AMS Economyគេគ្រប់គ្នាជីករករ៉ៃមាសពីក្រោមដី តែ Startup ថ្មីមួយនេះទាញយកមាសចេញពីកន្លែងចាក់សំរាម
ស្ទើរតែប្រមាណ ៨១ភាគរយនៃធនធានរ៉ែមាសនៅលើពិភពលោកបច្ចុប្បន្នគឺមិនស្ថិតនៅក្រោមដីទៀតនោះឡើយ ខណៈដែលរ៉ែមាសនៅក្រោមដីទាំងអស់គឺមិនមានទំហំច្រើនជាងធនធានមាសដែលមានប្រើប្រាស់នៅក្នុងឧបករណ៍បច្ចេកវិទ្យា និងអេឡិចត្រូនិកនោះទេ។
ក្នុងរយៈពេលតែប៉ុន្មានទសវត្សចុងក្រោយនេះ ជារៀងរាល់ឆ្នាំមានកាកសំណល់ដោយអេឡិចត្រូនិករាប់សិបលានតោន ហើយបើវានៅតែបន្តទៀតនោះនៅត្រឹមឆ្នាំ២០៥០ ភពផែនដីនឹងត្រូវប្រឈមមុខទៅនឹងបញ្ហាកាកសំណល់ប្រភេទនេះរហូតដល់ទៅជាង ១១០លានតោនជាមិនខាន។ នេះបើយោងតាមតួលេខដែលត្រូវបានបង្ហាញដោយ The Business Insider។
ថ្វីត្បិតកាកសំណល់អេឡិចត្រូនិកពិតជាបានបង្កបញ្ហាជាច្រើនដល់បរិស្ថាន ភពផែនដី និងមនុស្សជាតិ ដោយសារតែវាត្រូវបានរាយប៉ាយស្ទើរគ្រប់ទីកន្លែងរាប់ចាប់តាំងពីទីតាំងចាក់កាកសំណល់រហូតទៅដល់បឹងទន្លេ និងសមុទ្រ ប៉ុន្តែដោយសារវត្ថុធាតុដើមដ៏មានតម្លៃជាច្រើនមុខបូករួមទាំងដែក ស្ពាន់ ជាពិសេសមាសផងដែរនោះទើបធ្វើឲ្យមានសកម្មភាពកែច្នៃគ្រប់រូបភាពកើតឡើងចំពោះកាកសំណល់ទាំងនេះ។
សកម្មភាពទាញយកធនធានមាសទាំងនោះបានធ្វើឲ្យមានផលប៉ះពាល់កាន់តែធ្ងន់ធ្ងរចំពោះអាកាស និងសុខភាពរបស់មនុស្សជាតិផងដែរដោយសារតែពួកគេតែងតែនិយមប្រើប្រាស់វិធីសាស្ត្របុរាណដូចជាការដុត និងស្លជាដើមទាញយកសារធាតុមាស។
ដោយសារមើលឃើញពីបញ្ហា និងផលប៉ះពាល់ធ្ងន់ធ្ងរបែបនេះ ទើប Startup ថ្មីមួយដែលមានឈ្មោះថា Mint Innovation បានរកឃើញវិធីសាស្ត្រថ្មី និងអស្ចារ្យមួយដែលអាចទាញយកមាសពីកាកសំណល់អេឡិចត្រូនិកបានដោយមានសុវត្ថភាព និងមានអនាម័យបំផុត។
យោងតាមការបញ្ជាក់ដោយប្រធានប្រតិបត្តិរបស់ក្រុមហ៊ុន Mint Innovation និងជាសហស្ថាបនិក លោក Ollie Crush បានបញ្ជាក់ថា រ៉ែមាសដែលក្រុមហ៊ុនអាចទាញយកមកបានមានទំហំប្រមាណជា ១៥០ក្រាមចេញពីកាកសំណល់អេឡិចត្រូនិកទំហំជាង១តោន ហើយដំណើរការនេះគឺត្រូវការចំណាយពេលរហូតទៅដល់មួយសប្តាហ៍។
ទោះបីជាយ៉ាងណាក្តី លោក Crush បានលើកឡើងដែរថា វិធីសាស្ត្រទាញយកមាសរបស់ Mint Innovation នេះនៅតែមានភាពល្អប្រសើរជាងវិធិសាស្ត្រនៃការជីករុករករ៉ែមាសពីក្រោមដីដែលវាចាំបាច់វាយកំទេចអាចន៍ដី និងថ្មដល់ទៅជាង១តោនដូចគ្នា ប៉ុន្តែទទួលបានរ៉ែមាសសុទ្ធត្រឹមតែពី៣ ឬ ៤ ទៅ ៥ក្រាមប៉ុណ្ណោះ។ គួរឲ្យដឹងដែរថា មន្ទីរពិសោធរបស់ Mint Innovation មានទីតាំងស្ថិតនៅក្នុងទីក្រុង Auckland ប្រទេសញូវស៊ីឡេន។ ដំណើរការកែច្នៃពោរពេញទៅដោយភាពស្មុគ្រស្មាញ ប៉ុន្តែអាថ៌កំបាំងដ៏ធំបំផុតគឺជាការប្រើប្រាស់សារធាតុគិមីពីធម្មជាតិ ដើម្បីធ្វើប្រតិកម្ម និងអាចទាញយកសារធាតុមាសទាំងនោះចេញពីកាកសំណល់អេឡិចត្រូនិកមកវិញបាន៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
កម្មវិធីពិសេសរបស់ AMS ECONOMY
