AMS Economyម្ចាស់អាជីវកម្មថ្មីៗចង់ប្រឡូកវិស័យអេឡិចត្រូនិកគួរទៅផ្សារបោះដុំឃ្លាំងរំសេវថ្មីសែនសុខ
ភ្នំពេញ ៖ បច្ចុប្បន្ននេះ ផ្សារបោះដុំឃ្លាំងរំសេវថ្មីសែនសុខបានក្លាយជាទីតាំងដ៏ល្អប្រសើរសម្រាប់បណ្តាអាជីវករទូទៅ ជាពិសេសសម្រាប់អាជីវកម្មប្រភេទទិញ-លក់សម្ភារៈ និងមុខទំនិញគ្រឿងអេឡិចត្រូនិចយ៉ាងសម្បូរបែប និងកំពុងផ្តល់ភាពងាយស្រួលដល់ការទទួលបានអតិថិជនយ៉ាងច្រើន។
ជាមួយនឹងកិច្ចដំណើរការយ៉ាងរលូន និងមានប្រជាពលរដ្ឋក្នុង និងក្រៅតំបន់ផ្តល់ការគាំទ្រគួរឱ្យកត់សម្គាល់ ផ្សារបោះដុំឃ្លាំងរំសេវថ្មីសែនសុខ កំពុងបង្ហាញពីប្រជាប្រិយភាព និងភាពទាក់ទាញយ៉ាងខ្លាំង ដែលបានផ្តល់ឱកាស និងភាពងាយស្រួលដល់បណ្តាអាជីវករក្នុងការលក់ទំនិញគ្រប់ប្រភេទ ក៏ដូចជាសម្ភារៈផ្នែកអេឡិចត្រូនិកផងដែរ។
លោក សោម កែវម៉ាលីដា នាយកប្រតិបត្តិផ្សារបោះដុំឃ្លាំងរំសេវថ្មីសែនសុខបានមានប្រសាសន៍ប្រាប់ឱ្យដឹងថា នៅក្នុងផ្សារបោះដុំមួយនេះត្រូវបានអភិវឌ្ឍឡើងយ៉ាងយកចិត្តទុកដាក់បំផុតក្នុងនាមជាទីតាំងផ្គត់ផ្គង់នូវរាល់មុខទំនិញ និងសម្ភារៈផ្សេងៗដែលជាតម្រូវការចាំបាច់សម្រាប់ជីវភាពរស់នៅប្រចាំថ្ងៃរបស់ប្រជាពលរដ្ឋដែលរស់នៅក្នុងតំបន់ ក៏ដូចជាអ្នកដែលរស់នៅតំបន់ជុំវិញ។
លោកបានបន្តទៀតថា ៖
“នៅទីនេះ មានលក់ និងផ្គត់ផ្គង់មុខទំនិញគ្រប់ប្រភេទ ជាពិសេសប្រភេទគ្រឿងអេឡិចត្រូនិកតែម្ដង ដែលក្នុងនោះភាគច្រើនជាគ្រឿងទូរស័ព្ទតែម្ដង ហើយបងប្អូនដែលជាអាជីវករលក់ដូរបានបង្ហាញពីភាពរីករាយក្នុងការលក់ដូរប្រចាំថ្ងៃ ខណៈដែលពួកគាត់ទទួលបានអតិថិជន និងចំណូលច្រើនគួរសម”
លោក សោម កែវ ម៉ាលីដា បានមានប្រសាសន៍បន្តទៀតថា ៖
“ជាធម្មតានៅតំបន់ណាមួយដែលមានប្រមូលផ្តុំនូវផលិតផល និងសម្ភារៈចំរុះ គឺមានអតិថិជនសម្រុកទៅជាមិនខាន ហើយនៅពេលដែលមានមនុស្ស ឬអតិថិទៅច្រើន អាជីវករប្រាកដជាលក់ដាច់ និងទទួលបានចំណូលច្រើន។ ជាក់ស្ដែងនៅផ្សារបោះដុំឃ្លាំងរំសេវថ្មីសែនសុខនាពេលបច្ចុប្បន្ននេះ គឺមានប្រមូលផ្តុំទៅដោយផលិតផលចម្រុះយ៉ាងច្រើន ជាពិសេសសម្ភារៈផ្នែកគ្រឿងអេឡិចត្រូនិកតែម្ដង ដូច្នេះសម្រាប់អ្នកដែលមានអាជីវកម្មផ្នែកគ្រឿងអេឡិចត្រូនិកស្រាប់ ជាពិសេសសម្រាប់អ្នកដែលកំពុងមានបំណងបង្កើតអាជីវកម្មថ្មីក្នុងវិស័យគ្រឿងអេឡិចត្រូនិក អាចមកកាន់ទីតាំងផ្សារបោះដុំឃ្លាំងរំសេវថ្មីសែនសុខ ដើម្បីដំណើរការអាជីវកម្មប្រកបដោយភាពរលូន និងទទួលបានផលចំណេញច្រើន”
លោក កិន សីហា ជាងជួសជុលទូរស័ព្ទម្នាក់ស្ថិតផ្សារបោះដុំឃ្លាំងរំសេវថ្មីសែនសុខបានមានប្រាប់ឱ្យដឹងថា ជារៀងរាល់ថ្ងៃលោកតែងមានអតិថិជនចូលមកតូបរបស់លោកជាប់ជាប្រចាំ ដែលក្នុងនោះមានអ្នកខ្លះយកទូរស័ព្ទដៃមកអ៊ុតស្គ្រីន (ស្គ្រីនពេញ ស្គ្រីនថ្លា ឬស្គ្រីន private) ខ្លះយកមកជួសជុស ឬប្ដូរអេក្រង់ ខ្លះទៀតយកទូរស័ព្ទមកបិតតុបតែងលម្អផ្សេងៗ ហើយក៏មានអ្នកខ្លះយកទូរស័ព្ទមកលក់ និងទិញប្ដូរស៊េរីផងដែរ។
លោកបានបន្ត ៖
“ជាទូទៅ ចំពោះតម្លៃបិតស្គ្រីនមានចន្លោះពី ១-៥ដុល្លារ អាស្រ័យលើប្រភេទស្គ្រីនដែលបងប្អូនយើងចង់បាន ក៏ដូចជាម៉ូដទូរស័ព្ទជាដើម។ ជាប្រចាំថ្ងៃ យ៉ាងហោចណាស់ខ្ញុំអាចរកចំណូលបានប្រមាណ៣០ដុល្លារពីអាជីវកម្ម និងមុខជំនាញមួយនេះ ដោយការបិតស្គ្រីទូរស័ព្ទជាតួនាទីរបស់ប្រពន្ធខ្ញុំ ហើយសម្រាប់ការជួសជុល និងបច្ចេកទេសទូរស័ព្ទវិញជាតួនាទីរបស់ខ្ញុំ ក្រៅពីនេះ ខ្ញុំក៏មានលក់គ្រឿងលម្អរទូរស័ព្ទ និងសម្ភារផ្សេងៗទៀតជាច្រើន”
លោកបានបញ្ជាក់ថា ៖
“ខ្ញុំទើបតែផ្លាស់ប្ដូរមកទីតាំងថ្មីនៃផ្សារបោះដុំឃ្លាំងរំសេវថ្មីសែនសុខនេះតែប៉ុណ្ណោះ ពីមុននៅទីតាំងចាស់មានសភាពស្ងាត់ មិនសូវមានភ្ញៀវមករកទិញ-លក់ ឬជួសជុលទូរស័ព្ទនោះទេ មានថ្ងៃខ្លះសូម្បីម្នាក់ក៏គ្មាន ប៉ុន្តែបន្ទាប់ពីបានផ្លាស់មកកាន់ទីតាំងថ្មីនេះឃើញថាមានមនុស្សឆ្លងកាត់ច្រើន ជាទីប្រជុំជន មានបណ្តុំបុរី និងរោងចក្រច្រើន ដែលអាចមានភ្ញៀវមកទិញទូរស័ព្ទ និងសម្ភារៈទូរស័ព្ទផ្សេងៗ ជាពិសេសអ្នកមកបិតស្គ្រីនគឺមានច្រើន ដែលអាចទទួលបានចំណូល និងចំណេញគួរសម”
គួរបញ្ជាក់ផងដែរថា ផ្សារបោះដុំឃ្លាំងរំសេវថ្មីសែនសុខ ជាផ្សាររៀបរយមានស្តង់ដាយ៉ាងត្រឹមត្រូវដែលយកចិត្តទុកដាក់ខ្ពស់ក្នុងការផ្តល់នូវអត្ថប្រយោជន៍ដល់គ្រប់អាជីវករ និងទទួលបានការគាំទ្រពីសាលារាជធានីភ្នំពេញដែលចេញលិខិតអនុញ្ញាតកាលពីថ្ងៃទី២៦ ខែមេសា ឆ្នាំ២០២២ ចុះហត្ថលេខាដោយឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ៕
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ស្វែងយល់ពីអាថ៌កំបាំងនៅពីក្រោយភាពក្លាហានរបស់ប៉ូឡូញ ដែលហ៊ានប្រឈមមុខផ្នែកយោធាជាមួយរុស្ស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 05/11/2026
បរទេស ៖ ទំនាក់ទំនងរវាងប៉ូឡូញ និងរុស្ស៊ី បានឈានដល់ភាពតានតឹងសាជាថ្មីក្រោយពេលដែលនាយករដ្ឋមន្ត្រីប៉ូឡូញ លោក Donald Tusk ប្រកាសជាសាធារណៈអំពីការពង្រាយកងកម្លាំងបន្ថែមនៅតាមព្រំដែនភាគខាងជើង ជាប់ Kaliningrad ដែនដីរបស់រុស្ស៊ី បន្ទាប់ពីមានសកម្មភាពគួរឲ្យសង្ស័យចេញពីទីនោះ។ លោក Donald Tusk បានបញ្ជាក់ថា អាជ្ញាធរប្រទះឃើញមានមនុស្សបំភ្លឺពិលនាពេលអធ្រាត្រនៅព្រំដែនជាប់ Kaliningrad ដែនដីរបស់រុស្ស៊ី
ប៊ុលហ្គារីចាប់ផ្តើមដាក់ពង្រាយរថពាសដែក Stryker ក្នុងគម្រោងទំនើបកម្មយោធាដ៏ធំ
ព្រឹត្តិការណ៍, អាជីវកម្មថ្មី និងនវានុវត្ត
• 05/11/2026
ងកម្លាំងជើងគោកប៊ុលហ្គារីបានទទួលរថពាសដែកទំនើបប្រភេទ Stryker ផលិតនៅសហរដ្ឋអាម៉េរិកចំនួន ៥គ្រឿងដំបូង ដែលជាផ្នែកមួយនៃគម្រោងទំនើបកម្មវិស័យការពារជាតិទ្រង់ទ្រាយធំ ដោយមានការបញ្ជាទិញយានយន្តប្រយុទ្ធ និងយានយន្តគាំទ្រផ្នែកភស្តុភារសរុបចំនួន ១៩៨គ្រឿង
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ដំណាំស្ពៃបូកគោពូជជប៉ុន ដែលដាំដុះលើទឹកដីខេត្តមណ្ឌលគិរី កំពុងទទួលបានការគាំទ្រពីអតិថិជន និងមានតម្រូវការខ្ពស់នៅលើទីផ្សារ ទាំង...
នាយករដ្ឋមន្ត្រីកាណាដា លោក Mark Carney គ្រោងចូលរួមកិច្ចប្រជុំកំពូលអាស៊ានលើកទី៤៩ នៅទីក្រុងម៉ានីល ប្រទេសហ្វីលីពីន ដើម្បីជំរុញកា...
រធ្លាក់ចុះនៃតម្លៃភាគហ៊ុនក្រុមហ៊ុនធំៗដែលមហាសេដ្ឋីអាម៉េរិក លោក Elon Musk កាន់កាប់ បានធ្វើឱ្យទ្រព្យសម្បត្តិសុទ្ធរបស់លោកថយចុះប្រមាណ ៣០ ពាន់លានដុល្លារ ប...
កំពង់ផែទឹកជ្រៅក្រុងព្រះសីហនុដំណាក់កាលទី១ ដែលមានតម្លៃ២៤៣លានដុល្លារគ្រោងនឹងបញ្ចប់ការសាងសង់នៅឆ្នាំ ២០២៧ខាងមុខជាមួយនឹងក្តីរំពឹងថាកាត់បន្ថយថ្លៃដ...
ឡាវ និងចិនបានព្រមព្រៀងពង្រឹងការតភ្ជាប់បណ្តាញផ្លូវដែក ការអភិវឌ្ឍច្រករបៀងសេដ្ឋកិច្ច និងពង្រីកកិច្ចសហប្រតិបត្តិការលើវិស័យបញ្ញា...
រាជរដ្ឋាភិបាលកម្ពុជាបានបញ្ចេញថវិកាចំនួន ១.២ ពាន់លានដុល្លារអាម៉េរិក ដើម្បីអនុវត្តគោលនយោបាយអន្តរាគមន៍សេដ្ឋកិច្ចសំខាន់ៗចំនួន៣ ...
បរទេស ៖ ទំនាក់ទំនងរវាងប៉ូឡូញ និងរុស្ស៊ី បានឈានដល់ភាពតានតឹងសាជាថ្មីក្រោយពេលដែលនាយករដ្ឋមន្ត្រីប៉ូឡូញ លោក Donald Tusk ប្រកាសជាសាធារណៈអំពីការពង្រាយកងកម...
ងកម្លាំងជើងគោកប៊ុលហ្គារីបានទទួលរថពាសដែកទំនើបប្រភេទ Stryker ផលិតនៅសហរដ្ឋអាម៉េរិកចំនួន ៥គ្រឿងដំបូង ដែលជាផ្នែកមួយនៃគម្រោងទំន...
កម្មវិធីពិសេសរបស់ AMS ECONOMY
