AMS Economyសហគ្រិនវ័យក្មេង៥០រូប មកពី ២៦ប្រទេស ឡើងទទួលពានរង្វាន់ជាសហគ្រិនឆ្នើមដែលរៀបចំនៅរាជធានីភ្នំពេញ
ភ្នំពេញ ៖ សហគ្រិនវ័យក្មេងចំនួន៥០រូប មកពី ២៦ ប្រទេស បានមកជួបជុំ និងទទួលពានរង្វាន់ឆ្នើមនៅក្នុងព្រឹត្តិការណ៍មួយមានឈ្មោះថា Asia Prestige 50 Under 50 CEO Exellence Award ដែលត្រូវបានរៀបចំនៅសណ្ឋាគារ ហៃយ៉ាត់ រីជិនស៊ី រាជធានីភ្នំពេញ កាលពីរាត្រីថ្ងៃចុងសប្ដាហ៍កន្លងទៅ ដោយមានការចូលរួមផ្ដល់កិត្តិយសពីសំណាក់តំណាងក្រសួង ស្ថាប័នរដ្ឋជាច្រើនក្នុងប្រទេសកម្ពុជា ដូចជាក្រសួងទេសចរណ៍ ក្រសួងមុខងារសាធារណៈ និងក្រសួងការងារ បណ្ដុះបណ្ដាល និងវិជ្ជាជីវិៈជាដើម ។
ឯកឧត្តមបណ្ឌិត ឌុច ដារិន អនុរដ្ឋលេខាធិការនៃក្រសួងមុខងារសាធារណៈ និងជាតំណាងដ៏ខ្ពង់ខ្ពស់ឯកឧត្តម ហ៊ុន ម៉ានី ឧបនាយករដ្ឋមន្ត្រី និងជារដ្ឋមន្ត្រីក្រសួងមុខងារសាធារណៈ បានមានប្រសាសន៍ថា ភាពជាអ្នកដឹកនាំ ការតាំងចិត្ត និងគំនិតដ៏អង់អាចរបស់អ្នកទាំងអស់គ្នា ជារបៀបដែលអាស៊ីកំពុងធ្វើការផ្លាស់ប្តូរ ។ ពានរង្វាន់ដែលអ្នកទាំងអស់គ្នាទទួលបាននៅពេលនេះ មិនត្រឹមតែជាការទទួលស្គាល់នោះទេ ប៉ុន្តែវាបានបង្ហាញអំពីភាពក្លាហានរបស់អ្នកក្នុងការបំពេញក្តីស្រម៉ៃបន្ថែមទៀត និងសម្រាប់បុគ្គលផ្សេងទៀតដើម្បីចាប់ក្តីស្រម៉ៃដូចគ្នា ។
ឯកឧត្តមបន្តថា ៖
«កម្ពុជាយើងពិតជាមានមោទនភាពក្នុងការចែករំលែកនៅក្នុងកម្មវិធីដ៏មានតម្លៃនេះ ហើយសូមឱ្យជំនួបបែបនេះមិនត្រឹមតែជាការជួបជុំដោយផ្ទាល់ និងបង្ហាញសមិទ្ធផលផ្ទាល់ខ្លួន នោះទេ ប៉ុន្តែវានឹងក្លាយទៅជាការធ្វើកិច្ចសហប្រតិបត្តិការក្នុងតំបន់បន្ថែមទៀត ព្រមទាំងសុខុមាលភាពរួម និងសន្តិភាពយូរអង្វែងជាមួយគ្នា»។
លោក ហៀង វុទ្ធា ប្រធានសមាគមសហគ្រិនសកល ១ភាគរយ ( G-1%Club ) និងជាសហប្រធាននៃកម្មវិធីពានរង្វាន់ Asia Prestige 50 Under 50 CEO Exellence Award បានមានប្រសាសន៍ថា កម្មវិធី «Asia Prestige 50 Under 50 CEO Exellence Award »គឺកើតចេញពីស្ថាប័នអន្តរជាតិជាអ្នកបង្កើតឡើងដើម្បីស្វែងរកថ្នាក់ដឹកនាំ ឬម្ចាស់អាជីវកម្មឆ្នើមលើគ្រប់វិស័យជុំវិញអាស៊ីអាគ្នេយ៍ដែលមានអាយុក្រោម ៥០ឆ្នាំ និងមានចំនួន ៥០នាក់។ ស្ថាប័ន Asia Prestige 50 Under 50 CEO Exellence Award ចាប់ផ្តើមឡើងនៅឆ្នាំ២០១២ ដែលមានការចូលរួមពីប្រទេសផ្សេងៗដូចជា៖ ប្រទេសកូរ៉េ ម៉ាឡេស៊ី ហ្វីលីពីន និងស៊ីងហ្គាពួជាដើម។ លុះរហូតដល់ឆ្នាំ២០២៥ នេះ មាន៥ប្រទេសផ្សេងទៀតចូលរួមបន្ថែម ហើយក្នុងនោះក៏មានប្រទេសកម្ពុជាផងដែរ។
លោកបន្តថា ៖
«កម្មវិធីនេះត្រូវបានរៀបចំឡើងអស់រយៈ ពេល៩៥ថ្ងៃ មានអ្នកចូលរួមដាក់ពាក្យចំនួន ១៦៤២ នាក់ ក្នុងចំណោម ៣៩ ប្រទេស ក្នុងនោះយើងបានជ្រើសរើសអ្នកមានសក្ដានុពលចំនួន ៤១៤នាក់។ ជាចុងក្រោយយើងសម្រេចជ្រើសរើសបានម្ចាស់ជ័យលាភីសរុបចំនួន ៥០ រូប មកពី២៦ប្រទេស»។
គួរបញ្ជាក់ថា កម្មវិធីដ៏ពិសេសមួយនេះ មិនត្រឹមតែអបអរសាទរពីភាពជោគជ័យនៃម្ចាស់ជ័យលាភីប៉ុណ្ណោះទេ ប៉ុន្តែវាក៏ជាកម្លាំងរួមសហការណ៍ និងការផ្សារភ្ជាប់រវាងបណ្តាសហគ្រិនទាំងអស់គ្នា ដើម្បីកសាងកំណើនសេដ្ឋកិច្ចនៅក្នុងតំបន់អាស៊ីអាគ្នេយ៍មួយនេះ ។ ពានរង្វាន់ដែលបានរៀបចំសម្រាប់ផ្ដល់ជូនម្ចាស់ជ័យលាភីនៅរាត្រីនោះមាន ៥ ប្រភេទ រួមមាន 1. Visionary & Innovation CEO Excellence Award 2. Best Start-Up CEO Excellence Award 3. Great Leadership CEO Excellence Award 4. Great Leadership ROLE Excellence Award និង 5. Outstanding CEO GURU Award ៕
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ទីផ្សារហ្វីលីពីនកំពុងឡើងមកប្រដេញទីផ្សារចិន ក្នុងការនាំចូលអង្ករពីកម្ពុជា ជាក់ស្តែង កម្ពុជាបាននាំចេញអង្ករទៅប្រទេសនេះចំនួន ១២២,១០២តោន ក្នុងរយៈពេល ៨ខែឆ...
ចិននឹងពន្លឿនការកសាង និងកែលម្អប្រព័ន្ធថែទាំសុខភាព និងវេជ្ជសាស្ត្រ ក្នុងរយៈពេល ៥ ឆ្នាំខាងមុខ ដោយផ្តោតលើការផ្តល់សេវាដែលមានគុណភាពខ្ពស់ ប្រសិទ្ធភាព និងក...
(ភ្នំពេញ)៖ ក្រសួងការងារ បានលើកទឹកចិត្តឱ្យគ្រប់ភាគីពាក់ព័ន្ធបង្កើនល្បឿនក្នុងការចូលរួមអភិវឌ្ឍន៍កម្លាំងពលកម្មជំនាញ ឆ្លើយតបតម្រូវការទីផ្សារការងារ និងសម...
ភ្នំពេញ ៖ នៅទីបំផុត ប្រមុខរាជរដ្ឋាភិបាលបានប្រកាសអនុញ្ញាតឱ្យអាជ្ញាធររាជធានីភ្នំពេញ រៀបចំទីតាំងអតីតព្រលានយន្តហោះអន្តរជាតិ-ភ្នំពេញ ជាសួនច្ប...
ត្រឹមរយៈពេលប្រាំមួយខែដំបូងនៃឆ្នាំនេះ ការនាំចេញពីកាណាដាទៅចិនកើនឡើង ៣០ ភាគរយកើនដល់ ២១.៧៤ ពាន់លានដុល្លារកាណាដា (ប្រហែល ១៥,៦ ដុល្លារអាម៉េរិក) ដែលជាការក...
រដ្ឋមន្រ្តីក្រសួងទេសចរណ៍បានលើកឡើងថា «សវនកម្មសមិទ្ធកម្ម មានសារៈសំខាន់ក្នុងការកែលម្អប្រព័ន្ធការងារ ពង្រឹងវិន័យរដ្ឋបាល លើកកម្ពស់គុណភាពសេវាសាធារណៈ និង...
កម្ពុជាចាំបាច់ត្រូវបណ្តុះបណ្តាលបុគ្គលិកផ្នែកថាមពលពន្លឺព្រះអាទិត្យជាង ១១.០០០ នាក់ជារៀងរាល់ឆ្នាំ និងបុគ្គលិកផ្នែកប្រសិទ្ធភាពថាមពលរាប់ពាន់នាក់ទៀត ដើម្...
ប្រទេសចិនបានបង្ហាញឆន្ទៈក្នុងការពង្រីកកិច្ចសហប្រតិបត្តិការសេដ្ឋកិច្ចជាមួយឥណ្ឌា និងចូលរួមដោះស្រាយកង្វល់ពាណិជ្ជកម្មរបស់ទីក្រុងញូវដ...
កម្មវិធីពិសេសរបស់ AMS ECONOMY
