AMS Economyក្រុមហ៊ុនផ្លូវល្បឿនលឿនអាចនឹងបញ្ចុះតម្លៃខ្លះបន្ទាប់ពីដំណើរការសាកល្បងបញ្ចប់នៅចុងខែតុលា
ភ្នំពេញ ៖ ក្រុមហ៊ុនគ្រប់គ្រងផ្លូវល្បឿនលឿនភ្នំពេញ-ក្រុងព្រះសីហនុសម្រេចទម្លាក់តម្លៃខ្លះដើម្បីជួយសម្រួលដល់ក្រុមហ៊ុនដឹកជញ្ជូនប្រភេទរថយន្តកុងតឺន័រមានលទ្ធភាពប្រើប្រាស់ផ្លូវនេះឲ្យមានភាពមមាញឹកដូចដំណាក់កាលប្រើប្រាស់សាកល្បង ខណៈការប្រើប្រាស់សាកល្បងជិតដល់ថ្ងៃបញ្ចប់ ពោលគឺនៅមិនដល់១សប្ដាហ៍ទៀតឡើយ។
អ្នកនាំពាក្យក្រសួងសាធារណៈការ និងដឹកជញ្ជូន លោក ហ៊ាង សុទ្ធាយុត្តិ បានឲ្យដឹងនៅល្ងាចថ្ងៃទី២៤ ខែតុលា ឆ្នាំ២០២២ ថា ការសម្រេចបញ្ចុះតម្លៃខ្លះពីសំណាក់ក្រុមហ៊ុនធ្វើឡើងក្រោយកិច្ចប្រជុំមួយរវាងក្រសួងសាធារណៈការ និងក្រុមហ៊ុនចិន China Road and Bridge នាពេលថ្មីៗនេះ។
លោកបន្ត ៖
“យើងបានដឹកនាំប្រជុំជាមួយក្រុមហ៊ុនជជែកលើតម្លៃដែលកើតចេញពីបញ្ហាមួយចំនួនដូចជាៈ ការអូស ស្ទូត សន្ដោង ក្នុងករណីរថយន្តជួបឧប្បទ្ទហេតុអ្វីមួយ និងតម្លៃនៃការប្រើប្រាស់ផ្លូវល្បឿនលឿន ក្រសួងបានចរចាឲ្យក្រុមហ៊ុនធ្វើការបញ្ចុះតម្លៃ ហើយជាលទ្ធផលក្រុមហ៊ុនក៏សម្រេចទម្លាក់ខ្លះ”
បើតាមលោក ហ៊ាង សុទ្ធាយុត្តិ នេះជានីតិវិធីក្រុមហ៊ុនកំណត់តម្លៃ រីឯក្រសួងមានភារៈកិច្ចពិនិត្យ និងគាំទ្រ ហើយការប្រកាសផ្សព្វផ្សាយពីតម្លៃប្រើប្រាស់ផ្លូវ និងតម្លៃអូស ស្ទូត សន្ដោង នឹងប្រកាសនាពេលឆាប់ៗក្រោយភាគីទាំងពីរសម្រេចលើតួលេខរួមនៃតម្លៃ។
គួរជម្រាបជូនថា ការគិតគូរពីតម្លៃការប្រើប្រាស់ផ្លូវល្បឿនលឿនកើតមានបន្ទាប់ពីវិស័យឯកជន និងពលរដ្ឋទូទៅស្ទាក់ស្ទើរប្រើប្រាស់ ព្រោះមិនទាន់មានលទ្ធភាពចំណាយលើថ្លៃប្រើប្រាស់។
លោកឧកញ៉ា ស៊ិន ចន្ធី ប្រធានសមាគមភស្តុភារកម្មកម្ពុជាបានស្វាគមន៍ចំពោះការគិតគូររបស់ក្រសួងមកលើវិស័យដឹកជញ្ជូនឯកជន ហើយក្រុមហ៊ុនឯកជនកំពុងយកចិត្តទុកដាក់លើការត្រួតពិនិត្យគុណភាព និងបច្ចេកទេសយានយន្ត។
លោកថា ៖
“យើងត្រៀមប្រើប្រាស់ផ្លូវល្បឿនលឿនដោយសុវត្ថិភាទាំងអ្នកបើកបរ និងការគិតគូរលើការតកន្ទុយសន្ដោង ហើយយើងសង្ឃឹមថា រដ្ឋាភិបាលនឹងសម្របសម្រួលបញ្ចុះតម្លៃដឹកជញ្ជូនឲ្យសមស្រប ខណៈដែលរថយន្តកុងតឺន័រឆ្លងកាត់ផ្លូវល្បឿនលឿនទៅវិញទៅមកមានតម្លៃ១២០ដុល្លារ”
បើគ្មានការប្រែប្រួលទេ ការសាកល្បងផ្លូវល្បឿនលឿន នឹងត្រូវបិទបញ្ចប់នៅចុងខែតុលានេះ ហើយបន្ទាប់មកក៏ចូលដល់ការប្រើប្រាស់ដោយតម្រូវឲ្យបង់ថ្លៃ ជាមួយនឹងការប្រកាសដាក់ឲ្យប្រើប្រាស់នៅដើមខែវិច្ឆិកា។ ៣សប្ដាហ៍ក្រោយការដាក់ការសាកល្បងចរាចរណ៍ ផ្លូវហៃវ៉េនេះមានភាពមមាញឹកខ្លាំងដោយទទួលបានចំនួនយានយន្តជាលក្ខណៈទេសចរ ប្រមាណ៧០ភាគរយ និងប្រភេទរថយន្តដឹកទំនិញ៣០ភាគរយដោយក្នុងមួយថ្ងៃមានយានយន្តជិះកាត់រង្វង់ ១ម៉ឺនគ្រឿង និង១ម៉ឺន៥ពាន់គ្រឿងរៀងរាល់ថ្ងៃសៅរ៍ និងអាទិត្យ គិតជាសរុបចំនួនយានយន្តកើនឡើងដល់ជាង១៩ម៉ឺនគ្រឿង បានចរាចរណ៍លើផ្លូវល្បឿនលឿនភ្នំពេញ-ព្រះសីហនុគិតត្រឹមថ្ងៃទី១៥ខែតុលា។
គួររំលឹកថា ផ្លូវល្បឿនលឿនភ្នំពេញ-ព្រះសីហនុ គឺជាផ្លូវល្បឿនលឿនដំបូងគេបង្អស់ក្នុងប្រទេសកម្ពុជា ហើយវាគឺជាផ្លែផ្កានៃកិច្ចសហប្រតិបត្តិការរវាងកម្ពុជា – ចិន ក្រោមក្របខណ្ឌនៃគំនិតផ្តួចផ្តើមខ្សែក្រវ៉ាត់ និងផ្លូវ មានប្រវែង១៨៧ គីឡូម៉ែត្របានចាប់ផ្តើមនៅក្នុងខែមិថុនា ឆ្នាំ២០១៩ ជាមួយនឹងតម្លៃ២ពាន់លានដុល្លារ។
កាលពីពេលកន្លងទៅនេះ រដ្ឋមន្ត្រីក្រសួងសាធារណការ និងដឹកជញ្ជូន ឯកឧត្តម ស៊ុន ចាន់ថុល ធ្លាប់បាននិយាយថា គម្រោងនេះបានបង្កើតការងារជាង ៣ពាន់កន្លែងសម្រាប់ប្រជាជនកម្ពុជា ហើយវានឹងដើរតួនាទីយ៉ាងសំខាន់ក្នុងការជួយជំរុញកំណើនសេដ្ឋកិច្ចរបស់ប្រទេស នៅពេលដែលវាបានបើកសម្រាប់ការធ្វើចរាចរណ៍ ៕ អត្ថបទដោយ ៖ អេង រាជនី
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អ្នកជំនាញកសិកម្ម ៖ El Niño អាចនឹងអាក្រក់ជាងពេលណាៗទាំងអស់ ប៉ុន្ដែប្រព័ន្ធសុវត្ថិភាពស្បៀងបម្រុងកម្ពុជានៅតែរឹងមាំ
Top News, ព្រឹត្តិការណ៍, សេដ្ឋកិច្ច
• 06/11/2026
El Niño មិនប៉ះប្រព័ន្ធសុវត្ថិភាពស្បៀងបម្រុងកម្ពុជាទេ
ក្នុងត្រីមាសទី៣ តម្លៃជួញដូរភាគហ៊ុននៅកម្ពុជាកើនឡើងជិត ៥ដង មានទំហំជិត ១លានដុល្លារក្នុងមួយថ្ងៃ
ព្រឹត្តិការណ៍, សេដ្ឋកិច្ច, ហិរញ្ញវត្ថុ
• 06/11/2026
ភ្នំពេញ ៖ សកម្មភាពជួញដូរនៅលើទីផ្សារមូលបត្រកម្ពុជា (CSX) បានស្ទុះកើនឡើងខ្លាំង ដោយតម្លៃជួញដូរជាមធ្យមប្រចាំថ្ងៃនៅក្នុងត្រីមាសទី៣ ឆ្នាំ២០២៦ មានការកើនឡើងដល់ ៣.៣ ពាន់លានរៀល (ប្រមាណ ០.៨ លានដុល្លារអាមេរិក) ឬកើនឡើងប្រមាណជិត ៥ដង បើធៀបនឹងតម្លៃជួញដូរជាមធ្យមប្រចាំថ្ងៃក្នុងរយៈពេល ៦ ត្រីមាសមុន ពោលគឺត្រីមាសទី ១
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ភ្នំពេញ ៖ មនុស្សទូទៅអាចនឹងសើចនៅពេលដែលនរណាម្នាក់និយាយថា ខ្លួនធ្លាប់បានវិនិយោគលើ «ប័ណ្ណបំណុល ឬមូលបត្របំណុល» ព្រោះពាក្យបច្ចេកទេសនេះស្តាប់ទៅហាក់ដូចជាឆ្...
ភ្នំពេញ ៖ កម្មវិធីប្រកួតប្រជែងបង្កើត Mobile App សម្រាប់យុវវ័យពានរង្វាន់របស់ធនាគារក្នុងស្រុកមួយ បានរកឃើញក្រុមយុវជនដែលទទួលបានជ័យលាភី ជាមួយប្រាក់រង្វ...
រដ្ឋមន្ត្រីក្រសួងដែនដី ឯកឧត្តមសាយ សំអាល់ បានណែនាំឱ្យស្ថាបត្យករនិងវិស្វករគិតគូរពីសំណង់នៅតាមតំបន់ឱ្យស្របតាមបរិយាកាសនិងប្រពៃណី ...
El Niño មិនប៉ះប្រព័ន្ធសុវត្ថិភាពស្បៀងបម្រុងកម្ពុជាទេ
យោងតាមក្រសួងកសិកម្មអាមេរិក (USDA) បានឱ្យដឹងថា កម្ពុជានាំចេញអង្ករចំនួន ១២២ ១០២ តោនទៅកាន់ហ្វីលីពីនគិតចាប់ពីខែមករាដល់ខែសីហាក្នុងឆ្នាំនេះ ដែលជាការកើនឡើ...
ភ្នំពេញ ៖ សកម្មភាពជួញដូរនៅលើទីផ្សារមូលបត្រកម្ពុជា (CSX) បានស្ទុះកើនឡើងខ្លាំង ដោយតម្លៃជួញដូរជាមធ្យមប្រចាំថ្ងៃនៅក្នុងត្រីមាសទី៣ ឆ្នាំ២០២៦ មានការកើនឡើ...
ដំណាំស្ពៃបូកគោពូជជប៉ុន ដែលដាំដុះលើទឹកដីខេត្តមណ្ឌលគិរី កំពុងទទួលបានការគាំទ្រពីអតិថិជន និងមានតម្រូវការខ្ពស់នៅលើទីផ្សារ ទាំង...
នាយករដ្ឋមន្ត្រីកាណាដា លោក Mark Carney គ្រោងចូលរួមកិច្ចប្រជុំកំពូលអាស៊ានលើកទី៤៩ នៅទីក្រុងម៉ានីល ប្រទេសហ្វីលីពីន ដើម្បីជំរុញកា...
កម្មវិធីពិសេសរបស់ AMS ECONOMY
