AMS Economyទីផ្សារដីឡូត៍អាចនឹងថមថយ ខណៈដែលទំនុកចិត្តរបស់អតិថិជនកំពុងបាត់បង់ជាបណ្តើរៗ
ភ្នំពេញ ៖ កាលពីប៉ុន្មានឆ្នាំមុន អាជីវកម្មដីឡូត៍នៅកម្ពុជា ជាពិសេសនៅតាមតំបន់ជាយរាជធានីភ្នំពេញមានសកម្មភាពយ៉ាងផុសផុល ដែលធ្វើឱ្យអ្នកប្រកបរបរនេះរកប្រាក់កម្រៃ និងផលចំណេញបានយ៉ាងក្រាស់ក្រែល ប៉ុន្តែមកដល់ពេលនេះ អាជីវកម្មដីឡូត៍បានថមថយគួរឱ្យកត់សម្គាល់ ខណៈដែលគម្រោងដែលត្រូវបានប្រជាពលរដ្ឋដែលជាអតិថិជនទិញរួចហើយនោះភាគច្រើននៅមិនទាន់មានការអភិវឌ្ឍន៍លេចចេញជារូបរាងអ្វីនោះឡើយ។
ជុំវិញប្រធានបទទីផ្សារដីឡូត៍នៅកម្ពុជានាពេលបច្ចុប្បន្ននេះមានទស្សនផ្សេងៗគ្នាជាច្រើនដោយក្នុងនោះមានអ្នកខ្លះនិយាយគាំទ្រដោយបង្ហាញពីជំនឿថាទីផ្សារមួយនេះនៅតែមានប្រជាប្រជាប្រិយភាព ត្បិតថាប្រជាពលរដ្ឋដែលមិនទាន់មានដីសម្រាប់សាងសង់លំនៅដ្ឋានកម្មសិទ្ធិនៅមានច្រើន ប៉ុន្តែអ្នកខ្លះទៀតបានបង្ហាញពីភាពអស់ទំនុកចិត្ត ហើយរំពឹងថាទីផ្សារដីឡូត៍អាចនឹងមានការធ្លាក់ចុះ ខណៈដែលមានគម្រោងជាច្រើនដែលបានទិញហើយ ប៉ុន្តែមិនអាចធ្វើផ្ទះរស់នៅបានសមរម្យនោះទេ ។
លោក លី ភារម្យ ជាកម្មករបម្រើការងារជាជាងម៉ាស៊ីននៅរោងចក្រកាត់ដេរ និងរស់នៅក្នុងផ្ទះជួល សង្កាត់ចោមចៅ ខណ្ឌមានជ័យ រាជធានីភ្នំពេញ បានប្រាប់ឱ្យដឹងថា លោកបានទិញដីឡូត៍នៅឃុំសំរោងលើ ស្រុកអង្គស្នួល ខេត្តកណ្តាល ដែលមានចម្ងាយមិនឆា្ងយប៉ុន្មានពីរាជធានីភ្នំពេញ ក្នុងគោលបំណងសាងសង់លំនៅដ្ឋានស្នាក់នៅ ប៉ុន្តែរហូតមកដល់ពេលនេះ ទោះជាបានបង់ថ្លៃដីរួចរាល់ក៏នៅតែមិនអាចសង់លំនៅដ្ឋានបាននៅឡើយ។
លោក លី ភារម្យ បានបញ្ជាក់ថា ៖
“ខ្ញុំបានទិញដីហ្នឹងដោយបង់រំលោះក្នុងតម្លៃ៧០០០ដុល្លារក្នុងមួយឡូត៍ ទំហំ ៥ x ២០ ម៉ែត្រ ដោយសង្ឃឹមថាអាចសាងសង់ផ្ទះសមរម្យសម្រាប់រស់នៅ ប៉ុន្តែពេលនេះនៅតែមិនអាចធ្វើបាន ដោយសារតែគ្មានអ្នកណាទៅរស់នៅនោះទេ ដីនៅតែវាលធំធេង គ្មានបណ្តាញទឹក គ្មានបណ្តាញភ្លើងអគ្គិសនី មានតែបង្គោលប៉ុណ្ណោះ។ គិតៗទៅ ដូចជាចាញ់បោកក្រុមអ្នកលក់ ដែលពួកគេបានលុយរួចហើយក៏នាំគ្នាទៅបាត់”
លោក Cooler Tan អ្នកអភិវឌ្ឍន៍គម្រោងដីឡូត៏លំហែកាយនៅខេត្តកំពត បានឱ្យដឹងថា អាជីវកម្មដីឡូត៍នៅកម្ពុជាអាចនឹងបាត់បង់ ឬកាន់តែបាត់បង់ជំនឿពីប្រជាពលរដ្ឋ បើសិនជាអ្នកអភិវឌ្ឍន៍ដីឡូត៍មិនបានគិតគូរពីគុណភាព ហើយគិតតែពីយកប្រាក់ចំណេញហើយដើរចេញ ។
លោកបន្តថា ៖
“ការអភិវឌ្ឍដីឡូត៍ដែលមានគុណភាពគឺត្រូវគិតគូរពីប្រព័ន្ធហេដ្ឋារចនាសម្ព័ន្ធឱ្យរួចរាល់ ដូចជាប្រព័ន្ធទឹក ភ្លើង ផ្លូវ និងលូ ឱ្យបានត្រឹមត្រូវ។ គិតគូរពីចំណីផ្លូវសម្រាប់ទុកអភិវឌ្ឍនៅពេលខាងមុខ ហើយនៅពេលពលរដ្ឋចូលសង់ផ្ទះស្នាក់នៅគឺពួកគាត់នឹងមិនមានបញ្ហាទៅលើប្រព័ន្ធ បង្ហូរទឹក ប្រព័ន្ធភ្លើងនោះឡើយ ប៉ុន្តែបើសិនជាដីឡូត៍បោះតែបង្គោល ហើយប្រកាសលក់ជូនពលរដ្ឋដោយមិនបានគិតគូរពីបញ្ហាទាំងអស់នេះ នៅពេលខាងមុខពលរដ្ឋនឹងលែងទុកចិត្ត លែងជឿជាក់លើគម្រោងដីឡូត៍ ហើយវានឹងបាត់បង់ទីផ្សាររួមតែម្ដង”
លោកឧកញ៉ា សំ សុខនឿន ប្រធានសមាគមអចលនទ្រព្យសកល (GRA) ក៏បានលើកឡើងផងដែរថា ការអភិវឌ្ឍដីឡូត៍ហាក់មិនបានធ្វើឱ្យចំណេញដល់សេដ្ឋកិច្ចជាតិធំដុំនោះទេ ផ្ទុយទៅវិញវាធ្វើឱ្យមានបញ្ហាលំបាកដល់ការអភិវឌ្ឍរបស់រាជរដ្ឋាភិបាលនៅពេលអនាគត ព្រោះការពុះដីឡូត៍ជាទំហំតូចៗ មានច្រើនម្ចាស់ គឺពិបាកដល់អ្នកអភិវឌ្ឍន៍។
លោកឧកញ៉ាបានបន្តថា ៖
“ពលរដ្ឋដែលទិញដីឡូត៍ទាំងអស់មិនសុទ្ធតែមានជីវភាពដូចគ្នាទេ ដូច្នេះអ្នកមានលុយច្រើនអាចសង់ផ្ទះធំ អ្នកអត់សូវមានលទ្ធភាពក៏សង់ផ្ទះតូចៗទៅតាមលទ្ធភាព ដូច្នេះហើយវាអាចធ្វើឱ្យតំបន់នោះក្លាយជាសំណង់មិនមានរបៀប មានតូច មានធំ ទៅតាមកម្រិតជីវភាពរបស់ម្ចាស់ដី ឬម្ចាស់សំណង់”
យ៉ាងណាក៏ដោយ លោកឧកញ៉ាបានជំរុញ និងលើកទឹកចិត្តឱ្យអ្នកអភិវឌ្ឍន៍គម្រោងដីឡូត៍គួរងាកទៅអភិវឌ្ឍលំនៅដ្ឋានតម្លៃសមរម្យ ដែលមានលក្ខណៈស្តង់ដាតែមួយ ឬប្រសិនបើជាគម្រោងដីឡូត៍ ក៏គួរតែបំបែក ឬពុះដីឡូត៍ដែលមានទំហំធំជាង ៥ x ២០ ម៉ែត្រ និងមានការរៀបចំជាបណ្តាញហេដ្ឋារចនាសម្ព័ន្ធឱ្យបានរៀបរយ ជៀសវាងមានការរំខាន ឬប៉ះពាល់ដល់ផែនការអភិវឌ្ឍន៍ស្របតាមប្លង់មេរបស់រដ្ឋាភិបាលនៅពេលអនាគត៕
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អ្នកជំនាញកសិកម្ម ៖ El Niño អាចនឹងអាក្រក់ជាងពេលណាៗទាំងអស់ ប៉ុន្ដែប្រព័ន្ធសុវត្ថិភាពស្បៀងបម្រុងកម្ពុជានៅតែរឹងមាំ
Top News, ព្រឹត្តិការណ៍, សេដ្ឋកិច្ច
• 06/11/2026
El Niño មិនប៉ះប្រព័ន្ធសុវត្ថិភាពស្បៀងបម្រុងកម្ពុជាទេ
ក្នុងត្រីមាសទី៣ តម្លៃជួញដូរភាគហ៊ុននៅកម្ពុជាកើនឡើងជិត ៥ដង មានទំហំជិត ១លានដុល្លារក្នុងមួយថ្ងៃ
ព្រឹត្តិការណ៍, សេដ្ឋកិច្ច, ហិរញ្ញវត្ថុ
• 06/11/2026
ភ្នំពេញ ៖ សកម្មភាពជួញដូរនៅលើទីផ្សារមូលបត្រកម្ពុជា (CSX) បានស្ទុះកើនឡើងខ្លាំង ដោយតម្លៃជួញដូរជាមធ្យមប្រចាំថ្ងៃនៅក្នុងត្រីមាសទី៣ ឆ្នាំ២០២៦ មានការកើនឡើងដល់ ៣.៣ ពាន់លានរៀល (ប្រមាណ ០.៨ លានដុល្លារអាមេរិក) ឬកើនឡើងប្រមាណជិត ៥ដង បើធៀបនឹងតម្លៃជួញដូរជាមធ្យមប្រចាំថ្ងៃក្នុងរយៈពេល ៦ ត្រីមាសមុន ពោលគឺត្រីមាសទី ១
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ភ្នំពេញ ៖ មនុស្សទូទៅអាចនឹងសើចនៅពេលដែលនរណាម្នាក់និយាយថា ខ្លួនធ្លាប់បានវិនិយោគលើ «ប័ណ្ណបំណុល ឬមូលបត្របំណុល» ព្រោះពាក្យបច្ចេកទេសនេះស្តាប់ទៅហាក់ដូចជាឆ្...
ភ្នំពេញ ៖ កម្មវិធីប្រកួតប្រជែងបង្កើត Mobile App សម្រាប់យុវវ័យពានរង្វាន់របស់ធនាគារក្នុងស្រុកមួយ បានរកឃើញក្រុមយុវជនដែលទទួលបានជ័យលាភី ជាមួយប្រាក់រង្វ...
រដ្ឋមន្ត្រីក្រសួងដែនដី ឯកឧត្តមសាយ សំអាល់ បានណែនាំឱ្យស្ថាបត្យករនិងវិស្វករគិតគូរពីសំណង់នៅតាមតំបន់ឱ្យស្របតាមបរិយាកាសនិងប្រពៃណី ...
El Niño មិនប៉ះប្រព័ន្ធសុវត្ថិភាពស្បៀងបម្រុងកម្ពុជាទេ
យោងតាមក្រសួងកសិកម្មអាមេរិក (USDA) បានឱ្យដឹងថា កម្ពុជានាំចេញអង្ករចំនួន ១២២ ១០២ តោនទៅកាន់ហ្វីលីពីនគិតចាប់ពីខែមករាដល់ខែសីហាក្នុងឆ្នាំនេះ ដែលជាការកើនឡើ...
ភ្នំពេញ ៖ សកម្មភាពជួញដូរនៅលើទីផ្សារមូលបត្រកម្ពុជា (CSX) បានស្ទុះកើនឡើងខ្លាំង ដោយតម្លៃជួញដូរជាមធ្យមប្រចាំថ្ងៃនៅក្នុងត្រីមាសទី៣ ឆ្នាំ២០២៦ មានការកើនឡើ...
ដំណាំស្ពៃបូកគោពូជជប៉ុន ដែលដាំដុះលើទឹកដីខេត្តមណ្ឌលគិរី កំពុងទទួលបានការគាំទ្រពីអតិថិជន និងមានតម្រូវការខ្ពស់នៅលើទីផ្សារ ទាំង...
នាយករដ្ឋមន្ត្រីកាណាដា លោក Mark Carney គ្រោងចូលរួមកិច្ចប្រជុំកំពូលអាស៊ានលើកទី៤៩ នៅទីក្រុងម៉ានីល ប្រទេសហ្វីលីពីន ដើម្បីជំរុញកា...
កម្មវិធីពិសេសរបស់ AMS ECONOMY
