AMS Economyការប្រមូលទឹកឃ្មុំតាមបច្ចេកទេស អាចផ្ដល់នូវទិន្នផលទឹកឃ្មុំបានកាន់តែច្រើន
ជាទំនៀមទម្លាប់នៃការយកឃ្មុំតាំងពីបុរាណមក គេតែងតែឃើញវិធីប្រើគប់ភ្លើង ឬបង្ហុយផ្សែងដើម្បីសម្លាប់មេឃ្មុំ ឬសត្វឃ្មុំ ហើយកាត់យកទាំងសម្បុក ដែលធ្វើឱ្យកូន និងមេឃ្មុំភាគច្រើនត្រូវងាប់ និងផុតពូជ ហើយអាចយកផលបានតែម្ដងប៉ុណ្ណោះ។ ផ្ទុយទៅវិញ ប្រសិនការយកឃ្មុំតាមបច្ចេកទេសត្រឹមត្រូវ អាចធ្វើឱ្យទិន្នផលទឹកឃ្មុំព្រៃមាននិរន្តរភាព ទទួលបានទិន្នផលកាន់តែច្រើន និងប្រមូលច្រើនដងថែមទៀតផង។
អ្នកស្រី សុត ចាន់ថ្លា អ្នកតំណាងសហគមន៍ឃ្មុំព្រៃខេត្តស្ទឹងត្រែង ស្ថិតក្នុងឃុំព្រះរំកិល ស្រុកបូរីអូស្វាយ បានមានប្រសាសន៍ថា ៖
“ការគោរពគោលការណ៍ក្នុងការយកឃ្មុំនេះពិតជាល្អសម្រាប់កសិករ ដោយសារនៅពេលដែលគាត់យល់ គាត់អាចការពារខ្លួនបានត្រឹមត្រូវនៅពេលយកឃ្មុំ អាចប្រមូលឃ្មុំព្រៃបានច្រើនដង ពិសេសគឺមានភាពងាយស្រួលដោយមិនបាច់ដើររកសំបុកឃ្មុំច្រើនកន្លែង”
អ្នកស្រីបន្តថា ៖
“ប្រសិនបើយើងប្រមូលឃ្មុំតាមគោលការណ៍ មួយសម្បុកយើងអាចប្រមូលបានដល់ទៅ ៣ដង ហើយប្រមូលបានទឹកឃ្មុំព្រៃមានគុណភាព និងងាយស្រួលលក់ផងដែរ។ ជាក់ស្ដែង អ្នកប្រមូលទិញទឹកឃ្មុំ និងយកទៅលក់បន្តផ្ទាល់តែម្ដង ឃើញថា មានភាពងាយស្រួលក្នុងការលក់ឱ្យទៅអតិថិជន ដែលមានទាំងអ្នកទិញយកទៅប្រើប្រាស់ក្នុងតំបន់ អ្នកនៅទីក្រុងភ្នំពេញ ក៏ដូចជាតាមខេត្តមួយចំនួន ដូចជា កំពង់ចាម កំពត ជាដើមសុទ្ធតែគាំទ្រនិងជឿជាក់លើគុណភាពទឹកឃ្មុំព្រៃ”
ចំពោះបរិមាណវិញ អ្នកស្រី ចាន់ថ្លា បន្តទៀតថា ៖
“ឆ្នាំខ្លះមួយរដូវប្រមូលទិញបានដល់ទៅ ១០០០លីត្រ ដែលជាធម្មតាយើងទិញបានទឹកឃ្មុំសុទ្ធល្អនៅចន្លោះខែកុម្ភៈដល់ខែមេសា ហើយចាប់ពីខែឧសភាដល់ខែមិថុនា ចាប់ផ្ដើមមានភ្លៀងធ្លាក់នោះទឹកឃ្មុំអាចរាវបន្តិច ប៉ុន្តែជាទឹកឃ្មុំសុទ្ធដូចជាគ្នាគ្រាន់តែកំហាប់ទឹកខុសគ្នាទៅតាមរដូវ និងការប្រែប្រួលអាកាសធាតុប៉ុណ្ណោះ។ ចំពោះតម្លៃវិញ ទឹកឃ្មុំអាចលក់បានចាប់ពីតម្លៃ ៦ម៉ឺនរៀលឡើងទៅអាស្រ័យទៅតាមការទិញរបស់អតិថិជនដូចជា ទិញរាយ ឬក៏ទិញបន្តទៅកែច្នៃជាផលិតផលផ្សំពីទឹកឃ្មុំជាដើម”
គួរបញ្ជាក់ដែរថា សហគមន៍របស់អ្នកស្រី សុត ចាន់ថ្លា បានបង្កើតឡើងនៅឆ្នាំ២០១៦ និងដំណើរការនៅឆ្នាំ២០១៨ ដោយបច្ចុប្បន្នមានសមាជិកចំនួន ១៩គ្រួសារដែលកំពុងពឹងអាស្រ័យលើអនុផលព្រៃឈើមួយនេះ។
ចុងក្រោយ តំណាងសហគមន៍រូបនេះក៏សូមអរគុណដល់អតិថិជនដែលតែងតែគាំទ្រទឹកឃ្មុំព្រៃពីសហគមន៍របស់អ្នកស្រី និងសូមអំពាវនាវដល់បងប្អូនអ្នកយកឃ្មុំព្រៃ គួរអនុវត្តតាមគោការណ៍យកឃ្មុំប្រកបដោយនិរន្តរភាពនេះ ដើម្បីទទួលបានផលកាន់តែច្រើន លើកកម្ពស់សេដ្ឋកិច្ចគ្រួសារ និងមិនបង្កផលប៉ះពាល់បរិស្ថានផងដែរ៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អុីស្រាអែល ទិញរោងចក្រផលិតរថយន្តដ៏ល្បីរបស់អាល្លឺម៉ង់ ប្ដូរទៅផលិតជាអាវុធទំនើបវិញ
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។ យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael
ផ្លូវសមុទ្រខាងជើង NSR ក្លាយជាសមរភូមិសាស្ត្រនយោបាយថ្មីរបស់មហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្រជែងអំណាចរវាងមហាអំណាចក្នុងសតវត្សរ៍ទី២១
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ប្លុក BRICS កំពុងបន្តស្វែងរកការអភិវឌ្ឍបណ្ដាញហិរញ្ញវត្ថុទាំងសាច់ប្រាក់ និងឌីជីថលដែលអាចតភ្ជាប់គ្នា ដើម្បីសម្រួលពាណិជ្ជកម្ម ន...
កម្ពុជាបាននាំចេញអង្ករចំនួន ១៧៧,៧០០ តោនទៅកាន់ប្រទេសចិន ក្នុងរយៈពេល ៨ ខែដំបូងនៃឆ្នាំ២០២៦ កើនឡើង ៥២.៧ ភាគរយ បើធៀបនឹងរយៈពេល...
ចិនប្រកាសចាត់វិធានការប្រឆាំងការលក់បង្ខូចតម្លៃលើការនាំចូលសារធាតុគីមីមួយប្រភេទពីប្រទេសជប៉ុន ដែលប្រើប្រាស់ក្នុងការផលិតបន្ទះឈីប
ភ្នំពេញ ៖ គិតចាប់ពីខែមករា ដល់ដំណាច់ខែកក្កដា ឆ្នាំ២០២៦កន្លងទៅនេះ យ៉ាងហោចណាស់មានគម្រោងវិនិយោគបង្កើតតំបន់សេដ្ឋកិច្ចពិសេសចំនួន៧ ត្រូវបានក្រុមប...
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិ...
ក្រសួងពាណិជ្ជកម្ម បានបន្តរៀបចំ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣ (3rd Digital trade Forum - 3d DTF) ក្រោមមូលបទ «ជំរុញពាណិជ្ជកម្...
ខេត្តក្រចេះបានដាក់ឱ្យអនុវត្តផែនការអភិវឌ្ឍន៍ទេសចរណ៍ឆ្នាំ ២០២៦-២០៣០ ដោយកំណត់ទិសដៅអភិវឌ្ឍវិស័យទេសចរណ៍ឱ្យកាន់តែមានគុណភាព ទាក់ទា...
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្...
កម្មវិធីពិសេសរបស់ AMS ECONOMY
