AMS Economyក្រុមហ៊ុនអារ៉ាប៊ីសាអូឌីតគ្រោងបង្កើនទុនវិនិយោគទ្រង់ទ្រាយធំលើការផលិតប្រេងឆៅ
ស្របពេលដែលបញ្ហាអ៊ុយក្រែន និងរុស្ស៊ីកំពុងតែបន្តធ្វើឲ្យប៉ះពាល់ដល់ការផ្គត់ផ្គង់ព្រមទាំងតម្លៃថាមពលហ្គាស និងសាំងរបស់ទីផ្សារពិភពលោកនោះ ក្រុមហ៊ុនយក្សមួយរបស់អារ៉ាប់បានប្រកាសនៅសប្តាហ៍នេះថា នឹងចាប់ផ្តើមបន្ថែមការវិនិយោគក្នុងរយៈពេល៥ឆ្នាំធ្វើយ៉ាងណាអាចពង្រីកសកម្មភាពផលិតថាមពលរបស់ខ្លួនឲ្យបានកាន់តែខ្លាំងបំពេញតម្រូវការទីផ្សារ។
Saudi Aramco បានបញ្ជាក់ថា គម្រោងវិនិយោគនឹងចាប់ផ្តើមធ្វើឡើងចាប់ពីឆ្នាំនេះជាមួយនឹងកញ្ចប់ប្រាក់ប្រមាណជា៤៥ទៅ៥០ពាន់លានដុល្លារ ហើយគ្រោងនឹងបន្ថែមការវិនិយោគលើសនេះទៅដល់ពាក់កណ្តាលទសវត្សនេះ ខណៈដែលការវិនិយោគកាលពីឆ្នាំ២០២១មានត្រឹមតែ ៣១,៩ពាន់លានដុល្លារ។ ផលចំណេញរបស់ក្រុមហ៊ុនដែលធ្លាប់ទទួលបានកាលពីឆ្នាំ២០២០មានប្រមាណជា ៤៩ពាន់លានដុល្លារ ប៉ុន្តែវាបានកើនឡើងទ្វេដងទៅដល់ ១១០ពាន់លានដុល្លារកាលពីឆ្នាំ២០២១។
ការសម្រេចចិត្តរបស់ Saudi Aramco កំពុងទទួលបានការស្វាគមន៍សាទរយ៉ាងខ្លាំងពីសំណាក់អ្នកនយោបាយ និងអ្នកដឹកនាំរបស់ពិភពលោកដែលកំពុងតែព្រួយបារម្ភថាតម្លៃថាមពលនឹងនៅតែបន្តកើនឡើងថែមទៀតនាពេលខាងមុខ។
រំលឹកដែរថា កាលពីសប្តាហ៍កន្លងទៅនាយករដ្ឋមន្ត្រីអង់គ្លេស លោក Boris Johnson ដែលបានបំពេញទស្សនកិច្ចទៅកាន់ប្រទេសអារ៉ាប៊ីសាអូឌីត ហើយលោកបានខិតខំធ្វើការបញ្ចុះបញ្ចូលមេដឹកនាំនៃប្រទេសអារ៉ាប់មួយនេះដើម្បីអាចបង្កើនការផលិតប្រេងឆៅបន្ថែមទៀតចូលទៅក្នុងទីផ្សារទោះបីជាវានឹងអាចជួយបំពេញតម្រូវការដែលកំពុងស្ទុះឡើងខ្លាំងក្នុងរយៈពេលខ្លីក្តី។
អ្នកជំនាញមើលឃើញថា អារ៉ាប៊ីសាអូឌីតដែលជាអ្នកផលិតប្រេងធំបំផុតមួយក្នុងចំណោមសមាជិកអ្នកផលិតប្រេង OPEC (Organization of the Petroleum Exporting Countries) នឹងអាចជួយកាត់បន្ថយតម្លៃថាមពលដែលកំពុងកើនឡើងដល់កំណត់ត្រាមិនធ្លាប់មានរយៈពេល១៤ឆ្នាំចុងក្រោយនេះបានប្រាកដមែនប្រសិនបើរដ្ឋាភិបាលសម្រេចចិត្តក្នុងការបង្កើនផលិតកម្មផលិតប្រេងឆៅរបស់ខ្លួន។
គួរឲ្យដឹងដែរថា តាមការព្យាករណ៍នៅត្រឹមឆ្នាំ២០៣៧ខាងមុខនេះ Saudi Aramco នឹងអាចផលិតប្រេងឆៅដល់ទៅ ១៣លានបារ៉ែលក្នុងមួយថ្ងៃហើយនឹងបង្កើនការផលិតថាមពលហ្គាសឲ្យបានច្រើនជាង៥០ភាគរយនៅត្រឹមឆ្នាំ២០៣០ ខណៈដែលគិតត្រឹមខែកុម្ភៈកន្លងទៅក្រុមហ៊ុនអាចផលិតប្រេងបានត្រឹមតែ១០លានបារ៉ែលប៉ុណ្ណោះក្នុងមួយថ្ងៃ៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
កម្មវិធីពិសេសរបស់ AMS ECONOMY
