AMS Economyពីសង្គ្រាម រុស្ស៊ី-អ៊ុយក្រែន បានផ្ដល់បទពិសោធន៍ដល់បណ្តាប្រទេសជាច្រើនទាក់ទងបញ្ហាសេដ្ឋកិច្ច
ភ្នំពេញ ៖ ព្រឹត្តិការណ៍ជាប្រវត្តិសាស្ត្រពីសង្គ្រាមរវាងរុស្សី និងអ៊ុយក្រែន បានធ្វើឱ្យពិភពលោកទាំងមូលបន្តតាមដានយ៉ាងយកចិត្តទុកដាក់យ៉ាងខ្លាំង រួមទាំងកម្ពុជាផងដែរ ហើយក៏មានការព្រួយបារម្ភកាន់តែខ្លាំងឡើង ចំពោះការវាយលុករបស់រុស្ស៊ី បើទោះបីជាមានការដាក់ទណ្ឌកម្មសេដ្ឋកិច្ច និងការអំពាវនាវទៅលើប្រទេសរុស្ស៊ីឱ្យមានការបញ្ចប់សង្គ្រាមនេះក៏ដោយចុះ។
សេដ្ឋកិច្ចរដ្ឋាភិបាលក្រុងមូស្គូកំពុងដាំក្បាលចុះ ខណៈដែលទណ្ឌកម្មជាបន្តបន្ទាប់កំពុងអនុវត្តទៅលើរុស្ស៊ី ចំណែកឯអ៊ុយក្រែនវិញក៏នឹងទទួលរងផលប៉ះពាល់ពីសង្គ្រាមនេះដែរ ពីព្រោះថាសកម្មភាពពាណិជ្ជកម្ម អាជីវកម្មប្រចាំថ្ងៃ ត្រូវបានផ្អាកដំណើរការទាំងស្រុង និងអាចទទួលបានត្រឹមតែជំនួយប៉ុណ្ណោះនៅក្នុងស្ថានភាពនេះ។
ដោយឡែក សម្រាប់កម្ពុជា អាចសិក្សាអ្វីខ្លះពីសង្គ្រាមរវាងរុស្ស៊ី-អ៊ុយក្រែន ទាក់ទងនឹងវិបត្តិសេដ្ឋកិច្ច?
លោកបណ្ឌិត តាន់ មុនីវណ្ណ តំណាងវិស័យឯកជន និងជាអនុប្រធានសភាពាណិជ្ជកម្មកម្ពុជាបានបង្ហាញទស្សនៈផ្ទាល់ខ្លួនប្រាប់ AMS ថា សង្គ្រាមរុស្ស៊ី-អ៊ុយក្រែន នេះ ទោះបីជាមិនប៉ះពាល់ដោយត្រង់ ក៏ប៉ះពាល់ដោយប្រយោលដែរ ដែលគិតត្រឹមតែមាស និងប្រេង (ដែលជាវត្ថុធាតុដើមប៉ះពាល់គ្រប់ប្រទេសលើពិភពលោក)កំពុងជួបបញ្ហាលើការឡើងតម្លៃ ហើយក្រៅពីនេះនៅមានវិស័យថាមពល បច្ចេកវិទ្យា និងការធ្វើពាណិជ្ជកម្ម នាំចេញនាំចូលរបស់ប្រទេសនីមួយៗក៏កំពុងប្រឈម។
លោកបណ្ឌិតបានលើកឡើងថា ៖
“យើងមិនទាន់ហ៊ាននិទ្ទស្សន៍អ្វីវែងឆ្ងាយអំពីសេដ្ឋកិច្ចថានឹងមានការធ្លាក់ចុះកម្រិតណានោះទេ ព្រោះការធ្វើពាណិជ្ជកម្ម បើបាត់បង់ការនាំចេញនាំចូល អ្វីៗវាត្រូវគាំង។ ដូច្នេះ មានតែការបន់ស្រន់ឱ្យសង្គ្រាមឆាប់ចប់ទេ ដែលអាចកាត់បន្ថយការប៉ះពាល់ដល់សេដ្ឋកិច្ចពិភពលោក”
លោកបណ្ឌិត តាន់ មុនីវណ្ណ បានមានប្រសាសន៍ថា៖
“អ្វីដែលយើងអាចសិក្សាបានពីវិបត្តិនេះ មានតែក្តីរំពឹងដូចប្រសាសន៍សម្តេចតេជោ ហ៊ុន សែន ដែលបានថ្លែងថា មានតែការបញ្ចប់សង្គ្រាមឱ្យកាន់តែឆាប់ កាន់តែល្អ ហើយងាកមករកគោលនយោបាយនៃការចរចា …នេះខ្ញុំជឿថាប្រហែលជាមានប្រសិទ្ធភាពជាងការបន្តសង្គ្រាមរ៉ាំរ៉ៃ”
អ្នកជំនាញសេដ្ឋកិច្ចនៃវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា លោកបណ្ឌិត ហុង វណ្ណៈ បានប្រាប់ AMS ថា សង្គ្រាមរុស្ស៊ី-អ៊ុយក្រែន មិនមានផលចំណេញនោះទេ ពោលគឺមានតែមហន្តរាយ ដូចជាការខូចខាតហេដ្ឋារចនាសម្ព័ន្ធ ប្រជាជនបាត់បង់ទីលំនៅដ្ឋាន ពិសេសការកាត់ផ្តាច់ដង្ហើមសេដ្ឋកិច្ច និងធ្វើឱ្យជនរួមជាតិរងគ្រោះ។
លោកបណ្ឌិតបានលើកឡើងថា ៖
“សង្គ្រាមរុស្ស៊ី-អ៊ុយក្រែនធ្វើឱ្យសេដ្ឋកិច្ចរុស្ស៊ីធ្លាក់ចុះយ៉ាងគំហុក ដែលយើងអាចប៉ាន់ស្មានថា រុស្ស៊ីនឹងដើរថយក្រោយប្រមាណពី៥ទៅ១០ឆ្នាំប្រសិនបើសង្គ្រាមឆាប់ចប់ ហើយសម្រាប់អ៊ុយក្រែនវិញ ក៏ដើរថយក្រោយប្រមាណ១០ទៅ១៥ឆ្នាំ ដូចគ្នាសម្រាប់កសាងប្រទេសក្រោយសង្គ្រាមនេះបញ្ចប់។ ដោយឡែកចំពោះសំណួរសួរថា តើយើងអាចសិក្សាបានអ្វីខ្លះពីសង្គ្រាមរវាងរុស្ស៊ី-អ៊ុយក្រែន ? គិតពីឆ្នាំ១៩៩០ដល់បច្ចុប្បន្នដែលមានរយៈពេលជិត៣០ឆ្នាំ ដែលយើងមានការអភិវឌ្ឍន៍គ្រប់វិស័យ បើឆ្លុះបញ្ចាំងទៅយើងមានសន្តិសុខប៉ុណ្ណឹងឆ្នាំ យើងអភិវឌ្ឍបានប៉ុណ្ណឹង តែបើយើងមានសង្គ្រាមវិញយើងនឹងដើរថយក្រោយប៉ុន្មានឆ្នាំ? នេះជាបទពិសោធន៍សំខាន់ណាស់”
លោកបណ្ឌិត ហុង វណ្ណៈ បានថ្លែងបញ្ជាក់ថា ជម្លោះ គឺមានភាពផុយស្រួយងាយកើតឡើង តែការកសាងសន្តិភាពត្រូវការរយៈពេលយូរ ការកសាង និងរក្សាសន្តិភាពគឺជាគ្រឹះយ៉ាងសំខាន់ក្នុងការអភិវឌ្ឍន៍ប្រទេសជាតិ និងភាពរីកចម្រើនរបស់ប្រជាជាតិ ដូច្នេះវាទាមទារឱ្យមានការឯកភាព ការចុះសម្រុង ការស្រឡាញ់ គោរពឱ្យតម្លៃគ្នា ទើបអាចរក្សាបាននូវសុខសន្តិភាពរយៈពេលយូរ ដែលជាមូលដ្ឋានគ្រឹះនៃសេរីភាពការរស់នៅ ការកសាង និងការអភិវឌ្ឍ៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី ទទួលបានការចុះបញ្ជីលក់សញ្ញាបណ្ណចីរភាពនៅផ្សារមូលបត្រកម្ពុជាជាផ្លូវការ
ព្រឹត្តិការណ៍, អត្ថបទពាណិជ្ជកម្ម
• 11/09/2026
ភ្នំពេញ ៖ នាព្រឹកថ្ងៃព្រហស្បតិ៍ ១៣រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែកញ្ញា ឆ្នាំ២០២៦ ផ្សារមូលបត្រកម្ពុជា បានប្រារព្ធ “ពិធីចុះបញ្ជីលក់សញ្ញាបណ្ណចីរភាពជាផ្លូវការរបស់គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី”ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណិ្ឌតសភាចារ្យ ហ៊ាន សាហ៊ីបរដ្ឋលេខាធិការនៃក្រសួងសេដ្ឋកិច្ច
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ...
ធនាគារជាតិនៃកម្ពុជា (NBC) បានអំពាវនាវឱ្យសាធារណជនមានការប្រុងប្រយ័ត្នខ្ពស់ មុននឹងតភ្ជាប់ ឬចូលប្រើប្រាស់សេវាទូទាត់សងប្រាក់ណា...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
