AMS Economyរបាយការណ៍ស្រាវជ្រាវ ៖ ពលរដ្ឋអាមេរិកជាង៤០លាននាក់កំពុងរងការគំរាមកំហែងពីទន្លេ Colorado
ទន្លេ Colorado គឺជាប្រភពទឹកដ៏សំខាន់មួយរបស់ពលរដ្ឋជាង៤០លាននាក់ដែលកំពុងរស់នៅក្នុងរដ្ឋចំនួន៧របស់សហរដ្ឋអាមេរិកភាគនិរតីដោយហូរកាត់ចំងាយជាង ៥០០ម៉ាល ឬ ជាង ៨០០គីឡូម៉ែត្រ។ ប៉ុន្តែរយៈពេល២០ឆ្នាំចុងក្រោយនេះ បញ្ហាបម្រែបម្រួលអាកាសធាតុកំពុងរុញច្រានឱ្យកើតមានវិបត្តិដោយសារការរីងហួតទន្លេយ៉ាងខ្លាំង និងកំពុងបង្កក្តីបារម្ភចំពោះពលរដ្ឋដែលជាអ្នកប្រកបរបរនៅក្នុងវិស័យកសិកម្ម ក៏ដូចជាការប្រើប្រាស់ថាមពលអគ្គិសនីរបស់ពលរដ្ឋផង ពីព្រោះថាទន្លេ Colorado ក៏មានទំនប់វារីអគ្គិសនីដ៏ធំមួយរបស់តំបន់ផងដែរ។
អស់រយៈពេលជាយូរមកហើយដែលបញ្ហារីងស្ងួតនៃប្រភពទឹកចេញពីទន្លេ Colorado ត្រូវបានទទួឡរងនូវការព្រមាន ប៉ុន្តែភាពប្រឈមនេះបានរំកិលទៅមុខកាន់តែអាក្រក់ឡើង ជាពិសេសនៅប៉ុន្មានឆ្នាំចុងក្រោយនេះដែលពាក់កណ្តាលនៃទំហំទឹកដែលរីងស្ងួតត្រូវបានអ្នកជំនាញអះអាងថាបណ្តាលមកពីបញ្ហាបម្រែបម្រួលអាកាសធាតុ។
កិច្ចប្រជុំមួយរវាងរដ្ឋទាំង៧ដែលជាអ្នកទទួលបានផលប្រយោជន៍ពីទឹកទន្លេនេះបានចាប់ផ្តើមធ្វើឡើងកាលពីឆ្នាំ២០១៨ ដែលជាផ្នែកមួយនៃកិច្ចខិតខំប្រឹងប្រែងចុងក្រោយដើម្បីដោះស្រាយ និងដើម្បីបង្ការបញ្ហាកាន់តែធ្ងន់ធ្ងរដោយក្នុងនោះក៏មានកិច្ចពិភាក្សាថា តើរដ្ឋណាមួយនឹងត្រូវដកខ្លួនចេញពីការប្រើប្រាស់ទឹកទន្លេនេះមុនគេក្នុងករណីរីងស្ងួតកាន់តែខ្លាំងក្លា ខណៈសែលកិច្ចប្រជុំដ៏សំខាន់នេះបានធ្វើឡើង៦ដងរួចមកហើយ។ នេះបើយោងតាមការបញ្ជាក់ដោយសារព័ត៌មាន VICE News ហើយតាមផែនការកិច្ចប្រជុំចុងក្រោយលើកទី៧នឹងក្លាយទៅជាការសម្រេចចិត្តចុងក្រោយចំពោះដំណោះស្រាយជារួម។
VICE News ធ្លាប់បានធ្វើបទសម្ភាសន៍មួយជាមួយនឹងប្រធានមន្ទីរធនធានទឹករបស់រដ្ឋ Arizona លោក Tom Buschantzke កាលពីខែវិច្ឆិកា កន្លងមកដោយលោកបានបញ្ជាក់ថា មានរឿងរ៉ាវជាច្រើនបានកើតឡើងចំពោះមុខនៃបញ្ហាទន្លេ Colorado ពីព្រោះភាពរាំងស្ងួតខ្លាំងបំផុតរបស់ទន្លេគឺបានកើតឡើងរួចទៅហើយ ហើយមិនត្រឹមប៉ុណ្ណោះវាថែមទាំងអាចកាន់តែអាក្រក់បន្ថែមទៀតផង។
ពាក់ព័ន្ធទៅនឹងសំណួរដែលចោទសួរថា តើពលរដ្ឋដែលជាកសិករ ក៏ដូចជាពលរដ្ឋនៅក្នុងទីក្រុង គួរតែកាត់បន្ថយការប្រើប្រាស់ទឹកឬយ៉ាងណានោះ លោក Tom បានបញ្ជាក់ថា យោងតាមដំណើរការច្បាប់ដ៏ត្រឹមត្រូវគឺពលរដ្ឋជាកសិករដែលជាអ្នកទទួលបានសិទ្ធិអាទិភាពមុន ប៉ុន្តែទោះបីជាយ៉ាងណាក្តីប្រធានបទនេះគឺជាអ្វីដែលរដ្ឋទាំង៧កំពុងជជែកវែកញែកគ្នាយ៉ាងតានតឹងបំផុត។
ជាចុងក្រោយលោកបញ្ជាក់ថា ៖
“នៅពេលបញ្ចប់ទៅនៃកិច្ចប្រជុំទី៧ យើងនឹងទទួលបានលទ្ធផលខ្លះចំពោះរឿងនេះ ប៉ុន្តែយើងនៅមិនហ៊ានព្យាករណ៍ទេថា តើការសម្រេចចិត្តនឹងមានរូបរាងយ៉ាងណានោះទេ”
ក្នុងនោះផងដែរលោក Jack Schmidt ប្រធានមជ្ឈមណ្ឌលស្រាវជ្រាវទន្លេ Colorado នៃសកលវិទ្យាល័យ Utah State University ក៏បានលើកឡើងអំពីក្តីបារម្ភរបស់លោកយ៉ាងខ្លាំងផងដែរចំពោះវិបត្តិទឹកនៅក្នុងគ្រានេះ ពីព្រោះថាលោកគឺជាអ្នកបានតាមដានស្រាវជ្រាវទន្លេ Colorado នេះជាច្រើនទសវត្សរ៍មកហើយ ប៉ុន្តែមិនដែលឃើញការរីងស្ងួតណាដែលអាក្រក់ជាងឆ្នាំ២០២១កន្លងនេះនោះទេ។
លោក Jack និយាយថា ៖
“ខ្ញុំពិតជាមិននឹកស្មានទេចំពោះអ្វីដែលគាត់បានឃើញនៅពេលនេះ វាគឺពិតជាស្ថានភាពដ៏អាក្រក់បំផុត។ យើងធ្លាប់និយាយអំពីកិច្ចការងារអភិវឌ្ឍប្រទេសជាតិជាមួយនឹងធនធានទឹកដ៏ច្រើនរបស់យើង ប៉ុន្តែពេលវេលានេះហាក់ដូចជាមិនដូចទៅនឹងការរំពឹងទុករបស់យើងឡើយ ពីព្រោះថាពេលនេះមិនមានធនធានទឹកគ្រប់គ្រាន់សម្រាប់កិច្ចការងារនេះទៀតឡើយ៕”
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
កម្មវិធីពិសេសរបស់ AMS ECONOMY
