AMS Economyវិបត្តិ២ឆ្នាំប្រែជាឱកាសជួយឲ្យអ្នកបង្កើតមតិកាជនជាតិឥណ្ឌា២នាក់ក្លាយជាសេដ្ឋី
ឥណ្ឌា ៖ អស់រយៈពេល២ឆ្នាំកន្លងមកនេះវិបតិ្តកូវីដបានធ្វើឲ្យពលរដ្ឋឥណ្ឌាច្រើនលាននាក់ធ្លាក់ចូលក្នុងបញ្ហាហិរញ្ញវត្ថុ ជាពិសេសយុវជនវ័យក្មេង ហេតុនេះហើយបានធ្វើឲ្យសកម្មភាពរៀនសូត្រតាមយូធូបពីរបៀបរកលុយ និងគ្រប់គ្រងលុយមានកំណើនយ៉ាងឆាប់រហ័ស។
ក្នុងឱកាសដែលតម្រូវការស្រាវជ្រាវផ្នែកហិរញ្ញវត្ថុមានការស្ទុះឡើងបែបនេះ បានធ្វើឲ្យបុរសជនជាតិឥណ្ឌាម្នាក់ និងស្ត្រីជនជាតិឥណ្ឌាម្នាក់ដែលជាអ្នកជំនាញបង្កើតមតិកាតាមយូធូបស្តីអំពីប្រធានបទពាក់ព័ន្ធនឹងហិរញ្ញវត្ថុនោះបានក្លាយទៅជាមនុស្សល្បីល្បាញ និងរកបានប្រាក់ចំណូលយ៉ាងច្រើនក្នុងពេលដំណាលគ្នាតែមួយ។
វិដេអូរបស់ពួកគេមានភាពសាមញ្ញ និងងាយស្រួលយល់បំផុត ជាពិសេសពួកគេបានបង្កើតជាវិដេអូដែលពាក់ព័ន្ធទៅនឹងហិរញ្ញវត្ថុជាមួយនឹងប្រធានបទយ៉ាងច្រើនសម្រាប់ជ្រើសរើស។
នាង Rachana Randae បានបង្កើតប៉ុស្តិ៍យូធូបដែលមានឈ្មោះថា CA Rachana Phadke Ranade ដោយបច្ចុប្បន្នមានអ្នកចុះឈ្មោះ (subscribe) រហូតទៅដល់៣,៧៤លាននាក់មកហើយ និងទើបតែបានផ្លាស់ចូលទៅធ្វើការនៅការិយាល័យថ្មីរបស់ខ្លួននៅភាគខាងលិចទីក្រុង Pune។ នាងចាប់ផ្តើមបង្ហោះវិដេអូដំបូងរបស់នាងកាលពីខែកុម្ភៈ ឆ្នាំ២០១៩ ហើយប្រើពេលត្រឹមតែ៥ខែប៉ុណ្ណោះនាងទទួលបានអ្នកចុះឈ្មោះដល់ទៅ១០ម៉ឺននាក់។
បន្ទាប់ពីមក នាង Rachana ក្រោយមកមានបុរសជាជនជាតិឥណ្ឌាម្នាក់ទៀតបានបង្កើតប៉ុស្តិ៍យូធូបផ្សេងទៀតដែលកំពុងជះឥទ្ធិពលដល់យុវជនវ័យក្មេងឥណ្ឌា និងក្រុមអ្នករកស៊ីតូចធំក្នុងប្រទេស គឺ លោក Ankur Warikoo ខណៈដែលប៉ុស្តិ៍យូធូបដែលលោកបង្កើតមានឈ្មោះថា Warikoo បច្ចុប្បន្នមានអ្នកចុះឈ្មោះប្រមាណជា១,៩៤លាននាក់។
លោក Ankur បាននិយាយថា បច្ចុប្បន្នយូធូបគឺជាសកលវិទ្យាល័យអនឡាញសម្រាប់ពលរដ្ឋវ័យក្មេង ឬក្រុមមនុស្ស Gen-Z និង millenialជាពិសេស ចំពោះអ្នកចាប់អារម្មណ៍ទៅលើមុខវិជ្ជាបែបហិរញ្ញវត្ថុទាំងផ្ទាល់ខ្លួន និងហិរញ្ញវត្ថុសម្រាប់ក្រុមហ៊ុនអាជីវកម្ម។
ភាពល្បីល្បាញរបស់លោក Ankur នៅក្នុងវិស័យផលិតវិដេអូអំពីចំណេះដឹងហិរញ្ញវត្ថុខ្លីៗនេះបានធ្វើឲ្យលោកទទួលបានកុងត្រាជាច្រើន កាលពីឆ្នាំកន្លងទៅ ហើយលោកបានសរសេរសៀវភៅដំបូងមានឈ្មោះថា Do Epic Shit និងបានក្លាយជាសៀវភៅលក់ដាច់បំផុតប្រចាំឆ្នាំក្រោយពេលលោកដាក់លក់តាំងពីលើកដំបូង។
គួរឲ្យដឹងដែរថា បុគ្គលទាំងពីរនាក់នៅពេលនេះបានក្លាយទៅជាមនុស្សដែលមានទ្រព្យសម្បត្តិយ៉ាងច្រើនតាមរយៈចំណូលប្រចាំថ្ងៃពីយូធូបផង ការទទួលបានកុងត្រាផង និងការផ្សព្វផ្សាយពាណិជ្ជកម្មផង ដែលក្នុងនោះមានទាំងក្រុមហ៊ុនក្នុងស្រុក និងក្រៅស្រុក ហើយគេជឿជាក់ថា ក្នុងវិដេអូដែលពួកគេផលិតនីមួយៗដែលមានកុងត្រានឹងអាចទទួលបានប្រាក់កម្រៃរហូតទៅដល់ ២០ ០០០ដុល្លារដោយមិនគិតរាប់បញ្ចូលលទ្ធផលលក់ផលិតផលក្នុងនាមជាទូតសុឆន្ទៈតំណាងឲ្យក្រុមហ៊ុនទាំងនោះនៅឡើយ៕
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ប្តូរទម្លាប់សន្សំប្រាក់ ៖ ហេតុអ្វីបានជាមូលប័ត្របំណុលជាពាក្យគន្លឹះថ្មីសម្រាប់គ្រួសារកម្ពុជា?
ចំណេះដឹងទូទៅ, ព្រឹត្តិការណ៍, ហិរញ្ញវត្ថុ
• 06/11/2026
ភ្នំពេញ ៖ មនុស្សទូទៅអាចនឹងសើចនៅពេលដែលនរណាម្នាក់និយាយថា ខ្លួនធ្លាប់បានវិនិយោគលើ «ប័ណ្ណបំណុល ឬមូលបត្របំណុល» ព្រោះពាក្យបច្ចេកទេសនេះស្តាប់ទៅហាក់ដូចជាឆ្ងាយពីខ្លួន។ ប៉ុន្តែ បើក្រឡេកមើលវិស័យហិរញ្ញវត្ថុមិនមែនធនាគារ ទីផ្សារមូលធនរបស់កម្ពុជាកំពុងមានការផ្លាស់ប្តូរយ៉ាងស្ងប់ស្ងាត់តែមានសារៈសំខាន់ ព្រោះរាជរដ្ឋាភិបាលបានចាប់ផ្តើមបោះផ្សាយលក់មូលបត្ររដ្ឋរួចទៅហើយ។ រាជរដ្ឋាភិបាលក៏បានអនុម័តឱ្យមានការបោះផ្សាយបន្ថែមទៀតក្រោមក្របខ័ណ្ឌថវិកាឆ្នាំ២០២៦។ ជាមួយគ្នានេះ និយ័តករមូលបត្រក៏កំពុងជំរុញឱ្យមានការបោះផ្សាយមូលបត្រសាជីវកម្មថ្មីៗជាច្រើន ដោយមានការគាំទ្រពីវិធានការលើកទឹកចិត្តផ្នែកពន្ធថ្មីៗ ដើម្បីទាក់ទាញទាំងក្រុមហ៊ុន និងអ្នកសន្សំប្រាក់។ មូលបត្ររដ្ឋ គឺជាអ្វីទៅ? និយាយឱ្យងាយយល់
យុវជនជំនាន់ថ្មីមួយក្រុមបង្កើតកម្មវិធីទូរសព្ទ អាចវាស់ស្ទង់សារធាតុក្នុងចំណីអាហារ មានឈ្មោះថា Nham Health
ព្រឹត្តិការណ៍, អាជីវកម្មថ្មី និងនវានុវត្ត
• 06/11/2026
ភ្នំពេញ ៖ កម្មវិធីប្រកួតប្រជែងបង្កើត Mobile App សម្រាប់យុវវ័យពានរង្វាន់របស់ធនាគារក្នុងស្រុកមួយ បានរកឃើញក្រុមយុវជនដែលទទួលបានជ័យលាភី ជាមួយប្រាក់រង្វាន់សរុបរហូតដល់ ៥០០០ដុល្លារអាម៉េរិក ក្រោយការបង្កើតកម្មវិធីទូរសព្ទដៃ ដែលអាចវាស់ស្ទង់សារធាតុដែលមាននៅក្នុងចំណីអាហារ។ កញ្ញា តាំង ស៊ីវអេង ជាបេក្ខជនក្នុងក្រុមជ័យលាភីម្នាក់ក្នុងចំណោមសមាជិកចំនួន៣នាក់ មកពីសាកលវិទ្យាល័យពាណិជ្ជសាស្ត្រអេស៊ីលីដា ដែលបង្កើតកម្មវិធីទូរសព្ទដៃឈ្មោះថា Nham Health បានឱ្យដឹងថា
រដ្ឋមន្ត្រីក្រសួងដែនដី ណែនាំឱ្យស្ថាបត្យករ និងវិស្វករ គូសប្លង់និងសាងសង់ត្រូវគិតពីបរិយាកាស និងទំនៀមទម្លាប់ប្រពៃណីរបស់ប្រជាជនតាមតំបន់
Top News, ព្រឹត្តិការណ៍, អចលនទ្រព្យ
• 06/11/2026
រដ្ឋមន្ត្រីក្រសួងដែនដី ឯកឧត្តមសាយ សំអាល់ បានណែនាំឱ្យស្ថាបត្យករនិងវិស្វករគិតគូរពីសំណង់នៅតាមតំបន់ឱ្យស្របតាមបរិយាកាសនិងប្រពៃណី ...
អ្នកជំនាញកសិកម្ម ៖ El Niño អាចនឹងអាក្រក់ជាងពេលណាៗទាំងអស់ ប៉ុន្ដែប្រព័ន្ធសុវត្ថិភាពស្បៀងបម្រុងកម្ពុជានៅតែរឹងមាំ
Top News, ព្រឹត្តិការណ៍, សេដ្ឋកិច្ច
• 06/11/2026
El Niño មិនប៉ះប្រព័ន្ធសុវត្ថិភាពស្បៀងបម្រុងកម្ពុជាទេ
ក្នុងត្រីមាសទី៣ តម្លៃជួញដូរភាគហ៊ុននៅកម្ពុជាកើនឡើងជិត ៥ដង មានទំហំជិត ១លានដុល្លារក្នុងមួយថ្ងៃ
ព្រឹត្តិការណ៍, សេដ្ឋកិច្ច, ហិរញ្ញវត្ថុ
• 06/11/2026
ភ្នំពេញ ៖ សកម្មភាពជួញដូរនៅលើទីផ្សារមូលបត្រកម្ពុជា (CSX) បានស្ទុះកើនឡើងខ្លាំង ដោយតម្លៃជួញដូរជាមធ្យមប្រចាំថ្ងៃនៅក្នុងត្រីមាសទី៣ ឆ្នាំ២០២៦ មានការកើនឡើងដល់ ៣.៣ ពាន់លានរៀល (ប្រមាណ ០.៨ លានដុល្លារអាមេរិក) ឬកើនឡើងប្រមាណជិត ៥ដង បើធៀបនឹងតម្លៃជួញដូរជាមធ្យមប្រចាំថ្ងៃក្នុងរយៈពេល ៦ ត្រីមាសមុន ពោលគឺត្រីមាសទី ១
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ភ្នំពេញ ៖ មនុស្សទូទៅអាចនឹងសើចនៅពេលដែលនរណាម្នាក់និយាយថា ខ្លួនធ្លាប់បានវិនិយោគលើ «ប័ណ្ណបំណុល ឬមូលបត្របំណុល» ព្រោះពាក្យបច្ចេកទេសនេះស្តាប់ទៅហាក់ដូចជាឆ្...
ភ្នំពេញ ៖ កម្មវិធីប្រកួតប្រជែងបង្កើត Mobile App សម្រាប់យុវវ័យពានរង្វាន់របស់ធនាគារក្នុងស្រុកមួយ បានរកឃើញក្រុមយុវជនដែលទទួលបានជ័យលាភី ជាមួយប្រាក់រង្វ...
រដ្ឋមន្ត្រីក្រសួងដែនដី ឯកឧត្តមសាយ សំអាល់ បានណែនាំឱ្យស្ថាបត្យករនិងវិស្វករគិតគូរពីសំណង់នៅតាមតំបន់ឱ្យស្របតាមបរិយាកាសនិងប្រពៃណី ...
El Niño មិនប៉ះប្រព័ន្ធសុវត្ថិភាពស្បៀងបម្រុងកម្ពុជាទេ
យោងតាមក្រសួងកសិកម្មអាមេរិក (USDA) បានឱ្យដឹងថា កម្ពុជានាំចេញអង្ករចំនួន ១២២ ១០២ តោនទៅកាន់ហ្វីលីពីនគិតចាប់ពីខែមករាដល់ខែសីហាក្នុងឆ្នាំនេះ ដែលជាការកើនឡើ...
ភ្នំពេញ ៖ សកម្មភាពជួញដូរនៅលើទីផ្សារមូលបត្រកម្ពុជា (CSX) បានស្ទុះកើនឡើងខ្លាំង ដោយតម្លៃជួញដូរជាមធ្យមប្រចាំថ្ងៃនៅក្នុងត្រីមាសទី៣ ឆ្នាំ២០២៦ មានការកើនឡើ...
ដំណាំស្ពៃបូកគោពូជជប៉ុន ដែលដាំដុះលើទឹកដីខេត្តមណ្ឌលគិរី កំពុងទទួលបានការគាំទ្រពីអតិថិជន និងមានតម្រូវការខ្ពស់នៅលើទីផ្សារ ទាំង...
នាយករដ្ឋមន្ត្រីកាណាដា លោក Mark Carney គ្រោងចូលរួមកិច្ចប្រជុំកំពូលអាស៊ានលើកទី៤៩ នៅទីក្រុងម៉ានីល ប្រទេសហ្វីលីពីន ដើម្បីជំរុញកា...
កម្មវិធីពិសេសរបស់ AMS ECONOMY
