AMS Economyការចំណាយលើវិស័យយោធាសកលកើនដល់២ទ្រីលានដុល្លារ ខណៈអាមេរិក ចិន និងរុស្សីនាំមុខគេ
បរទេស ៖ បើទោះបីជាពិភពលោកបានទទួលរងផលប៉ះពាល់យ៉ាងខ្លាំងដោយសារវិបត្តិកូវីដដែលបានរីករាលដាលអស់រយៈពេលជាង២ឆ្នាំកន្លងមកក្តី ប៉ុន្តែទិន្នន័យស្រាវជ្រាវមួយបានបង្ហាញថា ការចំណាយទៅលើវិស័យយោធារបស់សកលលោកបានកើនឡើងដល់កំណត់ត្រាជាប់គ្នា២ឆ្នាំនាពេលចុងក្រោយនេះ។
ទិន្នន័យដែលត្រូវបានធ្វើការស្រាវជ្រាវឡើងដោយវិទ្យាស្ថានស្រាវជ្រាវសន្តិភាពអន្តរជាតិនៃទីក្រុង Stockholm ឬ SIPRI កាលពីខែមេសាកន្លងទៅបានរកឃើញថា ទំហំសរុបនៃការចំណាយលើវិស័យយោធារបស់សកលលោកបានកើនឡើងទៅដល់កំណត់ត្រាសាជាថ្មីម្តងទៀតកាលពីឆ្នាំ២០២១ ទៅដល់ប្រមាណជា ២,១ទ្រីលានដុល្លារ ឬស្ថិតនៅក្នុងអត្រាកើនឡើង ០,៧ភាគរយធៀបទៅនឹងឆ្នាំ២០២០។
របាយការណ៍ដដែលនេះក៏បានបង្ហាញដែរថា ប្រទេសមហាអំណាចពិភពលោកចំនួន៥គឺជាអ្នកនាំមុខគេក្នុងការចំណាយយោធានេះដែលក្នុងនោះមានដូចជាសហរដ្ឋអាមេរិក ប្រទេសចិន ឥណ្ឌា អង់គ្លេស និងប្រទេសរុស្ស៊ី ដែលសរុបចូលគ្នាការចំណាយសរុបរបស់ពួកគេមានចំណែកដល់ទៅ ៦២ភាគរយនៃការចំណាយសរុប។
លោកសាស្ត្រាចារ្យបណ្ឌិត Diego Lopes da Silva មន្ត្រីស្រាវជ្រាវជាន់ខ្ពស់របស់ SIPRI នៃកម្មវិធីចំណាយយោធា និងកម្មវិធីផលិតអាវុធ បានថ្លែងឱ្យដឹងថា ទោះបីជាស្ថិតនៅក្នុងស្ថានភាពវិបត្តិសេដ្ឋកិច្ចដ៏ធ្ងន់ធ្ងរក្តី ប៉ុន្តែការចំណាយលើវិស័យយោធារបស់ពិភពលោកកាលពីឆ្នាំ២០២១បានកើនឡើងដល់កំណត់ត្រាជាលើកទី២ជាប់គ្នា បន្ទាប់ពីការចំណាយខ្ពស់លើកដំបូងកាលពី៧ឆ្នាំមុន។
ទោះបីជាយ៉ាងណាក្តី ដោយសារតែស្ថិតនៅក្នុងគ្រាដែលសេដ្ឋកិច្ចពិភពលោកកំពុងងើបឡើងវិញនេះ គេសង្កេតឃើញថាការចំណាយយោធាធៀបទៅនឹងផលិតផលក្នុងស្រុកសរុប ឬ GDP របស់ពិភពលោកបានធ្លាក់ចុះប្រមាណជា ០,១ភាគរយ ពោលគឺពី ២,៣ភាគរយនៃ GDP កាលពីឆ្នាំ២០២០ មកត្រឹមតែ ២,២ភាគរយនៃ GDP កាលពីឆ្នាំ២០២១។
ប្រទេសនាំមុខគេបំផុតនៅក្នុងចំណោមនោះគឺជាអាមេរិកដែលតួលេខបង្ហាញថាទឹកប្រាក់ប្រមាណជា ៨០១ពាន់លានដុល្លារដែលរដ្ឋាភិបាលក្រុងវ៉ាស៊ីនតោនបានចំណាយកាលពីឆ្នាំ២០២១ ប៉ុន្តែស្ថិតក្នុងអត្រាធ្លាក់ចុះ១,៤ភាគរយធៀបទៅនឹងចំណាយកាលពីឆ្នាំ២០២០និងធ្លាក់ចុះនៃអត្រាធៀបទៅនឹង GPD ពី ៣,៧ភាគរយកាលពីឆ្នាំ២០២០ មកត្រឹមតែ ៣,៥ភាគរយក្នុងឆ្នាំ២០២១ ហើយការចំណាយភាគច្រើនផ្តោតសំខាន់ទៅលើកិច្ចការងារស្រាវជ្រាវ និងអភិវឌ្ឍអាវុធថ្មីៗ។ ដោយឡែក រុស្ស៊ី គឺជាអ្នកនាំមុខទី៣បន្ទាប់ពីចិនដែលរដ្ឋាភិបាលក្រុងប៉េកាំងបានចំណាយរហូតទៅដល់២៩៣ពាន់លានដុល្លារ។ រុស្ស៊ីត្រូវបានគេមើលឃើញថាបានផ្តោតសំខាន់ចំណាយរបស់ខ្លួនទៅលើការធ្វើប្រតិបត្តិការយោធានៅក្នុងប្រទេសអ៊ុយក្រែន និងការត្រៀមរៀបចំកម្លាំងក្នុងវិស័យការពារជាតិ។ ទិន្នន័យបង្ហាញថាកាលពីឆ្នាំ២០២១ រុស្ស៊ី បានចំណាយកើនឡើងដល់ទៅ ៦៥,៩ពាន់លានដុល្លារពោលគឺស្ថិតក្នុងអត្រាកើនឡើង២,៩ភាគរយធៀបនឹងឆ្នាំ២០២០៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
កម្មវិធីពិសេសរបស់ AMS ECONOMY
