AMS Economyរវ៉ាន់ដាពីចំណុចក្រោមសូន្យក្លាយជាប្រទេសដែលមានសេដ្ឋកិច្ចលេចធ្លោជាងគេនៅអាហ្វ្រិក
ឆ្នាំ១៩៩៤ប្រទេសមួយដែលស្ថិតនៅអាហ្វ្រិកកណ្តាលបានឆ្លងកាត់នូវសង្គ្រាមស៊ីវិលដ៏អាក្រក់បំផុតមួយដែលមានរយៈពេលត្រឹមតែ១០០ថ្ងៃប៉ុណ្ណោះការកាប់សម្លាប់គ្នាក្នុងរូបភាពប្រល័យពូជសាសន៍បានធ្វើឲ្យពលរដ្ឋស៊ីវិលចន្លោះពី៥០ម៉ឺនទៅ៨០ម៉ឺននាក់បានបាត់បង់ជីវិត។
ដោយឡែក បច្ចុប្បន្ននេះ រវ៉ាន់ដា ដែលជាប្រទេសងើបចេញពីហេតុការណ៍ដ៏ខ្មៅងងឹតនេះកំពុងស្ថិតនៅក្នុងដំណើរឆ្ពោះទៅក្លាយជាមហាអំណាចសេដ្ឋកិច្ចមួយក្នុងតំបន់ទាំងមូល ជាពិសេសផែនការដើម្បីក្លាយខ្លួនឲ្យដូចគ្នាទៅនឹងប្រទេសសិង្ហបុរីនៅក្នុងតំបន់អាហ្រ្វិក (Singapore in Africa) ។
ផ្ទុយស្រឡះ និងខុសគ្នាយ៉ាងខ្លាំងកាលពីសម័យសង្គ្រាម និងមុនសង្គ្រាមស៊ីវិល ពេលនេះ រវ៉ាន់ដា បាន និងកំពុងជោគជ័យយ៉ាងខ្លាំងតាមរយៈគោលនយោបាយដ៏ត្រឹមត្រូវដែលបន្តិចម្តងៗប្រែក្លាយខ្លួនទៅជាប្រទេសឧស្សាហកម្មដ៏សំខាន់មួយរបស់ទ្វីបអាហ្វ្រិកទាំងមូល។
ជាមួយនឹងចំនួនពលរដ្ឋប្រមាណជាង១២លាននាក់រវ៉ាន់ដាគិតត្រឹមឆ្នាំ២០១៩ ទទួលបានផលិតផលក្នុងស្រុកសរុបដល់ជាង១៨ពាន់លានដុល្លារ និងប្រមាណទៅដល់ជាង៣៥ពាន់លានដុល្លារនៅត្រឹមឆ្នាំ២០២១។
ក្រោយចប់សង្គ្រាមមួយឆ្នាំប៉ុណ្ណោះ សេដ្ឋកិច្ចរបស់ប្រទេសចាប់ផ្តើមដំណើរការវិញយ៉ាងឆាប់រហ័ស។ ឆ្នាំ១៩៩៤ ផលិតផលក្នុងស្រុក ឬ GDP ដាំក្បាលចុះឆ្នាំ១៩៩៥ រវ៉ាន់ដា បន្តទទួលជំនួយបរទេស ប៉ុន្តែក្នុងឆ្នាំ១៩៩៦ ផលិតផលក្នុងស្រុកសរុប ឬ GDP របស់ រវ៉ាន់ដា បានកើនឡើងដល់ទៅ ១៣ភាគរយតាមរយៈការប្រមូលពន្ធបានយ៉ាងច្រើនពីសហគ្រាសរដ្ឋដែលក្នុងនោះវិស័យកសិកម្មគឺជាប្រភពគ្រឹះដ៏សំខាន់ ជាពិសេសគឺការនាំចេញគ្រាប់កាហ្វេបន្ទាប់មកស្លឹកតែ និងផលិតផលកសិកម្ម រួមជាមួយផលិតផលអាហារផ្សេងៗទៀត។
នៅឆ្នាំ២០០០ ការនាំចេញផលិតផលកាហ្វេមានកំណើនរាប់រយដងពី ៣៥ ០០០ តោន ឬ ៤០ ០០០តោនក្នុងមួយឆ្នាំកាលពីសម័យមុនសង្គ្រាមទៅដល់ ១៤,៥៧លានតោន ហើយដល់ឆ្នាំ២០០២ រវ៉ាន់ដា បានក្លាយទៅជាអ្នកនាំចេញស្លឹកតែច្រើនជាងគេបំផុតលើពិភពលោក។
ឆ្នាំ២០១៩ការនាំចេញរបស់ រវ៉ាន់ដា កាន់តែមានសន្ទុះលឿនខ្លាំងដោយក្នុងនោះគិតត្រឹមផ្លែកចេកប៉ុណ្ណោះ រវ៉ាន់ដា អាចនាំចេញបានទៅដល់ ២,៦លានតោន, ដំឡូងបារាំង ១,២លានតោន, ដំឡូងមី១,១លានតោន, សណ្តែក ល្ពៅ និងអង្ករផងដែរ ដែលមានទំហំដល់ទៅច្រើនលានតោនផ្សេងទៀតដែលឆ្នាំនោះការនាំចេញផលិតផលកសិកម្មរបស់រវ៉ាន់ដាមានតម្លៃដល់ទៅ ២៩ភាគរយនៃសេដ្ឋកិច្ចទាំងអស់របស់ប្រទេស។
ក្រៅតែពីវិស័យកសិកម្ម រវ៉ាន់ដា បានអភិវឌ្ឍប្រទេសបានយ៉ាងលឿននៅក្នុងវិស័យដទៃទៀតផងដែររួមមានទាំងថាមពល និងអគ្គិសនី ខណៈដែលវិស័យឧស្សាហកម្មដែលអាចរកចំណូលបានទៅដល់១២ភាគរយនៃ GDP កាលពីឆ្នាំ២០១២ក្នុងពេលដែលវិស័យទេសចរណ៍ និងសេវាកម្មជាដើមដែលគិតត្រឹមឆ្នាំ២០១១គិតត្រឹម៦ខែប៉ុណ្ណោះ រវ៉ាន់ដា អាចរកចំណូលបានទៅដល់១១៥លានដុល្លារនិងបន្តកើនឡើងរហូតដល់មុនសម័យកូវីដ។ គួរឲ្យដឹងទៀតដែរថា World Bank កាលពីឆ្នាំ២០២០បានធ្វើការសិក្សាស្រាវជ្រាវ និងដាក់ចំណាត់ថ្នាក់ថាជាប្រទេសក្នុងតំបន់អាហ្វ្រិកទី២ ដែលផ្តល់ភាពងាយស្រួលបំផុតក្នុងការធ្វើពាណិជ្ជកម្ម និងអាជីវកម្ម និងលេខ៣៩ ក្នុងចំណោមបណ្តាប្រទេសលើពិភពលោក ខណៈដែលរវ៉ាន់ដាក៏ជាប់ចំណាត់ថ្នាក់ទី៤ជាប្រទេសដែលមានអំពើពុករលួយតិចតួចបំផុតក្នុងទ្វីបអាហ្វ្រិកទាំងមូល និងជាប់ចំណាត់ថ្នាក់លេខ១ក្នុងតំបន់អាហ្វ្រិកខាងកើត៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ភ្នំពេញ ៖ ក្រសួងពាណិជ្ជកម្ម បានរៀបចំកម្មវិធីជជែកដេញដោលមួយ ដើម្បីជំរុញយុវជនជំនាន់ក្រោយឱ្យមានកិច្ចសន្ទនា ផ្លាស់ប្តូរគំនិត និងពង្រីកការយល់ដឹងស៊ីជម្រៅ ...
ម្លៃប្រេងឆៅបានកើនឡើងជាង ២ ភាគរយនៅថ្ងៃចន្ទនេះ ដោយតម្លៃប្រេង Brent ឡើងដល់ជាង ១០៧ ដុល្លារក្នុងមួយបារ៉ែល ក្រោយភាពតានតឹងនៅម...
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
កម្មវិធីពិសេសរបស់ AMS ECONOMY
