុំបានធ្វើការចិញ្ចឹមឃ្មុំនេះអស់រយៈពេលប្រមាណ៧ឆ្នាំមកហើយ បន្ទាប់ពីបានរៀនជំនាញ និងទិញពូជលើកដំបូងកាលពីឆ្នាំ២០២០ក្នុងដើមទុនប្រមាណ ៥០០ដុល្លារ។ ខ្ញុំទិញដំបូងបំផុតអស់ ៥០០ដុល្លារ បានតែពីរធុងទេដោយសារកាលនោះពូជថ្លៃណាស់ មួយធុង ២៥០ដុល្លារ ដល់ក្រោយមកទើបទិញថែមទៀត”
យ៉ាងណាក៏ដោយ ការចិញ្ចឹមឃ្មុំនេះក៏មានជួបផលលំបាកច្រើនដែរ ដូចជា ត្រូវការចំណាយច្រើនលើការទិញថ្នាំកម្ចាត់សត្វល្អិត(ចៃ) ចំណាយលើក្រមួនផ្លិត ថ្លៃបង្គង ថ្លៃចំណាយលើការដឹកជញ្ជូនផ្លាស់ទីតាំង ថ្លៃកម្មករលើកដាក់ ហើយប្រសិនបើចៃដន្យជួបរឿងមិនល្អ ដូចជាការយកឃ្មុំទៅដាក់ចំការដែលប្រើថ្នាំពុលទៀតនោះ អាចបណ្តាលឲ្យឃ្មុំគឺងាប់តែម្ដង។
និយាយជារួម ទីផ្សារទឹកឃ្មុំគឺនៅតែមាន ទាំងត្រូវការ និងតម្លៃខ្ពស់ ប៉ុន្តែអ្វីដែលជាបញ្ហាគឺការស្វែងរកប្រភពទឹកឃ្មុំ(ឃ្មុំព្រៃ) និងការផលិតទឹកឃ្មុំ(ឃ្មុំចិញ្ចឹម) ដែលមិនមែនជារឿងងាយស្រួលនោះឡើយ។
សូមបញ្ជាក់ដែរថា ទឹកឃ្មុំពិតជាបានផ្តល់នូវគុណសម្បត្តិយ៉ាងច្រើនដោយសារវាមានកម្រិតស្ករម៉ូណូសាក់ការីត ហ្វុចតូស និងគ្លុយកូសខ្ពស់ ហើយវាមានផ្ទុកជាតិស្ករប្រហែលពី ៧០ ទៅ ៨០ ភាគរយដែលអាចផ្ដល់នូវភាពផ្អែម។ ទឹកឃ្មុំក៏មានលក្ខណៈសម្បត្តិជាថ្នាំអាចសម្លាប់មេរោគ និងបាក់តេរីបានយ៉ាងមានប្រសិទ្ធភាព។
ដោយឡែកចំពោះអត្ថប្រយោជន៍ដែលទទួលបានពីទឹកឃ្មុំរួមមានដូចខាងក្រោម ៖
១. ព្យាបាលរបួស និងរលាក ៖ ការសិក្សាមួយដែលត្រូវបានចេញផ្សាយនៅក្នុងបណ្ណាល័យ Cochrane បានបង្ហាញថាទឹកឃ្មុំអាចជួយព្យាបាលការរលាកបាន ហើយការប្រើទឹកឃ្មុំគឺមានការចំណាយថវិការអស់តិច និងមានសុវត្ថិភាពជាងការប្រើប្រាស់ពពួកថ្នាំអង់ទីប៊ីយូទិចដែលត្រូវបានគេប្រើជាញឹកញាប់ និងមានផលរំខាន។
២. ជួយកាត់បន្ថយអាការនៃជំងឺរាគ ៖ យោងតាមការពិនិត្យអ្នកជំងឺដោយផ្អែកលើការស្រាវជ្រាវអំពីទឹកឃ្មុំវាបានបង្ហាញឱ្យឃើញពីប្រសិទ្ធិភាពកាត់បន្ថយភាពធ្ងន់ធ្ងរ និងរយៈពេលនៃជំងឺរាគ។ ទឹកឃ្មុំក៏ជួយលើកកម្ពស់នៃការកើនឡើងជាតិប៉ូតាស្យូម និងការទទួលទានទឹកដែលជាជំនួយយ៉ាងខ្លាំងនៅពេលដែលមានបញ្ហារាគ។ ការស្រាវជ្រាវមួយនៅទីក្រុង Lagos ប្រទេសនីហ្សេរីយ៉ាបានបង្ហាញថាទឹកឃ្មុំក៏មានសមត្ថភាពក្នុងការទប់ស្កាត់សកម្មភាពរបស់ភ្នាក់ងារបង្កជំងឺដែលបណ្តាលឱ្យរាគ។
៣. ការពារការចាល់ជាតិអាស៊ីត៖ ការស្រាវជ្រាវថ្មីៗនេះបានបង្ហាញថាទឹកឃ្មុំអាចកាត់បន្ថយលំហូរនៃអាស៊ីតក្រពះ និងអាហារមិនងាយរំលាយ ដែលជាហេតុធ្វើឱ្យមានជំងឺច្រាលអាស៊ីតក្នុងក្រពះ (GERD)។
៤. ប្រយុទ្ធប្រឆាំងនឹងការឆ្លងមេរោគ ៖ ក្នុងឆ្នាំ២០១០ អ្នកវិទ្យាសាស្ត្រមកពីមជ្ឈមណ្ឌលវេជ្ជសាស្ត្រសិក្សានៅសាកលវិទ្យាល័យ Amsterdam បានរាយការណ៍នៅក្នុងកាសែត FASEB ថា សមត្ថភាពរបស់ទឹកឃ្មុំក្នុងការសម្លាប់បាក់តេរីស្ថិតនៅក្នុងទម្រង់ជាប្រូតេអ៊ីនហៅថា defensin-1 ។ បន្ថែមពីនេះ នៅក្នុងគ្លីនិកអតិសុខុមជីវសាស្ត្រ និងជំងឺឆ្លងរបស់អឺរ៉ុបក៏បានបង្ហាញថា ទឹកឃ្មុំអាចជួយការពារបាក់តេរី Clostridium difficile ពីការតាំងទីលំនៅនៅក្នុងខ្លួនមនុស្ស។ C. difficile ត្រូវបានគេស្គាល់ថាបណ្តាលឱ្យរាគ និងឈឺធ្ងន់ធ្ងរ។
៥. បន្ថយរោគសញ្ញាផ្តាសាយ និងក្អក ៖ អង្គការសុខភាពពិភពលោក (WHO) ណែនាំថាទឹកឃ្មុំជាឱសថបំបាត់ក្អកធម្មជាតិ។ បណ្ឌិត្យសភាកុមារអាមេរិចក៏ទទួលស្គាល់ទឹកឃ្មុំជាថ្នាំព្យាបាលសម្រាប់ការក្អកផងដែរ។ ទោះជាយ៉ាងណាក៏ដោយពួកគេណែនាំថាទឹកឃ្មុំមិនសមស្របសម្រាប់កុមារអាយុក្រោមមួយឆ្នាំទេ។ ការសិក្សាមួយនៅឆ្នាំ ២០០៧ ដោយមហាវិទ្យាល័យវេជ្ជសាស្ត្រ Penn State បានបង្ហាញថាទឹកឃ្មុំកាត់បន្ថយអាការៈក្អកនៅពេលយប់ និងធ្វើឱ្យការគេងមានភាពប្រសើរឡើងចំពោះកុមារដែលមានការបញ្ហាផ្លូវដង្ហើមល្អជាងប្រើថ្នាំក្អកដែលមានឈ្មោះថា dextromethorphan ។
៦. ជំនួសស្ករដែលបានបន្ថែមនៅក្នុងរបបអាហារ ៖ រសជាតិផ្អែមរបស់ទឹកឃ្មុំធ្វើឱ្យវាអាចជំនួសស្ករនៅក្នុងរបបអាហារ។ ស្ករដែលបានបន្ថែមនៅក្នុងរបបអាហារផ្តល់នូវកាឡូរីលើសលប់ និងមិនមានសារធាតុចិញ្ចឹមទេដែលអាចនាំឱ្យមានការឡើងទម្ងន់ ព្រមទាំងធ្វើឱ្យហានិភ័យនៃជំងឺលើសឈាម និងទឹកនោមផ្អែមមានការកើនឡើង៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋាភិបាលខាតបង់ប្រាក់ចំណូលជាង ៣០០លានដុល្លារហើយ ដើម្បីទប់ស្កាត់ការឡើងថ្លៃប្រេង និងឧស្ម័នឥន្ធនៈ
Top News, ព្រឹត្តិការណ៍, សេដ្ឋកិច្ច
• 07/09/2026
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
មេដឹកនាំប៊ុលហ្គារី ៖ អឺរ៉ុបអាចរស់បានដោយគ្មានរុស្ស៊ី គ្រាន់តែលំបាកខ្លាំងបើធ្វើសត្រូវជាមួយរុស្ស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 07/09/2026
បើទោះបីជាគ្មានរុស្ស៊ី ក៏អឺរ៉ុបអាចរស់នៅបានដែរ គ្រាន់តែមិនអាចឈរជើងបានយូរអង្វែងប៉ុណ្ណោះប្រសិនបើជ្រើសរើសធ្វើជាសត្រូវជាមួយរុស្ស៊ី
អាល្លឺម៉ង់ ផ្តើមផលិតដ្រូន AI ជាង ៥ ពាន់គ្រឿងឱ្យអ៊ុយក្រែន អាចហោះបាន ១ ៥០០ គីឡូម៉ែត្រ
ព្រឹត្តិការណ៍, អាជីវកម្មថ្មី និងនវានុវត្ត
• 04/09/2026
ការផលិតយន្តហោះដ្រូនបំពាក់ AI ចម្ងាយមធ្យម និងចម្ងាយឆ្ងាយជាង ៥ ពាន់ គ្រឿង ដើម្បីផ្គត់ផ្គង់ទៅដល់ប្រទេសអ៊ុយក្រែនបានចាប់ផ្ដើមជាផ្លូវការហើយ
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សហភាពអឺរ៉ុបគ្រោងបង្កើនទុនវិនិយោគនៅកោះហ្រ្គីនឡែន និង ពង្រឹងទំនាក់ទំនងនយោបាយឱ្យកាន់តែជិតស្និទ្ធ ខណៈដែលលោក ដូណាល់ ត្រាំ ទាមទារចង់បានកោះនេះបញ្ចូលជាដែនដ...
ក្រសួងកសិកម្ម និងដៃគូពាក់ព័ន្ធ ពិនិត្យលទ្ធផលបេសកកម្ម ASPIRE-AT ផ្ដោតលើភាពធន់នៃសហគមន៍ជនបទ ក្នុងគ្រាវិបត្តិនយោបាយ និងសេដ្ឋកិច្ច
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
បើទោះបីជាគ្មានរុស្ស៊ី ក៏អឺរ៉ុបអាចរស់នៅបានដែរ គ្រាន់តែមិនអាចឈរជើងបានយូរអង្វែងប៉ុណ្ណោះប្រសិនបើជ្រើសរើសធ្វើជាសត្រូវជាមួយរុស្ស៊ី
ចិនគ្រោងនឹងបញ្ចេញថវិកាប្រមាណ ៣៦០ ពាន់លានយន់ ឬស្មើប្រមាណ ៥៤ ពាន់លានដុល្លារ ដើម្បីចាក់បញ្ចូលទៅក្នុងវិស័យហិរញ្ញវត្ថុរបស់ខ្លួន...
ការសិក្សាស្រាវជ្រាវលើកដំបូងនៅកម្ពុជា ស្តីពី «សហគមន៍កសិកម្មទំនើប» បានបង្ហាញថា កសិករដែលចូលរួមក្នុងសហគមន៍ប្រភេទនេះទទួលបានល...
ចាប់ផ្តើមពីអាជីវកម្មគ្រួសារកាលពីឆ្នាំ២០១៦ សិប្បកម្មកែច្នៃសាច់ស្រស់ក្នុងស្រុក «ជីលីណា» (Chilyna) បានវិវត្តខ្លួនក្លាយជាសិប្...
ការផលិតយន្តហោះដ្រូនបំពាក់ AI ចម្ងាយមធ្យម និងចម្ងាយឆ្ងាយជាង ៥ ពាន់ គ្រឿង ដើម្បីផ្គត់ផ្គង់ទៅដល់ប្រទេសអ៊ុយក្រែនបានចាប់ផ្ដើមជាផ្លូវការហើយ
កម្មវិធីពិសេសរបស់ AMS ECONOMY
