AMS Economyមានរឿងអ្វីកើតឡើងបើយើងទំលាក់គ្រាប់បែកនុយក្លេអ៊ែរលើភពអង្គារ
បេសកកម្មរុករកភពអង្គារ និងផែនការទៅរស់នៅលើភពអង្គារមានជាច្រើនទសវត្សរ៍មកហើយ ប៉ុន្តែមកដល់ពេលបច្ចុប្បន្នមានការព្យាករណ៍ខុសគ្នារវាងអ្នកវិទ្យាសាស្ត្រ និងអ្នកជំនាញល្បីៗលើពិភពលោកដោយអ្នកខ្លះជឿជាក់ថានៅត្រឹមឆ្នាំ២០៤០ និងអ្នកខ្លះថានៅឆ្នាំ២០៥០មនុស្សជាតិនឹងអាចចាប់ផ្តើមរស់នៅលើភពនេះបាន។
ភពអង្គារ ជាភពមួយដ៏ត្រជាក់ដែលជាធម្មតាសីតណ្ហភាពអាចមានទៅដល់ក្រោម៦៣អង្សារទាមទារចាំបាច់ប្រើប្រាស់វិធីសាស្ត្រមួយចំនួនក្នុងការកែប្រែអាកាសធាតុដើម្បីអនុញ្ញាតឲ្យជីវិតរស់នៅមានភាពងាយស្រួលដូចទៅនឹងភពផែនដីរបស់យើង។ មួយក្នុងចំណោមនោះការប្រើប្រាស់គ្រាប់នុយក្លេអ៊ែរគឺជាទ្រឹស្តីដ៏គួរឲ្យចាប់អារម្មណ៍ ប៉ុន្តែនៅតែជាទ្រឹស្តីដ៏ចម្រូងចម្រាសមួយផងដែរសម្រាប់អ្នកជំនាញថាតើប្រសិទ្ធភាពរបស់វាពិតជាអាចជួយពន្លឿនបរិយាភពអង្គារឲ្យអាចរស់នៅបានយ៉ាងឆាប់រហ័ស ឬយ៉ាងណា។
ជាទ្រឹស្តីដែលធ្លាប់ត្រូវបានបកស្រាយកន្លងមកជាយូរហើយដោយក្នុងនោះសូម្បីតែបុរសមហាសេដ្ឋីលោក Elon Musk ស្ថាបនិក SpaceXដែលជាអ្នកមេគំនិតធំជាងគេនៅពេលបច្ចុប្បន្នដែលមានមហិច្ឆិតាទៅរស់នៅលើភពអង្គារនោះក៏បានយល់ស្របទៅលើគំនិតក្នុងការទំលាក់គ្រាប់បែកនុយក្លេអ៊ែរលើប៉ូលទាំង២របស់ភពអង្គារដើម្បីធ្វើការកែប្រែបរិយាកាសភពទាំងមូលឡើងវិញឲ្យដូចទៅនឹងបរិយាកាសភពផែនដីទាំងស្រុង។
អ្នកវិទ្យាសាស្ត្រជឿជាក់ថាវិធីសាស្ត្រមួយនេះនឹងអាចបង្កើនកំដៅលើភពព្រមទាំងបើកកកាយឲ្យកាបូនឌីអុកស៊ីតសាយភាយចេញពីទៅក្នុងបរិយាកាសនិងក៏ដូចជាការបែកខ្ញែកទឹកជាច្រើនសន្ធឹកចេញពីតំបន់ប៉ូលផងដែរដែលវានឹងធ្វើឲ្យដំណើរការផលិតអុកស៊ីសែនក៏ចាប់ផ្តើមដំណើរការ។
ទោះបីជាយ៉ាងណាក្តីបើយើងពិនិត្យមើលទៅវិធីសាស្ត្រនេះគឺពិតជាងាយស្រួលខ្លាំងណាស់ ប៉ុន្តែហេតុអ្វីអស់រយៈពេលជាច្រើនទសវត្សរ៍មកហើយពិភពលោកមិនសម្រេចចិត្តក្នុងការអនុវត្តវិធីសាស្ត្រមួយនេះ?
យោងតាមការស្រាវជ្រាវមួយដោយប៉ុស្តិ៍យូធូប What If មានអ្នក subscribe ដល់ជាង ៦លាននាក់ និងជាផ្នែកមួយនៃវេបសាយដ៏ល្បីល្បាញរបស់កាណាដា underknown.com បានបង្ហាញថា មានមូលហេតុច្រើនដែលបានធ្វើឲ្យមានការគិតគូរឡើងវិញចំពោះទ្រឹស្តីខាងលើនេះ ពីព្រោះថាមិនត្រឹមតែមិនអាចទទួលជោគជ័យនោះទេវានឹងធ្វើឲ្យផែនការទៅរស់នៅភពក្រៅនឹងមានភាពយឺតយ៉ាវកាន់តែខ្លាំងឡើងផងដែរនាពេលអនាគត។
What If និយាយថាទ្រឹស្តីទាំងមួយនេះមានហានិភ័យកម្រិតខ្ពស់បំផុតដែលវានឹងមិនអាចជួយសម្រេចទៅតាមអ្វីយើងចង់បានច្រើនជាងការទទួលជោគជ័យ។ អ្នកវិទ្យាសាស្ត្រមួយចំនួនជឿជាក់ថាវាគ្រាន់តែជាទ្រឹស្តីមិនទាន់បានអនុវត្តសុទ្ធសាធដែលមានន័យថាវាអាចខុសឆ្គងបានគ្រប់ពេលវេលា។ ពួកគេនិយាយថា បរិយាកាសរបស់ភពអង្គារបានបាត់បង់អស់រយៈពេលជាយូរមកហើយដែលបច្ចុប្បន្នធៀបទៅនឹងបរិយាកាសភពផែនដីនោះភពអង្គារស្ថិតនៅកម្រិតខុសគ្នាដល់ទៅជាង១០០ដង។
នៅក្នុងការសិក្សាមួយដែលមានឈ្មោះថា Nature Astronomy កាលពីឆ្នាំ២០១៨អាចរកឃើញថាទោះបីជាការទំលាក់គ្រាប់បែកនុយក្លេអ៊ែរលើតំបន់ប៉ូលក្តីឧស្ម័នកាបូនិក និងទឹកដែលយើងត្រូវការគឺនឹងអាចជួយឲ្យកំរាស់បរិយាកាសភពអង្គារកើនឡើងបាន៧ភាគរយប៉ុណ្ណោះធៀបទៅនឹងបរិយាកាសនៅផែនដី ហើយបើទោះបីជាវាអាចបង្កើនកំដៅលើភពអង្គារក្តី ប៉ុន្តែវាត្រូវការពេលវេលាដល់ទៅច្រើនទសវត្សរ៍ដែលនេះនឹងធ្វើឲ្យបេសកកម្មធ្វើដំណើរទៅស្រាវជ្រាវ និងរុករកនឹងត្រូវពន្យាពេលយ៉ាងយូរ។
មួយវិញទៀតគ្រាប់នុយក្លេអ៊ែរដែលអ្នកវិទ្យាសាស្ត្រគ្រោងយកទៅបំផ្ទុះលើភពអង្គារគឺជាប្រភេទនុយក្លេអ៊ែរ Thermonuclear ដែលវាមានសមត្ថភាព និងកម្លាំងដល់ទៅជាង ១ ០០០ដងខ្លាំងជាងនុយក្លេអ៊ែរដែលអាមេរិកធ្លាប់ប្រើប្រាស់នៅក្នុងសង្គ្រាមលោកទី២។ ដូចនេះប្រសិនបើមានការធ្វេសប្រហែសណាមួយ ឬវានឹងផ្ទុះនៅបរិយាកាសជាជាងផ្ទុះនៅនឹងផ្ទៃដីភពអង្គារនោះប្រាកដណាស់ភពអង្គារទាំងមូលនឹងពោរពេញទៅដោយធាតុវិទ្យុសកម្មដែលលំបាកក្នុងការបោសសំអាតជាមិនខានដែលវានឹងធ្វើឲ្យបេសកកម្មរបស់មនុស្សជាតិទៅកាន់ភពអង្គារនឹងលែងមានដំណើរតទៅទៀត។
ចុងក្រោយបញ្ហាមួយនេះដែលអ្នកវិទ្យាសាស្ត្របារម្ភថានៅពេលដែលនុយក្លេអ៊ែរបានធ្លាក់ទៅលើតំបន់ប៉ូលវាបែរជាបង្កើតបានទៅជាព្យុះត្រជាក់ ឬ Winter Storm ដ៏ធំមួយទៅវិញចំណែកឯនៅលើបរិយាកាសវិញធូលីអ័ព្វយ៉ាងក្រាស់នឹងបន្តមានវត្តមានលើភពនេះជារៀងរហូតរារាំងកំដៅព្រះអាទិត្យហើយនឹងធ្វើឲ្យភពអង្គារប្រែក្លាយទៅកាន់តែត្រជាក់ជាងពេលបច្ចុប្បន្នទៅវិញនោះទេ៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
កម្មវិធីពិសេសរបស់ AMS ECONOMY
