AMS Economyសហរដ្ឋអាមេរិកកំពុងងាកមករកវិស័យថាមពល និងការនាំចូលប្រេងពីវេណេស៊ុយអេឡា
បរទេស ៖ រតនាគារជាតិសហរដ្ឋអាមេរិកបានផ្តល់អាជ្ញាប័ណ្ណសាជីវកម្មដល់ក្រុមហ៊ុនថាមពលអាមេរិក Chevron ដើម្បីបន្តការធ្វើប្រតិបត្តិការទាញយកធនធានធម្មជាតិ និងប្រេង ដែលនាំចេញពីវេណេស៊ុយអេឡា ដែលជាប្រទេសស្ថិតនៅក្រោមការដាក់ទណ្ឌកម្មរបស់សហរដ្ឋអាមេរិកអស់រយៈពេលជាង ១៥ ឆ្នាំមកហើយ។
កាលពីថ្ងៃចុងសប្ដាហ៍កន្លងទៅនេះ រតនាគារជាតិសហរដ្ឋអាមរិកបានចេញសេចក្តីថ្លែងការណ៍ថា ក្រុមហ៊ុន Chevron ត្រូវបានអនុញ្ញាតឱ្យបន្តប្រតិបត្តិការទាញយកធនធានធម្មជាតិដែលមានកម្រិតលុះត្រាតែរដ្ឋាភិបាលរបស់វេណេស៊ុយអេឡាមិនទទួលបានប្រាក់ចំណេញណាមួយពីការលក់ប្រេងដោយក្រុមហ៊ុន Chevron។
នៅក្រោមគោលនយោបាយនេះ ប្រេងចម្រាញ់អាចនាំចេញទៅសហរដ្ឋអាមេរិកតែប៉ុណ្ណោះ ហើយប្រាក់ចំណេញអាចប្រើបានសម្រាប់តែការសងបំណុលដែលជំពាក់ក្រុមហ៊ុន Chevron ដែលក្រុមហ៊ុននេះបានបណ្តាក់ទុនរួមគ្នាជាមួយក្រុមហ៊ុនផលិតបេ្រងរបស់រដ្ឋាភិបាលវេណេស៊ុយអេឡា Petroleos de Venezuela S.A. (PDVSA)។ អាជ្ញាប័ណ្ណថ្មីនេះបានដាក់ការហាមឃាត់ជាពិសេសលើការបង់ពន្ធ ឬសួយសារអាករណាមួយដល់រដ្ឋាភិបាលវេណេហ្ស៊ុយអេឡា និងផ្តល់ដល់អង្គភាពណាមួយដែលជាកម្មសិទ្ធិ ឬគ្រប់គ្រងដោយ PDVSA ។
សម្រាប់ឯទណ្ឌកម្ម និងការរឹតបន្តឹងផ្សេងៗដែលត្រូវបានដាក់ដោយអាមេរិក គឺនៅដដែលដោយបានសង្កត់ធ្ងន់ថា វិធានការនេះមិនបង្ហាញពី ការផ្លាស់ប្តូរណាមួយចំពោះគោលនយោបាយដាក់ទណ្ឌកម្មរបស់សហរដ្ឋអាមេរិកដែលមានរយៈពេលយូរចំពោះវេណេស៊ុយអេឡានោះទេ។ ទីក្រុងវ៉ាស៊ីនតោននឹងបន្តការអនុវត្តយ៉ាងខ្លាំងក្លានូវទណ្ឌកម្មទាំងនេះ ដោយគ្រាន់តែបន្ធូរបន្ថយទណ្ឌកម្ម ដែលផ្អែកលើគោលដៅជាក់ស្តែង និង ការគាំទ្រការស្តារលទ្ធិប្រជាធិបតេយ្យឡើងវិញរបស់វេណេស៊ុយអេឡា។
ទោះជាយ៉ាងក្តី គេមិនបញ្ជាក់ច្បាស់លាស់ថា នៅក្រោមលក្ខខណ្ឌទាំងនេះ ក្រុមហ៊ុនអាមេរិក Chevron នឹងនាំចូលប្រេងក្នុងបរិមាណប៉ុន្មានពីវេណេស៊ុយអេឡានោះទេ ប្រសិនបើការផ្លាស់ប្តូរនេះនឹងមានផលប៉ះពាល់ដល់តម្លៃប្រេងពិភពលោក។ ភាគីទាំងពីរបានចុះហត្ថលេខាលើកិច្ចព្រមព្រៀងក្របខ័ណ្ឌមួយ ដើម្បីបង្កើតមូលនិធិដែលគ្រប់គ្រងដោយអង្គការសហប្រជាជាតិ និងការផ្តល់ហិរញ្ញប្បទានដល់កម្មវិធីសុខភាព អាហារ និងការអប់រំ ដោយប្រើប្រាស់ទ្រព្យសម្បត្តិរបស់វេណេហ្ស៊ុយអេឡាដែលបានបង្កក។
បន្ទាប់ពីមានសង្គ្រាមរវាងរុស្ស៊ី-អ៊ុយក្រែន និងការដាក់ទណ្ឌកម្មលើប្រេងរុស្ស៊ីកាលពីខែកុម្ភៈកន្លងទៅនេះ ទីក្រុងវ៉ាស៊ីនតោនក៏បានងាកទៅរកវេណេស៊ុយអេឡា ដើម្បីរកជំនួយប្រេង បន្ធូរបន្ថយសម្ពាធសេដ្ឋកិច្ចលើការ៉ាកាស និងអនុញ្ញាតវេណេស៊ុយអេឡាបង្កើនការនាំចេញប្រេងរបស់ខ្លួន។
គួរបញ្ជាក់ផងដែរថា ការ៉ាកាស គឺជារដ្ឋធានីរបស់ប្រទេសវេណេស៊ុយអេឡា ដែលបានស្ថិតនៅក្រោមការដាក់ទណ្ឌកម្មរបស់សហរដ្ឋអាមេរិកអស់រយៈពេលជាង ១៥ឆ្នាំ ហើយការរឹតបន្តឹងចុងក្រោយបំផុតត្រូវបានដាក់នៅពេលដែលទីក្រុងវ៉ាស៊ីនតោនបានបដិសេធមិនទទួលស្គាល់លោក Nicolas Maduro ជាប្រធានាធិបតីរបស់ប្រទេសនេះកាលពីពេលបោះឆ្នោតឆ្នាំ២០១៨ ហើយត្រូវបានជំនួសដោយប្រធានរដ្ឋសភាលោក Juan Guaido ជាមេដឹកនាំបណ្តោះអាសន្ន។ ជាលទ្ធផលនៃការដាក់ទណ្ឌកម្ម ទ្រព្យសម្បត្តិរបស់រដ្ឋាភិបាលវេណេស៊ុយអេឡាទាំងអស់ត្រូវបានបង្កកនៅក្នុងសហរដ្ឋអាមេរិក ហើយអាជីវកម្ម និងជំនួញជាមួយក្រុមហ៊ុនអាមេរិកត្រូវបានរារាំង។ ទោះបីជាមានបញ្ហាប្រឈមផ្នែកនយោបាយពីការដាក់ទណ្ឌកម្មយ៉ាងធ្ងន់ធ្ងរដោយប្រទេសលោកខាងលិចក៏ដោយ លោក Maduro នៅតែកាន់អំណាច ហើយនៅតែត្រូវបានចាត់ទុកថាជាប្រធានាធិបតីស្របច្បាប់របស់វេណេស៊ុយអេឡាដោយប្រទេសភាគច្រើននៃពិភពលោក៕
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ធនាគារអភិវឌ្ឍន៍អាស៊ី ទាញទម្លាក់ការព្យាករកំណើនសេដ្ឋកិច្ចកម្ពុជាមកនៅត្រឹម ៣,៩ភាគរយក្នុងឆ្នាំ២០២៦
Top News, ព្រឹត្តិការណ៍, សេដ្ឋកិច្ច
• 23/09/2026
ភ្នំពេញ ៖ ធនាគារអភិវឌ្ឍន៍អាស៊ី ( ADB) បានព្យាករកំណើនសេដ្ឋកិច្ចកម្ពុជា ជាថ្មី ដោយបានទម្លាក់ការព្យាកររបស់ខ្លួនពី ៤,១ភាគរយ មកនៅត្រឹម៣,៩ភាគរយ ។ នេះបើតាមសេចក្ដីប្រកាសព័ត៌មានរបស់ធនាគារអភិវឌ្ឍន៍អាស៊ី ចេញផ្សាយថ្ងៃទី ២៣ ខែកញ្ញា ឆ្នាំ២០២៦ ។ ការព្យាកររបស់ធនាគារអន្តរជាតិមួយនេះ ដោយយោងលើកត្តាមួយចំនួន ជាក់ស្ដែងដូចជាការធ្លាក់ចុះនៃវិស័យទេសចរណ៍ដើមឆ្នាំ២០២៦នេះ
IMF ព្រមានថា អឺរ៉ុបនឹងធ្លាក់ខ្លួនទទួលរងគ្រោះធ្ងន់ធ្ងរ បើឈប់រត់ប្រណាំងវិស័យ AI
ព្រឹត្តិការណ៍, អាជីវកម្មថ្មី និងនវានុវត្ត
• 23/09/2026
អគ្គនាយកាមូលនិធិរូបិយវត្ថុអន្តរជាតិ (IMF) លោកស្រី Kristalina Georgieva បានព្រមានដល់បណ្តាប្រទេសនៅអឺរ៉ុបថា ប្រសិនបើអឺរ៉ុបអាក់ខាន ឬបង្អាក់ល្បឿនក្នុងការអភិវឌ្ឍបច្ចេកវិទ្យាបញ្ញាសិប្បនិម្មិត (AI) នោះអឺរ៉ុបនឹងធ្លាក់ខ្លួនទទួលរងគ្រោះធ្ងន់ធ្ងរ
ចិន ពង្រីកពាណិជ្ជកម្មតាមរយៈប្រព័ន្ធស្រាវជ្រាវអវកាស BeiDou ទៅទីផ្សារអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 23/09/2026
បរទេស ៖ បច្ចុប្បន្ន ក្រុងប៉េកាំង កំពុងផ្តោតយកចិត្តទុកដាក់លើការប្រើប្រាស់បច្ចេកវិទ្យាអវកាសដែលមានឈ្មោះថា BeiDou ឱ្យកាន់តែទូលំទូលាយ ជាពិសេស ការបង្កើតប្រព័ន្ធអេកូឡូស៊ីជាអន្តរជាតិឲ្យបានកាន់តែធំនៅជុំវិញវិស័យប្រព័ន្ធផ្កាយរណបរបស់ចិន។ អត្ថបទមួយដែលត្រូវបានចេញផ្សាយដោយកាសែត Novinata បានសរសេរថា ប្រទេសចិនកំពុងរុញច្រានយ៉ាងឆាប់រហ័សនូវការដាក់ឱ្យប្រើប្រាស់ប្រព័ន្ធរុករកតាមបណ្តាញរណប BeiDou របស់ខ្លួនទៅទីផ្សារអន្តរជាតិ តាមរយៈការបង្កើនទំហំផ្គត់ផ្គង់ផលិតផល បច្ចេកវិទ្យា និងកម្មវិធីដែលពាក់ព័ន្ធទៅក្នុងពាណិជ្ជកម្មជួញដូរ។ យោងតាមទិន្នន័យដែលបានបង្ហាញ សេវាកម្មរបស់ប្រព័ន្ធ
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ខេត្តព្រះសីហនុ៖ ការស្ដារ និងបង្កើនផលស្តុកធនធានជលផលសមុទ្រ នៅតែជាអាទិភាពសេដ្ឋកិច្ចដ៏សំខាន់សម្រាប់សហគមន៍នេសាទឆ្នេរ និងសន្តិសុខស្បៀងកម្ពុជា។ ក្នុងស្មារ...
អាស៊ាន និងចក្រភពអង់គ្លេសប្តេជ្ញាលើកកម្ពស់កិច្ចសហប្រតិបត្តិការសេដ្ឋកិច្ច ក្នុងអំឡុងកិច្ចពិភាក្សារដ្ឋមន្ត្រីសេដ្ឋកិច្ចអាស៊ាន-ចក្រភពអង់គ្លេសលើកទី ៦ ដែ...
ភ្នំពេញ ៖ ធនាគារអភិវឌ្ឍន៍អាស៊ី ( ADB) បានព្យាករកំណើនសេដ្ឋកិច្ចកម្ពុជា ជាថ្មី ដោយបានទម្លាក់ការព្យាកររបស់ខ្លួនពី ៤,១ភាគរយ មកនៅត្រឹម៣,៩ភាគរយ ។ ...
អគ្គនាយកាមូលនិធិរូបិយវត្ថុអន្តរជាតិ (IMF) លោកស្រី Kristalina Georgieva បានព្រមានដល់បណ្តាប្រទេសនៅអឺរ៉ុបថា ប្រសិនបើអឺរ៉ុបអាក់ខាន ឬបង្អាក់ល្បឿនក្នុងកា...
ភ្នំពេញ ៖ សមាគមមីក្រូហិរញ្ញវត្ថុកម្ពុជា (CMA) នៅថ្ងៃទី២២ ខែកញ្ញា ឆ្នាំ២០២៦ បានសហការជាមួយ សាកលវិទ្យាល័យឯកទេសនៃកម្ពុជា (CUS) រៀបចំកម្មវិធីសិក្ខាសាលាស...
សហភាពអឺរ៉ុប និងហ្វីលីពីនព្រមព្រៀងជាបឋមលើកិច្ចព្រមព្រៀងពាណិជ្ជកម្មសេរីថ្មីមួយ ហើយកិច្ចព្រមព្រៀងពេញលេញជាផ្លូវការកំពុងរង់ចាំការចរចាបន្ថែមទៀត
កោះរ៉ុងនៅតែទទួលបានភ្ញៀវទេសចរជាមធ្យមប្រមាណ ៤០០ នាក់ក្នុងមួយថ្ងៃ ដែលផ្តល់ចំណូលបានរហូតដល់ ១៨ ០០០ ដុល្លារប្រចាំថ្ងៃ ទោះបីការធ្វើដំណើរទៅកាន់កោះមានការចំ...
បរទេស ៖ បច្ចុប្បន្ន ក្រុងប៉េកាំង កំពុងផ្តោតយកចិត្តទុកដាក់លើការប្រើប្រាស់បច្ចេកវិទ្យាអវកាសដែលមានឈ្មោះថា BeiDou ឱ្យកាន់តែទូលំទូលាយ ជាពិសេស ការបង្កើតប...
កម្មវិធីពិសេសរបស់ AMS ECONOMY
