AMS Economyភាពអាណាធិបតេយ្យនៅទីក្រុងសាន់ហ្វ្រាន់ស៊ីស្កូ បង្កដោយក្រុមអ្នកប្រើថ្នាំហ្វេតានីលកំពុងក្លាយជាវិបត្តិដ៏រ៉ាំរ៉ៃ
សាន់ហ្វ្រានស៊ីស្កូ គឺជាទីក្រុងដ៏ស៊ីវិល័យមួយ និងមានទ្រព្យច្រើនជាងគេបំផុតរបស់សកលលោក ប៉ុន្តែប្រសិនបើមិនមានឯកសារស្រាវជ្រាវ និងមានវិដេអូដែលត្រូវបានផលិតឡើងដោយទូរទស្សន៍ BBC ទេនោះ មនុស្សភាគតិចណាស់ដែលអាចមើលឃើញថាតំបន់ដែលស្ថិតនៅក្នុងទីក្រុងឆើតឆាយនេះអត់សណ្តាប់ធ្នាប់ ដែលបច្ចុប្បន្នកំពុងបង្កបញ្ហាជាច្រើនដល់ទីក្រុងទាំងមូលរួមទាំងវិបត្តិមនុស្សធម៌ផង និងបញ្ហាអាណាធិបតេយ្យផង។
ពលរដ្ឋញៀនថ្នាំដោយសារជាតិហ្វេតានីល និងពលរដ្ឋគ្មានទីជម្រកមានចំនួនកើនឡើងជាបន្តបន្ទាប់ ទោះបីជានៅតាមដងផ្លូវ និងតាមទីសាធារណៈមួយចំនួននៅក្នុងទីក្រុងត្រូវបានអភិបាលក្រុង លោកស្រី London Breed បានទទួលស្គាល់ថា បញ្ហាទាំងនេះដែលកំពុងកើតឡើងនៅក្នុងទីក្រុង ហើយក៏ជាបញ្ហាដ៏ចម្រូងចម្រាសបំផុតរបស់ទីក្រុងផងដែរ។
លោកស្រីបន្តថា ៖
“គិតត្រឹមបញ្ហាដែលពលរដ្ឋប្រើប្រាស់ថ្នាំញៀនសារជាតិហ្វេតានីលប៉ុណ្ណោះ ចំនួននៃអ្នកបាត់បង់ជីវិតដោយសារការប្រើប្រាស់ជ្រុលពេកមានរហូតទៅដល់២នាក់ជារៀងរាល់ថ្ងៃ ហើយនេះមិនទាន់គិតដល់បញ្ហាផ្សេងទៀតដែលបានរងផលប៉ះពាល់ដោយផ្ទាល់ និងដោយប្រយោលផងនៅឡើយ ខណៈដែលកាលពីខែធ្នូកន្លងមកទីក្រុងបានប្រកាសអាសន្នចំពោះបញ្ហានេះទៀតផង”
អ្នកយកការណ៍របស់ BBC បានបង្ហាញថា តំបន់នេះមិនសូវត្រូវបានបង្ហាញទៅកាន់ពិភពលោកឡើយ ពីព្រោះថាការប្រើប្រាស់កាម៉េរានៅទីនេះគឺជារឿងដ៏គ្រោះថ្នាក់បំផុត។ អ្នកប្រើប្រាស់សារជាតិហ្វេតានីលត្រូវបានមើលឃើញមាននៅស្ទើរគ្រប់ទីកន្លែងតាមទីសាធារណៈដោយមិនសូវខ្លាចរអារជាមួយនឹងច្បាប់ ឬសូម្បីតែប៉ូលីសនោះឡើយ។
ផលប៉ះពាល់ផ្សេងៗទៀតដែល BBC រកឃើញថាមិនត្រឹមតែជារូបភាពបែបអាណាធិបតេយ្យនោះទេ ក្រុមពលរដ្ឋដែលញៀនថ្នាំបានប្រែក្លាយរូបភាពពីទីក្រុងដ៏គួរឲ្យចង់រស់នៅ និងចង់ទៅលេងកំសាន្តក្លាយទៅជាទីកន្លែងដ៏រញ៉េរញ៉ៃគ្មានសណ្តាប់ធ្នាប់ និងគ្មានសុវត្ថិភាព។ ដោយឡែក ផលប៉ះពាល់ដោយប្រយោលវិញ មានពលរដ្ឋជាច្រើនដែលរស់នៅតំបន់នេះគេសង្កេតឃើញថា ពួកគេមានអត្តចរិតហាក់ដូចជាមានភាពកាចសាហាវ និងឆាប់ខឹងមួរម៉ៅ ហើយព្រមទាំងសកម្មភាពឃោរឃៅ មានអំពើហិង្សាច្រើនជាងតំបន់ផ្សងៗទៀត។
គួរឲ្យដឹងដែរថា ហ្វេតានីលគឺជាសារជាតិប្រើប្រាស់សម្រាប់ជាជំនួយដល់ការបំបាត់អាការឈឺចាប់របស់អ្នកជំងឺ និងមិនស្ថិតនៅក្នុងបញ្ជីថ្នាំញៀនដែលត្រូវបានហាមប្រាមឡើយ ប៉ុន្តែដោយសារតែវាតម្លៃធូរថ្លៃខ្លាំងជាងសារជាតិញៀនផ្សេង ការប្រើប្រាស់សារជាតិនេះកាន់តែកើនឡើងច្រើន និងធ្វើឲ្យមានផលប៉ះពាល់ខ្លាំង ។ មានការតស៊ូប្រឆាំងមតិគ្នាទៅលើដំណោះស្រាយដែលចាំបាច់ត្រូវតែធ្វើជាមួយនឹងពលរដ្ឋក្រុមនេះ ប៉ុន្តែ BBC តាមរយៈវិដេអូស្រាវជ្រាវបានបង្ហាញអំពីភាពខ្វែងគំនិតគ្នារវាងអជ្ញាធរ និងក្រុមអ្នកជំនាញ ក៏ដូចជាក្រុមការងារពាក់ព័ន្ធ ពីព្រោះថា វាគឺជាវិបត្តិដ៏រ៉ាំរ៉ៃជាយូរមកហើយ និងទាមទារឲ្យមានការប្រើប្រាស់ថវិកាយ៉ាងច្រើនទាំងការសាងសង់លំនៅដ្ឋានថ្មីសម្រាប់ពួកគេ ហើយបូករួមទាំងសេវាថែទាំសុខភាពផ្លូវកាយ និងផ្លូវចិត្ត ការចំណាយទៅលើសេវាផ្សេងៗដែលពាក់ព័ន្ធដើម្បីធ្វើឲ្យចំនួននៃអ្នកប្រើប្រាស់សារជាតិញៀនទាំងនោះថយចុះ៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
កម្មវិធីពិសេសរបស់ AMS ECONOMY
