AMS Economyផ្លែក្រូចឆ្មារសហគមន៍ពោធិ៍សាត់ កំពុងមានតម្រូវការទីផ្សារខ្ពស់ និងបង្កើនចំណូលដល់ប្រជាសហគមន៍
ពោធិ៍សាត់ ៖ ក្រូចឆ្មារ ជាដំណាំមួយប្រភេទដែលត្រូវបានគេដាំដុះបំណងយកផ្លែរបស់វាដែលមានរសជាតិជូរ ហើយអាចយកទៅប្រើប្រាស់សម្រាប់ជាគ្រឿងរសជាតិម្ហូបអាហារ ឬធ្វើជាឱសថសម្រាប់ព្យាបាលជំងឺផ្សេងៗ ហើយក៏អាចយកទៅប្រើជាវត្ថុធាតុដើមសម្រាប់ថែរក្សាសម្រស់ផងដែរ។ អាស្រ័យដោយមានអត្ថប្រយោជន៍យ៉ាងច្រើនបែបនេះ ផ្លែក្រូចឆ្មារបានក្លាយជាកសិផលដែលមានតម្រូវការទីផ្សារខ្ពស់ និងមានតម្លៃថ្លៃគ្រប់ខែ គ្រប់រដូវ។
ជាសហគមន៍មួយដែលមានផ្គត់ផ្គង់នូវកសិផលធម្មជាតិក្នុងស្រុកជាច្រើនមុខសរុបប្រមាណ ៤០ប្រភេទ ដែលភាគច្រើនជាទិន្នផលដែលដាំដុះឡើងដោយប្រជាកសិករស្ថិតនៅក្នុងសហគមន៍មោលីបន្លែផ្លែឈើត្រីសាច់សហគមន៍ខេត្តពោធិ៍សាត់ផ្ទាល់ បច្ចុប្បន្ននេះ បាន និងកំពុងបន្តយកចិត្តទុកដាក់ក្នុងការជំរុញ និងលើកទឹកចិត្តដល់ប្រជាកសិករក្នុងសហគមន៍បង្កើនទិន្នផលនៃផ្លែក្រូចឆ្មារឱ្យបានកាន់តែច្រើនតាមដែលអាចមានលទ្ធភាពធ្វើទៅបាន និងប្រកបដោយគុណភាព ខណៈដែលតម្រូវការទីផ្សារទាំងនៅក្នុងស្រុក ក៏ដូចជាតាមបណ្តាខេត្ត/ក្រុងដទៃទៀតស្ទើរទូទាំងប្រទេសកំពុងមានការកើនឡើង។
លោក យន់ សារិន ជាអ្នកផ្ដួចផ្ដើមគំនិតក្នុងការបង្កើតសហគមន៍ខាងលើនេះ បានមានប្រសាសន៍ប្រាប់ AMS ទាក់ទងទៅនឹងដំណើរដើមទងនៃការកកើតឡើងសហគមន៍ថា ៖
“មូលហេតុដែលយើងចាប់ផ្ដើមបង្កើតសហគមន៍នេះឡើង ព្រោះទី១ យើងបានមើលឃើញពីទុក្ខលំបាករបស់ប្រជាកសិករដែលពុំមានទីផ្សារក្នុងការលក់ទិន្នផលរបស់ខ្លួនដែលធ្វើបាន ជាពិសេសផ្លែក្រូចឆ្មារតែម្ដង ខណៈដែលខ្ញុំអាចមានលទ្ធភាពក្នុងការប្រើប្រាស់បណ្ដាញសង្គមផ្សព្វផ្សាយជំរុញការលក់ផលិតផលក្នុងស្រុកទៅកាន់អតិថិជនបាននៅទូទាំងប្រទេស”
លោកបន្តថា ៖
“កាលពីមុន ទិន្នផលនៃផ្លែក្រូចឆ្លារនៅក្នុងសហគមន៍ហាក់ត្រូវបានគេមើលរំលង ប៉ុន្តែបន្ទាប់ពីមានការផ្សព្វផ្សាយយ៉ាងទូលាយតាមបណ្តាញសង្គម ក៏ចាប់ផ្តើមមានការគាំទ្រច្រើនពីអតិថិជន ដែលក្នុងនោះភាគច្រើនជាអ្នកទទួលទិញយកទៅលក់បន្ត ហើយក្រៅពីនេះក៏មានខាងភោជនីយដ្ឋាន ហាងអាហារដ្ឋាន ភេសជ្ជៈផ្សេងៗទៀត ពោលគឺផ្គត់ផ្គង់មិនគ្រប់តាមតម្រូវកានោះទេ”
លោកបានបន្តឱ្យដឹងថា ជាទូទៅ សហគមន៍អាចមានលទ្ធភាពផ្គត់ផ្គង់បានប្រមាណ ២០០-៥០០គីឡូក្រាមប្រចាំថ្ងៃដែលបានប្រមូលទិញពីកសិករក្នុងសហគមន៍ជាង១០គ្រួសារ ដែលពួកគាត់ដាំដុះនៅលើផ្ទៃដីប្រមាណ៥ហិចតា ដោយទិន្នផលផ្លែក្រូចឆ្មារត្រូវបានចែកចេញជា២ប្រភេទ គឺប្រភេទលេខ១ មានតម្លៃ ៤ ៥០០រៀលក្នុង១គីឡូក្រាម និងប្រភេទទី២ ក្រូចដែលមានទំហំតូចៗមានតម្លៃ ៣ ៥០០រៀលក្នុង១គីឡូក្រាម។ អ្វីដែលជា ចំណុចពិសេសរបស់ផ្លែក្រូចឆ្មារពីសហគមន៍មួយនេះ គឺជាកសិផលធម្មជាតិ មិនប្រើជីគីមី គឺប្រើតែជីសរីរាង្គ ឬជីកំប៉ុស ដែលមានមន្ត្រីជំនាញចុះបង្រៀន និងណែនាំដើម្បីជំរុញឱ្យវិស័យកសិកម្មកាន់តែមានភាពប្រសើរឡើង។
គួរបញ្ជាក់ដែរថា លោក យន់ សារិន បានចាប់ផ្ដើមបង្កើតសហគមន៍មោលីបន្លែផ្លែឈើត្រីសាច់សហគមន៍ខេត្តពោធិ៍សាត់ កាលពីឆ្នាំ២០១៩ ដែលស្ថិតក្នុងអំឡុងពេលមានការរីករាលដាលជំងឺកូវីដ១៩ ក្រោមការចំណាយដើមទុនផ្ទាល់ខ្លួនដំបូងប្រមាណ ៧០ម៉ឺនរៀល ហើយទទួលយកទិន្នផលរបស់ប្រជាកសិករក្នុងតំបន់ស្វែងរកទីផ្សារ ហើយធ្វើការបង្វិលចំណូលដែលលក់បានធ្វើជាដើមទុនបន្ថែមជាមួយកសិករ។ លុះក្រោយមក ដោយមានការជួយជ្រោមជ្រែងពីមិត្តភ័ក្ដិរស់នៅរាជធានីភ្នំពេញក្នុងការស្វែងរកទីផ្សារ លោកក៏បានជំរុញកសិករឱ្យមានការបង្កើនការដាំដុះដំណាំប្រភេទផ្សេងៗបន្ថែមទៀតរហូតលេចចេញជារូបរាងបានដូចសព្វថ្ងៃ។
យ៉ាងណាក៏ដោយ ម្ចាស់សហគមន៍វ័យក្មេងរូបនេះបានបង្ហើបពីផលលំបាកក្នុងការដឹកនាំសហគមន៍ផងដែរថា ការដាំដុះ និងបង្កើនប្រភេទកសិផលហាក់មិនមានឧបសគ្គនោះទេ ប៉ុន្តែអ្វីដែលជារឿងពិបាកបំផុតនោះត្រង់ថា ការប្រកួតប្រជែងប្រជែងជាមួយទីផ្សារកសិផលដែលនាំចូលពីប្រភពខាងក្រៅ ឬយកមកពីប្រទេសជិតខាង ដោយសារតែទិន្នផលរបស់គេមានតម្លៃទាបជាងកសិផលក្នុងស្រុក ហើយទំនោរនៃការគាំទ្ររបស់ប្រជាជនក្នុងស្រុកនៅមានកម្រិត ដូច្នេះ ក្នុងនាមលោកជាប្រធានសហគមន៍ ក៏ដូចជាអ្នកស្វែករងទីផ្សារកសិផលខ្មែរ សូមលើកទឹកចិត្តដល់ប្រជាជនក្នុងស្រុកគួរគាំទ្រផលិតផលក្នុងស្រុកដូចគ្នា ដើម្បីអាចចូលរួមធ្វើឱ្យសេដ្ឋកិច្ចកម្ពុជាមានភាពល្អប្រសើរ៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អុីស្រាអែល ទិញរោងចក្រផលិតរថយន្តដ៏ល្បីរបស់អាល្លឺម៉ង់ ប្ដូរទៅផលិតជាអាវុធទំនើបវិញ
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។ យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael
ផ្លូវសមុទ្រខាងជើង NSR ក្លាយជាសមរភូមិសាស្ត្រនយោបាយថ្មីរបស់មហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្រជែងអំណាចរវាងមហាអំណាចក្នុងសតវត្សរ៍ទី២១
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ចិនប្រកាសចាត់វិធានការប្រឆាំងការលក់បង្ខូចតម្លៃលើការនាំចូលសារធាតុគីមីមួយប្រភេទពីប្រទេសជប៉ុន ដែលប្រើប្រាស់ក្នុងការផលិតបន្ទះឈីប
ភ្នំពេញ ៖ គិតចាប់ពីខែមករា ដល់ដំណាច់ខែកក្កដា ឆ្នាំ២០២៦កន្លងទៅនេះ យ៉ាងហោចណាស់មានគម្រោងវិនិយោគបង្កើតតំបន់សេដ្ឋកិច្ចពិសេសចំនួន៧ ត្រូវបានក្រុមប...
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិ...
ក្រសួងពាណិជ្ជកម្ម បានបន្តរៀបចំ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣ (3rd Digital trade Forum - 3d DTF) ក្រោមមូលបទ «ជំរុញពាណិជ្ជកម្...
ខេត្តក្រចេះបានដាក់ឱ្យអនុវត្តផែនការអភិវឌ្ឍន៍ទេសចរណ៍ឆ្នាំ ២០២៦-២០៣០ ដោយកំណត់ទិសដៅអភិវឌ្ឍវិស័យទេសចរណ៍ឱ្យកាន់តែមានគុណភាព ទាក់ទា...
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្...
តម្លៃប្រេងឆៅបានហក់ឡើងដល់កម្រិតខ្ពស់បំផុតក្នុងរយៈពេល ៦ សប្តាហ៍ ដោយតម្លៃប្រេង Brent ខិតជិត ១០០ ដុល្លារក្នុងមួយបារ៉ែល បន្ទាប់...
សមាគមមីក្រូហិរញ្ញវត្ថុកម្ពុជា ក្រោមការគាំទ្រផ្នែកហិរញ្ញវត្ថុពីស្ថានទូតអៀរឡង់នៅប្រទេសវៀតណាម តាមរយៈអង្គការ Oxfam នៅកម្ពុជា និងការគាំទ្រផ្នែកបច្ចេកទេស...
កម្មវិធីពិសេសរបស់ AMS ECONOMY
