AMS Economyមោទនភាព ៖ អង្គរវត្តកម្ពុជាតែមួយគត់នៅអាស៊ីដែលស្ថិតនៅក្នុងបញ្ជីទីតាំងបុរាណដ៏ពិសិដ្ឋទាំង៥នៅលើពិភពលោក
ប្រាង្គប្រាសាទអង្គរវត្តដ៏ល្បីល្បាញរបស់កម្ពុជា ត្រូវបានបណ្តាញផ្សព្វផ្សាយអន្តរជាតិ BBC លើកយកមកបង្ហាញក្រោយមានការសិក្សាស្រាវជ្រាវយ៉ាងលម្អិតរបស់អ្នកជំនាញបុរាណវិទូថាជាទីកន្លែងដ៏ពិសិដ្ឋតែមួយគត់នៅក្នុងតំបន់អាស៊ី និងស្ថិតនៅក្នុងបញ្ជីទីតាំងបុរាណទាំង៥នៅលើពិភពលោក។
នៅក្នុងកិច្ចខិតខំស្រាវជ្រាវមួយដោយអ្នកជំនាញស្រាវជ្រាវ និងសិក្សាដែលផ្តោតសំខាន់ទៅលើអត្ថន័យ និងវប្បធម៌នៃទីតាំងស័ក្តិសិទ្ធិបុរាណ គឺលោក Chris Rainiers ហើយត្រូវបានយកមកចេញផ្សាយបន្តដោយទូរទស្សន៍ BBC បានធ្វើការបង្ហាញ និងណែនាំទីតាំងពិសិដ្ឋចំនួន៥កន្លែងដែលក្នុងនោះក៏មានប្រាសាទអង្គរវត្តដ៏ចំណាស់ និងល្បីល្បាញបំផុតរបស់កម្ពុជាផងដែរ។
នៅក្នុងការផ្សព្វផ្សាយខាងលើនេះបានបង្ហាញថា ពីផ្នែកម្ខាងនៃផែនដីទៅដល់ផ្នែកម្ខាងទៀត មិនថានៅប្រទេសណា ឬតំបន់ណានោះទេ ទីតាំងស័ក្តិសិទ្ធិបុរាណដែលជាជ្រុងមួយនៃការកសាងវប្បធម៌ ត្រូវបានគេស្គាល់ថាជាទីកន្លែងគោរពបូជា និងឧទ្ទិសដល់បុព្វការីជនដែលបានកសាងឡើងនៅស្ទើរពាសពេញពិភពលោកដោយខ្លះមានអាយុកាលដល់ទៅរាប់រយរាប់ពាន់ឆ្នាំកន្លងមកហើយ។
លោក Chris Rainiers គឺជាអ្នកចូលចិត្តធ្វើដំណើរ និងសិក្សាស្រាវជ្រាវ ហើយលោកបានបន្តការងារនេះអស់រយៈពេលជាង៤០ឆ្នាំមកហើយ គិតចាប់តាំងតែពីទសវត្សរ៍ឆ្នាំ១៩៨០ ប៉ុន្តែក្នុងចំណោមទីតាំងរាប់រយកន្លែង លោកបានធ្វើការលើកឡើងនូវទីតាំងស័ក្តិសិទ្ធិចំនួន៥ ដែលជាទីកន្លែងគួរឲ្យចាប់អារម្មណ៍បំផុតដែលលោកធ្លាប់ស្រាវជ្រាវកន្លងមក។
ទីតាំងស័ក្តិសិទ្ធ និងពិសិដ្ឋទាំងនោះរួមមានដូចជា ទី១ ជ្រលងឆ្អឹងត្រីបាឡែន Whale Bone Alley ស្ថិតនៅប្រទេសរុស្ស៊ី មានអាយុកាលប្រមាណជា៦០០ឆ្នាំ, ទី២ គឺទីក្រុងបុរាណ Hegra ស្ថិតនៅក្នុងប្រទេសអារ៉ាប៊ីសាអូឌីត អាចត្រូវបានសាងសង់ឡើងតាំងតែពីទសវត្សរ៍ទី១ មុនគ្រិស្តសករាជ, ទី៣ គឺជាទីតាំងថ្មបុរាណ Anasazi handprint ស្ថិតនៅសហរដ្ឋអាមេរិក មានអាយុកាលប្រមាណជា៨០០ឆ្នាំ ខណៈដែលទី៤គឺជាថ្មបុរាណមានរូបក្តាន់ ឬ Ancient deer stones នៅប្រទេសម៉ុងហ្គាលីមានអាយុកាលពី១៤០០ឆ្នាំ និងចុងក្រោយគឺជាប្រាង្គប្រាសាទអង្គរវត្តដ៏ល្បីល្បាញរបស់កម្ពុជាយើងតែម្តង ដែលលោកបានសរសេររៀបរាប់សរសើរយ៉ាងខ្លាំងអំពីប្រវត្តិ និងដំណើរការសាងសង់ដ៏អស្ចារ្យកាលពីសម័យបុរាណផងដែរ។ គួរឲ្យដឹងដែរថា BBC គឺជាបណ្តាញសារព័ត៌មាន និងទូរទស្សន៍ដ៏ធំជាងគេបំផុតនៅអង់គ្លេស និងល្បីឈ្មោះនៅលើពិភពលោក ដែលបានបង្កើតឡើតាំងតែពីឆ្នាំ១៩២២នៅក្នុងទីក្រុងឡុង ហើយបច្ចុប្បន្នមិនត្រឹមតែជាបណ្តាញសារព័ត៌មានដែលមានអ្នកតាមដានច្រើនជាងគេបំផុតលើ Instragram ប្រមាណជា២០លាន followers ប៉ុណ្ណោះទេ ប៉ុន្តែ BBC គឺមានភាពល្បីល្បាញទាំងនៅលើបណ្តាញសង្គមទាំងអស់ផ្សេងទៀតផងដែរ៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ភ្នំពេញ ៖ ក្រសួងពាណិជ្ជកម្ម បានរៀបចំកម្មវិធីជជែកដេញដោលមួយ ដើម្បីជំរុញយុវជនជំនាន់ក្រោយឱ្យមានកិច្ចសន្ទនា ផ្លាស់ប្តូរគំនិត និងពង្រីកការយល់ដឹងស៊ីជម្រៅ ...
ម្លៃប្រេងឆៅបានកើនឡើងជាង ២ ភាគរយនៅថ្ងៃចន្ទនេះ ដោយតម្លៃប្រេង Brent ឡើងដល់ជាង ១០៧ ដុល្លារក្នុងមួយបារ៉ែល ក្រោយភាពតានតឹងនៅម...
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
កម្មវិធីពិសេសរបស់ AMS ECONOMY
