AMS Economyសហភាពអឺរ៉ុបនឹងដាក់ទណ្ឌកម្មថ្មីលើអ៊ីរ៉ង់ ចំពោះការផ្គត់ផ្គង់យន្តហោះគ្មានមនុស្សបើកដល់រុស្ស៊ី និងការប្រើប្រាស់កម្លាំងលើប្រជាជនអ៊ីរ៉ង់
បរទេស៖ យោងទៅតាមប្រភពព័ត៌មានពី Aljazeera បានរាយការណ៍ថា រដ្ឋមន្រ្តីក្រសួងការបរទេសរបស់សហភាពអឺរ៉ុបបានដាក់ទណ្ឌកម្មថ្មីលើមេដឹកនាំសាសនាអ៊ីរ៉ង់ មន្ត្រីជាន់ខ្ពស់ និងបុគ្គលិកប្រព័ន្ធផ្សព្វផ្សាយដែលពាក់ព័ន្ធ ដើម្បីគាំទ្រប្រជាជនអ៊ីរ៉ង់តវ៉ាប្រឆាំងនឹងរដ្ឋាភិបាល និង ការដែលផ្គត់ផ្គង់យន្តហោះគ្មានមនុស្សបើកដល់រុស្ស៊ីសម្រាប់ប្រើប្រាស់មកវាយប្រហារលើអ៊ុយក្រែន។
កាលពីថ្ងៃចន្ទកន្លងទៅនេះ បុគ្គលចំនួន ២០ នាក់ត្រូវបានដាក់ទណ្ឌកម្មក្រោមករណីការរំលោភសិទ្ធិមនុស្ស ខណៈដែលមនុស្ស ៤ នាក់ទៀត និងអង្គភាពជាច្រើនទៀតត្រូវបានរងទណ្ឌកម្មផងដែរជុំវិញបញ្ហាផ្គត់ផ្គង់យន្តហោះគ្មានមនុស្សបើក។ ការដាក់ទណ្ឌកម្មនេះ រួមមានទាំងការបង្កកទ្រព្យសម្បត្តិ និងការហាមឃាត់ការធ្វើដំណើរទៅកាន់សហភាពអឺរ៉ុប។
រដ្ឋមន្ត្រីខាងសហភាពអឺរ៉ុបបានរិះគន់ចំពោះថា អាវុធដែលផ្គត់ផ្គង់ដោយអ៊ីរ៉ង់ត្រូវបានប្រើប្រាស់ដោយរុស្ស៊ី ដែលប៉ះពាល់ដល់ជីវិតប្រជាជនស៊ីវិលស្លូតត្រង់ និងហេដ្ឋារចនាសម្ព័ន្ធអ៊ុយក្រែនយ៉ាងធ្ងន់ធ្ងរ។ សហភាពអឺរ៉ុបក៏បានអះអាងថាខ្លួនមានភស្តុតាងដែលចាប់បានអ៊ីរ៉ង់បានលក់យន្តហោះគ្មានមនុស្សបើកទៅឱ្យរុស្ស៊ី ចាប់តាំងពីមានសង្គ្រាមនៅក្នុងខែកុម្ភៈមកម្ល៉េះ។ បើទោះបីជាមានការបដិសេធពីសំណាក់អ៊ីរ៉ង់ និងរុស្ស៊ីក៏ដោយ ប៉ុន្តែរូបភាពនៃយន្តហោះគ្មានមនុស្សបើក Shahed-១៣៦ Kamikaze ហើយបានប្តូរឈ្មោះនៅក្នុងប្រទេសរុស្ស៊ីថាជា Geran-២ ដែលមានលក្ខណៈប្លែកពីគេ ត្រូវបានគេផ្សព្វផ្សាយក្នុងប៉ុន្មានសប្តាហ៍ថ្មីៗនេះ។
អ៊ីរ៉ង់បានបញ្ជាក់ថា ខ្លួនពិតជាបានបញ្ជូនយន្តហោះគ្មានមនុស្សបើកតិចតួចទៅកាន់ប្រទេសរុស្ស៊ី ប៉ុន្តែការផ្គត់ផ្គង់នេះកើតឡើងមុនពេលមានជម្លោះរវាងរុស្ស៊ី-អ៊ុយក្រែន។ នេះគឺជាមូលហេតុដែលធ្វើឱ្យមេដឹកនាំលោកខាងលិចជាច្រើនសង្ស័យថា ទីក្រុងតេហរ៉ង់អាចនឹងផ្គត់ផ្គង់នូវគ្រឿងអាវុធមីស៊ីលផ្លោងដល់រុស្ស៊ីក្នុងពេលឆាប់ៗនេះ ខណៈដែលរដ្ឋមន្ត្រីការបរទេស ក៏បានព្រមានអ៊ីរ៉ង់ថា ខ្លួនប្រឆាំងនឹងអ៊ីរ៉ង់ក្នុងការផ្គត់ផ្គង់សព្វាវុធបន្ថែមទៀតទៅដល់រុស្ស៊ី ជាពិសេសការផ្គត់ផ្គង់មីស៊ីលផ្លោងរយៈចម្ងាយខ្លីដែលនឹងធ្វើឱ្យមានការគ្រោះថ្នាក់យ៉ាងធ្ងន់ធ្ងរ ហើយសហភាពអឺរ៉ុបនឹងឆ្លើយតបចំពោះទង្វើណាមួយ ដើម្បីប្រឆាំងនឹងការឈ្លានពានរបស់រុស្ស៊ីទៅលើអ៊ុយក្រែន ហើយអ៊ីរ៉ង់នឹងត្រូវទទួលខុសត្រូវចំពោះសកម្មភាពរបស់ខ្លួន។
ចាប់តាំងពីខែកញ្ញាបន្ទាប់ពីការស្លាប់របស់ Mahsa Amini ដែលត្រូវបានចាប់ខ្លួនពីបទរំលោភលើរបៀបនៃការស្លៀកពាក់ដ៏តឹងរឹងរបស់សាធារណរដ្ឋអ៊ីស្លាម បានធ្វើឱ្យប្រជាជនអ៊ីរ៉ង់តវ៉ាប្រឆាំងនឹងការរឹតបន្តឹងរបស់រដ្ឋាភិបាលលើជីវិតប្រចាំថ្ងៃរបស់ពួកគេ។ ការតវ៉ាប្រឆាំងទៅនឹងរដ្ឋាភិបាល បានប្រែក្លាយទៅជាការបះបោរដ៏ខ្លាំងខ្លាដោយប្រជាជនអ៊ីរ៉ង់មកពីគ្រប់ផ្នែកនៃសង្គម ឥឡូវនេះបានបង្កជាបញ្ហាប្រឈមដ៏ធំបំផុតមួយដល់មេដឹកនាំរបស់ប្រទេស។ ជាការឆ្លើយតបទៅនឹងបញ្ហានេះ ប្រធានគោលនយោបាយការបរទេសសហភាពអឺរ៉ុប លោក Josep Borrell បាននិយាយថា ៖ សហភាពអឺរ៉ុប នឹងចាត់វិធានការណាមួយដែលយើងអាចធ្វើបានដើម្បីគាំទ្រស្ត្រីវ័យក្មេង និងក្រុមបាតុករដោយសន្តិវិធី។ សហភាពអឺរ៉ុបនឹងថ្កោលទោសយ៉ាងដាច់អហង្ការចំពោះការប្រើប្រាស់កម្លាំងយ៉ាងឃោរឃៅដោយអាជ្ញាធរអ៊ីរ៉ង់ ដែលធ្វើឱ្យក្រុមបាតុកររួមទាំងស្ត្រី និងកុមារបាត់បង់ជីវិតរាប់រយនាក់៕
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
BYD ដាក់សម្ពោធស្ថានីយ FLASH Charge ផ្លូវជាតិលេខ ៦A ជាផ្លូវការ៖ កម្ពុជាឈានចូលយុគសម័យ «សាកថ្មពេញក្នុងរយៈពេល ៩ នាទី»
ព្រឹត្តិការណ៍, អត្ថបទពាណិជ្ជកម្ម
• 07/11/2026
ភ្នំពេញ ៖ នាព្រឹកថ្ងៃទី ៦ ខែវិច្ឆិកា ឆ្នាំ ២០២៦ ស្ថានីយ FLASH Charge អាជីវកម្មដំបូងបង្អស់របស់ BYD នៅកម្ពុជា (ស្ថានីយ FLASH Charge ផ្លូវជាតិលេខ ៦A ខណ្ឌជ្រោយចង្វារ ហៅកាត់ថា
ប្តូរទម្លាប់សន្សំប្រាក់ ៖ ហេតុអ្វីបានជាមូលប័ត្របំណុលជាពាក្យគន្លឹះថ្មីសម្រាប់គ្រួសារកម្ពុជា?
ចំណេះដឹងទូទៅ, ព្រឹត្តិការណ៍, ហិរញ្ញវត្ថុ
• 06/11/2026
ភ្នំពេញ ៖ មនុស្សទូទៅអាចនឹងសើចនៅពេលដែលនរណាម្នាក់និយាយថា ខ្លួនធ្លាប់បានវិនិយោគលើ «ប័ណ្ណបំណុល ឬមូលបត្របំណុល» ព្រោះពាក្យបច្ចេកទេសនេះស្តាប់ទៅហាក់ដូចជាឆ្ងាយពីខ្លួន។ ប៉ុន្តែ បើក្រឡេកមើលវិស័យហិរញ្ញវត្ថុមិនមែនធនាគារ ទីផ្សារមូលធនរបស់កម្ពុជាកំពុងមានការផ្លាស់ប្តូរយ៉ាងស្ងប់ស្ងាត់តែមានសារៈសំខាន់ ព្រោះរាជរដ្ឋាភិបាលបានចាប់ផ្តើមបោះផ្សាយលក់មូលបត្ររដ្ឋរួចទៅហើយ។ រាជរដ្ឋាភិបាលក៏បានអនុម័តឱ្យមានការបោះផ្សាយបន្ថែមទៀតក្រោមក្របខ័ណ្ឌថវិកាឆ្នាំ២០២៦។ ជាមួយគ្នានេះ និយ័តករមូលបត្រក៏កំពុងជំរុញឱ្យមានការបោះផ្សាយមូលបត្រសាជីវកម្មថ្មីៗជាច្រើន ដោយមានការគាំទ្រពីវិធានការលើកទឹកចិត្តផ្នែកពន្ធថ្មីៗ ដើម្បីទាក់ទាញទាំងក្រុមហ៊ុន និងអ្នកសន្សំប្រាក់។ មូលបត្ររដ្ឋ គឺជាអ្វីទៅ? និយាយឱ្យងាយយល់
យុវជនជំនាន់ថ្មីមួយក្រុមបង្កើតកម្មវិធីទូរសព្ទ អាចវាស់ស្ទង់សារធាតុក្នុងចំណីអាហារ មានឈ្មោះថា Nham Health
ព្រឹត្តិការណ៍, អាជីវកម្មថ្មី និងនវានុវត្ត
• 06/11/2026
ភ្នំពេញ ៖ កម្មវិធីប្រកួតប្រជែងបង្កើត Mobile App សម្រាប់យុវវ័យពានរង្វាន់របស់ធនាគារក្នុងស្រុកមួយ បានរកឃើញក្រុមយុវជនដែលទទួលបានជ័យលាភី ជាមួយប្រាក់រង្វាន់សរុបរហូតដល់ ៥០០០ដុល្លារអាម៉េរិក ក្រោយការបង្កើតកម្មវិធីទូរសព្ទដៃ ដែលអាចវាស់ស្ទង់សារធាតុដែលមាននៅក្នុងចំណីអាហារ។ កញ្ញា តាំង ស៊ីវអេង ជាបេក្ខជនក្នុងក្រុមជ័យលាភីម្នាក់ក្នុងចំណោមសមាជិកចំនួន៣នាក់ មកពីសាកលវិទ្យាល័យពាណិជ្ជសាស្ត្រអេស៊ីលីដា ដែលបង្កើតកម្មវិធីទូរសព្ទដៃឈ្មោះថា Nham Health បានឱ្យដឹងថា
រដ្ឋមន្ត្រីក្រសួងដែនដី ណែនាំឱ្យស្ថាបត្យករ និងវិស្វករ គូសប្លង់និងសាងសង់ត្រូវគិតពីបរិយាកាស និងទំនៀមទម្លាប់ប្រពៃណីរបស់ប្រជាជនតាមតំបន់
Top News, ព្រឹត្តិការណ៍, អចលនទ្រព្យ
• 06/11/2026
រដ្ឋមន្ត្រីក្រសួងដែនដី ឯកឧត្តមសាយ សំអាល់ បានណែនាំឱ្យស្ថាបត្យករនិងវិស្វករគិតគូរពីសំណង់នៅតាមតំបន់ឱ្យស្របតាមបរិយាកាសនិងប្រពៃណី ...
អ្នកជំនាញកសិកម្ម ៖ El Niño អាចនឹងអាក្រក់ជាងពេលណាៗទាំងអស់ ប៉ុន្ដែប្រព័ន្ធសុវត្ថិភាពស្បៀងបម្រុងកម្ពុជានៅតែរឹងមាំ
Top News, ព្រឹត្តិការណ៍, សេដ្ឋកិច្ច
• 06/11/2026
El Niño មិនប៉ះប្រព័ន្ធសុវត្ថិភាពស្បៀងបម្រុងកម្ពុជាទេ
ក្នុងត្រីមាសទី៣ តម្លៃជួញដូរភាគហ៊ុននៅកម្ពុជាកើនឡើងជិត ៥ដង មានទំហំជិត ១លានដុល្លារក្នុងមួយថ្ងៃ
ព្រឹត្តិការណ៍, សេដ្ឋកិច្ច, ហិរញ្ញវត្ថុ
• 06/11/2026
ភ្នំពេញ ៖ សកម្មភាពជួញដូរនៅលើទីផ្សារមូលបត្រកម្ពុជា (CSX) បានស្ទុះកើនឡើងខ្លាំង ដោយតម្លៃជួញដូរជាមធ្យមប្រចាំថ្ងៃនៅក្នុងត្រីមាសទី៣ ឆ្នាំ២០២៦ មានការកើនឡើងដល់ ៣.៣ ពាន់លានរៀល (ប្រមាណ ០.៨ លានដុល្លារអាមេរិក) ឬកើនឡើងប្រមាណជិត ៥ដង បើធៀបនឹងតម្លៃជួញដូរជាមធ្យមប្រចាំថ្ងៃក្នុងរយៈពេល ៦ ត្រីមាសមុន ពោលគឺត្រីមាសទី ១
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ភ្នំពេញ ៖ នាព្រឹកថ្ងៃទី ៦ ខែវិច្ឆិកា ឆ្នាំ ២០២៦ ស្ថានីយ FLASH Charge អាជីវកម្មដំបូងបង្អស់របស់ BYD នៅកម្ពុជា (ស្ថានីយ FLASH Charge ផ្លូវជាតិលេខ ៦A ខ...
ភ្នំពេញ ៖ មនុស្សទូទៅអាចនឹងសើចនៅពេលដែលនរណាម្នាក់និយាយថា ខ្លួនធ្លាប់បានវិនិយោគលើ «ប័ណ្ណបំណុល ឬមូលបត្របំណុល» ព្រោះពាក្យបច្ចេកទេសនេះស្តាប់ទៅហាក់ដូចជាឆ្...
ភ្នំពេញ ៖ កម្មវិធីប្រកួតប្រជែងបង្កើត Mobile App សម្រាប់យុវវ័យពានរង្វាន់របស់ធនាគារក្នុងស្រុកមួយ បានរកឃើញក្រុមយុវជនដែលទទួលបានជ័យលាភី ជាមួយប្រាក់រង្វ...
រដ្ឋមន្ត្រីក្រសួងដែនដី ឯកឧត្តមសាយ សំអាល់ បានណែនាំឱ្យស្ថាបត្យករនិងវិស្វករគិតគូរពីសំណង់នៅតាមតំបន់ឱ្យស្របតាមបរិយាកាសនិងប្រពៃណី ...
El Niño មិនប៉ះប្រព័ន្ធសុវត្ថិភាពស្បៀងបម្រុងកម្ពុជាទេ
យោងតាមក្រសួងកសិកម្មអាមេរិក (USDA) បានឱ្យដឹងថា កម្ពុជានាំចេញអង្ករចំនួន ១២២ ១០២ តោនទៅកាន់ហ្វីលីពីនគិតចាប់ពីខែមករាដល់ខែសីហាក្នុងឆ្នាំនេះ ដែលជាការកើនឡើ...
ភ្នំពេញ ៖ សកម្មភាពជួញដូរនៅលើទីផ្សារមូលបត្រកម្ពុជា (CSX) បានស្ទុះកើនឡើងខ្លាំង ដោយតម្លៃជួញដូរជាមធ្យមប្រចាំថ្ងៃនៅក្នុងត្រីមាសទី៣ ឆ្នាំ២០២៦ មានការកើនឡើ...
ដំណាំស្ពៃបូកគោពូជជប៉ុន ដែលដាំដុះលើទឹកដីខេត្តមណ្ឌលគិរី កំពុងទទួលបានការគាំទ្រពីអតិថិជន និងមានតម្រូវការខ្ពស់នៅលើទីផ្សារ ទាំង...
កម្មវិធីពិសេសរបស់ AMS ECONOMY
