ឧបនាយករដ្ឋមន្ត្រី ​សាយ សំអាល់ ៖ កំពត ជាខេត្តជាប់តំបន់ឆ្នេរដែល​ទាក់​​ទា​ញ​ភ្ញៀវ​ទេ​ស​ច​រ​ច្រើ​នជា​ង​គេ​​រ​ប​ស់​​កម្ពុជា បន្ទាប់ពីខេត្តសៀមរាប

កំពត ៖ ឯកឧត្តម​ សាយ សំអាល់ ឧបនាយករដ្ឋមន្ត្រី​ និងជា​រដ្ឋមន្ត្រីក្រសួង​រៀបចំដែនដី នគរូបនីយកម្ម​ និង​សំណង់​ បានលើ​កឡើងថា កំពត ជាខេត្តជាប់តំបន់ឆ្នេរតារារះនាទិសនិរតី ដែលទា​ក់ទា​ញ​ភ្ញៀ​វ​ទេស​ចរច្រើន​ជាងគេរប​ស់​ក​ម្ពុ​ជា​ប​ន្ទា​ប់ពី​​ខេ​ត្ត​សៀម​រាប ព្រោះ​ខេ​ត្តកំ​ពត​អ​នុ​ញ្ញា​ត​ឱ្យ​ភ្ញៀ​​វ​គ្រ​ប់​ក​ម្រិ​​តម​ក​ដើ​រ​កំ​សាន្ត​ មានរមណីយដ្ឋានទាក់ទាញជាច្រើន មានកន្លែងស្នាក់នៅស្អាត ម្ហូបអាហារឆ្ងាញ់ មានតម្លៃសមរម្យ ហើយ​​​នៅជិ​ត​រាជ​ធានី​ភ្នំពេញទៀតផង។

ថ្លែងក្នុ​ងពិធីបិទសន្និបាតបូកសរុបលទ្ធផលការងារប្រចាំឆ្នាំ២០២៤ និងលើកទិសដៅការងារឆ្នាំ២០២៥ រប​ស់រដ្ឋបា​លខេ​ត្តកំពត កាលពីរសៀលថ្ងៃទី២៣ ខែមករា ឆ្នាំ២០២៥ ឯកឧត្តមឧបនាយករដ្ឋមន្ត្រី សាយ សំអាល់ ក្នុងនាមជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពត ក៏​បាន​ណែនាំ​ឱ្យ​មាន​កា​រ​ចូល​រួម​ជួយជំរុញបន្ថែមនៅតាមតំបន់សហគមន៍នេសាទឱ្យទទួលភ្ញៀវទេសចរបានកាន់តែច្រើន។

ឯកឧត្តមឧបនាយករដ្ឋមន្ត្រី បានបំផុសគំ​និ​ត​ដល់​ស​មា​ជិ​ក​អ​ង្គ​ស​​ន្និ​បាត​ឱ្យ​​ចូ​ល​រួ​ម​ពិ​ចា​រ​ណាធ្វើ​យ៉ា​ងណា​រ​​កវិ​ធី​សាស្ត្រកែច្នៃនិងអភិវឌ្ឍន៍ខេត្តកំពតឱ្យកាន់តែល្អជាងមុន មានកំណើនសេដ្ឋកិច្ចបន្ថែមទៀត ដើ​ម្បីក​​សាង​អ​នា​គ​តរ​ប​ស់អ្នកខេត្តកំពតឲ្យកាន់តែប្រសើរ និងចូលរួមកា​ត់​បន្ថ​យ​ភា​ព​​ក្រី​​ក្រ​របស់ប្រ​ជា​ព​ល​រដ្ឋ​ឱ្យបា​ន​ជា​អតិ​បរ​មាដែលនេះគឺជាជោគជ័យដ៏ធំមួយសំរាប់សង្គមជាតិទាំងមូល បន្ទាប់ពីកម្ពុ​ជាបា​ន​ឆ្ល​ងកា​ត់​ដំណា​ក់កា​ល​ស​ង្គ្រាម​ដ៏ខ្មៅ​ងងឹ​ត​ជា​​ច្រើន​ និង​បាន​ទ​ទួ​លស​ន្តិភា​ព​ឡើង​វិ​ញ​ហើយ​បានត​ស៊ូក្រោ​កឈ​រ​ឡើង​ប្រឹង​ប្រែ​ងអ​​ភិ​វឌ្ឍ​ន៍​ខ្លួនបន្ថែមទៀតដើម្បីអនាគតកូនចៅជំនាន់ក្រោយកាន់តែប្រសើរឡើង ។

គួរកត់សម្គាល់ថា ក្នុង​រយៈពេលប៉ុន្មានឆ្នាំចុងក្រោយនេះ ខេត្ត​កំពត​ក៏បាន​កសាង​នូវ​សមិទ្ធផល​ទេសចរណ៍​សំខាន់ៗ​ជាច្រើនដើម្បីទាក់ទាញភ្ញៀវទេសចរ​ជាតិ និងអន្តរជាតិ មក​ទស្សនា​ និងសម្រាក​កម្សាន្ត​កាន់តែច្រើន ក្នុងនោះរួមមាន រូប​សំណាក​សេះសមុទ្រ​បាញ់ទឹក នៅ​ដង​ព្រែក​ខេត្ត​កំពត ​និងនាឡិកា​យក្ស​ បានទាក់ទាញ​ទេសចរមក​ទស្ស​នា​​កម្សាន្ត​នៅខេត្ត​កំពតកាន់តែច្រើនឡើងថែមទៀត ។

លោក​ សយ ស៊ីណុល ប្រធានមន្ទីរ​ទេសចរណ៍​ខេត្តកំពត​ បានមានប្រសាសន៍ថា​ ក្នុង​ឆ្នាំ២០២៤​កន្លងទៅ ខេត្តកំពត​ទទួលបានភ្ញៀវទេសចរ​មក​ទស្សនា​សម្រាក​កម្សាន្ត​ ប្រមាណ ២លាន​ ៦សែន​ ៧ម៉ឺននាក់ ក្នុងនោះ​ភ្ញៀវទេសចរ​អន្តរជាតិ​មានចំនួន​ ១០ម៉ឺន ​៨០០នាក់ ។

លោក​បន្តថា ​​ទូទាំ​ងខេត្តកំពត​ មានតំបន់ទេសចរណ៍​សម្រាប់ភ្ញៀវ​មកទស្សនា​កម្សាន្ត​ចំនួន ៤២កន្លែង​ ទាំង​ទេសចរណ៍​សហគមន៍​ ព្រៃកោងកាង​ ហើយ​ថ្មីៗនេះដែរ ខេត្តកំពត​ក៏បានសាងសង់​នាឡិកាយក្ស​ និង​រូប​សំ​ណាក​សេះសមុទ្រ​បាញ់​ទឹក និង​បានដាក់ដំណើរការ​កាលពី​ពាក់​កណ្ដាលឆ្នាំ​២០២៤ ធ្វើ​ឱ្យភ្ញៀវទេសចរ​កាន់តែច្រើនទៅលេង​ខេត្តកំពត ៕